بارت خاااااااااااااااااااااااااااااااااااااااااااااااص
صباح يوم مميز من روايتنا...قلوب ستتجتمع بعد فراق....
الساعه تسع الصباح:
قامت وأبتسامتها محليه وجهها ...خدها مورد ومزاجها لايوصف...نزلت من سريرها ..وبدت ترتبه وهي تدندن ومبسوطه..وتحمدربها على الي هي فيه..
نقزت من صوته:ماشاء الله عالحلوين الرايقين..ورود تسمي على نفسها ويدها على قلبها وبصوت أقرب للهمس:خوفتني...وليد قرب وباس جبينها:أسف يقلبي..ورود بحيا:لاعادي قلبي حصل خير..
وليد يبعد ويروح لتسريحه ويتمشط:يله جهزي نفسج عشان أنزلج بيت أهلج واروح الدوام..ورود ترفع عينها بالساعه:صح ليش مارحت..وليد ببتسامه ويطالعها بلمرايه:مانمت زين من الوناسه. بصير ابو....وغمز لها...لفت وراحت (الله يكرمكم)دورة المياه ...وهو ضحك على حياها ..وبعدها تجهز وطلع الصاله...
.............................................................................................
لمكان بارد جدا ...ريحة عطر أنثوي مالي المكان...الجو أقرب للعتمه....فتحت عيونها بهدؤ...وهي تتحسس مكانه الفاضي..فتحت الأبجوره على نور خفيف...وجلست بكسل
بعد خمس دقايق..قررت تقوم ..عندها ليوم جدول مزحوم ..اخت المعرس..الله يعينها...راحت لستاره وفتحتها وخذت نفس طويييييييييل...وبعدها خذت شور وصلت الضحى....وعاى طول رنة على ليان..الي ماردت عليها
..................................................................................................
الجو عند العروس مخخخخخخخخخخخخخختلف....قايمه من الساعه سبعه.....مكشره ومبوزه
ونعسانه....تعالو نشوف الموضوع من البدايه...ههه
كانت ليان نايمه فأمان الله...جو هادي بارد منعش...غلطت حياتها أنها ماقفلت الباب..ولاحطت سدادت كالعاده...هلمره نامت بدري بدون أحطياطات ...وكانت المفاجاءه...
فعز النومه الساعه سبعه الا عشر
ام نايف تقتحم الغرفه وهي (تلولش...تيبب...تزغرط...تغطرف...لولولولوليش)كتبها بكل لهجات الي اعرفها ههه
وتفتح الستاره بكل قوه وهي تيبب وتصفق:يله يالعروس قومي بسج نوم....
ليان تشوفها بنص عين :ماما الله يخليج خليني شوي...ام نواف وهي تشد البطانيه:لامافي عن الكسل قومي...
ليان:تكفين يمه...طيب كم الساعه الحين...ام نواف تصغر عيونها عشان تشوف:بتجي تسع
ليان :اوف ماشبعت نوم...وراحت تغسل وهي مبوزه...بينما أمها طلعت وهي مبتسمه و تيبب...راحت لرنده المسكينه وسوت معها نفس الحكايه...
(معليه لاتلومونها يامتابعين ...فرحانه ...فصل مخها هههههه)
ليان بعد ماصلت أنتبهت لساعتهاأنها توها تصير سبع وربع...وعرفت أن امها تبيها تقوم
عشان كذا ماقالت الوقت الصحيح...أبتسمت عاى حركات أمها وجلست على مكتبها تشيك للمره الالف على طلبات اليوم ..وتنعس وشوي راسها بيصدم بالطاوله ..قطعت عليها دخلت رنده وهي تبكي من القهر..على حركة أمها هههههه(ام نواف دمرت نفسياتهم اليوم)حضنتها وهدتها وبعدها ..قررو ينتقمون..
.......................................................................................
ليان:يمه...ام نواف:هلا بالغلا هلا بعروستنا..ليان وهي تحك راسها: هلا فيج..ماما أتصلت أم راشد..قالت تبيج ضروري..ام نواف ترفع حاجبها:وراها ماتصلت علي ...ليان: شدراني ..دقت مريم وقالتلي...
ام نواف:الله يهديها هالمريم لو تقعد تقابل أمها أحسن من الشغل...
ليان وهي تتثاوب:يمه شعلينا من الناس..لمهم أنا بروح أجهز عشان اروح المشغل..
أم نواف :زين أجل أنا بروح أشوف شتبي..مسكينه ضعيفه...وتحبني وايد وتحب سوالفي هههه..أمج توسع الصدر.
ليان:ههههههه...بذي صدقتي...وشويات راحت ..............ورجعو رنده وليان لسبات بعد مافقلو البيبان عليهم ههههه...
طبعا الخطه كانت انو ليان أتصلت بمريم وطلبت النجده وقالتها الوضع...ومريم تكفلت بالباقي راحت لامها...ونصبت عليها وقالت ان ام نواف متصله تبي تجيها تغير جو مضغوطه من تفكير بزواج هههه...وبعدها راحت العمل وشغالات جهزو الضيافه..
.................................................................................................... ......
في فيلاأخرى بطابع أخر حماس من الصباح...صاحين ومبسوطين...ماكأنهم سهرو البارح..
أتصلو على المشغل تأكدو من حجزهم ..وجلسو يفطرون وحدهم مستمتعين
سمر:اوه نسيت أتصل على نور أشوفها وين بتسوي مكياجها..
الهام:ههه بدري....شدعوه اليوم الزواج توك تسألين..
