|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#1
03-09-2012, 02:36 PM
| ||
| | ||
| قصة بنات عاشوا رعب البر كانت هذي ندى تكلم ابوها طبعا ندى بنت حبوبه واموره ونعومه وعمرها 19 بس كانت تحب البر كثير خصوصا مع بنت خالتها ملاك وبنات عمها ساره وخلود المهم نرجع للقصه رد ابوها وقال وشو له نطلع ما ودي اطلع له تبين مكان ثاني نتمشى فيه مافي مشكله ندى : لا يبه تكفى الله يخليك لنا انت احلى ابو بدنيا ودي نطلع لا ترد بنتك ندى << تتمصلح البنت طبعا ابوها ما قدر عليها وجلست على راسه لحد ما وافق واتفقوا على الاسبوع الجاي ندى:هيييييييييييييييييييييييييييييي بنطلع بروح اكلم الشله ندى راحت على طول للغرفه وامسكت هالتلفون وتدق على ملاك ندى :الو ملاك اقنعت ابوي نطلع البر ويمكن على الاسبوع الجاي نطلع البر جهزي نفسك عشان نطلع وكلمي باقي الشله < ساره وخلود ملاك : قولي والله هييي وناسه يالله يالله انا باي بروح الحق اكلم الشله واجهز الاغراض ندى : من الحين تجهيز وش العجله الي فيك تونا اليوم الاحد واحنا بنطلع الاسبوع الجاي من السبت ملاك : اي انتي عارفه لازم اجهز واخطط حق المغامرات << اخاف كونان وانا مدري ندى : يا يحبك للخطط والمغامرات اوك باي وكلمي لا تنسين ملاك : اوك باي طبعا ملاك راحت كلمت باقي الشله واتفقوا على كل شي << الله يستر منهم وجا يوم السبت وكل وحده مشغوله الي تتفقد اغراضها وتشوف وش نست والي قالبه الغرفه غررفة ملاهي من الملابس الي بكل مكان عشان تدور على كحل او روج تعرفون البنات يحبون الكشخه بكل مكان المهم كل وحده خذت شنطتها وركبت السياره وانطلقوووووو<< ـــــــــــــــــــــــــــــــ بعد ما وصلوا اجتمعت الشله مع بعض ندى: بنااااااات واخيرا طلعنا ملاك : وها نحن نلتقي تحت هذي السماء الزرقا وتحت تلك .. ساره تقطعها : هيييي انتي شنو بتقولين مسلسل تاريخي ملاك : مالت عليك ما تخلين احد يعبر عن مشاعره ساره : عبري بعدين الحين خلينا نستانس وستكشف المكان ندى : خلود وش فيك طرما خلود : بنات ما لا حظتوا شي بهالمكان ندى .ملاك .وساره : ابد مالا حظنا شي خلود : طالعوا زين قامت كل وحده تبقق عيونها وتطالع يمين ويسار ندى وملاك وخلود مافي شي اخلود : تشوفون المكان الي هناك ملتفه حوله جبال من رمل ندى : ايه وش فيه خلود مدري بس محيرني ساره :طيب وش رايكم نروح له ملاك اكيد بنروح له يمكن نكتشف شي << اخاف نيوتن قامو البنات بيروحون والا امهاتهم تناديهم تعالو ساعدونا بترتيب الخيام ملاك ياربي يوم كنا يمكن راح نكتشف شي نادونا عندي فضول لهالمكان << ياشين لقافتك ندى : امشي امشي بس نساعد امهاتنا ما بيطير المكان يا حبك للقافه وراحوا البنات يرتبون وهم يرتبون يسولفون << البنات بكل مكان يسولفون ملاك : بنات وش رايكم اذا نامو نروح له اذا صاحين ما بيخلونا ندى : يمه تبين نروح باليل ملاك : عادي ناخذ كشافات ونروح وش بيصيرر ساره : اي والله حتى انا عندي فضول مثلل ملاك ودي اشوفه خلود : خلاص كل وحده تاخذ كشاف واذا نامو الشعب نجتمع عند ملاك وننطلق ملاك : اخاف بنركب صاروخ وانا مدري ندي: هه هه هه