الفصل الثـــــامن ....

في المستشفى .... في غرفة الأنتظار

ليال تروح لفهد ...

ليال : فهد

فهد : هلا

ليال : انا رايح يمكن اجي العصر ان شاء الله

فهد : ليش ماتقدر تجلس شوي معي ؟

ليال : اخ اعذرني الوالده تبيني

فهد : معذور وانا اخوك

ليال : فمان الله

فهد : الله معك

محمد : (يجلس جنب فهد )

فهد : وين باقي العيال عاصم وعزوز ؟

محمد : (يبتسم ) وقفتهم باقرب بوفيه ياكلون وجيت مسرع هنا

فهد : ههههه كيف عرفت ان هنا ؟

محمد : لا ماكنت اعرف انكم هنا جيت ابي اشوف نايف

فهد : ايه

بعد مرور ربع ساعه تقريبا ....

في سيارة ....
ليال : اعذريني على تأخير

ام ليال تركب ومعها الشغاله وسواق ينزل من سيارة يدخل الأرغاض ورى في السيارة

ام ليال : طيب ليش تأخرتي ؟

ليال : تأخرت لأني وقفت عند اتصالات يشوف جوالي فيه عطل ولا لا

ام ليال : صار فيه عطل

ليال : لا الحمدلله

ام ليال : ايه اشوا

وبعد الوصول للبيت .....

ليال : (تنزل من سيارة )

ام ليال : ليال مارح تساعدينا على شيل بعض الأرغاض

ليال : لا انا ابي اروح ارتاح (تفتح الباب ...تدخل البيت ..... تمشي ..) حديث نفس : اعذريني

ام ليال : براحتك

في المستشفى في غرفه ......

الممرضه : Aoki finished... (تحط منديل التعقيم في ذراع فهد )

فهد : (يمسك المنديل ....يقوم .. )

الدكتور : بفضل الله ثم انت راح تساعد نايف وان شاء الله نايف يقوم بسلامة بكتب لك تاخذ ادويه تعوض لك الدم واشرب عصير برتقال طبيعي كل يوم لانه راح يفيدك كثير ولا تنسى تهتم بأكلك

فهد : ان شاء الله

الدكتور : (يكتب بالورقه الادوية اللي يحتاجها.. ) تفضل خذ

فهد : (ياخذ الورقه ) ابي منك طلب يادكتور وماعليك امر قول تم

دكتور : تم !؟ وش طلبك ؟

فهد : لا تقول اني تبرعت له اذا قام بسلامة

دكتور : ليش ؟

فهد : اعذرني مااقدر اقول لك السبب بس لا تعلمه ان هو انا اللي تبرعت له قول أي شخص هو اللي تبرع له ........ وحتى اهله لاتقول اني انا تبرعت له طلبتك يادكتور لاتردني

دكتور : انا ماعرف ليش ماتقول انت اللي تبرعت بس طيب على عيني وراسي مارح اقول انك تبرعت بدمك له ولا لأهله

فهد : يعطيك الف عافيه يادكتور وماتقصرعن اذنك

دكتور : حديث نفس : والله ان هذا الولد غريب

في بيت ...... في غرفة ليال .... ليال حاطه السماعات بأذنها ومغمضه عيونها تسمع اغاني

ليال : حديث نفس : احاول انسى اللي صار احاول انسى ان نايف بالعنايه احاول انسى كل شيء بس مااقدر


ام ليال : (تدق الباب ) ليال .... ليال ...

ليال : (توقف الأغنيه وتنزل السماعات ) هلا

ام ليال : تعالي انزلي تحت الغداء جاهز

ليال : (بصوت حزين ) مابي اكل

ام ليال : (تفتح باب غرفة ليال ) وش قلتي ؟

ليال : (منزلة راسها ) مابي اكل

ام ليال : ليش ؟ ماتبين تاكلين ؟
ليال : لأني احس بتعب ومالي نفس اكل

ام ليال : (تقرب من ليال ) بشوف حرارتك

ليال : (تبتعد ) لالالا تشوفين حرارتي بنام وراح اتحسن ان شاء الله

ام ليال : (تتنهد ) براحتك (تطلع ..تسكر الباب )

بعد صلاة العصر تقوم ليال تروح تغسل وجها وتتوضأ وتصلي وتبدل ملابسها ونزلت تحت عند اهلها كانوا اهلها مجتمعين بصاله ثم جلست معهم