سمر تضربها على خفيف:ياحبج لشماته..قصدي بشوفها ...معنا بنفس المشغل ولا لا
الهام وهي تشرب عصير:نفس الشي..سمر قامت وشالت جوالها:خلني أروح عنج أحسن.هههه
واول مابعدت شوي رن الجوال فجاءه ونقزت ورمته عالأرض....الهام +سمر:ههههههههه
سمر:لاتضحكين وأنت تاكلين لاتشرقين..
الهام تمسح فمها..وتأخذ نفس من الضحك:خلاص ماعاد أبي أكل...وسعتي صدري شبعت ههههه......ردي على تلفونك أنتحر...شكلو شخص مصر تردين هههههه
سمر وهي تضحك من مسخرة الهام..جلست على الكنب:حساد فيج مابرد...ادري تبين تعرفين مين...
الهام تأشر بصبعها بلا...وهي لازالت تضحك..
سمر:لاتحاولين...وقمت شالت جوالها ...ومدت لها لسانها..وراحت عنها...
الهام بعد ماسكتت..حمدت ربها على علاقتهم الحلوه ...وتمنت لوكان عندها أخت تضل معاها على طول...
طرت فبالها أمها...فتصلت عليها..وجلست تسولف معها وهي مبسوطه...وحكت لها جدول يومها...وخذتهم السوالف...
أما سمر كان المتصل رائد....عنده بريك وجلس يسولف معاها ...ويذكرها بحملها عشان ماتتهور بزواج ههههه
.............................................................................................
قامت ...تروشت ...السواق ويوديها ...وعتلفون على طول
شهد بحماس:يعني متى بتروحون بضبط..
هديل:عاثلاث...
شهد:اوك حلو...أنت برا شكلك..
هديل:ايوه ..تحسبيني زيج ..الساعه بتصير حدعش ولسه تثاوبين.
شهد:هههههه شسوي من سهره والله...صح رجعنا بدري بس خلود تأخر برا..والله مت من لنعاس لمن شرف...وبكل بساطه يقولي ليش مانمتي..
هديل:هههه اوه ..لساتكم عرسان تعودي من الحين عسهرههه
شهد:لالاتقولين ...أنا ماحب السهر....
هديل:هذاك زماااااان الحين قولي لراحه بيباي...هههه
شهد:لاتفاولين علي...يله عطلتيني بروح أجهز أغراضي...
هديل:شف أنا الي عطلتج ...مين المتصل..ههه اوك يله سلام أشوفج بلمشغل...
شهد:فمان الله..
وبدت ترتب أغراضها وهي تدندن ومبسووووووووطه...
...............................................................................................
حتى معرسنا صاحي من التسع بمزاج رايق...راح سواله سونا ومساج ..وتلفونات ماوقفت من يوم صحا ولسه عنده زحمة ترتيبات..
أتصل بعروسته ...الي ماردت فحسبها مشغوله...وهي فعلا مشغوله بنوم هههه
.................................................................................................... ......
الساعه 12
صاحيه مبسوطه للأول مره زواج مابيهاوشها عشانه...تبي تنبسط قد ماتقدر...وطبعا شي أساسي عندها تكون أجمل وحده بزواج......فشاده حيلها ومختاره أجمل ماعندها..وتتحرك بأاقل من مهلها عشان توفر طاقه لزواج ههههههههههههه...(هنوف وزواجات عشق لاينتهي)
لمن خلصت أتصلت على أمها وجاء السواق خذها عشان تروح المشغل مع أمها مره وحده لعصر...ابراهيم مشغول...زواج صديقة عمره ..وأخته الي ماولدتها أمه...عمرها ماشافته فرحان زي فرحته هالفتره...حتى السوق ودها بدون مايعلق...وكان يسألها وشناقها لزواج
لدرجة أنها حست بغيره...بس مابينتها له...لا بعد كملها وقالها انه اليوم بيستأذن من لوحده عشان يلحق يحلق ويتزبط...وهي تروح بيت أهلها..لأنه بينشغل الى ليل...بس بيرجعها معه ...ههههه(كثر خيره)
.................................................................................................... ..........
الأجواء جميله ...الكل مبسوط مهما أختلفت النسب....كل وحده حاسه بأنه زواجها مو زواج صديقتهم...أتمنى أنتو كمان...تنبسطو من الزواج ويعجبكم...والدعوه عامه لجميع المتابعين..
....................................................................................................
صحت ليان على صوت الضرب القوي علباب...الي مافادت معاه سدادات ...هههه...
قامت منعنشه تحس شوي تجدد نشاطها..فتحت الباب...
ام نواف يدها بخصرها وثانيه شايله فيها _(الله يكرمكم)شب شب البيت
...طبعا فهمتو الفكره ..هههه كانت تضرب لباب فيها...
رمتها على الأرض بغيض:والله لوماأنج عروس كان وريتج شغلج...ليان تحضنها:ليوم بروح عنج يالغاليه أهون عليج تضربيني...ام نواف تبعدها وتمسح دموعها بطرف شيلتها:لاذكريني...المهم تراج تأخرتي الناس ظهر...ليان تبتسم حفظت الحركه:اوك يالغاليه الحين ثواني وانزل..أم نواف توخرها وتمد يدها ورا الباب وتسحب المفتاح :عشان ماتقفلين...وراحت
ليان:ههههه ههههههه هههههههههه افاا يالوالده راحت الثقه...
موكشكله...أستاهل...دخلت تروشت ....واول ماطلعت بغى يغمى عليها لما شافت الساعه
كانت وحده ونص...هلمرة امها صادقه....صلت الظهرودموعها بعينها...حجزها ثنعش ونص
ههههههه...(هذا جزات الي يكذب على أمه)
فتحت جوالها...شافت الف أتصال ومليون رساله وملياررساله علواتس مابين صوتي ومقرؤ
خذت نفس طويييييييييل...حطت جوالها...وشيكت على شناطها للمره الأخيره ...بدلت ونزلت
شربت عصير ليمون ونعناع...عشان تروق وطلعت رايحه للمشغل بكل ثقه أنهم ماراح يطرونها ههههه....
