رواية تتعب لو معي تلعب - الصفحة 70 - عيون العرب

**Đαяℓɪɴ** · #**346** 07-30-2012, 08:32 PM

منتظريــــــن البــآرت غلاتي ^.^

لا تتـأخري علينــآآ ..

**الكاتبة ساندرا** · #**347** 07-30-2012, 11:55 PM

رواية تتعبــ لـو معــي تلعبــ

..البارتـ الثامنــ والعشـــرونـــ...

واقتربت منه ..

وحطت يدها فوق يده ورفعت البلوزه بشويش ..وهو يناظرها بضياع واقتربت منه اكثر ..وزادت نبضات قلبه من قربها له..

راكان(أحس أن قلبي بيطلع من مكانه من دقات..مدري وش صار لكـ يا راكان..؟؟)

كان يناظرهـا..ومن قربها مابقى إلا شوي وتلتصق فيهـ..

ورفعت عيونها على عينهـ..توترتـ لما شفت نظراتهـ..

ألي مقدرتـ أفسرها..

راكان قاطع الهدوء وبالأم:آآآهـ..

جيهان فز قلبي من قال آآهـ.. وابتعدت عنهـ:بروح للتوليت وبجي بس شوي..

وتوجهت للتوليت قضيت حاجتــي وغسلت يدي..

وفتحت الباب بشويش..

وانصدمتـ لما شفتهـ يضحكـ..

ويحركـ يدهـ بدون ما يتألمـ وكل شيء عادي..!!

جيهان بقهر(جالس يلعبت علي هااهـ..هين أنا اوريكـ منو جيهان يا اخ صايع)

وفتحت الباب كلهـ..وكشر على وجهه على طول وهو يتميرض وحالتهـ حالهـ..

الصراحه وجع قلبي من كثر ميقول آآهـ و آآهـ..

أنا بكتمـ الأأهات مرهـ وحدهـ..

وفتحت المرهمـ..وسدحته لسري على ظهرهـ..

جيهان حطيت شوي من المرهم بيدي:تعبان وين يوجعك هنا ولا هناك..

راكان كاتم ضحكته:بكل مكان..>>ياويلك منها..وبتضحكك عدل وقتها ههههههههه..

صعدت فوق السرير واقتربت من ظهره وحطيت يدي وبكل قوتي مررت اصابعي على آخر خصره..

راكان بألم شديد:آآآآآه..

جيهان وانا اشد على يدي اكثر وضربت ظهره عدل بيدي وهو بيلف وانا ارجع اضربه اكثر واشد على اصابع يدي وامرره بعنف على ظهره..

راكان بصرراخ:آآآآآآآآآآه..

جيهان بقهر:احين آآه عدل هااه ومساع كذب انا اوريك يا آخ صايع..

راكان بحركه سريعه ألتفت وانسدح على ظهره وسحبها من يدها بعنف..

وفقدت توازني وطحت على صدره العاري..وشدها زود مشان يمنعني عن الحركه..

جيهان وشعري طايح على وجهي وبحيا:نزل يدك عني..

راكان بقهر:منيب منزل يدي..(وكشر بوجهه)صدق انك حراميه كل ذا انتقام..

جيهان رفعت حاجبي له وبا ابتسامه وترته:دحين دوري اضحك عليك صح..

راكان زادد نبضات قلبه من بسمتها كيف لو اقتربت منها وش بيصير لك يا راكان؟؟

جيهان با ابتسامه تعلو شفتها:اكيد مساجي عدل ظهرك وصار تمام دحين..

راكان بحب وهو يناظر عيونها:انا اصير تمام لكنتي جنبي..

جيهان(لما اسمع كلامه ونظراته يحسسني اني ملكت كل شيء فيه..بس انا متأكده انهم مجرد كلام ونظرات..)حاولت اقوم من حضنه مقدرت وبقهر:وبعدين معك انت..

راكان(وربي نفسي اعرف ليه انا ابا القرب منك..) شديت يدي على خصرها ورفعتها لفوق وصارت وجهي قبال وجها:انتي ألي وبعدين معك..اعنبوك انا زوجك..

جيهان:بس بالأوراق..

راكان بخبث:ولاتزعلين احين يصير زواج مو بالأوراق..واخذ احقوقي واحين..هاه وش قولتي..؟؟

جيهان وجها صار اشارة مرور من كلامه:مافي..انا ما ابا..

راكان با ابتسامه:انا اخليك تبين..