جمانه : غريبه مالك حس ليال ؟

ليال : هــا ... لا بس كنت تعبانه شوي

جمانه : أيــــــــه طيب وش تحبين تشربين شاهي ولا قهوة ولا نعناع

ليال : صبي لي نعناع

جمانه : اوووكي (تصب نعناع لليال )

ابو ليال : سمعتي ليال على اللي صار

ليال : وش صار .؟

ابو ليال : نايف في عنايه المركزة وداخل بغيبوبة واليوم والحمدلله طلعوه من العنايه المركزة ودخلوه بغرفه خاصه بس لحد الحين بغيبوبة وفي احد تبرع له دم ماعرف من هو يقولون واحد تبرع له

ليال : طيب يبه يمكن طلب تكفى لاتردني

جمانه : هي اخذي نعناع صبيت لك

ليال : ( تاخذ نعناع ... تنزله )

ابو ليال : وش طلبك وراي شغل قولي

ليال : انك توديني اشوف نايف

ابو ليال : لا مافيه

ليال : تكفى ( عيونه مليانه دموع )

ابو ليال : ان شاء الله اذا صحى راح انا وانتي نروح له لأن الكل راح يجتمعون عنده

ليال : يعني انت ماتهتم الا بناس حتى خايف وش يقولون لك انا بعد خايفه يقولون صديق ولا يزوره هذا مو صديق لأن الصديق يجي في وقت ضيق مثل مايقولون على الأقل خلني اشوفه دقايق واطلع

ابو ليال : طيب اقنعتيني بوصلك وخلي يرجعك السواق لأني بروح وراي شغل طيب والحين روحي تجهزي

ليال : طيب احسب لي خمس دقايق وجايه عندك

أبو ليال : بروح اشغل السيارة وانتظرك لا تتأخرين

ليال : ان شاء الله

ابو ليال : بس مو الحين

ليال : متى ؟

ابو ليال : بعد ربع ساعه نروح

ليال : ( بقهر ) طيب

ام ليال : سويت لكم احلى تشيز كيك ( تنزل التيشز كيك )

جمانه : يوه كنت مشتهيه تشيز كيك من تصليح يدك يمه

ام ليال : (تضحك ) طيب كم تبين كبر قطعتك

جمانه : اممممم خلاص عطيني اكبر قطعه لأن كل شيء من يدك حلو

ام ليال : (تضحك ) اه يالخبيثه
جمانه : (تضحك )

ليال : (تناظر جمانه وام جمانه ) حديث نفس : ماعمري ذقت كيكه من تصليح امي لو ذقتها وش كان راح يكون طعمها ؟

معلومة لتذكيــــر : ام ليال هي ام جمانه بس ليال تسميها يمه فسميتها ام ليال ...

ام ليال : تبين قطعه ليال ؟

ليال : ها ؟

ام ليال : تبين قطعه من التشيز كيك اللي صلحته

ليال : أيـــه عطيني قطعه صغيرة لأني بروح

ام ليال : طيب ( تقطع تشيز الكيك وتحطها بصحن .. تمد يدها ) تفضلي

ليال : ( تاخذ التيشز كيك ) تسلمين

ام ليال : خذي ملعقه

ليال : تاخذ الملعقه ( تذوق )

جمانه : طعمه يمه رووووعه هذا احلى تشيز كيك ذقته يمه

ام ليال : لا تجاملين عاد ( تضحك )

ابو ليال : ليال انا بروح اشغل السيارة يالله انتظرك لا تتأخرين

ليال : ان شاء الله احسب لي خمس دقايق وبجيك

ابو ليال : نشوف يالله

بعد مرور حوالي خمس دقائق

في سيارة ... ليال تركب سيارة قدام

ليال : تأخرت عليك

ابو ليال : لا ماشاء الله عليك برق

بعد وصولهم للمستشفى ..... تنزل ليال من سيارة ..

ابو ليال : شوفي لاطولين واتصلي على سواق ياخذك ولا انا بتصل على سواق (يطلع جواله )

ليال : لالالا بتصل عليه الحين

ابو ليال : اجل فمان الله انتبهي على نفسك

ليال : طيب ( تبتسم )

تدخل المستشفى مسرعه ثم تضغط على المصعد ..... تنتظر ... ثم يفتح المصعد الا تشوف فهد وتقابلوا وجهه بوجهه

ليال : فـــ ...... فهد

فهد : ( يمسك يد ليال ويحط يده بفمها ويسحبها )^^^^^^^يتسكر المصعد ^^^^^

محمد : ماكأني شفت عبود

عاصم : لا تتخيل..... توه يجي وبينتهي موعد الزيارة بعد كم دقايق

في المصعد ......

