السلام عليكم
كيفكم ؟؟
هاي اول مشاركة الي ان شاء الله تعجبكم :heee::a7eh::glb:

2012


شخصيات 2012
زينة: العمر15 سنة
الصف العاشر ب
الطول 169
الوزن 50 كغم
الهواية عمل مقالب
لون الشعر ازرق غامق
لون العيون ازرق فاتح

لؤي ( اخ زينة الصغير ): العمر 8 سنوات
الصف الثالث
الطول 95
الوزن 20 كغم
الهواية الرسم
لون الشعر بني
لون العيون بني

ربا: العمر 15 سنة
الصف العاشر ب
الطول 165
الوزن 46 كغم
لون الشعر اخضر
لون العيون رصاصي

عاصم: العمر 15 سنة
الصف العاشر ب
الطول 172
الوزن 60 كغم
الهواية قول الاشعار
لون الشعر اسود
لون العيون اسود

رامز: العمر 15 سنة
الصف العاشر ب
الطول 172
الوزن 60 كغم
الهواية القراءة
لون الشعر اسود
لون العيون رصاصي

يزن: العمر 15 سنة
الصف العاشر ب
الطول 170
الوزن 61 كغم
الهواية وضع تعليقات لكل شي
لون الشعر ابيض
لون العيون ازرق

مجد: العمر 15 سنة
الصف العاشر ب
الطول 165
الوزن 40 كغم
الهواية الدراسة
لون الشعر اصفر
لون العيون عسلي

ام زينة: (هيا) دائما مستعجلة بالقاء اللوم دون ان تستمع لاحد , تخاف من ان تخسر عائلتها

الاستاذ جميل : مدرس اللغة الانجليزية لايحب اعطاء الحصص ويحب ان يكون مع طلابة كالعائلة الواحدة

الاستاذ عاطف: معلم الفيزياء كثير العصبية يضبط الصف دون عناء يقسو على طلابه

اب زينة : ( وائل ) يحب الاهتمام بعمله واولاده وهو اب حنون جدا

هاي شخصيات القصة ان شاء الله تكون عجبتكم مشان انزل الجزء الاول

__________________
يآ رب مع كل دقيقه آتنفسْ بهآ ؛ آبعدنيَ عنْ عصيآنك


قصتي " انا وانا "
http://vb.arabseyes.com/t388420.html#post5725286

هاد اول جزء للقصة ان شاء الله تعجبكم :kesha:


