القصه قصيره وبعنوان (بطاطا هربانه من الكاتشب)
....تأليف فرح النجار ونسرين الكيلاني
القصه كوميديه وهبله ورومانسيه وبس بارت واحد




كان يا مكان في بطاطا اسمها نسرين عايشة مع مايونيز اسمو مايونيزو في السكن الجامعي... وكان الدكتور الى بدرسهم في الجامعه كاتشب اسمه فروحه.... لانها أمو كانت تحب البنات وما جابت بنت فسمتو على اسم بنت ....
كانت البطاطا نسرين تدرس طبخ عشان تتعلم تقلي خواتها البطاطات لما تجوع.....لانو امها بتخلف باليوم 100اخت (يعني أرنبة) ....
اول يوم دوام في الجامعة استيقظ المايونيز مبكرا وكسر ساعة المنبه عشان البطاطا نسرين ما تستيقظ وعشان تروح متأخر على المحاضرة وتتبهدل بهدله مرتبه من الدكتور ....
وبعد ساعة صحيت البطاطا نسرين وبلشت تصرخ: ييييييي ويلي على أمتي المحاضرة صارلها ساعة ولازم اروح اليوم لانه راح يعلمنا الدكتور كاتشب كيف نحط الكاتشب في الصحن جنب البطاطا ....
في المحاضرة كان الكاتشب يشرح والمايونيز يضحك بأعلى صوته فقال الكاتشب بعصبية:ألا تراني اشرح يا مايونيزو الجبان
ملاحظه غبيه :-(يقول جبان لانه معروف عن كل مايونيز انه جبان)
قالت الخردلة بنان:هيدا مايونيزو حبيبي ما بسمحلك يا دكتور تحكي عنو جبان
مايونيزو وهو ببكي:أي ريتك تئبريني على هاللسان الحلو
الدكتور كاتشب بعصبية:ولك استحي على دمك قدك...
ما كمل الدكتور كاتشب لانو البطاطا نسرين فتحت الباب باندفاع وحكت بسرعة :وصللللللللللللت يااااااهو ...
تفرج عليها الدكتور الى دايما معصب وصار قلبو يدق وارتبك لاكبر درجة لانو بحبها بس ما بدو يفرجي حد هاي الشخصية فحكالها بهدوء:أطلعي انقلعي برة مرت ساعة ونص على المحاضرة ...روحي خليكي في بيت اهلك نايمة
دخلت القاعه بسرعه ..وقف الكاتشب فروحه قدامها وقلها وين رايحة... دفعتو بطاطا بقوة وركضت ناحية مايونيزو وعشان وقع العصبنجي الدكتور كاتشب علي الارض بسبب نسرين جميع الطلاب الموجودين في القاعه صاروا يهتفو للبطاطا ويحكو :الله حيوووو كفووو والله على راسي كزدرة ....
قام الكاتشب متنرفز مو من كلامهم... لانو حبيبتو راحت ناحية المايونيز.. كان نفسو يخنق المايونيز ويطخ البطاطا ويطخ حالو بعدها... بس ما كمل تفكيره لانو سمع صراخ البطاطا الى بتضرب وبتصرخ بمايونيزو وهو يضع يده على علبته ويقول مثل الطنطات : حبي شو مالك علية بليز ابعدي عني بتوجعيني والله هسا بناديلك دادي ....
بطاطا بعصبيه:لازم اخذ حقي منك لانك انت السبب بكل البهدله....و ضاعت علي المحاضره الى بستناها سنوات ....هلي كيف بدي اعرف طريقه حط الكاتشب في الصحن جمب البطاطا؟
اجت الخردلة بنان بسرعة وضربت البطاطا.. وقعت البطاطا علي الارض بقوه مما أدى الى فقدانها الوعي
فحمل الكاتشب البطاطا وراح فيها على المستشفى ....
أجى الدكتور برجر برجرينو وقال:انا حسب تشخيصي للحاله المرضيه دي.. انو البطاطا في حاله حرجه وصعبة اوي اوي
قاطعه الكاتشب بخوف:شو شو شو مالها بطوطة ريتني انا ولا هي...
الدكتور برجرينو:حالة البت نسرين ..انها لازم توكل بطاطا تانيه واسمها نسرين خلال اقل من ساعة ولا بتموت ...
الكاتشب :من وين بدنا نجيبلها بطاطا في ساعة وح
ما كمل كلامه لانه اغمى عليه....
ملاحظه مهمه وغير منطقيه :- (لانه لما حكا ريتني انا ولا هي صار المرض فيه عنجد وهي تعافت )...
فأخذوه ونيموه في نفس غرفة البطاطا نسرين....
صحيت البطاطا وهي متنشطة وما عندها ولا أي مرض بعدها في دقائق صحي الكاتشب ..... كان لونو وردي بدل أحمر ... فقالت نسرين بخوف:ليش صار لونك هيك ..هلا صار طعمك مو حلو... كيف انا هسا بدي اكل خواتي من دون كاتشب .....
دخل المايونيز والخردلة وقالو :شو مالك دكتور يئصف عمر اللي زعلك ومرضك يا عيوني انتا ....
وقتها عصب فيهم الكاتشب وقال:روحوا على سكنكم بسرعة ...
خلال ثانيتين كان المايونيز واصل السكن من الخوف ....والخردلة من الخوف وقعت في الطريق وانكسرت رجلها ورجوعوها على المستشفى عشان تتعالج ويحطولها الجبيرة....
وحطوها في نفس غرفة الكاتشب والبطاطا ..وقتها كان يحكي الدكتور مع كاتشب فقاطعه كاتشب لما شاف خردلة حكالها :مش انا حكتلك وأمرتك وغصبتك وجربتك وبهدلتك... وقااال بصوت اعلى من العالي :مين أمرك تيجي هون
وقتها الخردلة ما استحملت وصرخت في صوت عالي وهي تعيط :مايونيزو وينك عني... وبعدها اغمى عليها .....
الدكتور قال بعصبية للكاتشب:انا بتكلم معاك بموضوع مهم جداً انت راح تموت خلال ساعة ومش فرقة معاك وعم بتعصب....قالت البطاطا بخوف مصطنع:كاااااتشب راح يموت شو السبب
ملاحظه غبيه وغير مهمه :P :-(هي بتصطنع الخوف لانها بتكره العصبي كاتشب)
الدكتور برجرينو:اذا ما اكلش بطاطا اسمها نسرين حيموت خلال ساعة
نظرت البطاطا بسرعة نحو كاتشب وبخوف لانها عارفة انه الكاتشب بحب حالو كثير ...اكثر ما بحبها

