|
| |||||||
| أطباق شهية القسم يهتم بطاولة الطعام والاكلات والمشروبات المحلية والعالمية |
 |
| | LinkBack | أدوات الموضوع | انواع عرض الموضوع |
|
#1
08-22-2011, 06:58 PM
| ||
| | ||
| سـلـطآت شهيه .. ~ سلطه الزهرة والبطاطس المشويه في القاع خس وجرجير ورجله وسبانخ مقطعه تقطيع عشوائي شرايح خيار ولو حابه فجل طماطم الزهرة والبطاطس تبلتهم بزبادي وبهارات وليمون وفلفل حار وثوم وحطيتهم بالفرن وغطيتهم بقصدير لين استوو وبعدين فكيت القصدير وخليتهم يتحمرون خليتهم لين يبردون وصفيتهم على الوجه الصوص ليمون وملح ودبس رمان وسماق وشوي زيت زيتون وزينتها بخبز محمص وبالعافيه سلطه الباذنجان الحامضه شرايح باذنجان مقليه صفيها بالصحن قطعي عليها فلفل رومي بالحجم اللي تحبينه نجي للصوص صبيها على الباذنجان وبعدين كزبرة<<<كزبرة ياسدن مو بقدونس وتنوكل بالخبز وبالعافيه سلطه السموكد سلمون 5 ليمون + ملعقه خل+ ملح+فلفل اسود+كمون+سماق خس مقطع بشكل عشوائي وذرة صفي على الوجه شرايح سموكد سلمون وحطي عليها الصوص اللي حابته انا بالصورة حطيت ثاوزند ايلاند بس بالرانش اطعم وبالعافيه فته بطاطس مكعبات مقليه باذنجان مكعبات مقليه بليله<<<اختياري طماطم مكعبات<<<اختياري ذرة<<<اختياري في قاع الصينيه صبي عليها الذ خلطه فته علبه زبادي+علبه لبنه حجم صغير+3 فصوص ثوم مهروس+ليمون+ملح<<<وممكن تدبلين الكميه وزينيها بالخبز والكزبرة زووم وبالعافيه سلطه اروى هذي اروى صديقتي وماعرفت اسم السلطه بس طعمها روعه صورتها لكم بدون صوص لانو ماأمداني اهلي انقضوا عليها وصارت برابيس بالترتيب خس مقطع طوال دجاج مقطع صغار ذرة جبن تشدر مبشور جزر مبشور بطاطس دوريتس مفتت طريقه الدجاج: قطعيه صغار واحمسيه بزيت زيتون وبهارات باربكيو وصويا صوص ومتبل فرنسي حطي من كل شيء على حسب مقدار الدجاج وخليه على النار لين الدجاج ينحمس ويتشرب النكهه الصوص: علبه زبادي + علبه لبنه صغيرة+ ملعقه مايونيز<<<وممكن تدبلين الكميه وبالعافيه مطبق أو تنعد ضمن فطاير الصاج العجينه نص بر ونص ابيض ملعقتين زيت نص ملعقه صغيرة ملح ملعقه صغيرة سكر كاس وربع ويمكن أقل أو اكثر مويه وأعجنيها وطولي بالعجن بحدود 10 دقايق قطعيها كور صغار وأفرديها وخليها مررررة رقيقه وأحشيها اللي تبين انا حشيتها حشوه لحم مفروم وخضار وقلبيها عالصاج وهو حار ومدهون للأمانه من جربتها أعتمدتها اكثر من البف لأنها بدون قلي مرة حلوة وبالعافيه فطاير الصاج 3 كاسات دقيق رشه ملح رشه سكر ملعقه خميرة ماء للعجن نعجنها لين تصير طريه نخليها تخمرونفردها مرررررة وتحشيها باللي حابيه وعلى الصاج وهو حار زووم وبالعافيه غيمه البيض شرايح توست أو همبرقر نحط بالترتيب شريحه مرتديلا شريحه جبن نفصل الصفار عن البياض ونحرص أنو الصفار مايخرب ولا ينفقع<<<برااا ناخذ البياض ونخفقه لين ينتفش بعدين بالملعقه ناخذ البياض ونحطه على الجبن ونسوي زي الحفرة بالوسط ونسقط الصفار بالوسط نرشه بالملح والفلفل الاسود ولو حابين الاورقيانو أو الريحان وندخله الفرن لين البياض يتغير لونه ويشتد قوامه واستواء البيض على حسب محبه الناس