|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
06-28-2012, 12:04 PM
| ||
| | ||
 تخيلوا لو البنات هما اللي بيخطبوا الاولاد؟؟ اذكركم الموضوع فقط للفرفشه يعني بدون زعل والله مانزلته إﻻ للونااسه وبس المهم .. تخيلوا البنات يخطبون اﻻوﻻد!! يعني تتفاجأ في يوم وانت قاعد تقرا كتاب رومانسي وأنواع اﻷحﻼم الورديه (يااي) و سرحان في فارسة احﻼمك على السيسي اﻻبيض.. اﻻ و امك داخلة عليك و توها جاية من اﻻستراحة و تقولك: يا ولدي ودي اكلمك في موضوع. . ترد انت بكل خوف : خير يمه؟ .... تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ .... ثم تنزل انت راسك في اﻻرض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. وﻻ عندها سوالف السفر و الخربطة و ما تشرب وﻻتدخن و ﻻ تروح ﻻستراحات البنات. يعني بنت ما عليها. . تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امك: هي شافتك و انت نازل من باص المدرسة (الله واكبر يالروز رايز)... بس ..و سألت عنك و قالو لها خوش ولد ماهوب راعي سوق و كوفي شوب و ما يطلع اﻻ مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك.. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري) و تقول : اه اخيرا حسَت و خطبتني. ( ﻻ ﻻ ﻻ والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي ﻻيت) و تزين حواجبك و تشيل شعر يدك و رجلك بحﻼوة و تطلع زي فلقة القمر وتجي البيت و تلبس الثوب اللي فصلته عند المصمم( عبده شولق) لثياب اﻻعراس و الحفﻼت واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: يا يبه دايما تحرجني انت واي واي و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسﻼم عليكم(صاير حكيم على غفلة) ترد هي بعد ما وقفت و عليكم السﻼم ( و هي تناظر فيك و في كل قطعة فيك) ... و تقولها تفضلي... . تقول هي: وش اﻻحلى العصير اﻻحمر و ﻻ اﻻصفر؟ بزعمها تبي تلطف الجو معك <...تتلصق. تقول انت: كله حلو تقول هي: اكيد كله حلو ﻻنك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه اﻻ اخوانك يستنونك و يقولون: ها وشلون شكلها تقول انت: واي واي تهبل تهبل حلوة و دمها خفيف و ذوق اهههههااي اﻻ ابوك من المطبخ يلولش (يزغرط بالمصري) لللللللوووولللللوووووشششششششش مبروك يا ولدي اﻻ بدخلة اختك العربجية من بره و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله ﻻلعن شكلها اللي جايه تخطب اخوي شباب آخر زمن < والله وصرتم يالبنات تقولونها اﻻ بدخلة امك و تسطر اختك كف و تطلع اختك بالسيارة و تفحط و تروح لﻼستراحة البنات <..تخيلوا عاد و تمر اﻻيام و انت تجهز ثوب العرس و الكوشة و بيت الزوجية و خﻼل هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و يجي يوم العرس و تقعد انت في الكوشة و كل الشباب حوالينك يرقصون و يغنو ن على انغام طيران فرقة الشاطئ للرجال و طبعا مافيه زبيدة او صيته او العنود وسارة وشوي اﻻ العفسة قايمة : ترى العروس جايه و ينطون الرجال و الشباب كلن يلبس شماغه و يتلطم .. و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي و يتم الزواج و بعد تسعة شهور اﻻ انت تصرخ في الليل فيك الطلق و يودونك المستشفى و تولد و تجيب توأم وتطلع من المستشفى الى بيت اهلك علشان النفاس <....حركات و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك ويزيد حدة الخﻼف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول.. الزعل مرفووض والرد مجبووور للامانة:  ياريت:الرد+اللايك+التقييم :rose::rose:تحياتي:rose::rose:  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تحدي الشباب و البنات ((دخووووووووول)) جميع البنات و الاولاد | عاشقة التحدي | تسالي و ألعاب | 4266 | 02-26-2018 05:12 AM |
| علاج الطفش عند البنات ممنوع دخول الاولاد .......و لا عادي ادخلو يا الاولاد بس ما رح تستفيدو شي | قمر الجنوب | نكت و ضحك و خنبقة | 10 | 04-21-2017 10:38 PM |
| اسلحة حق البنات لقتل الاولاد { ممنوع دخول الاولاد } | فراشة الاردن 2 | أرشيف المواضيع الغير مكتمله او المكرره او المنقوله و المخالفه | 52 | 08-03-2010 04:16 AM |
العرض العادي
