في يوم تعيس اتعس من الأرملة الي مات جوزها بحادث انفجار مسورة مجاري تحت سيارتو ،
كنت طالع من امتحان رياضيات لما كنت بصف سابع وهاد كان اخر امتحان بهالسنة يعني بعديها بتبدأ عطلة الصيف .....
طبعا طلعت من الأمتحان وانا مصدوم ومرعوب عادي حالة طبيعية جدا اتعودت عليها، رحت لأركب الباص عشان ارجع البيت ونا قاعد بفكر شو رح اعمل وشو رح اشتغل بالصيف ووين رح انام لأني عارف ومتأكد بعد ما تطلع النتائج رح انطرد من البيت...وبعز التفكير بالمستقبل المزدهر وقف الباص وطلع في تفتيش على الهويات دخل الشرطي على الباص بيحكيلي اعطيني هويتك قلتلو انا طالع من الأمتحان ورايح البيت ومافي داعيي للهوية حكالي مافي داعي اااه طيب تعال اركب الدورية انا انبسطت اني حركب دورية شرطة واسمع زموورها طاطو طاطووو وي وي وي وي وي ...........
وصلنا مركز الامن دخلت انا واكم من متشرد على الظابط طبعا انا اصغرهم بيطلع عليي الظابط بيحكيلي انتا معك هوية ولا لأ قلتلو بالبيت ...حكالي في حد يجي يستدل على جثتك قصدي حد يجيب اي اشي بيثبت انك بني ادم ...قلتلو اتصل على البيت واحكي مع الوالد ويا ريتني ما حكتلو....
الشرطي اتصل : الو انت والد برنس؟
الوالد: اااه انا ...!!
الشرطي : طيب تعال ابنك عنا بالمركز الامن ...
الشرطي سكر السماعة الوالد كان بالمخفر ( سوبر اب .... )
دخل الوالد وقبل ما يحكي السلام عليكم ولا شو عامل يا هامل ...وصلني كفين متل فراق الوالدين على قولة معتز في باب الحارة .....نط الظابط حكالو حج ابنك مش عامل اشي بس ناسي الهوية ...الوالد رمى الهوية للظابط حكالو بس هوية لا لا اكيد عامل اشي اطلع عليي سألني اول سؤال ببوكس احكي شو عامل يا !@#$% ونا من الصدمة راح صوتي اعطاني بوكس تاني رجع الصوت والحمدلله صرخت بهدوء والله مش عامل اشي...راح الظابط حكالو طيب خلص خذ ابنك وروحطلعنا من المخفر اخذتلي شلوووووووووط من باب مركز...طبعا اخذت الشلوط وصلت البيت طبعا من حلاوة الروح اتنشطت صرت اركض واضحك بنفس الوقت ( لا يا جماعة لا يروح فكركم لبعييد .. الضربة ما أثرت ع مخي )
وصلت البيت لقيت ابوي موجود بسم الله الرحمن الرحيم انتا ايمتا وصلت لقيت اربع كفوف نزلوا عليي متل قصف طيارات الأباتشي ...ونا بحكي والله ما عملت اشي بس كنت ناسي الهوية ...حكالي ولك احكي شو عامل بسرررعة احسن ما ادوئك النوع التاني ...انا الصراحة كنت جوعان وكان جاي على بالي اتذوق هالنوع الي بحكي عنو ......لقيت حزام جاي من بعيد بيركض لأيد الوالد كأنو بيحكي اجاااك الموت يا تارك الصلى .....اول ضربة صديتها بصدري (كأني كرستيانو رونالدو بيسكن كرة...) ولك مابدك تحكي شو عامل تاني ضربة كانت مزدوجة مع كف(هاذي سميتها الرزة المزدوجة....) والضربة التالتة كانت جاية من الحديدة تبعت الحزام قبل ما توصل لراسي ....حكيت STOP خلص رح اعترف بكل حاgـة يا بيييه...انا الي سرقت دكانة أم العبد ونا الي كسرت قزاز سيارة جارنا ابو ربحي وبقلك مش قبل ما تخلفني كان في واحد يرمي على البيت حجر ويكسرلكم الشبايك هاد مش انا (طبعا الأعتراف بيخفف العقوبة ، العقوبة كانت حرمان من الصياعة بالعطلة الصيفية ...يعني صار اشي جديد كيف لما تيجي النتائج شو رح يعمل*) وكانت هذه اول مرة بدخل فيها مركز

العبرة من الموضوع :1 :ادرسوا مادة الرياضيات منيح
2:اعترفوا من اول كف الأنكار ما رح يفيدكم
3:لو دخلت المخفر لسبب متل هالسبب لا تتصل بحد من اهلك ويستحسن تعترف للشرطة انك قتلت قتيل لأنو رح يكون ارحم

__________________

حجــــــــــــــــــــــــــز
عودة للقراءة

__________________

حجز

__________________
ألا بذكر الله تطمئن القلوب :glb::glb::glb:

لا اله الا الله :7b::7b::7b:

__________________

هههههههههههههههه
روووووووووووعة

الله يساعدك يا برنس:heee:
لكن هذا استقبال العطلة
يعني مو معقول انك تستمتع بها من دون دفع الثمن مقدما

وعلى كل حال مثل مايقول المثل
عش واكل غيرها

يسلمووووووووووو:glb:

__________________