|
|
#42
09-15-2012, 10:24 AM
| ||
| | ||
| |
|
#43
09-15-2012, 11:04 PM
| ||
| | ||
| السلام عليكم ورحمة الله وبركاته تفضلوا اقرأو البــــارت السابـــــع واتمنى تنال اعجابكم وتحوز رضاكم وطبعا لاتحرموني من تعليقاتكم الفصل الســـابع .... محمد : ايــه حادث اللحق هو الحين بالمستشفى في غرفة الطوارئ ليال : طيب محمد يمكن طلب محمد : هلا وشو ليال : تجي تاخذني من البيت طلبتك محمد تكفى محمد : احسب ربع ساعه تشوفني واقف في باب بيتك ليال : طيب انتظرك انتبه على نفسك محمد : (يبتسم ) ان شاء الله وبعد ربع ساعه .... واكثر شوي ليال : حديث نفس : ياليل تأخر وينه تجهزت بسرعه وبالأخير تأخر بتصل عليه (تتتصل ) محمد : هلا ليال : وينك تأخرت محمد : اعذريني جلست ادور بالحارة لخبطت بالحارات ها روحي وقفي في باب البيت برى وبتشوفيني ليال : طيب وفي باب بيت ليال برى يوقف محمد بسيارة وليال تركب السيارة وطلعت بدون علم احد محمد : هلا ليال : هلا فيك وبعد الوصول للمستشفى ... ليال : محمد بأي غرفه نايف محمد : غرفه 15 ليال : طيب (تنزل بسرعه وتسكر الباب وتركض ) محمد : (يناظر ليال ... بحزن ) حديث نفس : هي تحب نايف ولا تعتبره اخوها مااقدر اتخيلها اذا صارت ولد في المستشفى ليال : ( تركض ) حديث نفس : رقم 15 رقم15 وين رقم 15 (تلتفت يمين... يسار ) (تجي عند قسم الأستقبال ) لو سمحت وين غرفه رقم 15 قسم الأستقبال : غرفه 15 في دور الثاني على يمنيك بس لوسمحت ليال : (تركض ... تضغط المصعد كم مرة .. ترقى درج مسرعه ..... تلفت يمين يسار ... حديث نفس : اخيرا (تركض .... تفتح الباب رقم 15... تناظر ) حديث نفس : نايف !! هذا نايف الممرضه : (متعجبه ) ليال : (تناظر بحزن ودموع تملي عينها ) فهد : (يحط يده بكتف ليال ) تعال بكلمك بموضوع ليال : (تلتفت لفهد ..تناظر ) في خارج المستشفى جلسوا عند الكراسي ... فهد وليال ليال : (بصوت حزين ) وش الموضوع وش صار لنايف ؟ فهد : (يتنهد ) نايف صار له حادث ونزف منه دم كثير ويحتاجون تبرع دم الحين هو بغيبوبه ولا ندري متى يصحى ادع له والكل راح يدعون له يقوم بسلامة بس يحتاجون تبرع دم ليال : تبرع دم !! فهد : أيـــه تبرع دم ليال : طيب من راح يتبرع له ومن راح دمه يناسب فصيلة دم نايف ؟ فهد : حللوا محمد وعاصم وعبد العزيز وابو نايف بس فصيلة دمهم ماتصلح مع فصيلة دم نايف محمد : (يرفع صوته ) انتم هنا ليال : (تلتفت .. تناظر ) يجي محمد عندهم ويجلس .... محمد : وش كنتم تتكلمون عنه ؟ فهد : نتكلم عن اليوم وش صار لنايف ليال : انا بحلل وبشوف فصيلة دمي يصلح ولا لا محمد : (يرفع صوته ) هي هي لا تتبرع دم ليال : !! فهد : انا رايح اجيب شيء اشربه تبون اجيب لكم ليال : ايه ياليت محمد : جيب لي عصير تفاح فهد : طيب (يقوم ....يروح ) محمد : هي انتي مجنونه ولا ناقصك عقل ليال : ليش ؟ وبعدين لاتسب محمد : انتي توك بنت ولو تتبرعين دم وانتي بكل شهر ينزل عليكم هذا الشيء اللي يجي البنات راح يجيك فقر دم حاد ليال : (تستحي ) هي هي وش دخلك طيب من راح يتبرع محمد : (يبتسم ) ليال : (تناظر بتعجب ) من ؟ محمد : فهد يقدر يتبرع لنايف الدم تطابق فصيلة دم فهد بفصيلة دم نايف بس فهد علشان بينهم خلافات مايبي يتبرع له دم وعصب ابو نايف بوجهه فهد وطلع معصب واتوقع ابوه بيدور مستشفى ثاني عندهم فصيله دم نايف وفهد بعدها تضايق ليال : اهــا (تنزل راسها ) (لحظة سكوت ) ايه كم ساعه محمد ؟ محمد : الساعه الحين عشر  1دقيقه ليال : بسرعه رجعني للبيت ابوي اخاف يرجع ومايشوفني محمد : طيب طيب ركبو السيارة وفهد شافهم يرحون ثم دخل المستشفى وفي المستشفى فهد برى غرفه نايف فهد : حديث نفس: اخ ماقدرت انسى عشرتنا انا وياك (يبتسم بحزن ) يتذكر.........كانوا في رابع ابتدائي .. نايف : ترى بعلم الأستاذ انك مو حافظ سورة الي عطانه اياها فهد : شوف لاتعلم وراح اروح معك نايف : (يبتسم ) احلف انك بتروح معي لبيتنا فهد : والله نايف : لالالا ابيك تحلف كامل فهد : والله العظيم بروح معك بيتكم ـــــــــــــــــــــــــــــــــــــــــــــــــــــــــ فهد : (يبتسم ) حديث نفس : كنت تعرف تهددني وكنت دايم معي يتذكر .... هواش صار له بالأول متوسط فهد : (يضرب وليد) وليد : ياكلب (يضرب فهد ) عيال تعالوا عيال تعالوا اجتمعو العيال وصار هواش قوي وليد : (يمد يده بيضرب فهد ) نايف : (يمسك يد وليد ... ويناظر بحقد ) وليد : مسوي تخوفني بنظراتك هاذي نايف : ترى ابوك يشتغل عند شركة البلاستك تبي ابوي يفصل ابوك لأنك مديت يدك على ولد ابو الشركة واذا جربت تمد يدك على ولد عمي نفس الحاله راح تصير بأبوك وليد : (يبتعد ... يناظر بحقد .. يروح ) نايف : (يرفع صوته ) عيال اذا كنتم تفكرون تنـتقمون على فهد او حاولتوا تمدون يدكم عليه راح تندمون خليكم تقربون وصدقوني بتندمون كل واحد من عيال اللي خايف والي حاقد ووالي معصب وكل راح بطريقه نايف : فهد يعورك شيء ؟ فهد : (يبتسم ..يقوم ) كيف يعورني شيء وانت موجود نايف : تروح معي بعد المدرسة نتغدى (يحك راسه ) بسواق حق امي فهد : اكيد بصير جايع بتغدى معك بعد المدرسة هي ابي المطعم الي قبل يومين رحنا له نايف : ايه لايكون صح صح عرفته تامر امر فهد : ما يامر عليك عدو ــــــــــــــــــــــــــــــــــــــــــــــــــ فهد : (يتنهد ... وحزن ظاهر بوجهه ) (يرن جوال فهد ..... يطلع جواله من جيبه ....يرد الو أبو فهد : (بصوت مرتفع ) ليش رفضت تتبرع لنايف دم نذاله !ولا وش ؟ نسيت اللي سواه لك نسيت ؟ صدق انك ناكر الجميل فهد : (ينزل راسه ... ) أبو فهد : الو فهد انت معي الووو فهد : (يقفل جواله .... يدخله بجيبه الجوال .....يتنهد ) ــــــــــــــــــــــــــــــ في باب بيت ليال ..... تنزل ليال من سيارة ليال : يالله اشوفك على خير محمد : فمان الله تدخل ليال البيت .... ماتشوف احد بالبيت ... ليال : وينهم ؟ حديث نفس: شكلهم ماجوا جمانه وامي وابوي بيتأخر كعادته في الشغل على مااعتقد بروح اتسبح ونام (تمشي ..... ترقى الدرج...)حديث نفس: كان فهد وهو يعلمني وش صار لنايف الحزن ظاهر بوجهه احس انه يحس بتعب وهو يفكر فيه وحتى ماقال لي انه يقدر يتبرع دم لنايف اظن كان خايف من ردت فعلي له لأن بقلبي مكانه كبيرة لنايف (تتنهد ) وبعد الأستحمام راحت تلبس وتنسدح بسرير مسكرة نور الغرفه ومسكرة الباب وتلفحت بالحاف ومنسدحة على جنبها ليال : حديث نفس : مااصدق ابدا ان نايف في غيبوبه ويحتاج تبرع دم اخاف .....