|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
02-16-2012, 03:28 PM
| ||
| | ||
 رواية شقى الحب ( قصة بحرانية ) مرحبا شباب وبنات لقيت قصة روعة وان شاء الله تعجبكم اذا جفت تفاعل منكم بكملها واذا ما لقيت احد بوقف وما بكملها  هدى ---------- اني هدى تقدرون تقولون بطله القصة بتعيشون ويايّ السعادة والحزن المر والعسل يمكن إيجي وقت وتكرهوني بس بعد بجي وقت وبتحبوني ... اني في ثاني ثانوي وفي مدرسة الحورة واحب ولد خالي واسمه عبد الله أحمد ---------- انا ولد خال هدى .. عمري 18 في توجيهي في مدرسة احمد بن عمران .. واحب هدى اكثر من عمري بس ... الحظ على الله منى --------- اني رفيقة هدى الروح بالروح وبعد اخت احمد ( يعني هدى بت عمتي ) ولا نفترق ادري انه حمود اخوي ايحب هدى وادري بعد انه هدى ما تطيق احمد نهائياً واني معا هدى مثل المدرسة اطلع ويوصلني احمد اخوي اللي طبعاً ايروح المدرسة بسيارته بس بدون ليسن ( هههه ) صبيان غير شكل الجزء : الأول هدى المكان : بيت خالها يوسف ( ابو منى ) الوقت : 4.00 العصر ------------------------------------- كنا قاعدين اني ومنى بالحجرة ايقولون نراجع ونهدر شوي .. كنت متكشخة حد اللي عندي ( الكحل والقلوز وشوية مسكره وضلال وردي خفيف وناعم ) بدلتي ( فانيلة بيضة وفوقها بدي ورديه بدون سيور وتنورة بعد ورديه والكاب الوردي ) شعري ناعم وطويل شوي ايوصل للخصر كنت منبطحة على السرير ومنى تتيب البحث على الكمبيوتر وكنا نهدر فجأه دخل احمد ( متطفل ) كانت صدمتي عودة اني بدون حجاب مباشرة استحى وطلع وطلعت وراه منى واني ظليت بالحجرة ولا ادري ويش السالفة احمد المكان : بيتهم بالتحديد عند غرفه منى الوقت : 4.10 العصر ----------------------------------- **اسكن اعيوني يالغلا ..و اجفوني اتغمض عليك .. خذ ما تشى من دنيتي ...بس لا تقلل من غلاك ** كنت داخل غرفه منى لأني سمعت صوت حسبتها تتكلم بالتلفون قلت بقول لها انه تسكره وتراجع لكن اكبر صدمه اني اشوف اللي خذت قلبي في بيتنه وكانت متكشخة عدل كان ودي أوقف بس خفت تقوم وتكسرني او تصفعني بالأبجورة اللي جنبها طلعت وطلعت لي منى منى : ما تعرف تدق الباب قبل لا تدخل مو عيب البنت قاعدة بدون حجاب وانت تدخل بدون حيا ولا مستحى أحمد : حبيبة قلبي لايكون عندي علم الغيب وانه ما ادري وكنت ادري انه هدايووه هنية بس دخلت عمداً او يمكن عندي الكرة السحرية اللي تراويني ويش اللي في البيت وثانياً بلا طوالت لسان ليش انه اصغر ولادش تصرخين علي منى : قصر حسك لا تسمع البنية وثاني شي ليش تقول لها هدايوووه ليش هي ويش مسوية ليك ؟.؟!؟!؟ أحمد : كفايه انها شايفة روحها علي ما ادري اهي بنت من يعني عشان ترفع خشمها .. منى : احمد البنت ضيفها اسكت وخلنا متفاهمين افضل .. وبعدين تعال قولي انت ويش تبى ؟؟ أحمد : كنت اسمعش تتكلمين افتكرت انش بالتلفون قلت بقولش تسكرينه وتذاكرين منى : والحين اني ما اتكلم بالتلفون ورسالك وصلت مشكور وما تقصر .. باي أحمد : لحظة لحظة لحظة .. منى : خير .؟ أحمد : سلمي عليها منى : احلف بس موقفني عشان تقول سلمي عليها .. اااااااف من الحب أحمد : ويش اسوي مو بيدي ودخلت عني منى وسكرت الباب وانه عيوني داخل وقلبي بعد . رجعت حجرتي وتسبحت وطلعت للنادي لأنه اذا ظليت في البيت يعني ما بقوم من صوب غرفه منى بس اول رحت وشتريت قدوع وحلاوة جواهر وبيبسي وعصيرات ولما وصلت البيت اتصلت إلى منى احمد : مرحبا منووي منى : هلا هلا بخوي الغالي حمود ( بس عشان تعرف هدى انه هذا احمد ) أحمد : اطلعي برة الحوش واخدي كيس القدوع عيل بتجوعين بنت الناس منى : احم احم .. ما اقدر على الرومانسية ( قالتها بصوت واطي ) أحمد : يالله بلا هدرة هدانه انتظرش برة بسرعة طلعت منى بعد دقايق اخدت القدوع ودخلت داخل كنت ابي اقول ليها تسلم عليها بس تذكرت اني قبل نص ساعه قايل ليها .. مشيت من البيت ورحت النادي هدى المكان : بيت خالها يوسف الوقت : 4.15 العصر --------------------------- (باختصار الوضعه كله باختصار .. قمت اجيه يمين يطلعلي يسار.. قمت اجيه يسار يطلعلي يمين .. شفت انا نجوم الليالي بالنهار ..)هدى طلعت لأخواها ووايد مهلت رحت ووقفت صوب الباب اشوف ويش ايقولون سمعت هدى تقول باي بسرعة رحت برجع بس وقفتني كلمة احمد ( لحظة لحظة لحظة ) شفته ويش يبي وقفت اسمع الا يقول سلمي عليها .. يتني غصة بقلبي أحمد اللي توه ايقول هدايوووه وما ادري ويش ايسلم علي وكملت على قلبي هدى وهي تقوله : اااف على الحب )) يعني معقوله احمد يحبني ؟. زلت عن بالي هالأوهام لأنه احمد من يوم يومه ايفشلني ويهاوشني بس وثانياً اني احب عبوود ويش لي بأحمد وغيره .. رجعت على السرير وكان فكري في احمد دخلت منى وسالتها هدى : ويش يبي اخوش عشان يدخل علينه بهالطريقة منى وهي مفتشله : ما كان يدري انش هنيه هدى : امممم .. بس المرة اليايه علميه يدق الباب اول منى : هدى بس خلاص اني قلت ليه واصلاً هو متفشل بعد ويش ايسوي سبحان اللي ما ينسى ولا يغلط صكينه هالموضوع وكملنه مذاكره بعد حوالي نص ساعة دق تلفون منى وياني فضول ابغي اعرف من متصل شالته وقالت منى : هلا هلا بخوي الغالي حمود منى : احم احم .. ما اقدر على الرومانسية ( بصوت واطي ) وسكرت هدى : خير منى منوو متصل منى : ما سمعتيني اقول حمود ؟؟؟ هدى : ومنوو حمود منى : اخوي احمد ليش ما تعرفينه ؟؟؟ هدى : امممممم منى : بالأذن بروح وبرد هدى : روحي ولا تردني منى : ههههههههههه ما تهدين لسانش رجعت منى وكان بيدها قدوع بصراحة تفشلت حسيت روحي غريبة ( في بيت خالي وبجيبون ليي قدوع ) هدى : منى اني غريبة عشان كل هالرسميات .. ترى بيتكم هو بيتنه والله انتنين عندش في فرق منى : لا عندي فرق ولا شي .. بس ده مو من عندي من عند حمود ايقول ما يصير انجوعش وهذا اللي فشلني زياده ( احمد .؟ ) على الساعة 6 المغرب قمنه صلينه واتصلت لأخوي جاسم عشان ايجي ليي بس كانت الصدمة انه رايحة مع ربعة برجة ولا يقدر ايجيني واتصلت للبابا وكان في الشغل وما عندي احد ايوصلني قال لي البابا اخلي احمد ايوصلني عصبت وتنرفزت وقلت مينونة اني اخلي احمد ايوصلني بكبرة ما عنده ليييسّن عشان ايسوي حادث ويقتلني منى كانت تسمع الحوار راحت واتصلت لأحمد اللي كان بالنادي ورفض اني ايجي طبعاً بس يوم قالت له هدى مباشرة ترك اللعب وجا عشان ايوصلني .. واني ما رضيت اروح بس لو ما ترجيات منى خوافاً من انه احمد ايعصب جان ما رحت .. ولي زاد الطين بله انها ما بتروح ويانه تقول عندها شغلات ما بيمديها تكملهم وصلت السيارة وركبتا ورا وكنت انتظر احمد يمشي بس للأسف الشديد ما مشى وقال ليي احمد : ليش انه دريول عشان تركبين ورااا سكتت بعد زين منه بيوصلني احمد : لايكون انه اكلم الجدار وانه ما ادري هدى : احمد ممكن طلب ؟. ( وصوت مرقق طبعاً ) احمد : خير في شي هدى : ممكن تعدي هالليله على خير ؟. احمد : ما بتعدي الا لين جيتي وقعدتي قدام انه استحي امشي كأني دريول للآنسة هدى هدى : مشكور وما تقصر انشالله ما يجي اليوم اللي اشوفك فيه توصلني مع السلامه طبعاً طلعت من السيارة واختصرت المسافه بدل