وصلت تتبسم الساعه ثنتين ودخلت وهي تدعي مايكون حجزها تكنسل...استقبلتها صاحبت الحجوزات وخبرتها أن حجزها مانلغى بس قبل لاتفرح...... صدمتها بأنه تأخرههههههه...يعني قدمها عروس وحده..وانتو اعلم شو يعني عروس
طبعاً بما أنهم ماشاء الله مجموعه حجزو المشغل لهم هليوم ..بس العروس ذي واهلها كانو حاجزين قبلهم فماقدرو يكنسلونه...فلمشغل مافي غيرهم هم..وخوات العروس الثانيه الي هم أختين وأمهم...رنده استمتعت وهي تحوس بلمشغل مافيه أحد تدخل من غرفه لغرفه...وتتعبث بالأغراض...طرت على بالها عنود فعزمتها بدون أستأذان هههه...خطيره رنده
وطارت على الأستقبال تحجز لها مدام مافي غيرهم ولمشغل على حسابهم...ورجعت قالت لها أنو خلاص حجزت فكنسلت عنود حجزها وجات بعد مامرت وجابت غدا لها وليان ورنده..
جلسو يتغدون وفالينها ومبسوطين..عدا ليان الي طلبت لها مع شلتها بعد مايوصلو...
رن جوالها وكانت متوقعه وحده من شلتها لكن كان توقعها مو محله...
ليان:هلا وغلا برهوم..
أبراهيم:هلافيج ...انت وين؟
ليان:هههه يعني عروس وين بكون؟
أبراهيم:ههههه ادري أنج بلمشغل بس وين محله..
ليان بستغراب:ليش؟
ابراهيم:شفيج عندي شي من أمي قالت أعطيج ياه...مناوله...
ليان:غريبه شعندها ...اوك تعرف.....ووصفتله عشر دقايق وجاها....
أبراهيم:يله أطلعيلي...ليان لبست عباتها وطلعت..
اما عنود ورنود راحو يسون لهم مساج وشغلات ...قبل المكياج..
...........................................................................
ليان تركب قدام.:حيا الله صديقي...عاش من شافك....
أبراهيم وهو يحرك:الله يحيج....
ليان موسعه عيونها:وين رايح....
أبراهيم:ههههه بخطفج...
ليان:لاصج وين...
.ابراهيم وقف بعيد شوي عن المشغل فتح درج السياره وطلع علبه...ومدها لها..ليان بستغراب:شنو هذا....
ابراهيم بحرج:شي بسيط أتمنى يعجبج...انت اختي وزواجج مناسبه عزيزه على قلبي...
ليان طاحت دمعتها من كلامه...فتحت العلبه:كان سلسال ذهب...وفيه الماس مكتوب أسمها..
ليان بصوت مخنوق:مشكور ...أبراهيم ...والله ماعرف شقولك...
ابراهيم وهو راجع للمشغل:ان شاء الله تعجبج...مالي بذوق البنات...
ليان:لاوالله تهبل...ولبستها على طول من تحت الشيله...وهو ابتسم من حركتها
ابراهيم:قدرج اكبر...تراني بعدت عن المشغل عن عيون العالم والكلام...
ليان:ههههه يعطيك العافيه...وقبل لاتنزل لف وشال كيس من الكرسي الخلفي وعطاها ياه...
ليان نزلت بدون ماتتكلم يمكن الشي الي من عمتها سعاد ...ودعته ودخلت
واول ماجلست ...راحت بزاويه وفتحت لكيس...حصلت علبه فيها ساعه تجنن..وطقم عطر مع لوشن..وعلبه صغيره فيها بروش ...وبعدين كرت فتحته...
الى صديقة الطفوله..وأغلى أخت عندي...ليونه...سعادتي لاتوصف
أعرف أن هديتي متواضعه...فكنوز الكون لاتكفي...ولكن أعتبريه تذاكر بسيط..
اخوج:أبراهيم..
ابتسمت ورسلتله مسج شكرته من أعماقها...هذي اول مره يدلعها بحياته...هي تدري انه يعزها..بس لانه ساكت ماكانت تعرف شقد...ولاتوقعت منه هالحركه...
(والله طلعت مو هين برهوم هههه)
....................................................................................................


ثلاث ونص اكتملو البنات وجلسو يسولفون ويتغدون ...قلبوه مطعم ههههههه....ودخلو خوات
العروس الثانيه وأمها جو معاهم..
وبعد المهرجان الي سوه عساعه اربعه بدو العاملات بلبنات...
اما ليان المسكينه...منحشره من السشوار وكل شوي رايحه عند وحده تحارشها...أو تطنز عليها...(ههه..من الفضاوه)..
عالخمسه ونص طلعت هديل:تراااا شرايج...ليان:واو من أنت
هديل بغرور مصطنع:شدعوه ماعرفتيني ..انا هدوله...ليان وهي تضحك على حركتها:لاتصدقين ماعرفتج...
وشوي دخلت شهد:بنات كنها مكثرلتي لمعه ...وطالع نفسها بلمرايه وبتكشره تأشر على وجهها:موحلو صح...
ليان+هديل:لاوالله تهبيلين ههههه...ليان:شفتي قلناها مع بعض...
شهد:امري لله حتى لو شين مايمدي أغير...هديل:قلنالج حلو عن النكد..
شويه ودخلت رنده وبعدها عنود...كانو مسوين نفس بعض...