جيهان:صدق أن لم تستحي فا فعل ماشئت..(وهي تحاول تبعد عنه)اتركني خلاص..

راكان بجديه:اكيد ابعد عنك..

جيهان:احلف بس..اكيدين بعد..من مساع وانا اقول لك بعد وانت تمتطلني..

راكان يعني اني زعلان بعدتها عني:طيب براحتك..

جيهان:..........

راكان ألتفت لورى وتلحفت وولا شفت منها أي حركه انتظرت شوي بعد ولاجات راضتني وألتفت لها وشفتها مغمضه عيونها ولامهتمه كأني زعلان ولا لا..قهرتني والله..واقتربت منها اكثر ودفنت راسي بصدرها زي كل يوم..

جيهان مبغيت ابعده من حضني..بس خلاص بنومه هالمره مشانكم بس>>أي هيين إلاميته على قربه..

وحسيت بتحركاته لدرجه اني معرفتا نام وضربته على ظهره بشويش وبهمس:يلا نام..

راكان با ابتسامه:احب انك تعامليني كذا..

جيهان ضربته على ظهره:اووص نام يلا ورانا روحه من الصباح..

راكان:بس..

جيهان قاطعته:اووص ولامنت بنايم بحضني..

راكان با اندفاع:خلاص خلاص..بسكت..

جيهان كتمت ضحكتي:تيب..

وبعد مرور 5 دقائق..

راكان رفع راسه وبهمس:جيهان نمتي..

جيهان:.............

راكان عدل جلسته وتم يتأمل بملامحها وعيونها المتوسطه ألي ماكانت لاكبيره ولاصغيره وخشمها المناسب لها وشفاته المليانه ووجناتها المليانه..وباس خدها..

جيهان حسيت فيه من اول متكلم بس سكت وحسيت فيه تبين لي أنه جابس يناظرني طبعا كنت مسكره عيوني بس حسيت انا حد يناظر فيني ولما باس خدي بطلت عيني شوي وناظرته..

يتبـــع...

**الكاتبة ساندرا** · #**348** 07-30-2012, 11:57 PM

راكان عدل جلسته وتم يتأمل بملامحها وعيونها المتوسطه ألي ماكانت لاكبيره ولاصغيره وخشمها المناسب لها وشفاته المليانه ووجناتها المليانه..وباس خدها..

جيهان حسيت فيه من اول متكلم بس سكت وحسيت فيه تبين لي أنه جابس يناظرني طبعا كنت مسكره عيوني بس حسيت انا حد يناظر فيني ولما باس خدي بطلت عيني شوي وناظرته..

راكان اخترعت من نظراتها وبضحكه:لاتناظريني كذا ماسويت شيء غلط انتي زوجتي وحلالي..

جيهان تنهدت:تيب ماقلنا شيء..بس نام..

راكان:مافيني النوم وش رايك نتكلم؟؟

جيهان:وش نتكلم فيه؟؟

راكان باأبتسامه:انتي جلسي عدل والكلام بيجي على طول..

جيهان عدلا جلستي وصرت مقابلته:تيب..

راكان:نبي نتكلم مع بعض بس جد مو هزار على قوله المصريين..

جيهان:متخفش مراح اهزر..بس أؤؤل وخلصنا..

راكان:وناسه تعرفي تتكلمي مصري بطلاقه..

جيهان با أندفاع:قول ما شاء الله..

راكان بعناد:منيب قايل..وووول عليك بسرعه تتكلمين..

جيهان خذت الوساده وضربته على كتفه:قول ما شاء الله..

راكان: بقول بقول بس لاتبكين لاتبكين علينا..ماشاء الله..

جيهان:هههههههه..اي تعقل..

راكان بجديه:منو حبك الأولي؟؟

جيهان(انت..وربي انت..)بشك: وليه هالسؤال بالذات..

راكان:جاوبي من دون ماتطرحين السؤال علي..

جيهان:وان قلت لك وش بتستفيد؟؟

راكان:كذا.. حاب اعرف..

جيهان:أي حبيت..

راكان بقهر:مين؟؟

جيهان:ألي اعرفه انك تسأل سؤال واحد وبعدها اسأل انا..

انت لحد الآن تحب اروى؟؟

راكان:لزوم اجاوب؟؟

جيهان:لا اجل صرف..اي لزوم تجاوب..

راكان بكل صدق:مدري..

جيهان استغربت:كيف ماتدري؟؟

راكان:سؤال واحد تسألين على مذكر..

جيهان عضت شفتها بقهر:انت ماجاوبت اساسا..

