البارت الثالث والعشرين



تفتح عيونها من وجع ظهرها من البطيخ تتوقع تلقاء نفسها بين برجين المملكة والفيصلية وتكون ولي أول مرة خطط ريما صح > من جنب

رفيف عيونها طالعة من مكانها واللي يشوفها يقول طار عقلها كانت في مزرعة وشجر وكان الهواء نظيف يعني كان يجيب الراحة

رفيف: تدف ريما بقوة: قومي جعلك أمراض ما تشفى يا الخبل قومي شوفي وين حنا
ريما تفتح عيونها: ها وصلنا للرياض
رفيف: لا ما وصلنا
ريما بنوم: أجل لا تقوميني
رفيف: يا #### شوفي وين حنا
ريما تفتح عيونها: والله ما ##### إلا أنتي

ريما تناظر المكان وتلفت
ريما بانفعال: وينااااا
رفيف: وش دراني يا وجهة المرض لو كنت أعرف كان ما قومتك
ريما: ما تحسين إنك قليلة أدب معي
رفيف: أقول خلينا ننزل من صندوق السيارة ونشوف يمكن نلقاء صالح يرجعنا
ريما: طيب
وتنزل الاثنتين بهدوء
ريما: خلينا نقوم رزان تروح معنا أخاف تقوم وتخاف تعرفين قليلة عقل
رفيف: تراها دقيقتين مو طايرين
ريما: طيب وين نروح
رفيف: خلاص ليه ما تروح كل وحدة في جهة ندور صالح وبعد ساعة نرجع للسيارة
ريما: حاضر يا سيدي أي أوامر ثانية
رفيف خذت الدور جد: لا حضرة العقيد يمكنك الرحيل

(((( ويتفرقون الخبل ))))


-------------------------------

عند وليد يكلم بالجوال
وليد: أنا عندي اجتماع وتقول بطيخ ما بطيخ
ياسر: تكفى وليد أنت روح حاسب راعي البطيخ وأنا الحين راجع شوف دقيقة ولا دقيقتين وتلقاني عند وجهك
وليد: طيب ( وسكر الخط في وجهة ياسر)
ياسر: ألو ألو ( شكله سكر الخط عز الله رحت فيها)

------------------

وليد بعد ما سكر الخط

وليد يناظر الشخص اللي قدامه: أسف بس عندي شغل بروح وأرجع
...: أسرع تراء الاجتماع بيبدأ الحين
وليد: طيب ( ويطلع)

---------------------------

عند رزان


رزان:وين رفيف وريما لا يكون راحوا وخلوني وين أنا يماااااااااا
تنزل رزان من السيارة تبغى تدورهم وأول ما نزلت لقت في وجهة عمال المزرعة بالطبع كان كلهم هنود ووجيهم تخليك مو تبلع العافية إلا تدفلها ( تبصقها)
الهنود يناظرون رزان نظرات مشبوها خصوصا إنها كانت مو لبسه عباية وتعرف الشيطان ما مات
رزان على طول ركضت وهم وراها لين دخلت لفيلة كبيرة والهنود بسرعة راحوا خصوصا إن صاحب الفيلة معروف وخايفين منه

رزان أول ما دخلت شافت الخدامات الاندونيسيات والفلبينيات لابسين الزي الموحد وأشكالهم تفتح النفس وكل وحدة منها شايلة أكل يجيب العافية
رزان: ( مالت علينا هذولا صدق وجيه العز بس كيف قدروا يجيبون شغالات اندونيسيات وفلبينيات إلي أعرف معد ينجابون بس وش نسوي الفلوس تشتري يوم قلت لأمي تجيبهم قالت أخاف تذبحك ولا تسوي سحر لأبوك يطلقني عاد من شاف يقول أبوي ينهبل عليهم الشينات " يقاطع صوت تفكيرها صراخ الحارس"
الحارس: أنتي وش جابك هينا
رزان:......> أنحاشت
والحارس يلحقها ولا تعب وهي هلكت
الحارس: يا بنت وقفي
رزان: والله ما أوقف
الحارس: هين " ويجري الحارس لين شوي ويمسكها)
رزان: هب عليك مسابق اولمبياد
الحارس صدمت رجلة في كرسي وطاح
رزان: هههه صكيتة عين
الحارس يلحقها وهو يعرج وتدخل رزان على مكان منفصل عن الفيلة كأنة كراج للنقل استغربت خصوصا من الشاحنات بس ما فكرت كثير لأن أول ما شافت الحارس دخلت وحدة من الشاحنات