ليال : ( تناظر فهد بتعجب )

فهد : طلبتك لا تعلم احد اني كنت موجود او جيت لزيارته طيب

ليال : (تهز راسها فوق تحت ) ^^^^^^^^^^^ يعني طيب

فهد : ولا تعلم احد اني تبرعت له طيب

ليال : (تهز راسها فوق تحت )

فهد : (يناظر ليال )

ليال : (تناظر فهد )

فهد : ( يبعد يده عن فم ليال ويبتعد ... ينزل راسه ) اعذرني ماقصدت اخوفك

ليال : لالالا ماخفت بس تعجبت شوي

فهد : اجل يالله اشوفك على خير

ليال : (تمسك ذراع فهد )

فهد : (يلتفت لليال )

ليال : ليش ماتبي احد يعرف

فهد : مالك دخل ( يفك بقوة ويطلع برى المصعد )

ليال : (تناظر فهد بحزن ) ^^^^^^يتسكر المصعد

فهد : حديث نفس : وش دخله غبي .........................بس كانت عيونه ونظراته خلتني احس بشعورغريب وماعرف وش هذا الشعور

في مستشفى في غرفة نايف ..

ليال : حديث نفس : اخر مرة ناظرتني فيها كنت تناظر بقهروبغضب ماعرفت وش سالفه ابدا يارب تقوم بسلامة ^^^^^^^^^يرن جوال ليال

ليال : الو هلا

ابو ليال : رجعتي للبيت اتصلتي على سواق

ليال : طيب طيب بتصل عليه يالله (تسكر جوالها ) حديث نفس: لازم اتصل على سواق قبل مايتصل ابوي علي ويزعجني (تتصل على سواق )

سواق : الووو

ليال : تعال خذني من مستشفى اللي جيته الصبح حوالي الظهر

السواق : ان شاء الله

ليال : هي هي لا تسلك قلت لك الحين تعال

السواق : بس بطول شويا

ليال : اووكي اسرع

السواق : ان شاء الله

ليال : (تسكر الجوال .... تدخل الجوال بجيبها ) (تتنهد ...تناظر بحزن لنايف ..... تجلس بكرسي ) حديث نفس : اتذكــر اول مرة شفتك فيها كنت تستهبل علي وتستغلني وتلاحقني (عيونها مليانه دموع ) وصادفتك في نفس مدرستي عزمتني معك نفطر وركبتني سيارتك وكنت تسألني اوصلك للبيت ماقصرت معي ابدا واستعرت تي شيرت حقك بدون قصد (تمسح دموعها ) اوعدك اذا قمت بسلامة راح اهتم فيك حتى لو كرهتني انا مابي افقد شخص عزيز علي

ممرضه : The time for the visit ^^^^^^^ انتهى وقت الزيارة

ليال : Aoki Atunai minutes^^^^^^^طيب عطيني دقيقه

ممرضه : Aoki ^^^^طيب

ليال : (تمسك يد نايف ) حديث نفس : الله يقومك بسلامة راح ادعي لك اليــن تقوم بسلامة (تفك يد نايف .....تطلع تسكرالباب ..... تمشي .... تضغط المصعد ..... تنتظر .... ^^^^يفتح المصعد ^^^^
تدخل .....يتسكر^^^^يرن جوالها ^^^ الو هلا

السواق : انا في ينتظر قدام هذا مستشفى فين انتا

ليال : جاي الحين (تسكر الجوال )(تتنهد ) ^^^^يفتح المصعد ^^^^تطلع

في السيارة تركب ليال السيارة

وبـــــــــــعد مرور يومين ....

في العصر .....
^^^^يرن جوال ليال ^^^^^

ليال : الو هلا

محمد : ليش غايب ياغبي وليش ماترد وليش ماتطلع معنا وليش مالك حس

ليال : هي هي وقف صراخ وسب مشغول كنت ومالي خلق اداوم وش تبي

محمد : تعال بكرة وترى اختبار تأجل للأسبوع الثاني اجيك الحين ولالا

ليال : هي هي لا تجي انا مشغوووله وش تبي

محمد : (يرفع صوته ) اجل فمان الله

ليال : (ترفع صوتها )مع سلامه (تسكر جوال ) اخ مزعج

وفي الصاله جالسه ليال تتفرج على تلفزيون وتشرب كولا ومعها شيبز

جمانه : ليال

ليال : هلا

جمانه : ابي اكلمك بموضوع

ليال : وش الموضوع ؟؟

جمانه : ابي اكلمك بغرفتي

ليال : وليش بغرفتك ؟.