راكان ولاكنه يسمعها:من ألي تحبين؟؟

جيهان:مالك دخل من احب..

راكان:جاوبي بكل صراح هزي ماجاوبت انا..

جيهان:انت اساسا ماجاوبت..جاوب وبعدها انا اجاوب بصراحه..

راكان حط عينه على عيني:اكيييد..

جيهان:اكيييد..يلا جاوب..

راكان:أي احب اروى وانتي مين تحبين؟؟

جيهان(اووف وربي كرهتها..ياجعلها تولع مطرح ماهي متنيله قعده على قوله المصريين)وبقهر وبكل جديه:انا احب بس مو ابو يوسف..

راكان بحيره:مين اجل..

جيهان قمت من السرير با اندفاع:جاوبت على سؤال واحد ..

راكان بحماس:يلا عاد قولي..

جيهان اسرعت للتواليت:منيب راده بحتفظ بالاجاب لنفسي..

وسكرت الباب..

راكان قام للتواليت واقرب منه:يلا عاد من ألي تحبين؟؟

جيهان تنهدت:هو كل شيء فيني..وانا اموت فيه بس حبه لي وحبي له لايمكن يصير..

راكان بحيره اكثر:وليه؟؟

جيهان بصوت حزين حس فيه راكان:لانه لايمكن يصير..

راكان باندفاع وحماس اكثر:وليه طيب قولي لي؟؟

جيهان:منيب راده..

راكان تنهد بقهر:مردك راح تقولين لي بنزل تحت بشرب ماي واجي..

جيهان:خذ راحتك..

وسمعت صوت رقعه الباب القويه..وطلعت من التواليت وانا ألتفت كان موجود ولا لا..

وقطيت نفسي بالسرير(لايمكن يصير لأنك تحب وحده غيري هذا هو الجواب)

بتقولون اعترفي بحبك له وخلصي لاطولين السالفه وهي قصيره..بس فكروا فيني شوي.صعبه والله اقو لانا احبك ياراكان وهو ماقالها لي..

المفروض اهو اللي يقولها لي قبل مو العكس..آآه بس من ألي بيحس بمعاناه الثاني..

قاطع تفكيرها صوت جوال وكان جوال راكان اقتربت اشوف المتصل..

الوالده يتصل بك..الوالده يتصل بك..

جيهان(ذي ماعندها ذرابه ابد تدق بوقت متأخر برد عليها ونشوف وش تقول)ورديت:هلا..

ام راكان ميزت الصوت الناعم وبقهر:حتى على جوال ولدي بتردين؟؟

جيهان با ابتسامه:وعليكم السلام والرحمه..كيفك ياخالتي؟؟

ام راكان بحده:تخلخلت ضروسك إن شاء الله..

جيهان بقهر:انا بس ابي اعرف ليه هالأسلوب الشين معي؟؟

ام راكان:ما اواطنك كذا من الله..

جيهان حطت رجل على رجل وبغرور:ولاخايفه اخذ راكان منك..!!

ام راكان بثقه:راكان يحبني انا اكثر منك..وانتي من عشان يرخص بيع شانك انتي؟؟

وارمله بعد وماده لسانها علي..لكن الشرها موعليك الشرها على اهلك ألي ماربوك عدل..

جيهان شقت من كلام ام راكان:اشوفك زودتيها كثير..احترمي نفسك انتي واهلي ربوني عدل..واياني واياك تقولين هالكلام مره ثانيه..واهلي ربوني عدل ماقصروا..

ام راكان بعصبيه:صدق انك طويله لسان وترادديني بعد..

جيهان بحده:لاني عارفه ان سكت راح تتمادي اكثر..وطالمه انا محترمتك احترميني موتجيني بالصيحه والكلام ألي ماينسمع..انا ألي خابرته انك تقولين عساك مبسوطه ومرتاحه مو كذا هجوم..

ام راكان كشرت بوجها:مقول إلاحسبي الله عليك من بنت..(وبزمره)وين راكان ياقليله الأدب الأصل؟؟

يتبــــع...

**الكاتبة ساندرا** · #**349** 07-30-2012, 11:59 PM

ام راكان بعصبيه:صدق انك طويله لسان وترادديني بعد..

جيهان بحده:لاني عارفه ان سكت راح تتمادي اكثر..وطالمه انا محترمتك احترميني موتجيني بالصيحه والكلام ألي ماينسمع..انا ألي خابرته انك تقولين عساك مبسوطه ومرتاحه مو كذا هجوم..

