|
| |||||||
| نور الإسلام - ,, على مذاهب أهل السنة والجماعة خاص بجميع المواضيع الاسلامية |
 |
| | LinkBack | أدوات الموضوع | انواع عرض الموضوع |
|
#1
01-16-2012, 06:23 PM
| ||
| | ||
| نسـأل الله آلسلآمة (( ثــوآنــي تســوي كذآ فيههم ! صور ))  البنات اللي ماقدروا يكملون الموضوع .. بلاش تشوفون الصور .. بس اقرؤا الكلام لانه جدا مؤثر .. ترى محتاجين مثل كلامه ، يصحينا من غفلتنا .. ينقلنا الآن الدكتور عبد المحسن الاحمد نقلة سريعة الى وحده من الوحدات اللي يرآها كل يوم .. وهي وحدة الحروق في المستشفى ../ يقول الشيخ /  كم تتوقع اليد هذي جلست بالنار ؟؟؟ طبعا هذي اليد كانت مثل يدي ويدك ,, ناظر ايدك .. ترآها زينه اليوم ..والله هذي اليد ماخلقت كذا كانت مثل ايدي ويدك !! أخذت 6 ثواني فقط !!! لو تسأل صاحب اليد هذي ، تقوله كم مره تمتعت بيدك هذي ؟؟ يقولك سنين .. اسأله الحين ، قول له تحس بلذة متعة وحدة من المتع اللي عشتها بحياتك ؟؟ والله لو ترونهم ، ترى اصحاب الآلآم والسرطانات ترى عندهم الآم ,, بس والله ماترى آحد مثل الآم الحروق !!  شف اليد الثانية .. كم تتوقع جلست في نار الدنيا ؟؟ هذي ماذاقت نار اصلاً .. هذي ذاقت زيت محمى على النار .. والله ماجلست ثانية وحدة !! صدق او لا تصدق ثانية وحدة ماجلس !! اول مالمس طلعها .. لو ترى تعابير وجهه وهو بعد الكريمات والدهونات وتبريد غرفة العناية المركزه وهو يصرخ صراخ ، والله كأنه طفل قطعت يده !! يدي ويدك جاها شي ؟؟ اعلم ان يده غاليه عليه ,, اسأل الله ان لا تمسني واياك نار الدنيا والآخره ..  شف الثالثة اصعب شوي .. هذا لو كان يعاكس بنات ,, وفي كل يوم يرسل بلوتوثات !! ثم قال الله ماحنى معذبينك بالآخرة ,, بس بناخذه منك بالدنيا !! هل وهو يشوف ان بيده بيصير لها زي كذا ويعلم وهو يرسل ,, ظنتك بيرسل؟؟ والله مايرسل ..!! طيب هل بتلمس يده يد حرام ؟؟ والله مايلمس ..!! ابليس وظيفته اذا شافك تعصي الله وتستخدم نعمة في معصيته ، يذكرك بالنعمة واللذة اللي تعيشها الآن ، لكن ايش تدفع من ثمن مايعلمك ؟؟ ايش كتب عليك مايعلمك !! وينسيك وامش لكن تعمل صالح هذي اليدين وتشتغل وتتعب ,, مايعلمك ايش لك من الأجر .. كم تتوقع جلست بالنار ؟؟ والله ماكمل عشر ثواني هذا !! الآن لو الهواء يجيه ,, الهواء ,, يأثر فيه ويبكي !! طيب ايدينا مازالت زينه ياجماعة .. ترى هذا مخلوق واحنا مخلوقين ,, الله قادر عليه وقادر والله علينا .. فـ شف ايديك وش تستخدمها فيه !! وانا اشوف ايديني وش استخدمها فيه !! وان استطعت انا وياك ان ماتمسنا النار فلنفعل ,, اسأل الله ان يحرمني واياكم عن النار  شف اصعب منها شوي ، الى 15 ثانية : شفت الاربطة هذي ، يوم اراد ان يكشفها كشفها ,, ولو اراد اربطتي واربطتك والله يفعل .. تخيل في ذاك الوقت وهو جالس في الاسعاف !! لو تدق عليه خويته الآن ظنتك يرد عليها ؟؟ يرد عليها ؟؟ شفت ان الله قادر يخلينا غصب مانرد عليها !! ولا لنا اجر !! لكن عطانا الفرصة ,, وهو قادر انه يحرمك منها اصلا ، فما تقدر تحركها لأجل هذا يقول الله عز وجل ..( وربك الغفور ذو الرحمة ...) سبحانه يعرفك ماعنده من الرحمة ,, اللهم ارحمني وارحمهم .. ثم يعلمك معلومه ( لو يؤاخذهم بما كسبوا لعجل لهم العذاب) كان والله لو بيدق على وحده ، مايدق صفر ، ما يكمل الخمسه !! والله كان اشل اركانه يقول ينظر حرام ، مااخلي احد يروح ينصحه ويقول له ان الدش حرام ومايجوز ، والله يقول .. كان آخذ بصره لا يشوف لا حرام ولا حلال !! يقول (لعجل لهم العذاب ) طيب ياربي ما اخذتنا الآن سبحانك ، و حلمت علينا برحمتك .. هل تمسح الذنوب ؟؟ كمل الآية ,, ان قال انها تمسح بفعل انا وياك (بل لهم موعد لن يجدوا من دونه موئلا) تبغى الدليل اقرأ الايه اللي بعدها (وتلك القرى اهلكناهم ) متى ؟؟ (لما ظلموا) ونحن والله ظلمنا، طيب ياربي مباشره؟؟ لا(وجعلنا لمهلكهم موعدا) المشكلة ماندري متى !! وإلا كان نتوب ..والله هذي الأسئلة اللي قاعد اطرحها عليكم قاعد اطرحها على نفسي وانا في قسم الحروق .. قلت الحين ايدك هذي ، الله وراك عشان تنتبه .. هذي الان بالدنيا !! والله وانا انظر اليها تذكرت قول الرسول صلى الله عليه وسلم: (ناركم هذي) نارنا اللي اذا شفتها ارتعت ! اذا شفت بعض مافعلت هذه النار بثوني ترتاع انت وتحس انك مشمئز ولا تقدر تحمل! (ناركم هذه فضلت عليها نار الآخرة بـ سبعين ضعف)الصحابه قالوا مانتحتاج سبعين ضعف.. عشان ننسى الملذات المحرمه مانحتاج سبعين ضعف ! والله انها يارسول الله لكافيه.. قال (انها كافيه ولكن فضلت عليها)..  أسألكم لو كانت هذه ساق إمرأة...هل ظنكم بتطلعها ؟ الاجابة لا.. طيب ياجماعه يعني ليش ما نشكر الله!يعني كل ما عطانا نعمه لازم نعصيه فيها! يعني لازم يأخذها منا عشان ما نعصي ! ليش ما نكون كرماء.. إذ اعطاها وجملها بتلك الساق لايراها إلا من أحل الله ان يراها.. يقول الله عزوجل: (وَإِذَا أَنْعَمْنَا عَلَى الْإِنْسَانِ ) انعمنا عليها اعطيناها ساق مافيها شئ عشان تتمتع مع زوجها.. (وَإِذَا أَنْعَمْنَا عَلَى الْإِنْسَانِ أَعْرَضَ وَنَأَىٰ بِجَانِبِهِ) لكن يوم يأخذه الله ينقلب والنفسية تنقلب والافكار تنقلب ، أول كانت تقول يا أخي ايش فيكم معقدين! الآن تنقلب ويكسر ذاك القلب.. يقول: (وَإِذَا مَسَّهُ الشَّرُّ كَانَ يَئُوسًا * قُلْ كُلٌّ يَعْمَلُ عَلَىٰ شَاكِلَتِهِ فَرَبُّكُمْ أَعْلَمُ بِمَنْ هُوَ أَهْدَىٰ سَبِيلًا ) فما يصلح يعطينا ونطيعه .  هذا بس ثواني ! يقول واللهِ في أحد البرك في المصنع ،بركة درجة حرارتها ستمائة درجة مئوية يقول بس زلقت وسحبوني على طول دفع ثمنها بعد ها ,الآن خلاص هي ثواني وانتهت ومازال ما يذوق النوم ! ونحن واطفالنا كل يوم ننام, سيسألنا الله عن النعمة.. لو كانت أختنا في جلدها مثل هذا , ماء بسيط انسكب على الجلد تغير لونه ظنكم بتطلعه في الزواجات ..! (إن الإنسان ليطغى) متى.؟ إذا شله الله..إذ أعطاه مرض جلدي جعل الناس تتقزز من شكله.. لا, تغطيها في ذاك الوقت ! يعني لازم نعصي الله في نعمه! (إن الإنسان ليطغى ان راءهاستغنى) شافنا محركينه وشارب ومأكل ونائم ولا عنده شئ. الرد الثاني فيه: صورة حرق شديد ، اللي ماتحب تشوف لا تشوف الصورة .. وفيه قصة العسكري،اللي حابة تنسخها وترسلها بالواتس اب،اسأل الله لي ولكم الأجر . A t h E e R and مؤمن الرشيدي like this.
__________________   :glb::wardah:  |
|
#2
01-16-2012, 06:28 PM
| ||
| | ||
  هذا خمس وأربعون ثانية.. إذا أردت أن تستشعر القضية اترك عنك الصورة هذي وسأقول لك : اعمل مائة سنه لا تجعل منكر إلا فعلته.. ولا إمراءة إلا زنيت بها.. و لا أنتي شاب إلا كلمتيه .. ولا والد إلا عقيته.. وسو اللي تبغى ..ولا تصلي ولا تصوم بعد !! وأقول له تعال بعد مائة سنه من المتاع أبأخذ منك خمس ثواني بس,, جمر من حق الدنيا طافي بس أحمر وما في لهب، ثم أبضع وجهك وبعد واحد ثنين ثلاثة أربعه تتحمل ؟ إذ هذي خمس وأربعون ثانية.. كم واحد بيجلس وينام ويستلقي مثل الوضع هذا! كم وحده تزني وتخون ربها وتخون زوجها وتخون أهلها وهي ما تدري ! هذا الآن اللي انحرق يحس بأي نعمه ؟؟ واللي شدني أعظم شئ ألأذن والله أني اقترب أدور فتحت ابره ! ذابت الأذن وانطمست الثنتين ! مع العلم بأن الوجه ليس هو المقصود في الحرق , الحرق في الصدر لكن الأذن مطموسة تماما !! انظر للعين ذاب الجفن الأعلى وذاب الجفن الأسفل والتحمت بعضها ببعض الثنتين!! يقول الله تعالى : (فلما نسوا ما ذكروا به) لا أتهمه هو, أنا أحاسب نفسي الآن، واعلم أن الله قادر أنه يأخذ هالعين اللي قاعدة تناظر! إن الله يعلم خائنة الأعين وما تخفي الصدور. ( فلما نسوا ما ذكروا به فتحنا عليهم أبواب كل شئ) إذ صرت في المرحلة هذي انتبه !! إذ رأيت أنك تقدر تعاكس في أي وقت وعندك المال وعندك السيارة, وعندك أختي الجمال وعندك كل شئ ميسر لك انتبهي..! ترى هذي مرحله صعبة جدا مع الله .. لا تظن أن الله يأخذك وأنت تبكي , لا واللهِ , ما أخذ الله وأقرأ القرآن, ما أخذ الله أحد وهو يبكي كلهم يأخذهم وهم في أوج فرحتهم !يأتون يستبشرون! يقول الله ( إن موعدهم الصبح) فرعون يأتي أنا ربكم الأعلى فأخذه الله نكال الاخره، يفرح يفرح ثم يأخذه! وانظر يأتي يستهزئ بنبي من الأنبياء ثم يأخذه الله في فرحه! فالله يقول إذ تيسرت لك الأمور انتبه.. (فتحنا عليهم أبواب كل شئ) ما بينه وبين المعصية إلا انه يشتهيها فقط ،وبيفعلها هو! بغى يشوف حرام ضرب الريموت ولا كأن أحد له نعمه ولا فضل عليه ! وحرك له وغيره في المستشفيات ما يقدرون ينظفون أنفسهم ! يتقلب على معصية الله عزوجل وهو ما يعلم أن في ناس لو ينقلب ينسلخ جلده!! (فتحنا عليهم أبواب كل شئ حتى) اسمع كلام الله عزوجل(حتى إذ فرحوا بما أوتوا أخذناهم) اللهم لا تأخذنا يا ربي وأنت غاضب علينا(أخذناهم بغتة) حط تحت بغتة مليون خط,, ولست أغلى عند الله من غيرك(أخذناهم بغتة فإذا هم مبلسون فقطع) يعني الله قادريقطع نشاط المعاصي عندي وعندك في أي لحظة يريد هو ( فقطع دابر القوم اللذين ظلموا والحمد لله رب العالمين* قل أرأيتم) اسمع وانظر الصورة وتفكر بالآية(قل أرأيتم أن أخذ الله سمعكم وأبصاركم ) لو أراد أن يأخذ سمعك طمسه معاد تسمع لا حرام ولا حلال ، بسهوله يا جماعه ، الله يفعل إذ أراد.. الله قادر ما يرسل لك احد ينصحك ولا ينصحني قادر انه مباشرة ياخذ النعمة !!  وذكر الشيخ هذه القصة المبكيه والله: ألقيت محاضرة في الجوف وجائني عسكري يقول أنا اشتغل في أمن الطرق يقول شفت والد معه ثلاث عيال يقول انقلبت السيارة وجينا نحن والإسعاف ، المهم جينا نطلع واللهِ جثث نشيلها والله العظيم بعضها تشيله وينقطع منه شئ ، يقول السيارة منقلبه وفيه ناس منقلبه تحت السيارة الموقف صعب يقول المهم طلعنا الولد الأول، والولد الثاني، والابو شاف واحد من عياله ميت وواحد فيه حياه ويبغى يساعد عشان يطلعون أبوهم ، قال خلوني، أنا رايح ،لكن اسمع (يكلم ولده ) اسمع البلية اللي فوق السطح طلعها ! والله هذي كلمته البلية اللي فوق السطح طلعها ! يقول آخر كلامه طلعها طلعها ومات سبحان الله .. يقول العسكري من ذاك اليوم وأنا أعلم أن ربي في أي لحظة قادر يخليني اطلع الدش غصب يقول بنفس اليوم طلعته، الكلام ما هو لي ، يقول الكلام لولده ، وأنا رحت طلعت الدش وطلعت كل المعاصي اللي عندي اسأل الله أن يتوب علي.. انتهى كلام العسكري  أحذروا ياغاليات تناقل ونشر البلوتوثات السيئه والمحرمه والبدع .. واقرؤا الشيخ كيف فسر الآية .. قال تعالى (حَتَّىٰ إِذَا حَضَرَ أَحَدَهُمُ الْمَوْتُ* قَالَ إِنِّي تُبْتُ الْآنَ) والله بيجي ذاك اليوم بس هل تعرفه أنت؟؟ ما ندري !! طيب الطلب الوحيد لي ولك علمنا الله في القرآن، قال ما يطلب شئ بس يبغى يرجع ، يسوي شئ واحد (لعلي اعمل صالحا فيما تركت) فيما تركت أنا لأنه بيسأل عن اللي سواه هو.. بيسال عن البلوتوثات اللي أرسلها وتناقلها الآلآف ،ورائهم الآف،وكلهم سيسأل عنهم !! ( لحملوا أوزارهم ) يوم القيامة كاملة(ومن أوزار الذين يضلونهم بغير علم) يجونه أقوام يوم القيامة ،ما يعرف اشكالهم لكن واصلهم بلوتوث في مصر وفي المغرب، طلع البلوتوث حقه اللي أرسله على الانترنت ونشر وبلغ الآفاق وتجمعوا عليه الناس,,بغير علم ما عرفهم كلهم .. (ألا ساء مايزرون ) فلا نحمل أنفسنا أحبتي مالا نطيق,,واسأله جل جلاله أن يرزقني وإياكم حسن الختام. انتهى كلام الشيخ هذا المقطع كامل .. طبعا انا اخترت لكم مقتطفات منه مع الاختصار.. اتمنى تسمعونه كامل , يذكر قصص ومواعظ اسأل الله ان ينفع بها .  فلاش يمكن يكون سبب في نجاتك من النار .. http://www.abdelmohsen.com/flash/quboruna.swf اسأل الله ان يرزقنا الجنه وما قرب اليها من قول و عمل ,, وان يجيرنا من النار وما قرب اليها من قول وعمل .. A t h E e R and كيآن انسسانـه like this.
__________________ :glb::wardah: |
|
#3
01-17-2012, 12:02 AM
| ||
| | ||
| فـين آلـردود ؟! .. ^ بديت آششك آنو آلموضوع مو عآجبكم ..> آلله يسستر آذآ صح.. .gif "Icons(7)") :glb: A t h E e R and مؤمن الرشيدي like this.
__________________ :glb::wardah: |
|
#4
01-18-2012, 10:53 PM
| ||
| | ||
|
موضوع موثر جدآ جزاك الله خير غاليتي الله يعطيك الف عافية .. مؤمن الرشيدي likes this.
__________________ 
|
|
#5
01-18-2012, 10:57 PM
| ||
| | ||
| السلام عليكم ورحمه الله وبركاته أخبارس أن شاء الله بخير موضوع حلو جزاك الله خير تحياتي مؤمن الرشيدي likes this.
__________________ 
|
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الله أڪبر الله أكبر الله أڪبر .. لـآ إلهْ الـآ الله / الله أكبر الله أكبر .. ولله آلحمد } | سُكون. | سفر و سياحة | 59 | 01-17-2012 11:39 AM |
| شرح الجامع لعبادة الله وحده :: لفضيلة الشيخ أبي عبد الله محمد سعيد رسلان حفظه الله | بنت الرمادي | خطب و محاضرات و أناشيد اسلاميه صوتية و مرئية | 1 | 04-29-2008 02:46 PM |
| يا لثارات الله! يا لحرمات الله! يا لغضب الله! : هكذا يقتل كلاب صهيون الأئمة | كايدهم أوي | نور الإسلام - | 9 | 08-15-2007 12:07 AM |
| زين موضوعك باسم الله ..و جمل ردك بجزاك الله خيرا...اكسسوارات تسعدك و تثاب عليها ان شاء الله..... | alassiya | نور الإسلام - | 11 | 05-31-2007 06:48 PM |
12Likes
العرض العادي