2012
بدا عام جديد مليء بالمفاجئات كيف يمكن لفتاة بعمر الزهر ان تستقبل هذا العام ؟!
(1-1-2012)
زينة:: هاي السنة حلوة كتير حاسة انها رح تكون احلى من السنة الماضية
لؤي:: بس انت كل سنة بتحكي هيك وبالاخر بتحكي للاسف هاي السنة ماكانت حلوة
زينة:: انت شو دخلك صحيح دايما بصير معي هيك بس انا متاكدة انو هلا غير
لؤي:: طيب منشوف
( في الطابق العلوي للمنزل يظهر صوت يفزع زينة ولؤي )^4444^^4444^
لؤي:: زينة شو هاد الصوت
زينة:: مابعرف يلا نشوف
لؤي:: بس انا خايف
زينة:: ومن شو بدك تخاف يعني الحقني ياخويف
لؤي:: اسكتي شوفي كيف انت بتخافي لما لو طلعتلك بسة من الشباك
زينة::مو وقت هاد الحكي ابصر شو صاير فوق تعال وراي
( طلعوا زينة ولؤي الى الطابق العلوي شافوا امهم واقفة وساكتة ):haaa:
زينة:: ماما شوفي ؟؟
( بس الام ما ردت عليها )
لؤي:: ماما شو مالك شوصاير ؟؟
( الام ............ ماردت )
الام: مافي شي ياولاد انزلوا تحت
زينة:بس احنا سمعنا صوت عالي من هون
الام ( تصرخ ) : زينة انا حكيت انو مافي اشي انزلوا تحت
لؤي ( مسك ايد زينة ) : يلا ننزل اختي
زينة: يلا تعال
( الام فاتت بسرعة على غرفتها وسكرت الباب , زينة استغربت كتير من الي صار )
زينة: لؤي انا طالعة على غرفتي
لؤي: طيب روحي انا بدي اطلع العب كرة
زينة: طيب
( طلعت زينة على غرفتها وهي طالعة وقفت على باب غرفة امها وسمعت حركة كتيره بالغرفة بس ماحبت تفوت مشان ما تبهدلها امها وراحت على غرفتها )
زينة: ابصر شو صاير شكلو اشي مهم ولا ماكانت ماما تصرفت هيك
(2-1-2012)
( صحت زينة من النوم وراحت على غرفة اخوها وصحتوا , لبسو اواعي المدرسة ونزلوا مشان يفطروا)
زينة: صباح الخير ماما
لؤي: مرحبا ماما
الام: اهلين ماما صباح النور يلا تعالوا افطروا
زينة: ماما بدي اروح اصحي بابا مشان يفطر معنا
الام: لا ..............
زينة: ليش ماما شو في ؟؟
الام: ( وهي مرتبكة) أأأأأأ أبوكي طلع بكير اليوم
لؤي: ليش مين بدو يوصلنا على المدرسة
زينة: ( استغربت كتير وصارت تفكر وتحكي بعقلها ) شو صاير مع بابا ,,, ماما ليش هيك متلبكة
( اخدت زينة اخوها بعد الفطور وطلعوا على المدرسة )
( في الطريق )
لؤي: زينة شفتي ايد ماما ؟
زينة: ليش شو مالها ايد ماما ؟
لؤي: انا شفت ايد ماما مجروحه وعلى بلوزتها دم
زينة: انت متاكد؟
لؤي: اه متاكد
زينة: استنى شوي بدي ارن على بابا واصبح عليه ( طبعا زينة كانت بدها تعرف شو صاير بس التلفون ضل يرن وابوها ما كان يرد )
لؤي: شو بابا مارد؟
زينة: لا ما رد يمكن عندو شغل
( وصلوا المدرسة وطول اليوم زينة ضلت تفكر ومو مركزة بأي اشي )
( بالليل )
زينة: ماما بابا تاخر متى بدو يجي
الام: ابوكي بدو يتاخر اليوم انتو روحو نامو
لؤي: طيب اصلا انا نعست كتير
زينة: انا بدي استنى بابا لاني ماشفتو اليوم
الام: لا ابوكي رح يتاخر كتير وانتي عندك مدرسة روحي نامي
لؤي: لا ماما خليها تسهر عشان بكره اضحك عليها
زينة: وليش بدك تضحك على يا زنخ
لؤي: بكره عيونك بكونوا نافخين وحمر وشكلك بضحك
زينة: بلا شو مين حكالك ؟
لؤي: مشان الله اسهري عشان ماتصحي بكير وانا اضحك عليكي وما اصحيكي وتروح عليكي المدرسة هههههههههههه
زينة: استنى انا رح افرجيك يازنخ
لؤي: رح تكوني متل الوحش وكل الي بالمدرسة رح يضحكو عليكي هههههههه
زينة: اسكت احسنلك مااااااامااااااا شوفي لؤي
الام: لؤي لاتخلي اختك تعصب منك
لؤي: خلص انا تعبت بدي انام بكير عشان ما اصير بخوف
( زينة بترمي على لؤي الكندرة ( بعيد عنكم ) ولؤي بهرب وهو بضحك)
(3-1-2012)
زينة: ماما كمان اليوم بابا طلع بكير
الام: لا , ابوكي نايم
لؤي: بدي اروح اصحي
الام: ( تصرخ) لؤي تعال ما تروح
زينة: ليش ماما خلي يصحي بابا
الام: أأأأأأأأأأأ ...... بس أأأ أبوكي حكالي ماحدا يصحي
لؤي: ليش
الام: مهو مبارح رجع متاخر ونعسان حرام نصحي هلا
زينة: اشتقتلو مبارح ماشفتوا
الام: مو مشكلة
زينة: ماما ليش ايدك مجروحة ؟
الام: من وين ؟
زينة: هيها من عند اصبعك
الام: ييييييييي شو هاد كيف انجرحت
زينة : شكلوا انكسر معك اشي وجرحك
الام: ( بارتباك) لا لا مابعرف
( وراحوا زينة ولؤي على المدرسة وبالليل على العشاه)
زينة: (وهي بالمطبخ بتجهز مع امها العشا) ماما شو صاير مع بابا انا حاسة انو في اشي احكيلي
الام: ليش شو صاير مع ابوكي مافي اشي
زينة: الي يومين مو شيفتو وينوا بابا
الام: الصبح بكون نايم او طالع بكير وبالليل بيجي متاخر
زينة: بس هو ما كان هيك اول مرة بمر يوم بدون ما اشوفو
الام: خلص هلا ناقلي الاكل