ما ادخل بيت خالي رحت امشي وبيوتنه مو في مثل المنطقة بصراحة قمت امشي واني ميته خوف لكن كبريائي ما سمح ليي اني اقعد في السيارة ومسيور احمد ما فكر حتى انه ايقول لي انتظري طبعاً شالي وردي وعبايتي فيها زخرفه ورديه ناعمة والقلوز والكحل في العيون بشل او بآخر اني اجذب وما دققت على هالشي واني اتمشى على الهاي ويه مرت سيارة كلها مصبنه لا حول لهم ولا قوة قامو يمشون وهم في السيارة بالعدال وبركنوو في محل الكارس سميت بسم الله وصليت على النبي وناجيت الأمام علي وتباعدت عنهم ومشيت والخوف ايبين في عيوني قامو شله المسخرة ايقولون كلام سويت روحي ما اسمع مشيت واني حاقرة لين ما زودوها قالو كلام أي بنت بتعصب اذا سمعته وقف ليهم وقلت : اني ساكته مو احتراماً ليكم انتون قدركم تحت النعال لكني محترمة نفسي والله انتون السبة فيكم حرام .. ومشيت بس انتبهت إلى شي انه صار هواش ورايي افتريت وانصدمت إلى انه احمد في شجار كلامي ويه الصبيان ..بس من وينه وصل احمد مو توه زافني ؟؟ لما شفت انه المسأله وصلت إلى الهواش بالأيادي بصراحة خفت على احمد هم اربعة وهو واحد .. سمعت سؤالهم ليه: ويش تصير ليك ؟؟ كنت امبي اسمع الرد .. وقفت وسمعت اكبر صدمة تعرضت ليها اكبر صدمة خطيبتي اني خطيبه احمد لا لا لا لا إلا احمد تجرات شوي ويودته من ايده وقلت ليه اخز بليس عنك وصل على النبي وخل عنك شلة هالمسخرة .. ولأول مرة في التاريخ احمد يطاوعني ما ادري ليش .. دخل احمد سيارته وركبت اني قدام احمد المكان : صوب سيارة احمد الزمن 7.00 المغرب ----------------------------- اتردد للمكان الي انت فيه .. كني فاقد شي في ذاك المكان .. اتعذر باي شي و اسأل عليه .. و الوله في نظرة اعيوني يبان نرفزتني بشكل جنوني حركتها يعني انه سايق عشان تركب ورا ؟..؟ بس لما مشت ما طاوعني قلبي اخليها لحقت وراها وطفيت الليتات عشان لا تحس .. بس هالصبيان ويش يبون منها يمشون بطيئ صوبها حسيت بالغيرة وبالقهر بالغضب بنار في قلبي كنت بروح اكفخخهم بس هدأت شوي مشيت شوي إلا هم موقفين يبون يعترضون طريق هدى لا لا لا لا لا هذي ما ارضى بها ابداً صدمتي انه هدى دارت تكلمهم ليش جان حقرتينهم بس ما صبرت قمت نزلت من السيارة ورحت اسب والعن فيهم واقول ليهم خلو بت الناس ولا ليكم شغل فيها وووو سالوني : جى ويش تصير ليك احترت اقول ليهم بنت عمتي او حبيبتي او زوجتي المستقبلية اوو اوو اوو بس في كلمه تقدت ثمي وهي : خطيبتي لما قلت ليهم جدي فكووا عني شوي ووخروو عن طريقي إلا انه احد ثاني تقرب مني اهي اهي آآآآآآآآآخ بس .. هدى وتلمسني !! .. ذوبتني ريحه عطرها بس قالت لي اتركهم تركتهم كأني منوم مغناطيسي وفي السيارة بعد ما ركبت قدام طبعاً قلت ليها احمد : هدى ليش ما ييتي من البدايه وقعدتين قدام هدى : احمد انت محرم علي جيفه تبيني اقعد صوبك احمد : امممم يعني وصلنه بيتهم ودخلت بس قبل قالت ليي مشكور .. كانه احد ايصب عليي ماي بارد مشيت وقلبي معلق بقلبها دخلت البيت الا منى مستغربه .. منى : توك واصل ؟؟.؟. احمد : آآآآآآآآآآآآخ يا منى منى : شصار ؟ّ؟! في أي تطورات احمد : كملي شغلش وبلى لقافة ودخلت حجرتي تسبحت وطلعت قعدت افكر بهدى بجمالها بأسلوبها وبكل شي حسيت اني احبها بمعنى الكلمة ..