|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
02-14-2012, 01:58 PM
| ||
| | ||
 قصة باللهجة البحرانية.. خديجة وقصة حب قصة باللهجة البحرانية.. خديجة وقصة حب بسم الله الرحمن الرحيم السلام عليكم ورحمة الله وبركاته طبعاً.. أعتقد أول مره راح تكون قصه من هالنووع.. ألا وهي.. قصه بالبحراني.. علل عموم راح أختصر الكلام.. وأقول لكم إنها قصه من تأليفي.. وإذا حسيت في تجاوب.. وإستمرار في قراءه القصه.. راح اتابع وياكم.. اما اذا.. شفت العكس ماراح اكمل.. واتمنى ان يكون تشجيع عشان.. تعطووني دافع حق التووواصل.. وخلونا نبدي الجزء الاول من القصة.. قصة بحرانيه.. بعنوان.. (( حياة خديجة)) كنت بنوته صغيره حبوبه وحليووه.. حياتي كانت حليوه وبسيطة طبعاً كتكوته مااعرف ويش حياتي كانت بس اللي اذكره اني كنت اعيش حياه مليئة بالهدووء .. اللي خلاني اقول ان حياتي كانت مملؤه بالهدوء هو هدوئي الغير طبيعي طبعاً بالمدرسة.. وخلوني أبدأ وياكم قصتي.. طبعاً .. راح أبدأ وياكم القصه من عمر 5 سنين ورايح.. كنت أحب آكل الشيز برجر.. والبيتزا والشبس والمينوو هالخرابيط من يوم اني كنت نتفه.. عاااد يوم من الايام شوفوا شلون طحت فيها.. شفتون احد نفس هبالتي.. ؟؟ مااعتقد بس خلونا نشوف القصه وانتون احكموا خديجه: أمااااااااه ويش الغداء اليوووووم؟؟ أمي: الغذاء اليوم سمج .. خليني اطبخ الحين ابوش بيجي وبيطحن عليي للحين مااستوى الغداء قال للحين مااستوى.. والله بلشه ويا هالرجال.. خديجه: اهاا سمممج.. ياربي..!! ((الاول عاد نقبل بالسمج مساكين احنا جهالوا منتفين يقصون علينا بس الحين نطنقر لان كل يوم يقولون لينا سمج مللونا كل يوم سمج)) أمي: يالله خديجووه الغذاء جاهز نادي اخواتش واخوانش وابوش.. عشان يتغذوون.. خديجه: يالله قوموا اتغدوا جهز الغداء يالله.. اللي مابيجي كيفه اني بروح لاتقولون ماناديتكم هاااااا معصومه: الغداء شكله احلوووو اليوم .. ويلي جوعانه حد امي أمي: اكلوا وانتون ساكتين وينا ابوكم؟؟ يوو ياللي ماتستحون حتى ماناديتون له.. الحين بيعصب قومي انتين خديجوه نادي ابوش خديجه: ياعليييييييي يعني كلا اني؟؟ كلا اني؟؟ ((مسكينه اني جاهله وقاصين عليي)) خديجه وهي رايحه الى ابوها: أبويااااا اقعد ابوياااا الغداء استووى ابويي: جان بعد مااستوى يوم جت الظهر قالت استوى هادي قبل مااراويها انا ام النسوان تقعد تسولف ليي وياهم الى الظهر واخر شي تسويه لينا هالحزه اراويها انا امي: وينك حج علي تعال استوى له جم مره ينادونك ابويي: أنا قبل ماافشلش قدام هالنسوان مايفيد فيش.. كلا تأخرينا لكن خلني الحق عليهم بفشلش قدامهم امي: والله مستوي من زمان بس انته قاعد ليي فوق نايم معصومه: ويش الحين وياكم نتغدى لو بتتهاوشون لينا هااااااه؟؟ امي: يالله انجبي انتين بعد يا ام لسان اتغدي وانتين ساكته خديجه: ياعلييييييي ماني قادررره .. ماني قادره ابويي: ويش فييييييش خديجوووووووه؟؟ امي: يوووووو بتموت بتي بتمووووووت خساره معصومه: ياعلي هكو يطلع منها دم.. لحقوا على بتكم ابويي: قومي انتين يا حظي شيلي بتش بنوديها المستشفى امي: ويلي على بتي جان ماتروح عليي خساره معصومه: الله يستر من هوشتكم له..(( في خاطري: لكن تستاهلون)) خديجه: ياعلييييي امااااااااه يعورني يعوورني لحقي عليي بموت ماني قادره امي: بس سكتي بنوصل الحين المستشفى ويلي عليش يا بتي وبعد ربع ساعه من الووقت وصلنا المستشفى... طبعاً ماراح أكمل الجزء الثاني الا اذا شفت هناك تفاعل ويا القصه.. وخلووني اشووف رايكم بأول جزء.. واني مستعده اشووف كل اقتراحاتكم وانتقاداتكم حبوباتي |
|
#4
02-18-2012, 02:52 PM
| ||
| | ||
| ((الجزء الثاني)) المستشفى.. الدكتور: ويش فيها خديجة..؟؟ الوالد: مادريياخوك.. بس كنا نتغدى مانشوف الا وحده تبالع لينا ويش فيش خديجوه الا تصرخ وماقدرتتتحجى.. بيني وبينك السمج كبار يعني مادري هي بلعت سلايه شكلها الدكتور: اوكيمو مشكله الحين بشوف وياها الاشعة وبيطلع لينا كل شي.. الام: ويش يعني .. بتيزينه؟؟ طمني عليها دختوور.. الدكتور: مافيها ان شاءالله الا العافيه اطمنيحاجية.. وبعد ثلث ساااعة من الأشعة.. مسكينه يا خدووج بالعه ليش سلايه؟؟والله ماتسووى عليش كلا من طحنت امش وابوش.. الدكتور ويا الدكتوره: ويشبشري؟؟ الدكتوره: فيها سلاية وعوده بعد.. مسكينه يبي ليها عملية.. ماتستاهلوالله جاهله توها.. الدكتور: امممممممم.. خلاص بنعطيهم موعد عشان العملية((خبركمالمواعيد بالبحرين عقب سنه لما الواحد تلووع جبده)) الدكتور: تفضل يا أبو خديجةهذا الموعد ولاتتأخرون عشان العملية.. الوالد: خيير بس مافي وقت اقرب له؟؟ لانمابتقدر تتكلم ولا تاكل يعني المفروض هالأسبووع.. ويش ناوين على بتيتموت الدكتور: بشوف أنا وبجيك أقرب موعد بس ما أعتقد أقل من أسبوعيعني.. بعد محاوولات ولووعة الجببببببد.. قرروا يعطونا مووعد بعد أسبووع .. حشى ماصارت دي صدق مواعيدهم نفس وجوههم.. والله حاله الدكتور: حصلت ليك حجي موعدقريب الأسبوع الجاي يوم الاثنين مافي أقرب من جديه الوالد: خير مابغيتوون تعطونامووعد قريب.. لوو من صوبكم أحد عطيتونه عادي بس احنه الفقاره قاصين علينا..(( موكأنه دشينا بالسياسه؟؟)) وبعد 3 ساعات بالمستشفى ولووعة الجبد.. وصلناالبيت أني وأمي وأبويي.. وفي إستقبالنا معصووومه وياها اختي الصغيره فطاموه وأخوييمحمد.. معصومه: ويش أماااه..؟؟ ويش أبويااااا؟؟ ويش قالوا فيها خديجوه امالعصي؟؟ الوالد: بالعه سلايه الملهوفه الحين هي ماتقدر تتحجى الى الاسبوع الجاييوم الاثنين عمليتها.. الأم: ايي كلا من طحنتك يا الطحان ماتسكت انت حزه غداءالشيطان حاضر تقعد تهاوش لينا .. ((أماااه سكتي انتين السبب كفايه متأخره وانتينتسوين الغده صدق نحيسه)) الوالد: يالله راسي يعورني بروح انام انا.. اللي بيطلعصوت راحت عليه مني .. وانتين انتبهي الى اولادش اللي يطلع صوت انتين المسئولهعنهم.. يالله.. معصومه: ويش فيش خديجه؟؟ اتكلمي قولي معصومه؟؟ خديجه: مممم ماف اكم.. ((مسكينه سكتي فشلتينا ويا هالحجي هههههههه)) معصومه: يوووو اختياضحكين ريريش كله طلع ههههههههههه ياعلي صرتين اخس من الجهالوا.. مسكينه اختي خديجه: في خاطرها ((خلني لكن اصحى بتشوفين يا ام كشه تطنزين عليي ها اراويش)).. ويش ليي آكل سمج صدق دعله اني طبعاً وبعد معاناة خدوج مسكييينه .. والريريطايح 24 ساعه مسكينه ماتسوي عليها هالسلايه قررررب المووعد.. يالله خدوج اجهزيبيشيلون منش هالعله.. ههههههههههه الأم: أسمع حج علي.. اني مابقدر اروح وياخديجة اترقد لان فاطمه عندي توها صغيره جيفا اخليها ويا معصومه.. ومعصومه مي فالحهفي شي؟؟ مابتقدر عليها الوالد: يعني منهو بيرقد ويا خديجه؟؟ بتخلينها بروحهامايصير توها 5 سنين ((مسكينه خدوج واعليا)) الأم: لا بخلي تروح وياها معصومه امالدواهي.. مابتقول شي اني اعرفها.. الوالد: شوفي بتش يمكن ماترضى.. روحي سأليهايالله سرعي باجر موعدها له الأم: انزييين هداني بغدي ليهاااااااا.. ((ههههههههههههههههههه صدق بحرانيه)) الأم: وينش عصوووم.. معصومووه وصمخ جلابقولي آميين.. معصومه: وييش امااه؟؟ ويش تبين لاتقولين انشر الثياب لاعت جبدي الأم: لا باجر نبيش تروحين ويا اختش المستشفى عشان تنامين وياها هناك عن بروحهااني مااقدر اروح ويا اختش.. معصومه: ويلييييييييييي صدق؟؟ لو تشلخين حلفي حلفي؟؟ويلي كشخه ياعلي عجيييييييب.. ((صدق مصرقعة هالابنيه)) الأم: انزين روحي نامي لهباجر بتروحين ويا اختش المستشفى معصومه: إن شااءالله بروح انااام يالله تصبحينعلى ليل.. نسيت أقول ليكم معلومه.. معصوومه في ثاني إعدادي اتخيلوا انهاتوها وبترقد ويا اختها؟؟ تعرف تتصرف .. الله يستر بس.. .. طبعاً الى حدالآن انتظر انتقاداتكم على القصة.. واذكركم جميع الحقوقمحفوظه.. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أكسير رمضان وقصة مكالمة هاتفية | حقيقة لا خيال | أرشيف القسم الإسلامي 2005-2016 | 0 | 08-06-2011 01:13 PM |
| صوت صفير البلبلي وقصة الأصمعي | =karim07=جانت= | أرشيف المواضيع الغير مكتمله او المكرره او المنقوله و المخالفه | 7 | 08-05-2010 01:43 PM |
| أبو الوليد الغامدي.. الوصية وقصة الشهادة | fares alsunna | شخصيات عربية و شخصيات عالمية | 8 | 04-20-2009 12:35 AM |
| البنت (وله) وقصت اسمها | ENG:3BoOoDY | حوارات و نقاشات جاده | 3 | 12-26-2008 05:39 PM |
| سامي .. وقصة العقوق !! | وردة على الطريق | قصص قصيرة | 14 | 10-13-2007 02:48 PM |
العرض العادي