ام راكان كشرت بوجها:مقول إلاحسبي الله عليك من بنت..(وبزمره)وين راكان ياقليله الأدب الأصل؟؟

جيهان عضيت بشفتي من العصبيه:راكان مو بالغرفه لجاء ببلغه انك اتصلتي..

ام راكان بحده:وان مدق علي ياويلك مني.

جيهان بقت عينها:بعد تهدديني..هين بنشوف من ألي يقول له..انتي ألي خربتي على نفسك..ويلامع السلامه انا بنام..

وسكرت السماعه من دون مسمع أي رد منها..

الصراحه اقهرتني بقوه..انا فعلا يمكن اخطأت لما رديت عليها با اسلوب مولبق..لكني عارفه ان سكت اكثر بتتمادى علي..وهي ألي بدت مو انا..انا من الكتمان والاحترام بطت كبدي..مثل هالنوعيه لزوم الرد عليها..

... ..... ......

ومن جهه ثانيه..

نزلت وانا منقهره بقوه على كلامها وكنت خايفه اني اشوف وحده من البنات نازلين..

وتوجهت للمطبخ:به حد هناا..؟؟

محد تكلم يعني مابه احد..

ودخلت المطبخ وفتحت البراد واخذت علبه مويا..

وشربتها على ثلاث دفعات وانا منقهره بقوه..

سمعت صوت قريب..

نادين ألي توها مخططه مع اختها واقتربت من باب المطبخ وبصوت عالي يعني اسمع:الصراحه متوقعت جيهان كذا..

ألمى:ليه وش فيها؟؟

نادين بنفس مستوى ارتفاع صوتها:متوقعتها كذا..امس سمعتها تتكلم مع يوسف ولد زوجها المرحوم..

ألمى:أي عادي حرمه ابديه..

نادين:نفس ألي توقعته انا..بس متوقعت انها تحب يوسف مع ان ذا الشيء ذا حرام..

راكان بصدمه كبيره من ألي يسمع..

نادين كملت:وسمعتها تقول انا احبك بعد..

ألمى يعني اني مصدومه:يوووه من جدك..بس حرام..

نادين بحقد:متوقعتها كذا الصراحه طاحت من عيني طيحه..ولما واجهتها عطتني كف مووجهي وهددتني تقول لا تقولين لحد ولاتشوفين شيء ماشفتيه..

ألمى بقت عينها:كذااابه..

نادين:والله العظيم..

راكان انصدم صدمه كبيره (معقوله تحب يوسف.!!وانا على بالي انها تحب ابو يوسف زوجها مو ولده..يستحيل تدنى جيهان لها المستوى بس..بس كلامها مساع..)

رجع ذاكرته لقبل كم دقيقه..

جيهان:انا احب بس مو ابو يوسف..

جيهان تنهدت:هوكل شيء فيني...وانا اموت فيه بس حبه لي وحبي له لايمكن يصير..

راكان بحيره اكثر:وليه؟؟

جيهان بصوت حزين:لانه لايمكن يصير..

..وعى على كلام ألمى:طيب هي خافت ان راكان بيكشفها بيوم من الايام..

نادين:ههههه انتي خبله ولا وش سالفتك حتى لو درى هو يدري انه حرمه ابديه وهو متأكد ان مستحيل يصير هالشيء لانه ماخذا ابو يوسف.. فهمتي..

ألمى بحره مافي قلبها:صدق انها قليله اصل..وانا على بالي انها بريئه وانخدعنا بشكلها ولسانها المعسول..يكسر خاطري راكان مغشوش فيها وبشكلها..وش رايك نقول له؟؟

نادين تدعي الطيبه:لا ياألمى يستحيل اخرب حياته مع جيهان..

صدق ان جيهان وقحه لانها تحب ولد زوجها السابق بس راكان ان درى فكرتي وش بيسوي..

ألمى:ياحياتي والله مايستاهل ألي يصير له..بيكون هالكلام سر بيني وبينك لاتقولي لأي أحد..

نادين:اكيد..يلا انا بصعد فوق تعبت من المشي بالحوش..

ألمى: أي بالله..وش رايك ننسى الموضوع اصلي من هالسالفه انسديت عن الأكل فجأه يلانشوف أي شيء لنا بالتي في..

وصعدوا لفوق وهم كاتمين ضحكتهم..

راكان طاحت من يده علبه المويا مقدر يستوعب اكثر من كذا..

وصارت الكلمه تردد بذهنه..

انا احب واحد بس مو ابويوسف..