الحارس شافها ودخل ورائها : ها على وين يلا بسرعة وش جابك على المزرعة >> بالطبع الحوار داخل الشاحنة
رزان: والله ما أسوي شيء بست ضعت وصلوحي هو السبب قال إنة بيودينا الرياض وضيعنا أنا ورفيف وريما
الحارس:!!!!!!!!> مو فاهم أي شيء
((طرااااااااااااااااااااااااااااااااااااااخ)) > صوت تسكير باب السيارة

رزان:يا ويلي مين سكر الباب
الحارس: شكل العمال يحسبون ما فيه أحد " وقعد الحارس يطق الباب وينادي"
رزان بعد ما طفشت جلست على واحد من الكراتين بس طاح شيء صغير وتدحرج على الأرض
رزان تسأل الحارس: وش هذا
الحارس: لا لا تلمسينه
رزان: طيب مراح ألمسة وش هذا
الحارس: يعني في حياتك ما شفتي رصاصة
رزان: اه رصاصة أنتظر رصاصة زي حقت المسدسات والطاخ والطيخ
الحارس: ايوه الطاخ والطيخ
رزان بخوف رمتها على الأرض: يا رجال وش اللي في السيارة
الحارس: هذي سيارة تهريب أسلحة فاهمة
رزان: يعني فيه أشياء غير الرصاص
الحارس: أكيد فيه رشاشات مسدسات بجميع أنواعها بندقيات صيد وقنابل
رزان بصراخ وخوف: طلعني ما أبغى أموت الله يخليك
الحارس أعطى ظهرة لرزان ومسك جواله وحاول يتصل رزان جاها فضول تعرف وش في الكراتين الثانية وفتحت وأحد منهم وطلع شيء غريب كأنة ساعة مركب عليها أشياء ما تنفهم
رزان: ( كذاب قاعد يتفلسف علي مسدسات وبندقيات وفي النهاية ساعات صدق خبل" وقعدت رزان تضغط على الأزرار حقت الساعة)
الحارس يكلم رزان وهو معطيها ظهرة: ما فيه شبكة بس لا تخافين
رزان: لو سمحت شكلي خربت الساعة قاعدة تطلع صوت غريب
الحارس التفت بعد ما سمع كلمة ساعة: يا الخبل بسرعة نزليها بهدوء بهدوء
رزان: وش فيك
الحارس شوي ويبكي: هذي قنبلة
رزان أول ما قالها رمت القنبلة بغت تطيح بس الحمد لله مسكها الحارس
رزان لصقت في الجهة الثاني من الشاحنة: بعدها عني قنبلة قنبلة> توها تستوعب
الحارس بسرعة نزلها على الأرض ولصق في الجهة الثاني مع رزان: وش سويتي الله لا يوفقك لا يكون ضغطتي شيء
رزان: كنت أحسبها ساعة وجيت بأصلحها
الحارس: أحد طلب رأيك قالك صلحيها الحين وش نسوي
رزان: وش قوة هالقنبلة تتوقع تذبحنا
الحارس جأته حالة هسترية : حبيبتي والله حتى أبوك وأمك ما يتعرفون على جثتك أساس إذ كان فيه جثة
رزان تبلع ريقها: إذ كان فيه جثة يعني فيه أشين
الحارس: يمكن نتبخر في الهواء هذا حظك يا رائد تحرس تجار الأسلحة وتقابل المهبل
رزان: أسمك رائد أنا أسمي رزان
رائد: يا بنت حنا عند الموت وأنتي تبين تتعرافين
رزان: أكيد لها زر نطفيها زي مالها زر نشغلها