مو طيش شباب او حب مراهقة منى المكان : غرفتها الزمن : 8.30 بالليل ------------------------ ياني فضول ليش احمد توه راجع وليش ايقول آآآآآآآآآآآخ ما قدرت اقاوم اتصلت في هدى بسرع منى : ها يالغربوشة ما قلتين ليي ويش صار هدى : مداني اني مباشرة اتصلتين منى انزين قولي لي ويش صار هدى : اوكي ..... وقالت ليي القصة كامل انصدمت انه صارت افلام هندية فاتتني صكيت من عند هدى ومباشر على غرفة احمد دقيت الباب محد ايرد قمت ودخلت إلا اقول احمد ( بصوت واطي ) احمد ( بصوت اعلى شوي ) احماااااااااااااااااااااااااااااااااااااااااااااد ( بصوت زلزل البيت ) احمد : هي هي هي هي ويش صاير عندش منى : اممممممم .. اللي ماخذ بالك يتهنى به احمد : خلصيني ويش تبين ؟؟ منى : صدق ما وصلت هدى الا بعد اكثر من نص المسافه ؟.؟ احمد : ما شالله كلشي لازم ترزين روحش فيه منى : المهم المهم .. عيل انته خطيب هدى ؟؟؟ احمد : انه ؟؟!! ووووووع لا بس كنت امثل منى : أي تقول وع اني اسمعها تقول ولد جيرانهم متقدم ليها عيل بقول ليها توافق احمد : لالالالالالالالالالالا صلي على النبي وخلينه متفاهمين منى : عيل اكو تقول ووع يعني ما تبيها خطيبتك احمد : امري لله امبيها ولا امبي غيرها منى : آآآآه يالمنافق وطلعت من حجرته ورحت اذاكر شوي ومن ثمه انام --------------------- وسلامتكم ( انتظروا الجزء االجااي وقولو لي آرائكم بصراحة ) |
|
#3
03-09-2012, 02:46 PM
| ||
| | ||
| الجزء الثاني عبد الله المكان : بيت خال هدى حسين ( ابو عبد الله ) الوقت : يوم الأربعاء 4.00 ------------------------------------------- اول شي اعرفكم على نفسي اسمي عبد الله مثل ما تعرفون متخرج ادرس في الجامعة بس اللي يشوفني يقول مراهق اظن انكم بتكرهوني شوي بس المحبة من الله كنت زهقان ومستمل رحت الجامعة مو شي هالحصة طلعت رحت الكفتيريا قعدت شوي وقمت وانه طالع اتصلت إلى احمد بقول له انجان اروح و ياه ويه الشله المجمع ونطلع ونروح السينما عبود : مرحبا الغالي شحوالك احمد :هلا ولد العم عبود : اقول حمود تجي وياي المجمع مستمل بنتغدى وبندخل فلم هري بوتر نطالع جم شلخة احمد : اممممممم انه اليوم ما ليي زاغر بس تدري بروح عبود : اوكي امر عليك او تمر عليي احمد: لا انه بمر عليك عبود : اوكي حبيبي يالله في امان الله احمد : في امان الكريم واخيراً حصلت ليي طلعة تروح هالملل منى المكان : بيتهم الزمن 4.05 عصراً --------------------------------------- كنت مستمله من مذاكره البنوك وتوني بقوم اتصل لهدى اشوف ويش بتسوي الا التلفون داق شفت من طلعت هدى منى : هاي هدى : وعليكم الهاي ورحمة الله وبركاته منى : هدوي بلا دلع عن جد ليش متصله هدى : مستمله .. ما ستمليتين من البنوك ؟؟؟ منى : يلي في بالي في بالش هدى : ممكن طلب منى : اوووو هدى تقول ممكن !! هدى : صدق .. ابي اروح المجمع اشتري ليي ثياب الناصفة من شعبان منى : أي اني بعد بس من بيودينه هدى : بقول لأخويي محمد او جاسم منى : ومسيور احمد هو اللي بيخليني اروح هدى : راحت روحه هو شكووو بعد منى : حرام عليش هذا اخويي ما ارضى هدى : سكتي سكتي لحد يصدق منى : انزين بسأله وبرد عليش هدى : بسألش انتين ما عندش ابووو منى : فال الله ولا فالش هاذا ويش .. حق ويش ؟ هدى : لأنه كل شي قلتين احمد وهو لو زين مخلص المدرسة بعد منى : أي بس هو اللي يحاسبنه مو ابويي هدى : اوكي ردي عليي صكيت من عند هدى ورحت عشان اتحايل في احمد طقيت الباب ونتظرته يفتح ما دخلت احمد : من منى : هذا اني احمد : وليش ما تدخلين منى : ما قلت ليي ادخل او لاء احمد : دخلي بعد ما دخلت شفته لابس منى : على وين ؟؟ احمد : بروح ويه عبود المجمع منى : الله يحفظكم ويخليكم يااااااااا رب احمد : جي ويش هالأدب اللي نازل عليش فجأه منى : الله يسامحك يا خوي اني طول عمري مؤدبه احمد : منى اعترفي ويش تبين ترى اليوم انه متواعد منى : لا ابد ما امبي اكلف عليك بس بروح اشتري ثياب الناصفة احمد : اقول ليش مشغول منى : ما بروح وياك بروح ويه محمد او جاسم ولاد عمتي ( تعمدت ما اقول هدى امبي اشوف ردت فعله الحين وعقب ما اقوله انه هدى ويانه ) احمد : نعم نعم قعدي مكانش بدوني ما تطلعين ومو بعد ويه ولاد عمتي منى : بس احمد : برة برة منى : هدى بعد بتروح احمد : هدى !!!! منى : أي احمد : وليش ما قلتين من البدايه منى : بس خلاص انت قلت ما اطلع بدونك .. مشكور يا خوي ( اتصنع .. اصلاً اني لو قال ليي لا تروحين بعطيه بكس ) احمد : مدام هدى بتروح خلاص روحي منى :وليش هدى بتروح يعني اني اروح ؟..؟؟.؟؟.. احمد : عشان تجيبين ليي اخبارها منى : يعني مو حق سواد عيوني قايل ليي روحي احمد : لا منى : اني بديت اغار من هدى.. أي اغار ( ومبرطمة ) احمد : هههههههههههههه .. بعد من قدها هدى منى : احمد ممكن سؤال احمد : قولي منى : ليش من بد كل البنات اللي في العالم من بد بنات خالتي من بد بنات عمومي من بد بنات عماتي ما تحب الا هدى احمد : لأنه قلبي حمار .. ما دور الا وحده ما تحبه ولا كأنها بتحبه .. والقلب وما يهوى منى : الله يعينك احمد : جميع وطلعت فرحت لأنه احمد وافق بدون هواش وهذا اللي كنت متوقعتنه وحزنت على حال اخويي وهو يحب وحده ابد مو معطيته أي اهتمام بس في امل الحين هي بمراهقة رحت ورديت على هدى ومسكينه فرحت وقالت ليي انه جاسم بيوصلنه وبنمشي من الحين لأنه حضرت هدى ما تغدت بتروح تتغدى وبتدخل السينما بتطالع حبيب قلبها هاري بوتر وبعد الصلاة بتروح تتسوق طبعاً ما عندي خيار غير بروح السينما وبطالع ما ادري ويش اسمه مروا عليي بسرعة نزلت كنت لابسه بدلتي البحريه والشال البحري وما لبست عبايه لأني اتفقت ويه هدى ما نلبس كنت حاطه مكياج طبيعي ( كحل وقلوز ) فتحت باب السيارة وانصدمت انه ريحه عطر هدى من اول ما فتحت الباب شميتها ودخلت واللي صدمني اكثر انها لابسه بدله تجنن اول مرة اشوفها ومكياج خفيف منى : السلام هدى + جاسم : عليكم السلام بعد ما قعدت شوي : هدى .. ما شفت هالبدله عندج من قبل من وين شاريتنها هدى : جسوووووووووم اخوي اشتراها ليي من برومود منى : اممممم وواصلنه الطريق للمجمع هدى المكان : باركات المجمع الزمن : 4.30 عصراً ---------------------------------- *** انا رحبت من خاطر وسيع يحشم الاكرام ...عزيز النفس يستاهل افز ألحشمته واقوم*** كنا بعدنه قاعدين بالسيارة كنت قاعدة افكر في الفرق بين عبود واحمد عبدالله ما يعطيني ويه ولا يكلمني ولا ليه علاقه بي بينما احمد وايد مهتم فيني ودوم بلاطفني زغم انه يحب اينرفزني قعدني من تفكيري جاسم اخويي وهو يقولي انزلي ... نزلت المجمع واني احس انه فيني شي غلط الا هو العباية مو لابستنها بس كان شكلي كلش كيوت .. بعد ما دخلنه منى صوبي وجاسم قدامنه .. جاسم وقف وقال : الشيخة هدى وين بتروحين تتغدين هدى : أي مكان على دوقك جاسم : اوكي نروح واحة المطاعم وهناك نشوف هدى : اوكي مشينه شوي وكنا اني منى نهدر منى : هدايوووة وعلة .. اخوش اليوم صاير حليوو هدى : اخويي كل يوم حليو منى : ما ادري اول مرة اشوفه بثوب وكاب هدى : بس لين ايسوي شعره سبايكي احلى منى : ما مرة شفته سبايكي هدى : وانتين متى تشوفينه غير في السنه حسنه منى : ما اشوفه وايد هدى : قولي لروحش مشينه لين ما وصلنه الواحة وراح جاسم ايسوي اوردر من بيتزا هات ومنى قالت ما تبي بس بتاخد آيسكريم من دير كوين كملنه اكل ورحنه دير كوين اخدنه