بايخه زيك اقول كملو شغلكم بس وبليل يصير خير ــــــــــــــــــــــــــ وجا الموعد واجتمعو عند ملاك ندى : بنات ما ودكم نرجع ننام مع اهلنا احسن لنا << خوافه ملاك : بلا خوف امشي ما راح يصير شي كلنا مع بعض ساره : يالله بنات مشينا قبل يصحون مشوا البنات وحده لاصقه في الثانيه من الخوف ولما وصلو للمكان كان عادي جدا وما فيه شي يخوف ملاك : شفتي ندى مافيه شي يخوف بس انتي خوافه ندى : حبيبتي من خاف سلم خلود : خلو عنكم البربره وامشو ساره : بنااات تشوفون الخيمه البنات اي خيمه ساره : حطوا الكشاف وشوفو ملاك : يؤ شكلها رهييييييييب بنات خلونا ندخل نشوف خلود : يممكن احد فيها ونبتلش ندى : اي خلونا نرجع احسن ملاك : انتي تبينها من الله يا خوافه ساره : مدام وصلنا خلونا نقرب اذا سمعنا صوت فيها رجعنا واذا مافي دخلنا ملاك : ياالله ندخل << ما صدقت خبر كل وحده تمشي خطوه خطوه لحد ما وصلوا عند الخيمه وكانت هاديه وما شكل فيها احد خلود : والله شكل مافيها احد او ما يبونها ملاك : احد يترك هالخيمه لو انا اسكن فيها طول عمري شكلها مره رهيب ماتشوفين النقوش الي عليها والا المدخل يا سلام عليه ولا مدخل الفيصليه ندى : عادي ناس مالقت وين ترمي فلوسها ساره : تشوقت ادخل ملاك : وانا بعد مشينا بنات طبعا اول وحده تدخل ملاك من الفضول الزايد وبعدها باقي الشله خلود فاتحه فمها : الله وش هالخيمه ملاك : والا شوفو السرير واي يهبل شكلي بقضيها نومه هنا ساره : لا واربعه على عددنا ندى : تنكتون انتو من جد بتنامون هنا لو شيصير مانمت هنا خلود : عادي فاضيه وماهي لحد وصراحه السرير شكله مغري ندى مستغربه : بناااااااات وين المدخل الي دخلنا منه ساره : ايه والله يامااااامي كيف نطلع ندى : قلت لكم من البدايه نرجع بس ما سمعتوا الكلام ملاك : اكيد مكانه وين بيروح يعني خلود : خلونا ندور نشوف كل وحده ماسكه كشافها وتدور للمدخل بس ما لقو شي صارت الخيمه مثل صندوق مقفل ندى وهي خايفه:عجبكم الحين ما راح نطلع من هنا كله بسببك يا ملاك ملاك : اانا وش دخلني ندى : لو مو فضولك الماسخ ما كان جينا وقطع كلامهم صوت غريب ساره : بنات سمعتوا البنات بخوف اي سمعنا يمه وش ها لصوت ندى تبكي : انا وش جابني معكم لو اني نايمه احسلي الحين كيف نطلع من هالمكان ملاك : لا تخافين ان شالله بنطلع ورجع الصوت مره ثانيه يقول الي يدخل هنا يحلم يطلع البنات خافوا وقاموا يصارخون قال الصوت محد بيسمعكم صارخوا براحتكم ندى وهي تبكي : وش تبي فينا خلينا نروح الله يخليك ساره : والله ما نرجع هنا بس تكفى خلينا نروح اهلنا بقلقون علينا رد الصوت هاهاهاها انتو الي دخلتوا بانفسكم محد جبركم ملاك : انت ليش حابسنا وش بتسوي خلود ساكتته من الخوف وما تتكلم رد الصوت : بما انكم تعديتوا على ملك غيركم راح تموتون وحده ورا الثانيه هنا البنات دخلو بنوبة يبكون ويترجون الصوت انه يخليهم يطلعون رد الصوت جيتوا لموتكم برجولكم واختفى بعدها ندى : حرام عليييييييك اتركنا ملاك بخوف : بنات هدووووووء المكان وين راح ساره تبكي اكيد يجهز كيف يقلتنا خلاص ما راح نرجع لاهلنا اههئئئئفجأه...... خلود