(( يقربون الأثنين من القنبلة ويجلسون والقنبلة مقابلتهم))
رائد : القنبلة ما بقى فيها غير 30 ثانية يمااااااا " ويغمى علية
رزان: يا ويلي وش أسوي الحين الرجال طاح ما فيه حل إلا أسوي زي أفلام رويم أعرفها بقطع السلك وتطفي بس أي سلك الأحمر ولا الأزرق خلاص الأحمر لأنة لوني المفضل" وتقطع الأحمر وقلبها يرقص وتطفي القنبلة وعلى طفيتها ينفتح الباب


-----------------------------

تتجول من غرفة لغرفة في الفيلة

رفيف: أخص يا الحركات والله العز باين من الفيلة
( وتشوف مجموعة من الحراس جاين وأشخاص كذا مريب شكلهم وتدخل أول باب قدامها
رفيف منذهلة: وين عايشين أحنا



( كانت غرفة أجتماعات فيها طاولة كبيرة مستديرة وحولها كراسي وشكلها باين عليها الرقي)

( تسمع رفيف صوت أشخاص عند الباب وفوراً تحت الطاولة يجي الأشخاص وكل وأحد يجلس )

وأحد من الرجال كان سمين وفي فمة سيجارة كبيرة: وين السيد وليد أظن إني كنت أنتظر أقابلة

((( يعني المزرعة اللي داخلينها البنات لي وليد)))
....: فيه شغل مهم وما يقدر يجي
الرجل1> اللي يسأل عن وليد: خسارة ما نقدر نقابله
الرجل2: سمعت عن خطة وليد لقتل سعود
رفيف منصدمة تحت الطاولة: ( هذولاء لهم علاقة مع أبو ريما يعني المزرعة حقه مافيا يا ويلي رزان وريما)
الرجل3: لو بغيتوا تقتلون سعود لازم تقتلون بالأول حمد سالم الـ...
رفيف شهقت وحاولت تخفي شهقتها بس فيه أحد سمعها: ( وش يبون بأبوي معقول أبوي يشتغل بالمافيا وأنا زاعلت ريما علشان كذا لا أبوي ما يسوي كذا كل هذا كذب بس)

(( مرت ساعة ونص على الاجتماع ورفيف من الصدمة كل كلمة يقولونها يالله تفهمها))

...: خلص الأجتماع
( يقوم كل رجال المافيا ويطلعون بقاء الشخص اللي يدير الأجتماع)
رفيف: ( لازم أروح وأعلم ريما ونطلع من هالمكان" يقطع تفكيرها يد تسحبها من تحت الطاولة"
...: رفيف وش جابك
رفيف مصدومة لا منهارة: أنت مع المافيا
... ببرود: أيه فيها شيء
رفيف بخوف: فهد ليه أنت مع المافيا
فهد تجاهل كلامها: وش سمعتي
رفيف : أنت تبغى تقتل أبوي
فهد: ايه أبوك تاجر مخدرات يشتغل مع سعود
رفيف بصراخ: كــــــــذب أبوي مو كذا
فهد بنظرة غريبة: معك أحد
رفيف خافت على البنات: لا ما معي
فهد: زين
رفيف: وش بتسوي
فهد: أكيد بقتلك بس لا تخافين أبوك بيلحقك
رفيف: :كأني بخاف أكيد بيساعدوني > تقصد ريما ورزان
فهد : بيساعدونك
رفيف سكرت فمها من الصدمة
فهد يرمي رفيف بقوة على الكرسي ويمسك الجوال ويدق

