اخذيني اليا عجبتك بس رديني
وان ما عجبتك خلاص اخذيني ما ابيني
ما دامني شفت فيك الطهر والعفة
بعيف نفسي اليا منك كرهتيني
اخذيني لو اعتبر من ضمن اشياءك
وانا بحبك ولا لازم تحبيني
لا ابي علاقة ولا ابي نظرة وبسمه
احساسي اني بقربك بس يكفيني
ولو اني انضفت لأشياءك غصب عنك
طلي علي يا غناتي لا تخليني
تراي لاجاء المصامد ما ني بهين
تقول كن العرب لعبة بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر اللي ما صدق حظه
لاقلت يا حظ وينك قال ياويني
اخذيني المبدع المتفلسف ألتحف
هموم وتضحك على العالم شياطيني
شهرة شكسبير وأفلاطون ونيوتن
لاقلت لي بيت شعر تطيح من عيني
واخذيني العنصر اللي صدق متعنصر
من دون ربعي لو اقطع شراييني
واخذيني اللي اليا منه طلب يعطى
وتكفين لامن طلبتك لاترديني
تكفين يا غايتي يابهجة الدنيا
ابحرق قلوب ناس ما تدانيني
اخذيني بكل شوق وقولي احبه
وان شككوا فيك والا في ضميني
قولي سعد والله انه غالي جدا
ويا جعل فدوه شبابي واخر سنيني
وانا بصدق كلامك واعتنز بالله
وباقول للناس ما يعنيك يعنيني
وانا علي نذر ما أرخص جيتك
وانتي نذر على رقبتك انك ما تخليني


للشاعر المبدع دائما سعد علوش الهاجري

وش رايكم في القصيدة ؟
وش رايكم لو قلتها لخطيبتي ؟ طبعا بعلمها ان هذي القصيده مهيب لي عشان ما تكشفني بعدين ههههه

قمه في الروعه

سعد علوش من احب الشعراء لدي

مشكور والله يعطيك العافيه

__________________
رحلة الألف ميل تبدأبخطوة
متى وجدت الإرادة والصبر زالت الصعاب
احسن وسيلة للتغلب على الصعاب اختراقها
لانعرف قيمة مالدنيا حتى نخسرة
ليس الفخر أن لانسقط بل أن ننهض كلما سقطنا

غرور انثى شاكر لك المرور الجميل
وسعد دائماً مبدع في كل حالاته

اخوي عبدالرحمن الحربي : هلا بك والله
شكراً على مرورك الرائع جداً
واذا ما انحرجت منها اجل انحرج من مَن ؟
هلا بك يا الغالي مره اخرى