فيه ناس يحبونه مستوي مرة وناس يحبونه نص أستواء وبالعافيه مكرونه التونه بالباشاميل اسلقي مكرونه وصفيها بالصينيه سوي حشوة التونه ناخذ الزيت ونحمس فيه البصل+الفلفل الرومي+الجزر<<<وكلها مقطعه مكعبات صغار وثوم مدقوق ونخليها على نار هاديه لين يذبلون مررررة نكون مقطعين طماطم مكعبات ونحطها عليه والتونه كمان ونطفي نوازن الملح والفلفل الاسود والكمون ونخليها على جنب نجي نسوي الباشميل في البلاندر ملعقتين دقيق كريمه خفق العلبه الصغيرة ملعقتين جبن سايل ملعقه مايونيز ماجي حبه فلفل ابيض ثوم بودره ملعقتين زبده كاس او كاس ونص حليب المراعي أخلطيها بعدين حطيها على النار لين تغلظ خذي شوي من الباشميل واخلطي به المكرونه بعدين حطي التونه بعدين صبي الباشميل وعلى الفرن والنار واطيه وذوقي احلى مكرونه وبالعافيه مكرونه المرتديلا 2كوب دقيق 3ملاعق حليب بودرة 2علبه تونه صفيها من الزيت 4 ملاعق حليب بودرة اسلقي مكرونه وصفيها بالصينيه جيبي باديه وحطي فيها التالي جزر مبشور ملعقه مايونيز ملعقتين او 3 جبن سايل علبه قشطه ذرة كزبرة مفرومه فلفل رومي صغار وشرايح مرتديلا محموسه بزيت وشوي فلفل اسود وذرتين ملح حركيهم وصبيها على المكرونه وحطي على الوجه جبن مبشور<<<النوع اللي حابته انا حطيت تشدر لانو ماكان عندي غيرة وبالعافيه الطماطم المحشيه نقلي بطاطس مكعبات باذنجان مكعبات كوسا مكعبات قرع مكعبات جزر مكعبات فاصوليا صغار نحمس دجاج او لحم مفروم بالبصل والثوم والفلفل الاسود والكمون نخلطهم مع بعض نفرغ الطماطم<<<لازم يصيرون قاسيات شوي ونحشيها بالحشوة اللي فوق ناخذ اللب ونطحنه ونسوي منه صوص احمر<<اللي انتي متعودته انا حمست ثوم وبصل مع زيت زيتون وحطيت الطماطم المطحون وصلصه وشوي بهار وخليتهم يتسبكون الصوص الابيض جبنه فيلادلفيا حجم صغير +زبادي+4 فصوص ثوم مدقوق+ملح +ليمون نجي للطريقه لما نحشي الطماطم نحطها بقدر البخار انا عندي قدر المنتو فأستغله لما يستوي الطماطم وتحسينه بدا يذوب وانتبهي يتفكك عليك طلعيه وصفيه بصح التقديم حطي على فوهه الطماطم ملعقتين من الصوص الابيض وصبي عليه الصوص الاحمر وزينيه بالفلفل الرومي والبقدونس ولا الكزبرة<<<لعيون سدن وهذا زووم وبالعافيه صينيه الخضار بالقشطه احمسي بصل جوانح وثوم مدقوق بشوي زيت حطي عليها جزر مقطع طوال وكملي الحمس تكوني مقطعه صدور الدجاج حطيها وحطي بهارك اللي تحبين وحطي كوسه مقطعه طوال وفلفل رومي مقطع طوال واحمسيها لين تقل المويه وتحسين انو الخضار استوى الا شوي تطفين عنه تكونين سالقه بطاطس وخالطه البطاطس مع الملح والفلفل الاسود والجبن ومكورته تجيبين الصينيه وتحطين الخضار والدجاج وتصفين عليه البطاطس وتحطين عليه هالخلطه وتصبينه وتقصدرينه وتدخلينه الفرن حوالي ثلث ساعه فكي القصدير وحمريها من فوق وبالعافيه دجاج بالقشطه الذ واسهل شيء ممكن تسوينه احمسي بصل وثوم وصدور دجاج بشويه زيت وفلفل رومي قطعيه طوال حطي بالخلاط طماطم وصلصه وحطيها على الدجاج شويه بهارات وفلفل لما يستوي الدجاج فكي علبه قشطه وحطيها على الدجاج وحركيه وبالعافيه الخضار المقليه بكريمه الشبت