------------------------
..: ألو فهد
فهد: ياسر وينك
ياسر: أنا عند البضاعة بتأكد منها قبل ما أرسلها
فهد: قول لرجالك يدورون على بنات
ياسر بسخرية: أخر وأحد أتوقع يهتم بالبنات يكون أنت
فهد ببرودة المعتاد: أقول فيه بنتين في المزرعة جيبوهم بسرعة
ياسر: وش أنتظر
( يسكر فهد الخط في وجهة ياسر)
------------
رفيف: ( كيف عرف إنهم رزان وريما معقول يكون): أنت يا حقير لا تكون مع اللي خطفنا >>تقصد وليد
فهد ناظرها وأبتسم شبه ابتسامه وجلس على الكرسي اللي مقابلها
رفيف خايفة: ( الله يستر )

-------------------------

عند ياسر
ياسر: أنهبل وش بناته شكل ما لقى أحد يتآمر عليه غيري أقول مع نفسه
الحارس: طال عمرك لقينا حاجة لازم تشوفها
ياسر بسخرية: خلني أحزر بنات
الحارس: لا بس بنت وحدة
ياسر فتح عيونه: من جدك ولا تستهبل
الحارس يناظره
ياسر يرقع: أحم أحم وينها
الحارس: لقيناها في أحد الشاحنات وجنبها حارس مغمى علية وقنبلة
ياسر: ( يا حبيبي من أولها حارس مغمى عليه وقنبلة يا حظي الشين)
ياسر: القنبلة لا يكون سار لها شيء
الحارس: لا والبضاعة بعد
ياسر بصراخ: أسمع أنت وياه شوف إن سمعت سار شيء للبضاعة أنا بمحيك بيديني " وبصوت أستهبل" الحين حلوة > يقصد رزان
الحارس: هاا
ياسر يرقع : أقول وين البنت
الحارس يأشر للحراس وتجي رزان ما سكينها وماسكين معها المسكين رائد بعد ما قام من الإغمى
ياسر يصفر بإعجاب: مين عندنا
رزان: تكفى ما شفت لا أسلحة ولا قنابل ولا شيء
ياسر يستهبل: من جد
رزان: من جد
ياسر: واللي واقف جنبك كأنة معلاق ملابس
رائد: أنا
ياسر: أجل جدتي أيه أنت
رائد: أنا الحارس رائد
ياسر: أنا قلت عرف عن نفسك وش أبغى بأسمك وش سويت
رائد: سويت وش
ياسر: أقصد وش جابها معك ولقوك الحراس في وضع مريب معها> لا مريب ولا شيء بس يبي يقهر رزان
رزان شهقت: يا فضيحتي وش مريب أنا مستحيل أطلع مع شباب أنا بنت عالم وناس ومتربية
رائد بتوتر: أنا أنا
ياسر يأشر للحراس أخذوا رائد وطلعوا وما كان في أحد غير ياسر ورزان
رزان: حرام وش بتسون فيه تراء من أول ما شفتة وأنا مهبلة فيه> تعترف
ياسر بكذب: ولا شيء بس أبغى أتكلم معك ( ولا شيء غير التعذيب إلا الموت)
رزان: يعني بترجعني بيتي
ياسر: أسفة يا حلوة بس صديقي يبغاك
رزان: هيه تراء مو أصغر بزرانك
ياسر: سؤال أنتي أحلا ولا صديقاتك
رزان: بثقة نست نفسها: أكيد أنا الجمال وزينة البنات ومستحيل أحد يوصل لمستواي
ياسر: ( نشوف يا ست الحسن والدلال ) طيب يا حلوة خلينا نروح
رزان عصبت: أول شيء أسمي مو حلوة أسمي رزان ثاني شيء مراح أروح معك
ياسر يعطيها على قد عقلها: يعني يا رزان متأكدة إنك مراح تروحين
رزان بدلع طبيعي: أكيد على جثتي
ياسر: أجل ما عندي أي خيار
ما حست رزان إلا بجسمها يطير
ياسر وهو يشيلها: ها على جثتي
رزان: نزلني نزلني
ياسر: أحمدي ربك كل بنات المملكة يتمنون أشيلهم وأخرته أشيل وحدة وزنها طن
رزان: أنا وزني طن "تعض يدة ويطيحها"
ياسر معصب: تبين تروحين بالطيب ولا ييسير لك شيء ما تمنينة
رزان بلعت ريقها: أروح بالطيب