هديل تلف على ليان بستهبال:ماقلتيلي أن عندج أخت ثالثه...شهالخيانه...
ليان:وشهالزين طالعين تهبلون...بس بدون زعل عنود.. رندوه أحلى...عنود تبوس وتحضنها رنده:ادري أنها أحلى فديتها بعد عمري...
الجميع...هههههه....ليان:بعدي عن أختي لتعلمينها الأنحراف..هههههه
عنود:هه بعدنا ترى حضنتها وشسويت أنا...رنده بحيا من هالحفله الي صارت:خلاص عاد... وحدكم عن صديقتي....ليان تهز حوجبها:وليه مستحيه طيب...وغمزت لها ورجعت تضحك
شوي دخلت سمر:وصفرو كلهم...سمر تجلس بتعب.: هههه...وربي أنكم موصا حين... ...ماطلعت لهو؟
رنده:لالسه نستناها أكيد بتطلع ....واو...سمر تضربها بخفيف:ذكري الله على أخت زوجي لايجيها شي...رنده:ماشاءالله ماشاءالله لاتقولين بعد...
وبعدها جت نور والهام والبقيه وكل وحده كانت أجمل وأروع من الثانيه...
خلصو عساعه خمسه ونص وراحو لبيوتهم يجهزون عدا رنده وعنود الي ضلو مع ليان
الي مادخلت الا سته الا ربع متى بتخلص الله أعلم...
تجمعوا عليها كم وحده وبدو يشتغلون عليها...كأنهم ينتقمون منها على تأخير ههههه
.........................................................................................
الساعه ثمان ريحة البخور تملاء المكان...
القاعه بكسوارها السكري والأبيض المموه بفضي...كانت قاعة فخمه للأبعد حد..
كبيره جداً...الورد الطبيعي مالي المكان شمعدانات ورد عالطاولات وفي زوايا وعلى طول الجسر...ودررج العروس الي بتنزل منه ...كان مفروش بفرش احمر مخملي ...اما الدربزين فكان..ذهبي مطقم بوحدات من القضي وبين الفراغات كانت نازله كرستالات حمرا معاها ورد أبيض...
(شغلو خيالكم يله وكل وحده ترسم زي ماتحب)
الكراسي كانت ملبسه بشكل أنيق..
والعاملات حدث ولا حرج كانت فساتينهم عباره عن ستان أبيض لامع .. بأكمام نص...الفستان عالجسم تحت الركبه بشوي ..نظامه لف.. حول الكم وطرف الفستان فصوص صغيره..فضيه ..و على شعرهم المنسدله..بشكل جميل ورد صغيييره بيج...وكعب بيج فمقدمته ونهاية الكعب فضي...وقفازات داتييل...
فستان ناعم جدا وأنيق...وجمالهم الأسيوي محلي الفستان...وبياضهم حكاااايه....وروج احمر صارخ....ومكياج لبناني خفيف...طالعين احلى من المعازيم ههههه
.......................................................................................
ام نواف تمشي وتكبر وتهلل وتذكر الله على الي تشوفه....وتفاجاة من المضيفات الأنيقات
كانو ذوق ومرتبات..خذو عباياتها وعلقوها...مدو لها المبخر...وبخروها وطيبوها...
بعدها راحت تدور بلقاعه وتتعرف عليها...شوي وصلت أم بدر وكانت شي خيال
عالرغم من كونها ستينيه لكنها لازالت أنيقه...وجسمها رشيق ...وطولها حلو
وققفت عند الباب بهيبتها تستقبل لضيوف...وبجنبها هديل وعالجهه المقابله وقفت ام ليان..و سعاد(ام أبراهيم)
شويات وصو البنات ... شهد والهام ونرجس..ورود..وسمرونور..جلسو فطاوله قريبه من المسرح عشان الحش هههههه....
..........................................................................
الهام تدخل وحده من لغرف :شنو شتقولين ..ماكنت أسمع...بعد أنتو مسوين الهوايل...ليش فرقتين...
ليان الي تسوي نفسها تدري:لازم هذا زواج الشيخه ليان...الهام:اوه يشين الغرور المهم...شبغيتي
ليان:تكفين تعالي وخلي هالمراجيج يروحون...ذبحوني وهم يحنون على راسي...حتى الكوفيره عصبت هههه
الهام :ههههههه....خلاص مومشكله شويات وجايه...راحت لنرجس وخبرتها أنها بتروح تجيب ليان وطلعت...وتبادلو الأدوار.هههه..
ليان وهي مسكره عيونها:معليه طلعتج من لعرس...الهام تمدد رجلها عالكنب وتحط مخده وراها:عادي فداج...كم ليون عندنا...ليان:تسلمين...ماقلتيلي كيف الأجواء...الهام بكذب:بصراحه بدون زعل..مومره...والقاعه صغيره صراحه..
ليان بصدمه:لاعاد...الهام تخبي ضحكتها:سكتي بس لايخرب مكياجج...ترى الفلبينيه معصبه...كل ماتحركتي كشرت هههه...
ليان تضحك وهي مسكره فمها...الهام:هههه ماتقدر ماتتكلم تموت ههههه...وضحكت ليان وتحركت بقوه...وعصبت الكوفيره من جد:مدام ليش كدا....في خربان...مشكل بأدين أنتا تأكير.سوي زعلان(ليه كذا مدام...خربتي لمكياج...بتصير مشكله وبتتأخرين وبتزعلين )
سكتت ليان بعد ماعتذرت ومع طول لصمت والبراد والهدؤ...نامت الهام هههههه....بيروح المكياج هههههه...كويس أنها صلت العشاء ولا كان غسلته عشان تتوضاء
(صح تذكرت في حريم يفتون من مخهم وعلى كيفهم فيجمعون الصلوات.... ولا يقضونها يوم ثاني..عشان ماتخرب التسريجه والمكياج .احب أبشركم انكم تعبتو نفسكم عالفاضي...الله مايقبل العباده الا زي مانزلها مو زي ماتحبون..مايجوز ياحلوات لاللعروس ولا غيرها لاتجمع ولاتصلي يوم ثاني ولاتأخرها
...صلي بوقتها بلى لعب وفتاوى من جيبج
وبنسبه للي تمسح عالمكياج ...ترى مايجوز يحلوه لزم تغسلينه لان المكياج اغلبه يمنع الوضوء خاص الي بلمشاغل.يكون ضد الماي ..