فشالت الكلوكوز وكل الاجهزة الي علي جسمها وركضت بسرعة خارج المستشفى... وقتها لحقها الكاتشب بسرعه وهو يقول بعصبية :وقفي انا جوعااااان لا تخليني اموت وانا جوعان ....
خافت من كلامه فأسرعت بهروبها وهي تصرخ وتبكي :انا عملت اشياء سيئة بحياتي اكلت خواتي بس ما بدي دكتوري هو الي يوكلني ..فارجوك تركني بحالي.....
الكاتشب في صوت عالي:وقفي ما راح اتركك في حالك الا لما امسكك ...
.وصلت البطاطا للسكن الجامعي ودخلت غرفتها الي مشتركة فيها مع المايونيز وسكرت الباب بالقفل ....
والكاتشب يدفع في الباب وهي تحاول تسكر الباب وساعدها المايونيز لانو خايف من عصبية الكاتشب ؟.....
البطاطا بتحكي: متى راح تمر الساعة ويموت الكاتشب ......
الكاتشب بحزن :ليش بتتمنيلي الموت
البطاطا:لانك بدك توكلني
وقتها دفع الكاتشب الباب بقوة وقال :باقيلي 5دقايق اعيشهم وقع المايونيز على الارض وصار يعيط ..ملىء الغرفة دموع وقال:بليز انت دكتوري حبيبي درستي في الجامعة كثير ولهيك بترجاك ما تئتلني ......
قرب الكاتشب من البطاطا وهو بحكي: باقيلي دقيقتين
خافت البطاطا انه يوكلها بس ما قدرت تهرب لانه مسكها من ايدها ...صرخت صراخ عالي كسر زجاج مرتبان مايونيزو ومات المياونيز>>>الله يرحمه 
قالت بطاطا:لا توكلني ارجوك
نظر لها الكاتشب بنظرة استغراب وقال:انا ولا يمكن اكلك بس انا جوعان من شوفتك ...قبل ما اموت بدي اشبع من شوفتك ...فعشان هيك لحقتك بدي تكوني اخر وحده بشوفها .
...لاني بحبك
بدأت البطاطا بالعياط .. ومن عياطها بتعبي المكان زيت قلي
قالت البطاطا وهي بتبكي :لهدرجة بتحبني... بعد الي حكيتو انا كمان بحبك وما بدك اخسرك
....
الكاتشب راح لعند المايونيز ولحس لحسة منه وهو بيقول :باقي دقيقتين وبموت زي مايونيزو الجبان
مرت دقائق بدون ما يموت الكاتشب استغرب الكاتشب والبطاطا وبعد ما أجت الشرطة والاسعاف وحققو في موت المايونيز.. وأخذو عينات منه عرفوا انه اكل بطاطا اسمها نسرين وبقي بقايا منها في مرتبانه ولحسن الحظ لحسهم كاتشب ولم يمت....
وبعد اشهر من هذه الحادثة المؤسفة تزوج الكاتشب فروحة من البطاطا نسرين وعاشوا بسعادة غامرة حتى انهم انجبوا فتاة بنصف كاتشب ونصف بطاطا.... والخردلة بنان بتروح كل يوم تزور قبر مايونيزو وهي تسب على بطاطا لانها هي سبب بخسارة حبيبها ومع انها راحت للشرطة الا انهم حاكموا بطاطا بالبراءة وخلوا السبب على مايونيزو لانه جبان لدرجة مو معئولة .... وبهيك انتهت قصة بطاطا هاربة من الكاتشب...

انتهت القصه وارجوا ان تنال اعجابكم