اقلي خضار مكعبات بطاطس وقرع وكوسا وجزر احمسي لحم مفروم مع بصل وفلفل وثوم واخلطيهم مع بعض نجي للصوص اللذيذ في قدر احمسي ثوم مع قطعه زبده وصبي عليها اللي بالبلاندر في البلاندر: علبه صغيرة كريمه خفق ملعقه دقيق مليانه ملح ملعقتين جبن سايل فلفل ابيض علبه قشطه وحطيها على الثوم وخليها لين تثقل تكوني مقطعه شبت صغار حطيه على الكريمه وحركيه بسرعه وطفي النار والكريمه حطيها وقت التقديم وهنا مرة سويتها بس بدون خضار بس بطاطس وماقليتها كمان بس حمستها حمس مع اللحم المفروم وبالعافيه كب كيك جوز الهند اصبع زبده +كوب سكر واخفقيهم مع بعض اضيفي عليه وشوي فانيلا سايله وخليها لين تنتفش شوي اضيفي نصف كوب جوز الهند وكوب ونص دقيق وملعقه صغيرة بيكنج بودر بالتبادل مع علبه زبادي جيبي ملعقه حليب جوز الهند وضيفي عليها 3 ملاعق حليب المراعي او المتوفر واخلطيه لين يذوب وضيفيه على خليط الكيك وزعيه بقوالب متوسطه امليه للنص مانبيه ينتفش مرة عشان الزينه نخفق كوب كريمه خفق لين تثقل ونضيف لها ملعقتين سكر ناعم وملعقتين جوز الهند وشوي فانيلا ونقلب ونزين فيه الكيك بعد مايبرد الكيك وكور جوز الهند عباره عن: كاس حليب بودرة ثلاث ارباع كاس سكر بودرة كاس جوز هند علبه قشطه اعجنيها وكوريها وبالعافيه تشيز كيك هنا القوالب اللي اسوي فيها تشيز كيك خخخخخخخخخخ http://vb.eqla3.com/showpost.php?p=17181360&postcount=8 بسكوت داجستيف او بسكوت شاي مطحون اعجنيه بشوي زبده وقشطه وحطيه بالقاعده حطي بالخلاط: كاس كريمه خفق +ظرف ديم ويب وخليها لين تثقل شوي اضيفي علبه جبن فلادلفيا او 12 جبن كيري علبه كريمه بيتي كروكر الفانيلا وبعدين اخلطيها طبعآ في البلاندر وصبيها في القوالب وحطيها بالثلاجه بعدين فكيها وزينيها باللي تبين لو تبين كاكاو حطي كريمه بيتي كروكر كاكاو بدال الفانيلا لو تبين خليطي اقسمي اللي بالخلاط وحطي على القسم الاول نص علبه بيتي كروكر كاكاو وحطي على القسم الثاني نص علبه بيتي كروكر فانيلا زووم وهنا خلطت بين الاثنين وزينته بالمكسرات والقرفه والنستله وبالعافيه كاسات التويكس في القاعده كيك امريكانا كاكاو مفتت وشربي كل كاس بملعقه نسكافيه مذوب في مويه الخلطه البيضاء بالخلاط: علبه قشطه شوي حليب يمكن فنجان الخلطه البنيه: بالخلاط شوي حليب يمكن نص فنجان وبالعافيه كاسات المكسرات والتوفي القاعده مكسرات مجروشه جرش ناعم عين الجمل مجروش لوز محمص ومجروش سمسم محمص فستق محمص ومجروش وبسكوت شاي مكسر اعجنيها بشوي قشطه وحطيها بالقاعده الخلطه البيضاء: قشطه فنجان حليب بعدين نحط عليه توفي ونزينه بالشعيريه وبالعافيه تراميسو 2 علبه قشطه 4 ملاعق جبن سايل 2 ملعقه مايونيز 2 بياله مويه حارة مذوب فيها ظرفين جيلاتين ... وخليها لين تبرد 2 دريم ويب 4 اصابع تويكس 2كراميل 1 دريم ويب 1 قشطه 1 دريم ويب 2 بيض 2 علبه قشطه 6 جبن كيري 6 جبن كيري جيبي صحن تقديم ويكون مستطيل وجهزي اللي بقوله لك في صحن قهوة .. نسكافيه او اسبرسو عشان نغمس ابسكوت فيه بس اهم شيء القهوة لازم تبرد جيبي كريمه خفق واضيفيه عليها سكر بودره يمكن كاس ونص او كاسين