تسوين ذكيه وتمسحين عليه...عيدي الصلاه الله لايهينج هههه)
.................................................................................................... .....
نرجع لعرسنا..
رنده تجلس وهي تاخذ نفس.:خلاص توبه مابرقص...سمر وهي تصبلها ماي:ماظنيت
رنده شربت شوي:يختي نشبتلي عجوز..خلاص ماني راقصه...عنود:ليه وشتبي..
نور تهز حواجبها:بتخطبك لولدها عجبتيها...رنده: خل تولي زين...الكل :هههههه
سمر وهي تضحك:ليش ماتبين تعرسين...رنده بتكشيره:هذي من لحين نشبه كيف بعدين...
عنود وهي تضحك:استغفري ربك...لاتغتابينها...من زينك ترى نمزح...وقبل لاتكمل كلامها
طقو الغنيه الي تحبها رنده...فوقفت ورمت الكعب تحت الطوله وراحت تتمايل للجسر ...الجميع ..هههههه....نور:هذي الي بطلت...عنود وهي تضحك:يارب تمسكج بزاوية وتطلع عينج من الأسئله...هههههه...طبعا رنده تمثل أنها طرشى وترقص وماكأنها تسمع شوي تحمسو نور وعنود وقامو معها...وسمر تصفق متحمسه وتأشر لنرجس تقوم....طبعا الكل رقص سمر مرتين ...ونرجس رقصت كمان كم مره....وشلة ام نواف عجايز الحاره ههههه...وام بدر
وملكة الرقص بعد عنود هنوف هههه
الكل كان مستمتع حتى العاملات كانو يرقصون تحت...لان الطقاقه تحمست وغنة بكل لغات ولهجات حتى سلو ...ههههه....
...................................................................................................
فزاوية أخرى
ام راشد تصغر عيونها:ام نواف وين غشوتج....ام نواف تقرب منها:هذهي يوخيتي...وتمسكها طرفها...ام راشد تقربها من عيونها:الله وكبر ينوير ...فصختي الحيا...وشهالغشوه الرقيقه...لاحول ولا قوة الا بالله...فسدو الحريم...
ام نواف وسط نوبة ضحك:يوخيتيي الله يهداج....هذي زينه...ما أطلع فيها...ليش و ش
شايفتني...هههه...يحليلج
ام راشد براحه:اشوا احسبج...تسوين مثل هالمتصيبيات(العجايز الي يسون نفس حركات البنات)...موضه وخرابيط...
ام نواف وهي توقف:هههه لا...الأصلي مايتغير ...عن اذنج...
وراحت وهي لازالت تضحك على ام راشد...وكانت مبسوطه من كل قلبها ...مافي شي ينكدها غير بناتها...رنده الي جنت ومو راضيه تجلس...وليان الي وصلت الساعه 11وهي ماشرفت لاوقافله جوالها ههههه...
.................................................................................................... ...
في مكان أخر مجلس فخم وراقي لايقل فخامه عن قاعة النساء...لكن طبعا لابد من لمسة الرسميه كونهم رجال بصفه عامه..ورجال اعمال بصفة خاصه
المجلس كان فريقين ...فريق قلبو الزواج شركه وصفقات واستغلو الوضع ...هههه
وفريق هلك من الرقص...فالسامري والعرضه (العرضه رقصه شعبيه...خليجيه...تكون على هيئة صفين متقابلين..ويحركون...اياديهم...اما بسيف أو بدون...وتختلف طريقتها من مكان للأخر لكن فكرتها وحده...)
خالد يترك يد ركان بقهر:شفيك أنت شدعوه ماعمرك رقصت...ركان بستهبال:انا ماارقص الا راب...
خالد:اخ لو سعود هنا كان فله...شف بس جالسين كنهم شياب,,اخ يالقهر ..زواج اختي واجلس(طبعا كان يأشر على نايف ونواف ههههه...وهو مقهور منهم)
وقبل لايكمل بدا الطق وراح دخل بلصف قبل لايعرضون عنه ههههه....
وبعد شوي دخل ابورائد ومعاه ابوراشد...فتحمسو الشباب... ودخل نواف
وشوي دخل نايف وكان رقصه جميل جدا وغير متوقع...وكان بدر يطالعهم وهو مبسوط فوق الوصف...شوي جاه خالد وصلاح وسحبوه ومسكوه سيف ورقص...
وساعه 11ونص راحو للعشاء...بعدها فضت القاعه وما بقى غير ربع الأستراحه وقلبو الوضع ضحك ووناسه...وضلو ينتظرون زوجاتهم...
.................................................................................................