---------------------------

عند ريما أكيد أشتقتوا لها

((تتمشى في أسطبل الخيل وتشوف خيل لونه أسود))






ريما: ( الله كان حلمي أشوف خيل باين إنة غالي" تفتح الباب")

كان الخيل شكله مخيف ويصهل وباين إنة مو مروض وريما مدت يدها تبغى تمسح على رأسه إلا إنه وقف على قوائمه الخلفية والأمامية رفعها علشان يهجم على ريما وهي غمضت عيونها وما حست ريما إلا بيد تسحبها بر غرفة الخيل

ريما تفتح عيونها تشوف إنها طايحة على الأرض وفيه أحد ضامها
ريما تدفة: خير إن شاء الله
وليد كانت الخيل الاسود له وهي ماتسمح لاحد غير وليد يقرب منها: تبغين تموتين الخيل ما تحب احد يقرب منها
ريما: وليه صاحبها على غفلة حدك عامل>> تحسب وليد من عمال المزرعة
وليد مشاء عمال المزرعة: من أنتي
ريما: أنا تسألني من أنا
وليد: أيه أسألك فيه أحد غيري
ريما ترقع: أنا بنت صاحب المزرعة
وليد: ( لا توني أدري إن عندي بنت): غريب ما سمعت إن إن لصاحب المزرعة بنت
ريما: ( يا ليل ما أطولك): أكيد وأحد بمقامك مستحيل يعرف
وليد باستهزاء: وأحد بمقامي
ريما: أكيد أنتبه يا عامل الإسطبل ودرب الخيل زين مرة ثانية علشان ما تهاجمني
وليد أنقهر: ( هالبنت من هي علشان تكلمني بها الطريقة)
ريما: بس رحمة وشفقة مراح أقول لبابا " وقدها بتنحاش"
وليد ماسك كتف ريما وراص يده عليها: صدق أبوك ما عرفت إن لي بنت
ريما تلتفت وتبلع ريقها: أنت صاحب المزرعة
وليد وهو يرص على أسنانه: أيه من أنتي
جات ريما بتنحاش بس وليد مسكها من طرف التي شيرت ورفعها كأنها بزر وريما تبغى ترفسة بس ما قدرت

-----------------------------------

بعد مدة

رفيف باستهزاء: شفت مراح يلقاهم " وعلى كلمتها أنفتح الباب"
ياسر: هلا فهد
رزان منصدمة: فهد وش جابك يعني الشباب فيه> قولي راشد أحسن
ياسر: الشباب وش تقصدين
رفيف: رزان لا تتكلمين مع هالحقير هذا مع اللي خطفوا نورة وسمر
رزان شهقت: يا قليل الأصل
ياسر يناظر رفيف: أعطيك من العشرة – سبعة
رفيف: ها
ياسر: أسوي مقارنة من الحلوة بينكم بس يا حسرة كل وحدة أشين من الثانية
رزان و رفيف: إلا أنت الشين أنا أحلا منها " ويناظرون بعض بحقد"
فهد: ياسر لا تستهبل
(( وينفتح الباب إلا ريما طايرة على الأرض))
رزان ورفيف: ريمااااا
ريما تشوف فهد: أنت وش جابك
فهد: هلا ريما بنت سعود
ريما حست بشي: وش تقصد
فهد يأشر لوليد إلي عند الباب: هذي بنت سعود
وليد:سبحان الله تشبه أبوها لدرجة كرهتها من أول نظرة
ريما: يعني يمكن تحبني وأنا ما ادري
رزان: ريما لا تكلمينة هذا هو اللي خطف نورة وسمر وحاول يخطفنا
ريما: إذ أنت يا فهد كنت تساعده
فهد يتجاهل ريما: وش نسوي بهم
ياسر: نقتلهم
وليد بكذب: بس خسارة نقتلهم لازم نتسلى فيهم
فهد وياسر أبتسموا لأنهم فهموا عليه
ريما أزرق وجها من الخوف ورفيف تبلع ريقها رزان ترجف
فهد ياسر وليد قعدوا يضحكون بطريقة خوفت البنات
( رفيف تنغز ريما علشان يطلعون وبين ما هم يضحكون فتحوا البنات الباب وأنحاشوا)