( عيونها تمتلي دموع )اخاف يموت وانا مابي افقد شخص ثاني عزيته وهو كان اول شخص تعرفت عليه اتذكر كل شيء (تبكي بصوت منخفض ) يارب يارب تقوم نايف بصحه وعافيه يارب (تبكي ) تسمع صوت جمانه ..... جمانه : ليال ليال وينك (تفتح باب غرفه ليال.... تناظر ) اخ نايمه ليال : ( تمسح دموعها ) وتسوي نفسها نايمه جمانه : (تسكر الباب) ــــــــــــــــــــــــــــــــــــــ وفي الصباح .... ام ليال : ليال قومي ...قومي ليال ليال : (تفتح عيونها ) ام ليال : بتتأخرين قومي ليال : انا مابي اروح ابي انام احس بأرهاق ام ليال : براحتك شكلك تعبانه (تحط يدها براس ليال ) ليال : حديث نفس: تذكرني بحركة امي (تبعد يد ام ليال ) ام ليال : (تستغرب .. ) لا بس شوي مرتفعه حرارتك اشوا انا طالعه اذا قمتي وحسيت بالجوع تشوفين الفطور في طاوله مغلف ( تطلع وتسكرالباب) ليال : حديث نفس: اعذريني مابي اتذكر شيء عن امي معلومة : انا سميت ام ليال لأن ليال تعتبرها حسبة امها بس ليال تحس بالقهر اذا ذكرت امها لأنه تحس السبب طلاق امها وبداية مشاكل لأمها سببها زوجة الثانيه وهي ام جمانه واللي اسميها ام ليال .... وبعد مرور 5 ساعات قامت ليال وشافت الساعه 10 صباح ..وراحت غسلت وجها وفرشت اسنانها وبدلت ملابسها ودخلت المطبخ ... ليال : حديث نفس : اخ احس بالجوع (تجلس بالكرسي .... تفتح الصحن المغلف ... تشوف ..) حديث نفس: كالعاده توست محمص بالبيض (تقوم ... تفتح الثلاجه ... تطلع مشروب غازي .... تسكر الثلاجه ... تجلس .. تفتح المشروب الغازي ... تشرب ...) ام ليال : (بصوت عالي ) ليال ليال : (تتفاجئ ) نعم ام ليال : ماتشوفين العلبه الحليب قدامك ليش ماتشربينه وليش تشربين الي معك عطيني اياه (تسحب المشروب الغازي ) ليال : (تستغرب .... تنزل راسها ...) ام ليال : (تكب المشروب بالمجلى ) ليال : (بصوت منخفض وحزين ) وش ... وش ام ليال : وش تقولين ؟ ليال : (ترفع صوتها ) وش دخلك فيني وكأنك راح تهتمين (تقوم ... تطلع ) ام ليال : وش غير طبعها ؟ ..... وش فيها ؟ ــــــــــــــــــــــــــــــــــ في المدرسة ...... في الفصل ..... عبد العزيز : (جالس بالكرسي وماسك قلم حبر يلعب به ) ليش غايب الدافور عبود ؟!وثاني اللي مسوي دافور فهد ؟! محمد : (بقهر ) ماادري والله عاصم : فهد يمكن علشانه ضايق ماقدر يداوم وثاني عبود ذا ماله عذر احسن انه ماجى ريحنا وريح ملائكتنا انا ماكان ودي اداوم بس ابوي ياعليه صراخ يفزك وينرفزك عبد العزيز : هههههههاي انا مأدري كذا جاني نشاط غير طبيعي وجيت اليوم عاصم : ههههههه انت نشيط اما (يضحك ....يناظر محمد ...) محمد وش فيك ؟ محمد : هلا لا مافيني شيء بس تعبان ومنهمك وافكر بنايف عاصم : (يحط يده بكتف محمد ) ان شـــاء الله يقوم بسلامه بس اللي عليك تسوي تدعي له يقوم بصحه وعافيه محمد : حديث نفس : غاب فهد وذي البنت غابت ليكون متفقين يروحون لنايف الصبح ؟ وفي البيت ليال ....في الغرفتها .. ليال : اخ جايعه ولا اعرف وش اسوي ام ليال : (تدق باب غرفه ) ليال افتحي بقول لك شيء (تدق الباب ) انا بروح ومعي الشغاله لسوبرماركت اقضي شوي ارغاض وبرجع طيب ليال : (ماردت عليها ) ام ليال : اجل فمان الله ليال : (تقوم ... تركض ... تفتح باب الغرفه ..) صبر صبر بروح معك ام ليال : اجل تجهزي وتعالي معي انتظرك بسيارة ليال : طيب بس مارح انزل ام ليال : براحتك حديث نفس : رجعت لطبيعتها ام ليال راحت تركب السيارة ومعها الشغاله ينتظرون ليال .... لما جت ليال ليال : جيت (تركب قدام ) وفي بوفيه ......