بنااااات شوفوا الباب ردوا ندى ملاك وساره بفرح : اي والله يالله بسرررررعه نلطع وطلعوا الا يشوفون فيصل اخو ندى طبعا هو اكبر من ندى بسنه وبسرعه ندى ترتمي بحضنه ندى : فيصل اخوي اهئئ فيصل: خلاص لا تبكين وبطلي دلع ندى لا تلومني من الي شفته والبنات يطالعون ويبكون << حشى يتابعون فيلم هندي ندى تمسح دموعها : بس قولي يا فيصل وشلون عرفت مكانا فيصل انا اقولك : قمت من النوم عطشان ادور ماء ومالقيت وجيت بسالك وين الما ما شفتك موجوده اخذت كشاف وطلعت ادور هنا وهنا وشفت اثار خطوات وقلت وين راحت الخبله هذي وصرت اتبع الخطوات خطوه بخطوه لحد ما وصلت عندكم وسمعتكم مستانسين ينقالكم مسوين مغامره قلت اعلمهم الحين وشلون المغامرات وعشان يتوبون ولاحظت في مدخل انه يتسكر بقماش وسكرته وانتو من الوناسه ما انتبهتوا لي وصار كانه مافي باب وانتو من الخوف ما انتبهتوا زين وبديت اقلد لكم صوت وانتي عارفه الباقي ندى : حرام عليك بغى يطيح قلبي ملاك : ووش ذا المزح انت وجهك كنا بنموت من الخوف ساره وخلود مو مصدقين مبققين عيونهم فيصل : كنت بطولها معكم بس خفت تموتون وابتلش فيكم بس تستاهلون عشان ما ترحون مكان ما تعلمون احد امشوا بس نرجع يا المجانين الاربعه وقام يضحك فيصل طبعا وصلوا للخيمه وريحوا من الخوف والرعب الي عاشوه وقامت السوالف << كالعاده ندى : ملاك عسى باقي تبين مغامره ملاك : توبه توووووووبه حرمت واعتزلت المغامرات خلود : الحمد الله انه مقلب وعدا على خير ساره : اي والله الحمد الله وتوبه الطلعه الجايه نسويها ندى : وهو فيه طلعه ثانيه ملاك : اكيد انتي تموتين بالبر وبتطلعين ندى : كررررررررررررهته مابي اطلع خلاص هههههههههههههههههههههههههههههههههههههه وضحكو ا ورجعوا الى ديارهم سالمين غانمين وتايبين ودمتم Nami san and nina floxies like this. |
|
#3
03-09-2012, 09:19 PM
| ||
| | ||
 |
|
#4
03-10-2012, 01:37 PM
| ||
| | ||
| ههههههههههههههههههههههههه والله ماتوقعت انه مقلب وناسه ياليته اخوي بس حسافه ملاك اعتزلت المغامرات كان عزمتها على مغامراتي ههههههههه تسلمين على القصه الروعه وادعيلي ان تصير مغامرة قويه علشان احكيها لكم بعدين:glb:
__________________
 |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نشيد :: البر محلا البر , محلاه :: أسامة السلمان & محمد السلمان 2011 | عطر القـلوب | خطب و محاضرات و أناشيد اسلاميه صوتية و مرئية | 0 | 09-05-2011 04:32 PM |
| ما معني كذلكم البر كذلكم البر ؟؟؟ | الفراشه المؤمنه | نور الإسلام - | 0 | 03-19-2011 05:00 AM |
| طفلان عاشوا في القبر 15 يوم | وزير الشؤون العاطفية | أرشيف المواضيع الغير مكتمله او المكرره او المنقوله و المخالفه | 2 | 03-13-2011 03:23 PM |
| عاشوا في خيالي .. أبدية لا تنتهي | mero_m | أرشيف المواضيع الغير مكتمله او المكرره او المنقوله و المخالفه | 6 | 12-04-2010 07:45 PM |
| اجو التثبيت ترتيب الانبياء و الرسل و اين ولدوا و دفنوا وكم عاشوا | abdallah elghzaly | نور الإسلام - | 0 | 11-11-2010 11:13 PM |
7Likes
العرض العادي