الساعه ثنعش ونص شرفت عروسنا بعد ما أ م نواف بكت من القهر والحره هههههه
وعلى طول لبسوها ....وجهزو الزفه...كانت بدر نازل على الأرض.. مكياجها كان راقي وناعم..لبناني .ومخليها شي ثاني...............فستانها سكري على الجسم بكم جبنيز. لمعان الفستان عاكس بوجهها..............يدها مزينه بلحنه السودا والبني..الى المرفق(الكوع)...وبعدها نقشه زي الأسوره في العضد..الزند...(تحت الكتف بشبر وشوي).......كانت مكتفيه بتاج بس بدون طرحه..وشعرها الطويل الأسود بخصله الحمراء الفضيعه..كانو مسوين لها شنيون بسيط ولفات ..حواليه ...والباقي كان أنواع الويفي...لكن متلاعبين بطول الخصل رافعينها بورود وكرستلات روعه...(اترك لكم تخيل الفستان.وشكل العروس)
ليان:لهو وين مسكتي...الهام.:بيعطونج اياها عالدرج....ليان بتكشيره:بأذن من ؟
لهو:يختي لاتكشرين...مو مهم ...اول ماتطلعين بيعطونك أيها....شوي قطع كلامهم صوت أم نواف وهي تفتح الباب بغيض :كذا يبنيتي الله يهديج...واول ماشافت بنتها بلفستان...ووقفت لها ..ام نواف بكت وحضنتها...الهام:خالتي الله يهداج...بيخرب مكياجها...ليه لبكى لحين؟...ساعه وانا اسكت فيها؟
ام نواف وهي تمسح دموعها وتضرب الهام بخفيف بكتفها..بتمسخر:يعني ماتدرين ليه أبكي فرحانه أنها بتفارقني...
ام نواف وهي رايحه للباب :يله لاتاخرون اول ماتسمعون الزفه أنزلو...صديقاتي راحو...
ليان تلطف الجو وتبي تونس أمها:قصدج نامو...يعتبرون نفسهم مواصلين الحين...
ام نواف تكش عليها وهي تضحك...طلعت وسكرت الباب...ليان تمسح الدمعه بسرعه قبل لاتنزل
الهام:ليان والله برقعج كف أن بكيتي....اذا وصلتي الكوشه...ابكي لين يطير المكياج ...
ليان :ههههههه....الهام توها تستوعب كلامها:ههههه....والله مللتيني ...كم مره اضبط الميكب ...
من السياره وانت كل شوي تبكين...ليان:هههه خلاص مدام فيها كف ...سكتنا...شوي بدت الزفه ودخلو شلتها...
وامها فضلت تضل تحت ...وطول الوقت تحصنها..وتقراء عليها. من بعيد....وتبكي...وجاراتها يسكتونها...

....صديقاتها...كانو وراها رافعين ذيل الفستان.. .ويببون...يزغرطون...هديل ماسكه يدها..واليد الثانيه كانت ليان رافعه شوي فستانها ..ومنها...تسيطر على الربكه مهما كان موقف صعب...وبدون مسكه وضع أصعب....هههه...لين استغربت لاأمها ولارنده بزفه..وليه ماينثرون عليها ورد...تجاهلت اسئلتها وركزت مع زفه
ليان كانت تمشي بشموخ محد توقعه...هديل كانت خايفه من هلحضه...توقعت لمن يصير لموقف جد يبين لنكسار...لكنها نبهرت حيل بليان وبتسامتها الي مستحيل تكون تمثيل...
وصلت الجسر الي كان ظلام واول ماحطت رجلها نور.. وشتغلت كشفات على رنده الي.....ستقبلتها... بمسكه قمه بروعه...غير الي مختارتها ...مسكه ثااااانيه...لبستها ياه كانت عباره عن ثلاث حلقات كرستال...وحده اوسع من يدها شوي زي المضعد(الغوايش)..ونازل منو كرستال موصل للحلقه الثانيه...الي فيه صورتها هي وبدر(من وين جابوها..الله اعلم)..بس صوره شبه شفافه ملونها الورد الي وراها...والحلقه الثالثه ورود طبيعيه...هنا تركوها شلتها ..وراحو..مشت علجسر..بثقه..وناس تكبر وتهلل...كانت كل ماتمشي ينور المكان الي وصلت له... وقدامها رنده وعنود يرقصون وهم ينثرون ورد بيج على الأرض..يعني(فرشنالج الأرض ورد)...ولمن وصلت وجلست عالكوشه
شتغل دخان كثيف عالجسر و أضاءات ..ومن وسط ضباب دخلو صديقاتها...الثلاث..بفساتين مثل بعض ورقصو لها رقصه خاصه...وفهمت ليه نحاشو عنها بلجسر (ههههه)
وبعدها سوو زفت هدايا العروس خذوها ولبسوها زي هندي...وجو عاملات لبسين هندي وشالوها بهودج...(الشي الي زي الكوخ صغير يشلون فيه الأميرات فلقصص عرفتوه هههه)...ونزلوها على ارض المسرح بلوسط وحوليها هدايا ...وشتغلت اغنيه هنديه....وجو عنود ونور ورنده لابسين هندي ويرقصون هندي ...متى تعلمو...الله اعلم...
.............................................................................................
وبعدها زفت العصير....العاملات لابسين فساتين هاواي وكبوس كبير قش ومعلق فيه فواكه..
وبدو يتحركون برقصه كأنهم قطار وبيدهم صواني العصير ...بعدها لمن وصلو درج المسرح تفرقو ...وقامو يوزعون العصير.....
..................................................................................................
بعدها زفت التوزيعات(هدايا الزواج الي من اهل الزواج للمعازيم)
جوكل البنات بيدهم نماذج كل وحده بيدها شكل ....ولابسين جلبيات خليجيه...وقامو يرقصون.عالجسر..والهدايا بيدهم...وكل وحده توصل تحد السله او نموذج من يدها وترقص...لمن حطوها كلها ورقصو رقصه جماعيه...ونزلو جوالعاملات اخذو التوزعات وبدو يوزعونها...
.................................................................................................... .