واخفقيها لين تنتفش بعدين اضيفي جبن مسكربون علبه كامله وخليها تتداخل ووقفي الخفق جربي الكريمه اللي سويتيها لازم تكون حاليه عشان القهوة مرة حطيها بقمع تزيين وابدي الشغل غمسي البسكوت في القهوه بشكل سريع يعني لاتخلينه مرة عشان مايلين مره وصفيه بالصحن طبقه اولى ابدي الحين حطي كريمه حطي على كل بسكوته 3 ضغطات من الكريمه<<<يارب وصلت المعلومه بعدين ارجعي املي الفراغات اللي بين كل بسكوته وبسكوته وكرري العمليه 3 طبقات بسكوت بعدين انثري عليه كاكاو بودره وبالعافيه باي التشاكلت السريع بسكوت داجيستيف المغطا بالشوكلاته اطحني البسكوت واعجنيه بملعقه قشطه وزبده وحطيها بالقوالب تبع الباي ودخليها الفرن من تحت لمده 10 دقايق ومن فوق يمكن دقيقتين طلعيها من الفرن ودخليه الثلاجه لما يبرد يمكن نص ساعه تكونين مجهزة التشاكلت شكولاته خام غامق ذوبيه بحمام مائي واضيفي عليه كاس كريمه خفق جيبي الجيلاتين وضيفي ملعقتين صغار في نص فنجان مويه حارة وحركيه لين يذوب اضيفي الجيلاتين على الشكولاته طلعي قوالب البسكوت وطلعيها من القالب وصبي فيها الكاكاو وخليه لين يبرد ويجمد شوي وزينيه حسب رغبتك وبالعافيه باي التمر بف باستري كل شريحه اقطعيها لأربع قطع وحطيها بأكواب الكب كيك الصغار في وسط كل حبه حطي نص تمرة وحطي بالخلاط نص علبه حليب مركز نص ملعقه قرفه حبه بيضه وحطيها بالفرن من تحت وزينيها باللوز المحمص والمجروش وبالعافيه طبقات البسكويت 6 جبن كيري 1 قشطه بسكوت دايجيستيف الكريمه عباره عن كوب كريمه خفق اخفقيها لين تثقل وأضيفي عليها نص كاس سكر مطحون وملعقتين جبن فيلادلفيا غمسي البسكوت بالحليب وحطي عليه كريمه بالقمع زينيها واضيفي الفاكهه اللي تحبينها ممكن تضيفين اللي تبينه بس انا استخدمت الفراوله والتوت على فكرة تنثرين على كل طبقه بسكويت سكر بودرة لو حابه وبالعافيه أسرع كيك ممكن تقدمينه شرايح كيك لوزين قسمتها بالنص وحشيتها كريمه كريمه اقصد فيها كريمه خفق مخفوقه ومضاف عليها سكر وزينتها بالكريمه وبشرت عليها جالكسي وهنا نفس الموضوع بس حشيته حشوة تويكس ودهنته من فوق بتويكس ونثرت عليه بودرة كاكاو حشوة التويكس بالخلاط ظرف كريمه نص ظرف دريم ويب نص علبه قشطه ملعقتين حليب وبالعافيه اسياخ الكيك والفواكه 2 اصبع تويكس كيك بيتي كروكر مثل ماهو مكتوب ونعمله في قوالب الكب كيك الصغار نغمسه بجلي مذوب في مويه نص علبه جلي فراوله او توت بكاس مويه وبعدين نغمسه بجوز الهند ونحطه بأسياخ مع الفواكه المحببه ويقدم مع الايس كريم على فكرة يحبونها الاطفال مرة وبالعافيه مشروب التفاح بالقرفه مرررة لذيذ جربته بمصر وادمنت عليه مرة طعموا غريب ويدفي الصدر عصير تفاح تروبيكانا او سيزر اللي تبين حطيه على النار مع اعواد قرفه وخليها تغلي وتطول شوي بالغلي ولاتضيفين سكر ترى مرة حالي وبالعافيه لبى قلوبكم دعواتكم انطلقوو للمطبخ وادهروو   |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اصعب لغز شهده الكون | مانتار | ألغاز | 6 | 04-13-2011 03:37 AM |
| اكلات شهيه | ام قرص | إقتصاد منزلي | 2 | 07-26-2010 06:02 PM |
العرض العادي