(بعد العشا راحو يناموا وكان الاب لسا مو جاي على البيت )
(4-1-2012)
(صحت زينة وتاكدت انو امها بالمطبخ وراحت على غرفة امها وابوها وفتحت الباب شوي شوي , مالقت ابوها نايم بالغرفة وشافت صندوق محطوط جمب الخزانة وكان صندوق كبير كتير , خافت زينة وفكرت انو ابوها بالصندوق وانو امها قاتلة ابوها فصارت ترجف من الخوف , قربت من الصندوق وفتحتو فشافت مزهرية مكسورة فانصدمت , نزلت عند امها وحكتلها)
زينة: ماما انا فتت على غرفتك وشفت صندوق
الام: شوووووو
زينة: شفت صندوق جمب الخزانة
الام: والله لافرجيكي انتي مين سمحلك تدخلي على غرفتي وان شاء الله فتحتي الصندوق
زينة: اه ماما فتحت الصندوق
(امها داخت وقعدت على الكرسي زينة مسكت امها وحكتلها )
زينة: ماما بس الصندوق في مزهرية مكسورة
الام: والله كسرتها مو بقصدي اصحك تحكي لابوكي
زينة: طيب وينو بابا
الام: حكيتلك بالشغل شو ما بتفهمي
زينة: ماما طيب انت ليش خايفة شو يعني لو انكسرت المزهرية
الام: بس هاي المزهرية مو عادية
زينة: وشو يعني
الام: هاي المزهرية ابوكي جايبها عشان بكره عيد ميلادي وبدو يهديني اياها
زينة: هو حكالك هيك
الام: لاهو ما حكالي بس انا شفت ورقة معلقة على المزهرية مكتوب عليها الى حبيبتي
زينة: (وهي تضحك) شو عرفك انو انتي يمكن مو انت حبيبته
الام: شو قصدك يا بنت ( الام بتسكت شوي وبتصرخ) يالهوي .... الحقيني يابنتي ابوكي بحب وحدة ثانية
زينة: ماما انا بمزح هههههه
الام: الله يوخدك فكرت عنجد
زينة: ياماما هاي مزحة ما بصير تصدقي كل شي بسرعة
الام: قصدك اني هبلة وبصدق الاشياء بسرعة
زينة: لاعفوا ماما انت الي حكيتي هيك انا ماحكيت اشي
(قامت الام وهي بتحكي بحالها عنجد ما اغباني وشو يعني لو المزهرية انكسرت عادي بشتريلي وحدة تانية )
لؤي: ماما وين الفطور
الام: هيني جاية استنى شوي
( حطت الام الفطور واكلوا وطلعوا الولاد على المدرسة )
( في المدرسة)
(زينة وهي ماشية اصتدمت بطالبة ووقعت البنت على الارض وانكسرت ايدها )
زينة: اسفة كتير ما كان قصدي
البنت: كسرتيلي ايدي شو هاي اسفة وين اصرفها
زينة: رح اخلي بابا يوخدك على الدكتور بس سامحيني عنجد ماكنت منتبهة
البنت: (صارت تعيط) اييييي يا ايدي
زينة : (اتصلت على ابوهو واجى مشان يوخد البنت على الدكتور)
الاب: ايدك مكسورة رح يلفولك اياها
البنت: كلو منك يازينة هلا كيف بدي اكتب كيف بدي ابين قدام الطلاب بكره بصفي الجديد بدك اياهم يحكوا عني اني من اول يوم مكسرة
زينة:ليش انت جديدة بالمدرسة
البنت:اه
زينة: وباي صف حطوكي؟
البنت: مابعرف كانوا اليوم رح يحكولي بس انتي خربتي علي
زينة: شو انت ما بتفهمي حكيتلك اني اسفة
البنت: طيب خلص اسكتي راسي بوجعني
زينة: طيب رح اسكت
(الاب اخد البنت وروحها على بيتها هو وزينة واعتذروا من اهلها ورجعوا على المدرسة اخدو لؤي وروحوا على البيت )
الام: ليش راجعين بكير وابوكم ليش معكم , لؤي شو عامل ليش تعمل مشكلة مع الاولاد هيك خليت ابوك يعطل شغلوا ويجي يحللك مشاكلك في المدرسة
الاب: من وين جبتي هالحكي ليش دايما مستعجلة خلينا نحكيلك شو صاير
زينة:ماما وانا ماشية بالمدرسة وقعت بنت وانكسرت ايدها
الام: يا الله ساعدنا احنا حالنا على قدنا
الاب: ليش بتحكي هيك؟
الام: اكيد هلا رح يطلبوا فدية واحنا ما منقدر ورح يحبسوك بدل بنتك من وين بدنا نوكل ونشرب
الاب: احنا ما قتلنا البنت بس انكسرت ايدها لاتخافي مارح يطلبوا منك اشي
الام: طمنتني مارح تنحبس يعني
الاب: (وهو معصب)مشان الله احكيلي ليش بدي انحبس شو هاد جلطيني :n3m:
الام: طيب اسفة
(بالليل اتعشوا كلهم وراحوا يناموا )

اذا عجبتكم قصتي رح انزل الجزء الثاني :wardah:

__________________
يآ رب مع كل دقيقه آتنفسْ بهآ ؛ آبعدنيَ عنْ عصيآنك


قصتي " انا وانا "
http://vb.arabseyes.com/t388420.html#post5725286

قصة حلوة الله يوفقك

__________________

حين تطل على عيني دموع الفرحة
اعرف انك عند الباب
واسرع في ترتيب مخيلتي
لاصوغ حروفا للاطراء وللاعجاب

شكرا الك صديقتي

__________________
يآ رب مع كل دقيقه آتنفسْ بهآ ؛ آبعدنيَ عنْ عصيآنك


قصتي " انا وانا "
http://vb.arabseyes.com/t388420.html#post5725286

هههههههههههههههههههههههههههههههههههههههههههههههههههههه من الاخر ..بالأخير طلعت مزهريه وكمان للأم ....كمليها بسرعه الله يوفقك....انا بحب الشعر الازرق كتير وزينه طولها زي طولي ....كتير حلوه قصتك ....أنا لو صار فيه هيك موقف على طول بروح أدخل الغرفه بنفس اليوم وأكتشف الامر ...تسملي كتير قصتك روووووووعه

__________________