ياذيب يامحبوس مثلك لنا ذيب ...قصيدة مؤثرة
======================
شاءت الأقدار أن يتم القبض على أحد المجاهدين السعوديين من قبيلة عتيبه بين الحدود الباكستانية ولأفغانية بعد خيانة الحكومة
الباكستانية وتم تسليمه لأمريكا ورحل إلى معتقل جوانتاناموا في كوبا ، فكتب ابن عمه هذه القصيدة وهي تعبر
عن نفسها
=====================

[POEM="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
يا ذيب يا محبوس مثلك لنا ذيب=مطوي عليه القيد خلف القضيبي
سجنة شرف تاجٍ على الراس ما تعيب=نشهد بها والله علينا حسيبي
يا ذيب والقضبان حولك مناصيب=ذكرتني وخلّيت قلبي صويبي
في ذيبنا يا ذيب طبعك وأساليب= سطوتك واقدامك وفكرٍ لبيبي
ما فيك يا ذيب الحديقة عذاريب =أنته قوي البأس فعلك مهيبي
حسوتك للحرّاب ناب ومخاليب=وطيبك لنفسك يوم تكسب عصيبي
وحنا لنا ذيبٍ يمينه مكاسيب =ولأهله وجيرانه بقسمه نصيبي
يعجبك بالفزعة يبش التراحيب =قلبه عرين الطيب لون الحليبي
مثل المطر لا هل صافي المشاريب =ان حل بالبيداء ثراها خصيبي
وان ثارت الهيجا وشيل المزاهيب =بأول خطوط النار يِصلى لهيبي
لبّى نداء البلقان وأوفى المواجيب= ورابط على القوقاز ذاك الشعيبي
يهوى الشهادة في علو المراقيب=ومن قال أنا مسلم يجي له نسيبي
لعل تكتب له حسانيه بالغيب=من عامل المولى ربح ما يخيبي
ويا ذيب لك بالحبس راعي واصاحيب=وفي ديرة الإسلام ما أنته غريبي
وغيرك غريب الدّارعند الأجانيب=مصيره معلق بيد الصليبي
حريته مطلب وفيها مصاعيب=لو تشترى بالمال رقمه نجيبي
يا ذيبنا أخذوك غدر وبالاعيب= ما أنته أسير الحرب أسير الصحيبي
لو جوك بالميدان تدمي المضاريب=مثلك وشرواكم عذاب الحريبي
تكالبوا أهل النفاق المذانيب= وعلى فتات المال خان القريبي
يا بعدهم عن درب الإسلام والطّيب =من يخذل المسلم نذم ونعيبي
ويا أمة المليار نصفك أكاذيب =القدس ناداكم وماله مجيبي
وبالرافدين الدم سيّل مرازيب =وأفغان والشيشان وضعٍ صعيبي
يطمع بنا حتى صغار الدّباديب=صكت على القصعة وتدبي دبيبي
عارٍ به التاريخ دوّن مكاتيب =أجيال يروونه شباب ومشيبي
يا معتصم ما تسمع الصوت وتجيب =وينك صلاح الدين قدسك سليبي
ما عاد به بالحي نار ولواهيب=تحرق لنا شارون وبوش الغضيبي
يا مسلمين أصحوا وهبّوا مطاليب =عدوكم ينهب حماكم نهيبي
مع العدو ما عاد ينفع تطابيب=لابد من جيشٍ يسد المغيبي
شعاره الإسلام يدّب تواديب=وسلاحه الإيمان ماله غليبي
جيشٍ يبا الجنات ولها خطاطيب=يقدمون الموت على الحبيبي

[/POEM]
============

اللهم فك اسرى المسلمين واحفظ بلادنا من كل سؤ يا ارحم الراحمين

اللهم فك اسرى المسلمين واحفظ بلادنا من كل سؤ يا ارحم الراحمين

اللهم امين

وقصيدة ولا أروع وصح لسانك ولسان قايلها

مشكووور اخوي الغريب

المشاركة الأصلية كتبت بواسطة جمال درويش جميله جدا والاجمل انك قلت انها اعجبتك ونقلتها

والأجمل من كل هذا مرورك على مشاركتي
تقبل تحيتي ودمت بخير