فهد وهو ياكل فهد : حديث نفس : اروح لنايف ولا لا اتبرع له ولا لا اخ ماقدرت انام ولا رجعت للبيت وغبت عن المدرسة وابوي معصب مني يالله ....... وفي المدرسة ......في غرفة المدير محمد : ها يبه طلبتك تكفى طلبتك خلني ارووح انا والعيال لنايف ابو محمد : تعقب تطلع اقول روح ارجع فصلك روح العصر زور نايف مهوب الحين محمد : (ينقهر ) (يقرب من ابوه .... يبوس راس ابوه ) اهم شيء يبه راحتك لاتعصب ولا تزعل انا راجع فصلي فمان الله (يطلع ) ابو محمد : أيــه انا كذا مربي ولدي وفي الساحه ... عبد العزيز : ها بشر محمد : ابشركم ابوي وافق ومو بس وافق وعطاني مفتاح السيارة اللي توه شاريها عاصم : كفو والله عبد العزيز : ياحليل ابوك طيب وحنون مو مثل ابوي محمد : يالله نطلع بسرعه عبد العزيز : قدام محمد : حديث نفس : اخرب عليهم ولا يتفقون يغيبون ويرحون لنايف وهي تقابل فهد وبعدين تعترف له (يتخيل ) ليال : احبك فهد فهد : وانا بعد محمد : يعقبوون وانا حي في سيارة .... بعد وصولهم لسوبر ماركت ليال : يالله بنرجع بعد ساعتين ام ليال : انتبهي على نفسك ليال : احم احم (في هنا ناس عدلي كلامك لي ) ام ليال : وش اعدل كلامي ؟ ليال : سلامتك يالله حرك السواق : يشغل السيارة ... وفي نص الطريق .... ليال : هي روح عند مستشفى _____ السواق : فين هذا مستشفى ليال : اخ طيب بوصف لك ودني له السواق : (يرفع صوته ) يالله قول فين هو سرعا ليال : (تتفاجئ) طيب طيب لا تصرخ ايه تعرف شارع ____ وفي سيارة ... عبد العزيز : هي هي لا تسرع محمد : انا مااسرع عاصم : الا تسرع محمد : طيب طيب بخفض السرعه (يخفض السرعه ) حديث نفس : انا خايف يكونون مع بعض هي وفهد ... اخ في سيارة .... ليال : ايوه هنا وقف شوف خلك هنا بروح وبرجع السواق : ان شاء الله ليال : (تنزل من سيارة ... تسكر الباب ... تدخل المستشفى ...) في قسم الأستقبال .... ليال : لو سمحت غرفه 15 متى يكون موعد زيارة ؟ قسم الأستقبال : اصبر لحظه اشوف في المواعيد ليال : اوكي (تنتظر ) فهد : عبدالله ؟! ليال : هلا حبيت اعرف متى وقت الزيارة فهد : أيـــه حتى انا (لحظــــة هــــدوء ) قسم الأسقبال : يبدأ من العصر وينتهي من بعد صلاة المغرب ليال : اها مشكور ( منزله راسه وضايق خلقها ) قسم الأستقبال : العفو فهد : (يناظر ليال بحزن ) حديث نفس : اذا انا بيني مشكله بنايف وماابيه في غيري يهتم فيه امه ابوه اخته وحتى باقي اصدقاي يهتمون فيه بساعده علشانهم ) لو سمحت قسم الأستقبال : هلا بغيت شيء ؟ فهد : انا جاي هنا اتبرع لصديق اسمه نايف راشد ال ليال : (منصدمة !!!) قسم الأستقبال : أيـــه مكتوب عطني اسمك الكامل وبطاقتك فهد : (يطلع بطاقته) اسمي فهد ...... ليال : حديث نفس: يعني هو مسامح نايف يعني بيرجعون مثل اول .......اخوان قسم الأستقبال : تفضل اجلس وانتظر شوي لما ينادون اسمك فهد : طيب (يمشي ...