فهد: وينهم
ياسر يشوف الباب مفتوح: أنحاشوا
( ويطلعون يدورونهم)


في المستشفى

لابس جاكيت الطبيب ويمشي في حديقة المستشفى ومع كل خطوة يتألم
بندر: أنت وين رايح
سلمان: رايح أدور أختي الله ما يعلم وينها أكيد خايفة> مسكين ما يعرف أختة
بندر: الشرطة تدور عليها أنت أرتاح
سلمان: وش نفع ذا التدوير لقوها
بندر: سلمان أنا ما أقدر أقول لك شيء بس عمي سعود ونايف يدورونها
سلمان بحزن: تتوقع هي عايشه
بندر: أكيد عايشه
بندر: لا تنسى أختي هي بمثابة اختك
يدخل سلمان المستشفى

عند سمر

في مكان مظلم وحولها مجموعة من الأشخاص مربوطة بالحبل
...: تعرفين وليد
سمر: ( هذا يمكن الشخص اللي خطفنا قبل) لا " يجي سمر هذاك الكف اللي يخلي وجها يلف من مكانة
سمر بصراخ: مين أنت علشان تكلمني كذا بروح لأبوي
....: قولي لي أسماء الأشخاص اللي خطفوك في المدرسة
سمر بدت تحس بالأغمى من التعذيب والتجويع
... يأشر لواحد يكب عليها موية بس ما قامت فمسك السلك الكهرباء وصعقها به
سمر تبصق دم: هاا حرام عليكم أبغى أشوف أبوي
...: أبوك مراح تشوفينه لين تقولين لي كل شيء
سمر: مين أنتم
... يمسك السلك ويكهربها لدرجة بغت تموت
سمر خلاص جسمها سار متخدر من الكهرباء
...: أنا اللي أسئل لا تخليني أقلع أصابعك الواحد وراء الثاني
سمر تستسلم لان مستحيل تتحمل التعذيب: طيب بقول لك(.....)>>> تقول له كل القصة من أولها لين أخرها حتى أتفاق وليد وكل شيء
.. جاء بيطلع من الغرفة
سمر بصوت يرجف: أنتظر ما قلت لك مين بنت زعيم المافيا
....: ايوه كملي
...: سمر بحقد: ريما سعود الـ.. هي السبب هالـ&^% (( ما حست إلا بيد تخنقها))
...: لا تتكلمين عن أحد ما تعرفينه
سمر: مين أنت
... يبتسم ويهمس بأذن سمر بكلام يخلي سمر ترجف وتصارخ زي المجنونة وهو طلع من الغرفة وكان شيء ما سار







((( هلا بنات أتمنى الأختبارات أوكي وتمام))

الأسئلة

وش بيسير للبنات؟؟؟؟؟
فهد ليه هو مع وليد ؟؟؟؟؟؟
ياسر وش شخصيته؟؟؟؟
مين اللي عذب سمر( تراء مو سعود)؟؟؟؟
المجهول وش قال لسمر لدرجة أنجنت فيها؟؟

__________________




شكرا خاص لصديقتي غريقة الحب على هالتصميم



It's summer time girls


روايتي الثانية: أسرار مدرسة العليا

http://vb.arabseyes.com/t408642.html

مشكوووره وننتظر التكملة

__________________
sweet black
شكرا اختي Ĵust Đrëâm
على التوقيع[/COLOR]


^_^روايتي الاولى انتي نادلتي^_^

http://vb.arabseyes.com/t330593.html

حجز

حجز 2

__________________
I love you syo kun

نوشا حبيبتي انا الحجز رقم 2222222

__________________
I love you syo kun