وتوالت الزفات الى الساعه 2الصبح..وخزعبلات الزواج ماخلصت لكن مع مغادرة المعازيم اضطررو يوقفون ...ههههه...2
ونص كانت الزفه الأخير راحت لجناحها الي كانت فيه..وزفوها منها الى جناح قرب قاعة الرجال .. كان كأنو صاله صغيره..استقبلها بدر..ومشو سوا لمن الكوشه
مكان صغير جميل...صار زواج مره ثانيه بس عائلي ههههه. هديل وامه وأم ليان ..لبسها وكلو كيك ولحركات الي خابرينها. ..وجو اخوانها ورقصو ورقصت أمها معاهم. طبعا بعد ماطلعت ام بدر وهديل....وبعدها طلعت العروس من القاعه الى.......
طبعا بتقولون ليه مادخل بدر...طبعا هذا كان شرط ليان وهو وافق عليه...كانت تبي تستمتع وما تبي يجي وتتوتر.....والأهم من كذا عرفت انو دخول الرجال على النساء حرام ..فصار ثنين بواحد...
.................................................................................................... ......
العرس صراحه كان خيااااااااااااال......انا اكتب وانا ارقص ههههههه......عساكم انبسطتو..
.................................................................................................... ......
خلف الكواليس...
رنده ترمي كعبها بعيد:اخ يرجلي...ام نواف:من جورج..(الجور شدة الظلم لنفس ههه).احد يرقص هالكثر...
عنود تسكر عباتهاهههههه:خالتي محد خطبها وتغمز لرنده....ام نواف تلف شيلتها:وين يخطبونها...مصرقعه...لاسلمت على الخلق ...لاجلست...
عنود:ههههههه فرحانه خالتي لاتلومينها...رنده:لاوالله...الحين كسرت خاطرج...شستفدتي...تهزئت حلو ..عجبج
ام نواف:اقول قومي جيبي عباتج:لايدخلون لرجال وانتي بكشتج...راحت رنده تجيب عباتها وهي حافيه هههه ...وجالسه تراكض وتلفلف من بين الكراسي ههههههه....
الهام:ههههه والله رنده مريحه راسها..يله خالتي اشوفج على خير....ام نواف:شرفتو ولا كلفتو...مشكوره جزاج الله خير تعبناج ...تمددي زين الياهل لايتعب...نرجس وهي تسلم:لاتوصين حريص...ان شاء الله..مبروكين عقبال الباقي...ام نواف:جزاج الله خير فمان الله ...سلمو على بورائد...
ام نواف تلف على عنود:وانت بعد يبنتي ماقصرتي بيض الله وجهج..الله يرزقج بولد الحلال..الاانت من معاه بتروحين....
عنود بربكه لأنها تعرف طبع أم نواف:بيجيني السواق...ام نواف تطالع ساعتها الي قربت من ثلاث:بروحه؟(لوحده)
عنود تهز راسها بنعم...ام نواف:لاحول ولاقوة الا بالله...دقي عليه قوليله لايجي..
عنود:لاخالتي قريب يوصل...ماله داعي الكلافه...ام نواف تلبس عباتها وبنبره حازمه:سمعي الي اقولج....اتصلت عنود بسواق وهي منحرجه جدا من حركة ام نواف...وصلت رنده وشافت عنود تهز رجلها عرفت انها متوتره قربت منها ومانتبهت لها عنود...رنده:بوووه
عنود:بسم الله...تضربها بشنطه :يسخفج...رنده تمسح كتفها وتضحك:عورتيني...شبلاج مكشره..قطع عليهم صوت امها:يله يبنات نايف برى..
رنده تطالع بعنود...عنود تسحبها وبصوت واطي:امج هزئتني وتبيني اروح معكم...رنده ضحكت بس سكتت بسرعه اول ما شافت نظرة عنود الحاقده والمقهوره ...هههه
رنده راحت ركض.... وركبت ام نواف ...نايف كان يسولف مع واحد من لشباب..واول ما ركبت امه ودعه وراح لسيارة قبل لايركب...نوفييييييييييي
نايف يتلفت فيه أحد بشارع ولا لا:رندوه شهالجنون..رنده تمدله ورده وتلمه:قول مبروك زين...انا بصير احسن منك مبارك عليك زواج ليون...
نايف:هههههه...والله انت مالج حل...اخذ الورده الله يبارك فيج ...ممكن تركبين أخرتيني...رنده لفت بتركب بس ضربت جبهتها لحظه...وتأشر لعنود وبصوت عالي:تعالي ليش واقفه هناك...نسيتج هههههه...نايف بهمس:من هذي ...رنده:عنود امي زفتها هههههه وقالت لها تجي معانا...نايف :حياها الله..بس غريبه متغطيه..رنده:خبرك عتيج(يعني من زمان تغيرة)نايف:الله يوفقها...وركب ...ركبت عنود سلمت بصوت واطي ردو السلام...
رنده:شهالحياء علي صوتج هههههه...عنود تقرصها من قلب...رنده:اااااي...ام نواف :رندوه وجع يوجع بليسج شهلصراخ.....رنده تمسح فخذها ودمعه بعينها:عنودوه قرصتني..ام نواف :هههههه احسن....
نايف ابتسم ابتسامه خفيفه وهو يسمع هوشتهم بصوت واطي هههههه
....................................................................................