انا احب واحد بس مو ابو يوسف..

تمسك بالمجله ..صدمته كانت كبيره ..ألي تحبه جيهان ..كان يوسف ولد زوجها السابق..اكيد انا بحلم..لاذا كابوس..ابا احد يصحيني من الكابوس ألي انا بيه..

.

..... ....... .....

.....بالغرفه....

ألمى بضحكه وبهمس:تتوقعين وش بيصير..

نادين بنفس همس اختها:مدري بس ألي اعرفه انه اكيد بحاله صدمه زينا احنا بالبدايه..وانا متأكده انه راح يسألها عن يوسف احين وبيغير عليها بكل شيء..تستاهل والله انا من جات هالبيت وانا كارهتها ولما عطتني كف اصريت اني اردها لها بس بحاجه اكبر منها..

ألمى:ههههههههه خطيره انتي...

نادين:ههههههههه عليك ياائمرر..

..... ..... ....

فتح الباب بشويش وهي كانت تمشط شعرها بالتسريحه ناظرته من مرايه التسريحه ومعالم وجهه متغيره حيل..

خفت عليه ليكون صابه شيء اقتربت منه وبهمس:راكان..

راكان ناظرها بحيره شديده:...........

جيهان خفت عليه اكثر:راكان علامك..؟؟

راكان ولارد :..........

جيهان واقتربت منه زود وحطيت يدي على خده البارد وبخوف:راكان انت بردان حيل..ومسكته من يده ووديته لسرير وسدحته ولحفته ودخلت يده وجلست على طرف السرير:علامك ماتتكلم ايشبك بردان كذا..؟؟

راكان كان يناظرها وغمض عيونه بهدوء..

يتبـــــع...

**الكاتبة ساندرا** · #**350** 07-31-2012, 12:01 AM

جيهان واقتربت منه زود وحطيت يدي على خده البارد وبخوف:راكان انت بردان حيل..ومسكته من يده ووديته لسرير وسدحته ولحفته ودخلت يده وجلست على طرف السرير:علامك ماتتكلم ايشبك بردان كذا..؟؟

راكان كان يناظرها وغمض عيونه بهدوء..

جيهان استغربت منه(كل ذا يباني اقول له مين احب):راكان انت مصر انك تعرف من احب؟؟

راكان فتح عينه بسرعه وناظرها بحده:مالاداعي..

جيهان خفت من نظراته وبستغراب:وليه..من مساع كنت تبا تموت وتعرف من أحب؟؟

راكان:وياليتني مت ولاأني اعرف..

جيهان بقت عينها من كلامه..

راكان كمل:ولااني اعرف منو جيهان؟؟

جيهان:لاتتكلم لي بالألغاز..وش عرفت..جييهان وش؟؟

راكان كنت برد لكن فضلت الصمت..واحتفظت لشيء ذا لنفسي..

غمضت عيني وعطيتها ظهري..

جيهان استغربت من تصرفه وبقهر :براحتك..

وانسدحت للجهه الثانيه..

وعطيته ظهري..

جيهان(دحين تأكدت انه مزاجي..مبطي اعرف انه مزاجي..مدري وش ألي غير رايه..نظراته تحسسني بشيء كبير كني مسويه شيء كبير..وعظيم واجراام بعد..وليه افكر فيه اصلا..هالمزاجي..انام ابرك لي)

وغمضت عيوني وتميت شوي ونمت..

راكان تميت انقلب بالسرير فيني النوم بس معرف من دون حضنها..اووف منها..لزوم احاول..

..وبعد 5دقائق..

راكان اووف مقدر انام بدون حضنها..حضنها صار ادمان..

اقتربت منها من صوت انفاسها المنتظمه عرفت انها نايمه..

وقمت للجهه الثانيه بحذر..مسوي انجاز والله..خفت اني اطيح عليهاوتقوم..وقتها صدق وش بقول لها..والحمدلله عدت سليمه وانسدحت على ظهري وصرت قبالها وناظرت ملامحها البريئه..

راكان(صدق لقالوا..الزين عمره مايكمل..طلعتي تخونين زوجك بولده..بكره..حرام عليك ياجيهان..)به حاجه تقول لي انه جيهان مستحيل تنحط لهل مستوى الدنيء..تعوذت بالله من الشيطان واقتربت من حضنها وارتميت فيه..من ايامي القليله مع جيهان تبين لي لانامت متحس بحولها فتطمنت نسبيا من هالناحيه..

غمضت عيني بشويش

.