جمانه : اووووف (تقرب من ليال تمسك يد ليال تسحبها ) تعالي معي ابي اكلمك بموضوع مهم

ليال : طيب طيب بقوم

في غرفه جمانه ...

ليال : ها قولي
جمانه : وش هذا البرود طيب طيب بقول لك عندي كثير اسأله ةديي اسالك اياها وتجاوبيني بصراحه

ليال : طيب

جمانه : بيني وبينك تحبين احد

ليال : صبر اتذكر (تذكر حركات محمد تذكر حركات الشله )

جمانه : قولي

ليال : لا ابدا مااحب احد وش فيك بعدين هي انا ابي اصير ولد مابي اصير بنت

جمانه : طيب انتي راضيه تتزوجين بنت

ليال : لا ابداا وع

جمانه : (تضحك ) بتقعدين طول حياتك عازب

ليال : هــا ( تنصدم) تصدقين مافكرت ابدا بهاذي الناحيه

جمانه : اوكي انا مالي دخل بشؤنك المهم بيني وبينك احم احم

ليال : تحبين ها

جمانه : (يحمر وجها )

ليال : اعرفك زين من هو

جمانه : (ملامح وجها حزينه )

ليال : جمانه وش فيك ؟

جمانه : احب نايف

ليال : (تنصدم ) ها


جمانه : يوه لاتناظرين بهاذي النظرات انتي ياحظك تقدرين تشوفينه وتقدرين تجلسين معه وتسولفين كيف مايصير شيء بقلبك

ليال : ههههههاي لأني احم احم ولد

جمانه : توك مو ولد انقلعي

ليال : أيــــــــــه (تناظر جمانه بتعجب ) بس مو انتي اكبر منه

جمانه : لا انا مو اكبر منه الفارق فينا هو سنه هو اكبر مني

ليال : اها طيب جمانه انا بروح اكل شيء تبين تاكلين معي

جمانه : لا مشكورة احم احم اسوي رجيم

ليال : أيــــــه كيفك

في المطبخ ....

ليال : وش موجود بثلاجة (تفتح الثلاجة ....تناظر ....)حديث نفس : ليش قالت لي انها تحبه ليش
(تاخذ عصير ......تسكر الثلاجة.... تاخذ كوب ....تصب ) كيف ماحسيت بشيء وانا احس بشعور غريب ولا اعرف وش هو (تتنهد .....تشرب العصير .....تنزل الكوب )

في اليوم الثاني .... في المدرسه الحصه الثالثه ...

ليال : حديث نفس : كنت من عادتي اجي بعد الحصه الثالثة لنايف واسلم عليه وكان يسألني افطر معه

استاذ الرياضيات : عبدالله ......عبدالله

ليال : حديث نفس : ازوره كل ليله لي امل انه بيصحى بس ماصحى اخاف ... اخاف ...

عبد العزيز : هي هي عبوود الأستاذ يكلمك وراك فاهي

ليال : هــا هلا (تقوم )

استاذ الرياضيات : يالفاهي حل هاذي المسأله

ليال : بس مافهمت هاذي المسأله

استاذ الرياضيات : (يحذف القلم على ليال ) لي ساعه اشرح هاذي المسألة وانت تروح تفق خشتك يالله برا قدامي

ليال : (يشطفها القلم ) (تتعجب ) طيب (تمشي.... تطلع برا الفصل ...توقف )حديث نفس : كيف ماركزت بدرس كل تفكيري بنايف اخ

بعد مرور ربع ساعه يرن الجرس ويطلع الأستاذ الرياضيات

استاذ الرياضيات : شوف اذا فهيت مرة ثانيه راح اوريك شغلك فاهم

ليال : (متعجبه وخايفه بنفس الوقت ) (تهز راسها فوق تحت )

استاذ الرياضيات : اولاد اخر زمن (يمشي )

يطلعون من الفصل محمد وفهد وعاصم وعبد العزيز

محمد : يالله تعال افطر معنا

ليال : طيب

عبد العزيز : غريبه صرت مفهي عبود

ليال : ها.... انا! متى ؟

عبد العزيز : هههههه صدق فاهي

محمد : (يحط يده على كتف ليال ) يالبى روحك وانت مفهي

ليال : !

