هاي قصة قبل النوم

طبعا قصة واقعية

كلكم إتعرفون الحرب العالميه الثانيه تقريبا بالـ (1935)..
...آني چان بوكتها عمري 16سنه... المهم گاعد بالبيت دا العب بلي ستيشن 2..
دگ الايفون مالتي (اي لا تتعجبون.. اني من ذاك الوكت عندي موبايل)

اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته..
طلع (رئيس الجمهوريه مال روسيا)..
گلي:حسن.. آسفين على الازعاج بس الوضعيه حيل عاوية.. والجيش نصه راح بالزلك..
محتاجيك حيل.

آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.

گتله والله عمو... إبطن عيني.. هسه بس أفوّل المولده التايگر للبيت.. وأجيكم

والله ترست المولدة.. وچيـّـكت الدهن.. وأخذت البايسكل مالتي.. ذبيته (d).. وقبـّـطت سكليتر..

ومناك گلت آخذ يمنه على روسيا... والله نص ساعه اني بنص موسكو.. بس شحچيلكم!!.. باردة ثلج.

شغلت التدفئة مال البايسكل و صعّدت الجامات... والله گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)

وصلت.. دگيت الباب.. طلع أبو منذر (إبن الرئيس الروسي ).. خطيه الرجال حالته جانت زفت.. حضنـّي.. وگلي الله جابك.. گتله خير عمو؟؟.. گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!

اني رايح.. منا ليومين ان شاء الله تسمع خير

طلعت رحت على ولد أعرفه بروسيا اسمه (كاظم نص) هذا شقاوه مال روسيا چان وصديقي الروح بالروح.. گتله كظومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... 4 صاروخ (أرض- مي) اقصد (ارض- جو)..... و 89بي كي سي..... و فد 6784 رمانه يدويه...... 4564 لغم منوع بين مضاد للبشر ومضاد للدبابات

والله حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت

باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيست حديث.. بس اني تعرفوني سبع.

نصبّت الصواريخ على چتفي وصيـّحت... اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه تصويريه).

والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.

بقت دبابة وحدة.. ركضت عليها وبيدي قلم (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.

طبعا وره ما هيچ سويت.. إجه الرئيس الروسي وباسني من راسي وگلي:.. حسن انته اقوه من گرندايزر والله..

گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.

رجعت للبيت.. وشغلت المولدة.. وگعدت اتفرج (عدنان ولينا)

__________________



In brightest day, in blackest night,

No evil shall escape my sight.

Let those who worship evil's might

Beware my light!"

هههههههههههههههههههــ حلوو .. آخر تحشيش ..

__________________

هههههههههههههههههههههههههههههههههههههههههههههههههههه كلش حلوة احلى شي :

واشترولي بنطرون كتان أصلي من الصين درجة أولى.. وبوتين أديداس أبو العلامة.

__________________

the time ... will come
When you'll have to rise

Above the best and prove yourself

Your spirit never dies!

Farewell, I've gone to take my throne above

But don't weep for me

Cause this will be

The laBor of my love

[ALIGN=CENTER][TABLETEXT="width:90%;background-color:black;border:8px double green;"][CELL="filter:;"][ALIGN=center]هههههههه حرام عليك يا ابني هدي اللعب شوية على الالمان ههههههه

لا بس حلوة حيييييييييل تدري اني عبالي انت ثمانية بس طلعت سبعة يلة خيرها بغيره هههههههه


استلم المعادلة :coolcool:

حشيش × هروين [مضاف له اج379 ] = سداسي خيال مضروب × خبال = جنون مستورد من الخارج وضمان

لمدة 389 قرن للامام ههههههههه يعني باختصار نلحك نموت قبل ما يخلص الحشيش ونورثة للاجيال القادمة هههههه
:kesha:


تحياتي لك سيدي رئيس المحششين واطال الله في عمرك وكفاك يوم يخلص تاثير الحشيش هههههههه :lolz:

انتظر جديدك المبدع بفارغ الصبر
شفت حتى الصبر فرغ الله يستر ههههههههه

كاجومي كاتبة المستقبل [/ALIGN][/CELL][/TABLETEXT][/ALIGN]

__________________

ههههههههههههههههههههههههههههه بطني هههههههههههههههههههههههههه بطني يوجعني استمر والله جنان

__________________

كنٌ ٱنٌتُ قَدُر مٱتُكنٌ:glb: