يب هو ذا ..
أتمنى عجبتك ، فيه مواقف تشبهـ بنات الثانوية : )

__________________

__________________

__________________

بلغوهم لو هم تحت الارض .. إنهم مفصولين نهائيا

البنات شهقوا من الصدمة .. معقولة ينفصلوا من جد ؟؟
من فوق المسرح سحر تناظر بشرى بكل استحقار وبنفسها ( اصلا هي ورى هذا الموضوع اكيد ولا انا ماتورط كذاا بدون سبب )
وبشرى مطنشتها ودموعها تنزل ع خدها بحرقة ..
سحر بانفعال : أبلة انا ماسويت شئ صح إني خالفت قبل كذه بس والله اني ماسويت شئ ولا مسكت ولا بنت ولا كفخت ولا فقعت ولا وحده وبعدين حنا لسى دوبنا مكملين شهرين بهالمدرسة يعني ياابلة انا ماسويت شئ والله اني ماسويت شئ ولا حتى بشرى
المديرة بعصبية: هييه بنت منو انتي عشان تصارخين علي؟؟ وبعدين إنتوا الاثنين كذا ولا كذا مفصولات بسبب سلوككم الشاذ ...... وكانت تبي تكمل إلا
سحر فهمتها غلط وبصراخ : لا ياابلة والله اني ماسويت ولا شئ وقسم بالله واللي خلقني ياابلة اني ماسويت شئ ..
المديرة : لا تكذبين ، وجهك هذا وقصة شعرك واسلوبك بالكلام وش اسميه ؟؟؟
سحر سكتت وبشرى طول الوقت ساكتة وماسكة نفسها
=-=-=-=
كندا وربى .. لا تعليق كل وحده بجوّها
رانيا .. صمت كالعادة
إدري ان وجودها زي عدمها بالقصة
=-=-=-=-=
اخلاص ..: إلحين وين نروح ؟؟
إبتهال: مدري وين بيتك؟؟
اخلاص: مااعرف
ابتهال : سمعي .. إلحين نروح سيده..
وحاولوا بس ضاااعوا والشمس حرقتهمـ
ثم .. عرفوا الطريق وراحت اخلـاص لبيت ابتهال
=-=-=-=
ولسى ماانتهى الدوام والمديرة تصارخ بأسماء اخلاص وإبتهال ولا حد رد عليها وقلها هم وين فيه
=-=-=-=
كندا وربى ساكتين بالذات عند الطلوع عشان ياخذون بعض معداتهم من طاولاتهم عشان اللي صار الحادث مايبون يضحكون ولا يتكلمون بس ينتبهون لطريقهم .. الوقاية خير من العلاج ^_^"
=-=-=-=-=
الكل طلع الفصل ..
ماعدا بشرى راحت تدور ع ابتهال مالقتها ،
قلقت عليها كثيــر ..
دورت إخلاص وبرضه مالقتها ، يئست ورجعت فصلها .. سحر كانت جالسة مع أميرة يستهبلووون أنواع الهبال وسحر متعمّده ترفع ضحكاتها عشان تقهر بشرى .. وبشرى مقهورة شوي وبتبكي .. بس ساكته وماسكة نفسها ..
قامت بشرى عنهم وراحت تلفلف شوي ..
شوي بس ماانصدمت إلا بِـ مياار ..
ميار بخبث:

اوه هاي
بشرى : هايات
ميار: ها كيفك اليوم ؟؟
بشرى : تمام وانتي ؟؟
ميار بكل خباثة ..:الحمدلله .. اقول بشرى
بشرى :شتبين؟
ميار: ترا قالتلي سحر.. اوه ماابغى اكمل حفاظا على مشاعرك لانه كلام جداا قووي
ميار : بتقولين ولا كييف؟
ميار : طيب "وبخبث" قالت انك انسانة ماتعرفي الجميل لانك خربتي بيني وبينها وانك تكرهين كل الناس وماعندك احساس وبليدة ووقحة وبجحة ومايعتمد عليك لانك قليلة ادب وبقوة
بشرى بعدم تصديق: أهااا
ميار حست انها ماصدقت .: لو تبين تعرفين سأليها
بشرى ردت : تراك طول عمرك كذااابه يعني مارح اصدقك ومستحيل اصدقك ياللي ماعندك كرامة ولا شخصية .. يلا باي وشمقت لها
ميار انصدمت مافي حد يقولها هالكلام .. جريت وراها ..: إنتي خير وش تحسين فيه وبعدين منو إنتي تقولين لي هالكلام وانه ماعندي كراامه ؟؟
بشرى ببرود ..: شفتي ان ماعندك كرامه ولا شخصية؟؟ لو كان عندك فعلا كان الحين ماجريتي وراي إلا تقهريني مو تجرين وراي يافالحه
ميار بحرقة :إنقلعي
بشرى بنفسها احسن تستحق كذا وزووود