قبل نصف ساعه..

بالمشفى..!!!

فهد جاء بسرعه وألتفت لامه:وش صاير يمه؟؟

ام فهد:انت وين كنت..صار لنا فوق ربع ساعه وانت ماتشيل..

فهد بتوتر:نسيت جوالي بالسياره وتوني ألتفت لجوالي..وش صار عليه دحين؟؟

ام فهد:دخلوها لغرفه الولادة..

فهد بخوف:وحالتها زينه..

ام فهد:مدري ياوليدي ماقالوا لي..وعمك سعود ماقصر ودانا..وهي من نصف ساعه مدخلينها...

فهد:كنها طولت يمه..

ام فهد تنهدت:لاتتوتر ياوليدي..اجلس وهدأ اعصابك..كل شوي يناظر بساعته ويركع اصابعه وباين عليه التوتر والقلق..

ام فهد ألتفت له:هد ياوليدي..بيقولون لنا حالها بعد شوي..إلابطلعه الدكتوره..

فهد قام بسرعه وباندفاع:طمنيني عن زوجتي وولدي..

الدكتور هبا أبتسامه:الحمدلله..زوجتك تمام..والولد الحمدلله هو صحته تمام وهذا اهم شيء لان ذا نادر خصوصا انها والده مبكر بشوي..

فهد با أبتسامه:الحمدلله..

الدكتوره:مبروك..

فهد بنفس أبتسامته:الله يبارك فيك...(وألتفت لامه) يمه ابشرك ولدت وحالتها وحالت البيبي تمام والحمدلله..

ام فهد بفرحه:الحمدلله يارب...الله يقومها بالسلامه يارب..مبروك ياولدي..

فهد:الله يبارك بحياتك يمه..

ام فهد بفرحه:ببلغ ابوك وعمامك على المولود..

.

على الساعه6:00

قاموا يتجهزوا للمدرسه..

رنيم بخوف:وش نقول لابوي؟؟

مرام تخفي توترها:مدري يارنيم..وش نقول له؟؟

رنيم بقلق:وش رايك نكذب عليه..نقول انها طلعت من بدري..لان السواق جاها بدري..

مرام بتفكير:يارب تقنعه..ولبسوا عبايتهم..

ودخلوا الصاله ولما حسوا بقدومه تكلموا..

رنيم تخفي خوفها:غريبه جاها السواق بدري..

مرام:ياحياتي حتى مكلت شيء..

رنيم:يلامعليه الاهم انها طلعت قبل ميروح عنها الباص..

ابوزياد:علامكم؟؟

مرام:ابد يبه بس السواق جاها بدري حيل..

ابوزياد شاف ساعته:غريبه والله..

رنيم با أندفاع:الله يعينها بس..

ابوزياد بحده:شغلها أولى..ليتكم زيها..مالت عليكم من بنات تفكرون ببطونكم..عادي تروح وهي جوعانه وتفطر مع زميلاتها بالغرفه اكيد مهوب مقصرين..

رنيم:أي..

ابوزياد:اجل انطموا..اي والله مكلت شيء(وبزمره) يلاا تجهزوا قبل ميجيكم السواق وانتم مفهيين كذا..

لبسوا شالهم وبرقعهم وشوي إلا رن هرن السواق وطلعوا..

يتبــــع....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ	نكبهـ	أرشيف المواضيع الغير مكتمله او المكرره او المنقوله و المخالفه	51	03-02-2015 04:19 AM
رواية ؛مشهـور..؟ ويعني مشهور تلعب بـمشـآعري..؟ لآيََ حبيبي منت معذور؛×	єяιкα	أرشيف المواضيع الغير مكتمله او المكرره او المنقوله و المخالفه	13	11-21-2011 03:33 PM
رواية نور الكون رواية جديدة من روايات سعوديه رواية نور الكون	الحب الساكن	أرشيف المواضيع الغير مكتمله او المكرره او المنقوله و المخالفه	13	07-03-2011 03:30 PM
رواية الزمن قاسي ولايمكن يلين ..اول رواية لي في الذمة تقرونها ......بليز	بنت عز ومن شافني فز	أرشيف المواضيع الغير مكتمله او المكرره او المنقوله و المخالفه	10	07-01-2011 07:45 AM
رواية حب في السعوديه اقوى روايه ( رواية الحب بعد فوات الاوان )	ЯǒǑǒйĝ3ħ	أرشيف المواضيع الغير مكتمله او المكرره او المنقوله و المخالفه	9	05-19-2010 09:19 AM