آيسكريم ورحنه إلى السينما قاعة ( 1) دخلنا وننتظر هاري بوتر بينما جاسم راح ايجيب بوب كورن وبيروح القهوة ايقول ما يحب هالهرار ( ترى جاسم اخويي جدي وهادئ كلش ) واحنا ناكل بوب كورن وشبس في بدايه الفلم إلا منى تأشر بايدها كأنها تسوي باي لما درت اشوف من طلع ( احمد و عبود ) احترت اطالع من درت عنهم وكملت مطالع بعد 4 ساعات تقريباً طلعنا واني عيوني كلها دموع وصياح لأنه في هذا الجزء طلع lord Voldmort وهذا الشرير .. بينما منى تضحك عليي في طلعتنه شفنا احمد في الويه وكان يضحك عليي وعبدالله ما صد صوبي كرهت عبدالله هذا ويش ما عنده دم ما عنده احساس واحنا واقفين مرت علينه انجليزيه لابس تنورة قصيرة ( وجودك عندي كما لو كنت غائباً ) وفانيله بعد قصير وبدون اكمام والحاله قام عبدالله يطالعها ويصفر اكتشفت انه عبدالله بعده مراهق ولأول مره احس انه قلبي فارغ لأنه عبدالله ما تطوف بنية الا وطالعها من فوق لتحت واني ما احب الصبي جدي احبه يكون مغرور ما يعطي البنت ويه .. من جانب آخر انه احمد ما رفع عيونه لمره غيري اظن انه احمد ايحبني بس يحب بعد ايطفشني بس على كل حال بسأل منى بعدين .. افترقنا البنات في جهة والشباب في جهة رحنا اني ومنى نتسوق وكنا نلفت الأنتباه لأنه بصراحة منى جمالها كبير كبير مثل ملكات جمال الهنود سمره شوي بس عجيبة عجيبة صغنونة ضعيفة وطولها حليو .. لحقو ورانه شله من الصبيان ايلوعون الجبد وكل واحد منه كلمة واحنا حاقرين ولا فكرت ارد ودخلنه دبنهامز وكنت متجهة صوب الرياييل بشتري إلى جاسم اخوي بعض الشغلات على طلعت اليوم وكنت ماخده بوك واطالعه عجبني وسعرة مو غالي وايد حملته عشان باخذة عند الكيشر كانت منى وياي قالت ليي لحظة بروح وبجي قلت ليها اوكي كنت اتتبعها بنظري الا هي رايحة صوب شباب قلت لا مستحيل منى تسويها منى اعرفها هي بنت خالي وفالنهايه طلعو احمد وعبد الله شفت احمد وهو يبتسم لي رديتها ليه بس المشكله اني ما احبه ما احبه .. جو الشباب صوبنا وكنت توي بدفع إلا يقول ليي احمد انه بدفع عنش قلت ليه لالالا هذي هديه امبي اشتريها بروحي ما اعترض ... ودفعت بس شفت في ايده ميداليه عجيبه سألته هدى : احمد ممكن سؤال احمد : قولي هدى : من وين لك هذي الميدليه احمد : تبينها هدى : لا ابي اشتري وحدة ( علماً بأن الميداليه كلها قلوب وفيها حرف الــ، H ) ياني فضول احمد ايحب احد بحرف الــ، H بصراحة غرت احمد : أي انه شارنها من هنيه بجيب ليش وحدة .. تبين أي حرف هدى : امبي حرف الـــ، J احمد جته صدمة : من حرف الــ، J هدى : اهو تحقيق امبي هالحرف وبس احمد : آسف ما عندنه بنات يشترون ميداليات على احرف شباب ما نعرفهم .. ما توقعتش جدي هدى طحتين من عيوني !! هدى : انـــــــــــــــــي آخذ ميداليه على حرف صبي احمد : عيل لمن حرف الــ،J هدى : عناد فيك ما بقول ليك وسحبت منى وطلعنه رحنا كذا محل وشريت اغراض واااااايد حليوة حق جاسم اخوي وشريت ميداليه احلى من اللي عند احمد .. والمشكله انه سبب روحتنه ما سويناه ما شتريت ليي ولا لمنا بدلات بس اشتريت ليي قبعات عجااايب ... بس شلت في خاطري على احمد .. عيل اني احب صبي وبآخد ميداليه بحرفه هدى : منى اخوش ليش ايقول ليي جدي منى : اكيد ايغار هدى : بس هذا طعني في شرفي منى : اقولش الغيرة تدبح هدى : وليش اخوش عمره حبني عشان ايغار عليي هني منى سكتت ولا ردت كنت اتمنى تقول ليي كلمه تبرد غليلي بس ما ردت في طلعتنه طفنا صوب عبدالله واحمد وما عطيناهم ويه بينما سمعنا عبد الله يقول إلى احمد : حمود تدري اليوم انه مواعد وحدة احلى من القمر اهنيه متت خلاص بدت الدموع تنزل وبسرعة اتصل إلى جاسم وقلت ليه ايجي رغم اني كنت اقول اني اكرهه إلا انه كان حبه متملك قلبي والحين يوم قال انه مواعد ما صرت اكرهه ولا احبه احس انه بعده مراهق وقفنا ننتظر جاسم وعرض علينه احمد انه يوصلنا بينما اني رفضت ومنى وافقت قال احمد عيل خالاص هو ياخد منى واني انتظر جسوم واني رفضت ومو طايقة اكلم احمد على يوم ايقول ليي عن الميداليه وقلت امبي منى وياي .. مشو الشباب واحنا واقفين هدى : تدرين منى : ويش ؟. هدى : اقولش بس مو تضحكين منى : قولي هدى : صرت ما احب عبدالله ولا اكن ليه شعور كره او محبه احسه مراهق وما يصلح ليي منى شاقه حلقها للأدون هدى : لهالدرجة الخبر يفرح منى : وايد وقفنا وشوي ساكتين ورديت قلت ليها هدى : منى ممكن سؤال منى : اسألي هدى : لا امبش تقسمين انش بتجاوبين بالحق منى : اقسم بالله اني بجاوب الحق هدى : ويش شعور اخوش احمد صوبي عشان يغار مني ؟ و ليش فرحتين لما قلت ليش اني ما اب عبد الله منى : لازم اجاوب هدى : كيفش انتين قسمتين منى : شوفي اخويي احمد من الأعدادية وهو يحبش ويحبش بصدق لأنه عمره ما فكر انه يكلمش بالموبايل لا قال لين كبرتين شوي مباشرة بيخطبش من اهلش واني ادري بهالشي بس اللي كان مخوفني حبش لعبدالله والحين يوم قلتين ارتحت على مستقبل اخويي اكبر صدمة احمد اني لالالالالالا والف لا توه ماسح فيني الأرض هدى : بس مو معناته اني ما احب عبدالله يعني بحب اخوش .. اخوش ما يستاهل حبي ليه توه مشكك فيني بس اني خلا ص تعبت من يوم كنت صغيرة ساعات اقول احمد حبيبي وساعات اقول عبد الله بس دوم عبد الله المنتصر وهذا السر اول مرة اقول لحد بس الحين ما احبه ثنينهم عبدالله مراهق ومغازلجي واحمد اني لايمكن احب انسان يشك فيني لا يمكن منى وعلى ويهها الصدمة : يعني انتين كنتين تحبين احمد شوي بس لما قال ليش هالكلام صرتين ما تحبينه هدى : أي مو بس ما احبه احقد عليه وامبي ارجعها ليه في يوم من الأيام .. اخوش يا منى طعنني في اغلى ما املك شرفي شرفي تفهمين يعني ويش لايمكن اسامحة سكتت منى بس حسيت انه دمعتها باقي شوي وتطيح بس هي حابستنها اضن انه منى وايد وايد وايد وايد وايد وايد تحب اخواها لأنه اكثر واحد ما ترضى عليه وهي عندها 4 شباب كلهم كبار ومتزوجين غير احمد وصل جاسم وركبنا ووصلنا منى ورحنا البيت اخذت شووّر ونمت منى المكان : بيتهم الزمن : 10.30 في الليل ------------------------------------- يتني صدمه واني اقول مشكله اخوي انحلت تدرون ليش اني اصيح لأنه ادري انه اخوي كل يوم وساعة يتعذب مرة شفته وهو يصيح لما كانت هدى في 3 إعدادي هدى لشده جمالها واخلاقها تقدم ليها كذا واحد من وهي صغيرة بس مرة تقدم ليها ولد عمتها وهي في 3 إعدادي وكانو بيوافقون كلش واحمد كان ناوي يطلع من البحرين ويروح الكويت يدرس لأنه ما بيستحمل بس اني قلت لهدى انه مو حليوة بنت صغير وتنخطب و. و. و. اقتنعت واقنعت اهلها ومن ذاك اليوم واني امبي اجمع بين هالقلبين بس مو طايع ركبت فوق حجرتي واني اصيح سمع احمد الصوت اللي رجع قبلنا وجا ليي وانصدم احمد : منى .. ويش فيش منى : ....................... ويش اقول اقول ليه اللي تتمنى تتزوجها كان في امل بس الحين البنت تكرهك يعني الأمل اقل من الضعيف احمد : منى تكلمي .. منى ( بعصبيه ) هدى صار ليها شي ؟؟ منى : ...................... بعد تفكيره في هدى قررت اني اقول ليه ولا اخلي باله مشغول اخذت كلينكس ومسحت دموعي وقفت صياح بس الشهقات مو راضيه توقف منى : احمد ممكن سؤال ؟ احمد : قولي بسرعة منى : ليش قلت لهدى في المحل انها بتاخد الميداليه حق صبي غريب ؟؟ احمد رجع ليه الألم وقال : زله السان وقهرتني لانها مو راضيه تعلم منى : هدى ما رضت تعلم عشان توصل لك معلومه انه لا تشك فيها وما يحتاج تسأل انت المفروض تعرف مباشرة احمد : منى قدري شعوري .. من متى تدرين اني احب هدى والحين تقول تبي ميداليه على حرف ال j منى : ما فكرت انه ممكن تهدي اخوها هديه اخوها جاسم احمد قعد ايفكر : لا ما فكرت منى : انت متسرع .. اقولك شي يا خوي بس ما تزعل احمد : قولي منى : تدري انه هدى كانت تحب عبد الله ... واليوم كانت تقارن بينكم بس حست انه مراهق وتقول انها هي بعد كانت مراهقة لما حبته .. وتدري بعد ويش قالت احمد بنفاد صبر : ويش منى : تقول انه الأول يوم تقول تحبك ويوم تقول تحب عبدالله بس اليوم عبدالله ما قامت تكن ليه أي شعور وتحس انه مراهق بينما انت تكرهك لأنك طعنتها في اعز ما تملك (( شرفها )) لا ارادياً نزلت الدمعة من عيون احمد ما ادري ليش واول مره في حياتي اسويها حضنت احمد وقمت اهديه واقول ليه انه يسوي افعال تثبت انه يحبها .. مرت الليليه واني كل حين اطل على احمد واشوفه في حجرته الحجرة ظلام وهو قاعد على المكتب ومنزل راسة وما ادري هو يصيح او لا انتهى الجزء واتمنى آرائكم وتفاعلكم
__________________ [CENTER][B][SIZE=6][URL="http://vb.arabseyes.com/redirector.php?url=%68%74%74%70%3a%2f%2f%77%77%77%2e%68%77%61%6e%61%61%2e%63%6f%6d%2f%76%62%2f%69%6e%64%65%78%2e%70%68%70&titlet="]http://www.hwanaa.com/vb/index.php[/URL][/SIZE][/B][/CENTER] [CENTER][flash=http://flash01.arabsh.com/uploads/flash/2013/02/13/0e30474e60f4.swf]width=400 height=350[/flash][/CENTER] [CENTER][B][SIZE=6]تُدُخٌــنٌ .{تُموِتُ بّعدُ 40 سًنٌۂ}:ὄ [/SIZE][/B][/CENTER] [CENTER][B][SIZE=6]2- تُشّربّ {تُموِتُ بّعدُ. 15 سًنٌۂ}8-| [/SIZE][/B][/CENTER] [CENTER][B][SIZE=6]3- تُغّلطٌ علے {بّحرٱنٌيّة وِسًتُرٱوِيّة } [/SIZE][/B][/CENTER] [CENTER][B][SIZE=6]{تُموِتُ وِتُنٌدُفُنٌ فُـيّ وِقَتُهٱ)[/SIZE][/B][/CENTER] [B][SIZE=6][B][CENTER][SIZE=6]بَحِرآنيہْ صَمِۈدُ♥[/SIZE][/B] [CENTER][B][SIZE=6]بحـْہرٍإنيہة وافتخہُر . . .اللي مو عہاجبہه ['ينتحر'] ! ويہكتب . .علہى قبہرهـ [مہنقہهر ] ~ :hmmm::wardah:[/SIZE][/B][/CENTER] [CENTER][B][SIZE=6]خٌرجَٱوِيّة كوِل + سًتُرٱوِيّة كيّوِتُ = بّحًرٱنٌيّة صِموِدُ :hmmm::matt:[/SIZE][/B][/CENTER] [B][SIZE=6][B][CENTER][SIZE=7]:a7eh::rose:[/SIZE][/B][/SIZE][/B][/CENTER] [SIZE=6] [/SIZE][/SIZE][/B] [/CENTER] |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية انمي (الحب الاعمى )رواية في قمة الروعه.. | عاشقة الفراشات | أرشيف المواضيع الغير مكتمله او المكرره او المنقوله و المخالفه | 24 | 07-19-2013 04:31 PM |
| اليوم حبيت حط لكم رواية بحرانية تتحدث عن الواقع | jaroo7 | قصص قصيرة | 0 | 02-14-2012 01:52 PM |
| رواية غارقات في دوامة الحب رواية ولا أروع بقلم الكاتبة:عيون القمر | بنت ناس وقلبها حساس | أرشيف المواضيع الغير مكتمله او المكرره او المنقوله و المخالفه | 57 | 06-30-2011 04:40 AM |
| رواية ( نزيف الحب ) رواية انمي جنان | كيلوا# | أرشيف المواضيع الغير مكتمله او المكرره او المنقوله و المخالفه | 3 | 12-18-2010 06:57 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