فهد : (يناظر ليال ) حديث نفس : شكله كان يفكر بنايف لهاذي الدرجة هو مهتم بنايف !!؟

وبعد الجلوس في مكان وهم يفطرون كان محمد يناظر ليال ويناظر شعرها ويناظر عيونها

محمد : حديث نفس : عيونها تلمع وشعرها متدرج بشكل مثالي
فهد : (يناظر محمد) حديث نفس : وش فيه يناظر عبود ولايفك عينه عنه

ليال : انا رايح لدورة المياة

محمد : ليش

ليال : رايح اغسل يدي وش تبي

محمد : أيـــه بسرعه لاتتأخر

ليال : وش دخلك

فهد : انا بروح معك ابي اغسل يدي بعد

محمد : لاتروح

فهد : وش فيك

محمد : ههههههه كنت امزح روح غسل يدك وانت روح بعد

فهد : !

وفي دورة المياة ^^^^^^^^^^يكرمكم الله

ليال : (تغسل يدها )

فهد : (يغسل يده ) معك مناديل عبود ؟

ليال : ايه معي بس بجيبي

محمد : ( يراقب ليال وفهد من بعيد )

فهد : ( يقرب من ليال )

محمد : حديث نفس : الغبي يقرب منها ابتعد عنها ياغبي

ليال : في الجيب الثاني
فهد : طيب ( يدخل يده بجيب ليال في ثوبها )

محمد : هي هي (يركض ....يدخل دورة المياة ^^^^^^يكرمكم الله )

فهد : (يمسح يده بالمناديل )

محمد : (يناظر بشك ) وش كنت تسوي ؟

فهد : خذيت مناديل من جيب عبود وش فيك كنى صاير شيء

محمد : ( يسحب يد ليال ) تعال بكلمك بموضوع

ليال : يوه وش تبي ؟

محمد : تعال

في الساحه بعيد عن الكل ....

محمد : وش كنت تسوي

ليال : الحمدلله كنت اغسل يدي وكان فهد يبي مني مناديل وقلت المناديل بجيبي خذه وخذى المناديل اللي بجيبي

محمد : أيــــــه

ليال : الحمدلله مريض

محمد : مريض من حبك

ليال : ايش ؟!

محمد : هههاي امزح وش فيك

ليال : أيـــــــه المهم يالله نروح لشله

^^^^^يرن الجرس ^^^^^

بعد دوام المدرسة وبعد صلاة العصر في بيت في غرفة ليال كانت ليال جالسه على اللابتوب الا تدخل جمانه ......

جمانه : ليال ... ليال ...

ليال : هلا وش بغيتي ؟

جمانه : طلبتك وقولي تم

ليال : لا وشو قولي

جمانه : (تطلع كرت زواج ) ابيك تروحين معي

ليال : هــا اروح لا مابي اروح

جمانه : تكفين

ليال : لا

جمانه : أي صح ترى بتجي وحدة تعرفينها

ليال : وكاني بهتم

جمانه : راح تجي سمر

ليال : سمر !!

جمانه : ايه ترى اذا سألتني تبين اقولها ماتبي تجي لأنها تبي تتعود على مراجل

ليال : (تتنهد ) شوفي بس هاذي المرة راح اروح وراح تكون اخر مرة

جمانه : اوكيه

ليال : متى موعد العرس وبعدين وش هي القرابه

جمانه : ايه القرابه خالي راح يتزوج والبنت اللي بيتزوجها تقرب لسمر وسمر راح تجي فهمتي

ليال : اها طيب متى موعد العرس ؟

جمانه : صبر اشوف (تفتح الكرت الزواج )

ليال : متى ؟

جمانه : أيـــــــه بيكون بعد 15 يوم

ليال : بعيد احس ريحتيني

جمانه : يالله انا رايحه اشوف مسلسل روووعه يجي بهذا الوقت عن اذنك ( تطلع ... تسكر الباب )

ليال : (تنسدح ) حديث نفس : كيف نسيت صديقاتي اكيد جلسوا يسألون عني فترة ونسوني وكملوا طريقهم ... اخ ^^^^يرن جوال ليال ^^^^^ياليل محمد وش يبي (ترد ) الو

محمد : يالله ترانا تحت ننتظرك عند بيتك انزل بروح لمستشفى نزور نايف

ليال : كذاب

محمد : جد والله

ليال : طيب طيب بنزل

ـــــــــــــــــــــــــــــــــــــــــــــــــــــــــ

من تـــأليـــــــــــف : وداد

البـــــارت الجاي يوم السبت القــــــــادم تاريخ 13\11\1433هــــ

انا انزل البارت كل اسبوع ولو بمقدوري انزله بأقل من اسبوع كان نزلته فأتمنى تقبولون خالص اعتذاري 