(وقفه:
طبعا بدر جزاه الله خير أتفق مع جمعية حفظ النعمه تجي تأخذ الأكل الزايد...وهذا شي جميل ياربت الكل يسويه..يكلم الجمعيه يعطيهم موعد الزفاف وهم يجون يخذون الفائض..ويسعدون فيه الاف الأسر.....وكمان الزفات الي ذكرتها تقليعات غريبه صارت في الزوجات ...ماأنزل الله ببها من سلطان ...خساير xخساير....والعجايز ماعجبهم الحال بس أم نواف مالها شغل الزواج زواج الرجال ههههههه....احفظو أموالكم ...بما ينفعكم ...سافروفيها احسن مية مره...من الذخ)
.................................................................................................... ..
عند فلا فخمه جدا وجميله...
عنود بصوت اقرب للهمس:مشكور خالتي مبروكين...ام نواف:شنهو
رنده:هههههههه...عنود تتوعدها بيدها...عنود ترفع صوتها شوي:اقول مشكوره خالتي...مبروكين أن شاء الله....ام نواف:ايه كذا مو مساع كأنج تكلمين عمرج...الله يبارك فيج حبيبتي سلمي على امج وقوليلها نبي نشوفها بلصباحيه...عنود بحزن:ان شاءالله...وسكرت الباب
رنده تنط على قدام:يمااااااااااااااااه...ام نواف تلف وتكفخها على راسها بخفيف..:شفيج ...بطيتي اذني...رنده:شفيكم علي اليوم بس طقوني...ام نواف:خلصي شتبين...رنده:ليش قلتي حق عنود كذا...ام نواف :شقلت...انتو يابنات هليومين حساسات ولا تبون أحد يكلمكم...ليكون زعلت عشان قتلها بوصلها...رنده مندهشه من لهجوم:يماه كلتيني بقشوري...نايف:ههههههه
رنده:توني ماقلت شي...قصدي أن أمها....وماقصرت رنده قالت تقرير مفصل عن حياة رنده هههه...ونايف كان يسمع بستسياء
ام نواف:وعليه عليها...وانا شدراني انها وحيده فهالبيت الي شكبره...رنده:الحين مابتجي الصباحيه..ام نواف:كسرت خاطري والله لاأنا بكلمها بنفسي...رنده:لايماه تكفين بيزل لسانج..وبتقولي مااكتم سر....ام نواف:صادقه....مابقى الا عدد شعر راسها...
رنده بحزن :امااااه..والله محد يقولكم شي.نايف وام نواف:ههههههه....
وصلو البيت ونامو بعد ليله جميله جدا...ماخطرت على بال أحد....
.................................................................................................... ......عند عنود اختفى جزء من وناستها بكت من كلام ام نواف وحرصها ...وحست بنقص فضيع
لكنها ..قررت تتجاهل وتنام أفضل...
.................................................................................................... ......
عند الحوامل نرجس مسكينه ماعرفت ترتاح ...وهي تنتقل من غرفه لغرفه ..رسها صدع من كثر مايونون ههههه(يعني اه ..اه..)
وقامت بلازم ونامو بعد جهد ههههه
.................................................................................................... ....
شهد وخالد خلصو علبة المسكن من الم مفاصلهم هههههههه...بالغو برقص...وجتهم حالة اغماء..
.................................................................................................... ...
هنوف تتألم بصمت ودموعها بعينها...وأبراهيم حاس وتبسم ومطنشهاهههه.....
.................................................................................................... .
هديل ونواف صلو ليل ونامو بكل أحترام ...مهلوكين جدا ماعندهم وقت حتى سلمون على بعض ههههههه
...................................................................................................

المعاريس كان لقاهم هادئ....خلاف المتوقع.....تعبانين مو فاضين يتهاوشون ههههه...
خبرها انهم الساعه سته بيسافرون....ليان بصمت تروشت ونااااااااااااااااامت...وهو كمان نام..
يكفي عطته وجه بصاله وبتصوير هههههه...
...............................................................................................
مساكين ام بدر وام نواف مايدرون ان بدر بيسافر ويخرب حفلتهم ....هههههه
يستاهلون ماخبروه...
.................................................................................................... ......
اراكم قريباً نوماً هنيئاً....
توقعاتكم للبارت القادم باقة جوري للجميع

__________________

السلام عليكم و رحمة الله و بركاته
كيفك ؟؟ عاملة ايه يا حلوة ؟!
البارت يجنن و حلو مرة و كمان طوييل اصل انتي ما قصرتي بوصف العرس
حسيييت حالي حاضرة معمهم و بما اني ما عمري شفت عرس سعودي بس اقرأعنوو كان شي جمييل جداا
الاحداث حلوة بس ليش مخلية الهام مسكينة هيك انا ما قلت رجعيها لزوجها خليها شوي هيك لحتى تتعود بس خبرينا شو عم يصير مع سعود شو شعورو و ليش ما سأل عن ابنوو ابدا
و رائد و سمر شو سبب بعدهم بالفترة اللي طافت ما عدت فهمت شي
المهم انا بتنتظارك الاسبوع الجاي
سلاام

__________________

هذا بارت خاص بزواج يعني ماله علاقه بباقي الأبطال...كل تسألاتكم بأذن الله
بكره بحاول انزل البارت لانو صار عندي زحمة مواعيد بلمستشفى لكن بحول الله الباارت كحد أقصى الأثنين بيكون نازل ...تعمدت افصل بزواج لغرض بتعرفونه بالأحداث الجايه...ابيكم تفهمون مشاعر ليان وكمان تنبسطون بزواج الي ماصدقنا يصير ....ههههه....وباقي ابطالنا تتنظرهم لحظات جميله كونوا بلقرب شكرا لمروركم..

صح تذكرت جوجو بنسبه لتسارع الأحداث احترم وجهة نظرك لكن ماحسيت بهالشي بلعكس أحس أني اطول بلحدث لين تملون ههه لكن اذا ممكن تعطين مثال اكون شااااااااااااااااااااااكره لج يعسسل