يجلس ..) تعال عبود هنا جنبي ليال : هــا . فهد : (يضحك )تعال ليش واقف هناك ليال : (تمشي ... تجلس جنب فهد ) فهد فهد : هلا ليال : متأكد انك تبي تتبرع بدمك فهد : أيــــه متأكد ليال : متأكد متأكد فهد : ايه متأكد ليال : متأكد متأكد متأكد فهد : ليش ماتبيني اتبرع بدمي لنايف ترى ماعندي مشكله (يرفع صوته ) لو سمحت ليال : لالالا مو قصدي كذا (تنزل راسها )بس فرحت كثير وابي اتأكد انك مو نادم ابداا وانكم بترجعون اخوان فهد : لا مارح نرجع اخوان بس بتبرع علشان الكل مو علشانه هو ليال : (تناظر فهد ... منصدمة ) محمد : وش كنتم تسون ؟ فهد : !! ليال : !! محمد : اكرر عليكم وش كنتم تسون ؟ فهد : وش فيك مريض ؟ ليال : ماكنا نسوي شيء جالسين نتكلم عن موضوع محمد : وش الموضوع ليال : الموضوع ان فهد كان فهد : (يحط يده بفم ليال ) ليال : (متعجبه .... تناظر فهد بتعجب ) فهد : (منزل راسه ...يبعد يده عن فم ليال ) كنا نتكلم بموضوع خاص وش تبي ؟ محمد : (ينقهر ) وش الموضوع الخاص قول قول فهد : مابي اقول افهم محمد : عبود ابي اكلمك تعال ليال : هـــا....... انا ؟! محمد : تعال معي ليال: طيب (تقوم ) (وفي مكان بعيد عن الكل ) ليال : هلا وش بغيت محمد : وش كنتي تسوين معه ليال : هي هي لاتفهم غلط بس كان يتكلم بموضوع خاص فيه لا اكثر وش فيك محمد : (ينحرج ) أيـــه ^^^^يرن جوال ليال ^^^^ ليال : (ترد على جوال ) الووو هلا ام ليال : وينك انتي وسواق ترى خلصنا من زمان يالله تعالي انتي وسواق بسرعه ليال : طيب طيب (تسكر جوال ) يالله اشوفك على خير محمد : ليش وين رايح تــو الناس ليال : غصب عني اروح امي تنتظرني برا سوبر ماركت وانا معي السواق يالله عن اذنك محمد : الله معك ـــــــــــــــــــــــــــــــــــــ من تــأليــــــــــف : وداد روايــــه : تمنت ان تصبح ذكــــر فأصبحــــت !!! البـــــــارت الجاي ان شاء الله يوم السبت القادم تاريخ 6\11\1433هــ |
|
#45
09-16-2012, 05:20 AM
| ||
| | ||
| البآرت كتتتير بيجننن..يسسسلمو يا ححلوة.. أنتي عنججد ححلوة..تعرففين ححسيت أن مححمد..هيكك ما أرتححتلو.. أححسس ذا الممدعو فهد ححيل ححلو وجميل..<<..ششو ششاففين تتتغززل فيه..<<..هبلةه صصح؟؟؟..-_- أنآ مآ فههمت كتتير من مششهد ليآل وأمهآ..أناآ إللي فههمتو أن أم ليآل هي الزوججةه الثانية..<<..صصح ولآ غلط..<<.تترآ وددي أععرف الججواب قبل منقهر... عججبتني ححيل الروآية..والبطلة كتتير دخخلت قلبي على فككرة..والككاتبة كتتير مبدعةه وبتجنن وأنتتي تملككين يد مبدعةه عنججد.. ننتظر البآرت القآدم ححلوتي...أششوفك على خخخير..وأششكر الببنت إللي بعثثت لي الرآبط..لولآهآ لنسسيت الروآية من أصصلهآ..<<.ششكراً جزيلاً..<<..ما وددي أذكر أسسمهآ..هيآ تععرف حالههآ..^^ يلآ بآي..أتمنى أن يككون رددي ططوييل..ويفتح النفسس..ترآ هذا الللي طلع بعقلي..^^ بآي..ننتظظرككــ..^^
__________________ ~ الوداعُ ما هُو إلّا لِقاءٌ آخر أعزائِي. مُدونتي، معرضي Tumblr, @Niluver, @Ask.fm@ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ل يوم حتلاقى نكت تموت من الضحك أو تموت من الفقع فى كل الحالات حنخف شوية من عدد السكان و نساعد بلدنا فى أزمة البطالة | malk*alhob | نكت و ضحك و خنبقة | 12 | 06-25-2016 05:26 PM |
| متى تصبح صديقاً... ومتى تصبح حبيباً | BOSS of BAGHDAD | مواضيع عامة | 6 | 08-09-2015 07:09 PM |
| متي تصبح طبيبا ومتي تصبح حبيبا | osha | أرشيف المواضيع الغير مكتمله او المكرره او المنقوله و المخالفه | 4 | 02-21-2007 11:08 AM |
60Likes
العرض العادي