ميار ياليتني ماجريت وراها وذليت نفسى لاشكالها وحده وقحه وقليلة ادب .. آخ بس

إخلاص وأبتهال يسولفون ، جت الساعة 12ونص ..اللي هو موعد الانصراف ، مشت اخلاص لبيتها ..
اول مارجعت البيت .. فتح لها الباب اخوها سلطان ومعه عصا : ياهلا بالناحشة من مدرستها
اخلاص بشهقة ..: هئئئئ !! "ثم مسكت نفسها" أي نحشة تتكلم عنها أنت ؟؟
سلطان بنص عين : لا والله ؟ هالكلام والخرابيط موب علي .. توها مديرتكم دقت على البيت قالت انك منحاشة وانا كنت عارف ان مردك للبيت ال2 ونص حق الدواام .. وتحسبيني خبل ؟؟ ماشاء الله ذكيه اختي وبصرخة : يلا ع غرفتك .. الحين جايك
امها تصرّخ على اخلاص: يابنيتي من جدك تنحاشين من مدرسة و ذي اخر سنة لك!!والله لا اوريك ..
سلطان بعصبية: شفتي يايمه ؟! ذي البنت محد يعتمد عليها الظاهر تبيني اداوم معها بمدرستها وقسم قلة حيا ع مستوى مقدر اوصفه
البارت السادس
الام : انا بروحي تفشلت من المديرة لما اتصلت علي تلعثمت ماعرفت وش اسوى لها ولا وش ابررلها ووش اقولها بنتى شسوت ؟؟
اخلاص: يمة خلاص ، حصل خير
سلطان بعصبية : حصل خير بعيوونك واذا اسمك اخلاص اخلصى لمدرستك يالكلبة
اخلاص ببكا : يمممه شوفي وش يقولي
الام : تستحقين ذا وزود عليه بعد
اخلاص :..........
الام : بكرة بتروحين المدرسة واخوك يوصلك ويجي الساعه عشرة بالضبط يستناكم لين تخرجون من مدرستكم
اخلاص بانفعال :لا لا لا لا يمه الا ذاا
سلطان : لا والله ؟؟ الاخت ماتبيني .. أجل بجي من الساعه 8 ومااكون سلطان ولد عبدالرحمن
اخلاص بعصبية : إففففففف يمه شوفي من اول يعاندني زهقت منه وجع ماكنه اخو .. وطلت فيه وقالت بعناد : إبن ابووك وصلني .. مارح تقدر ! ولا اقول لامي انت وش تهبب ووش هببت ؟؟
سلطان بخوف:لالالالا خلاص .. وطل لامه "خلاص يمه خل السايق يوصلها"
امه بعصبية ": تقولين لي ولا ماتقولين لي مالك شغل .. وي سلطان خلك رجال ووصل اختك واستناها من الساعه 8 تكفى ..
سلطان بحنية : خلاص يمه ماحب اشوفك تترجيني وطل لاخلاص بنظره جهنميه : من بكره نبدأ شرايك يمه ؟
الام بابتسامه : إي يالله
اخلاص ارتبكت وطلعت غرفتها ..
مالقت اللابتوب بغرفتها ولا البىبى .. راحت الصالة : وين اللاب واغراضي؟
سلطان : غيري مريولك ، عندي وحتى الاي باد حلممممي فيه ...
اخلاص بصراخ يرج البيت : يومممممممممممممممماه..
الام جات ويدها ع قلبها : شسالفه شنو صاير؟
اخلاص وسلطان فقعوا ع شكلها
اخلاص : آآه .. إي يمه شوفي ياخذ ملابسي وياخذ غرفتي وياكلها والبيبي واللاب وكل شئ ولا ياخذ الايباد من يدي شلون يعني؟؟
الام وهي تفكر :اهااا يعني نقطة ضعفك الايبواد ذا ؟؟
سلطان ماسك ضحكته
اخلاص : إي ..
الام طلت لسلطان : أجل سلطان اسمع .. خله عندك لين تنتهي فترة الاختبارات الدورية
اخلاص بققت عيونها
اخلاص بصدمة : يمممممممممممممما ! انا قلت لك تقصرون المدة أقصر من يوم تخلينها سنة بكبرها!
الام رفعت حاجبها؟ : هذي سنة يعني؟؟ تراها شهرين وينتهي ترمكم لا تطوليها وهي قصيرة عاد
*مودا* - عيون العرب..جميع الحقوق محفوظة

__________________

السلام عليكم
كيفك ؟؟ انشاء الله بخير
يسلمووو على الروايه متي بتكمليها
الروايه روووعه مرررة
ممكن تعتبريني متابعه جديدة للروايه
واسفه لمروري السريع
جانا

__________________

عندما اقول للاخرين شي في نفسي دائما ما تكون جرحا لمشاعرهم