|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
08-12-2011, 06:40 PM
| |||||||||
| | |||||||||
 روايتي الأولى : ليت كل العيون اللي تشوفك عيوني ليت كل العيون اللي تشوفك عيوني الكاتبه .. مشآعر خجوله :$ أبو أحمد (محمد) هذا كبير العايله وعنده ولدين وبنتين .. وربي منعم عليه وعنده قصور وأسواق ومشاريع كثيرة .. وعياله هم .. 1- أبو نواف (أحمد) هذا أكبرهم وعنده 3 بنات  أولاد .. ومتزوج بوحدة من جماعتهم أسمها سعاد..ويضرب بهم المثل في حبهم لبعض ..سعاد .. طيييييبه وتموت في عيالها وزوجها وهي متفرغة لهم .. أبنائهم .. عهود .. متزوجة وعندها بنت أسمها ريما وعمرها 5 سنوات وهي ألحين حامل.. متوسطة الجمال .. نواف.. ثاني كليه إدارة أعمال خاطب بنت عمته (نوف)ويموووت فيها ..وأسمراني مزيون .. نجود .. توها متخرجة من ثالث ثانوي لها يمكن سنه وجالسه بالبيت ما ودها تكمل دراستها .. مخطوبه لولد خالتها علي ..وبالنسبه لشكلها حلوه وهي طويله ونحيفه وسمراء وشعرها بني ونااااااعم لأبعد حد وكثير مره ..وتموت بالأطفال ديما .. بثالث ثانوي وعمرها 18 سنه متفوقه بدراستها حيل وتموت في صديقتها إسراء ونقدر نقول عنهم خوات .. وتحب ولد عمها اللي هو بنفس الوقت ولد خالتها وأسمه محمد وما بينهم الا 5 شهور....جميلة لأبعد حد ..بيضاء ونحيفه وطولها متوسط بس مايله للقصر شوي شعرها قصير واسود وناعم حيل وكثير .. طلال .. بأول ثانوي وعمره 16.. متفوق بدراسته بس مو زي ديما .. عبدالله .. سادس ابتدائي وعمره 12 سنه .. وهو آخر العنقود.. 2- أبو محمد (علي) وهذا ترتيبه الثاني بين أخوانه عنده 3 أولاد وهو متزوج بأخت زوجة أبو نواف .. وأسمها مريم .. محمد .. أكبر أولاده بثالث ثانوي وعمره 18 سنه .. وطبعاً هو حبيب ديما .. وهو كمان يمووت فيها ..جسمه خيااالي يعني طويل وأكتافه عريضه شوي .. وطبعاً هو بالنسبه لديما توم كروز .. هع أحمد .. 11 سنه خامس ابتدائي .. نواف .. عمره سنتين وهو مسمى على نواف ولد أبو نواف(أحمد)..وديما تموت فيه لأنه يشبه لمحمد ..(مو لوجه الله هالمحبه خخخخ).. 3- أم فرح (هنادي) وهي الثالثه بين اخوانها وعندها بنتين وولد وهي متزوجه واحد مو من ديرتهم..وميزتها شبابيه وتحب تنكت ..عيالها .. 1- بشار وهو في عمر نواف ولد خاله ويحبون بعض حيل وهو لاعب معروف ..ومو جميل يعني عادي .. 2- فرح .. 18 سنه.. طبعاً هذي ولدت هي ومحمد ولد خالها بنفس الساعه يعني فرح ومحمد كلهم أكبر من ديما بخمس شهور وهي وديما يموتون ببعض .. ويميزها طيبة قلبها .. 3- جود .. عمرها 6 سنين .. وديما تحسها ما ترتاح لهالبنت مع انها طفله .. بس مافي شيء بدون سبب.. 4- طيف وهي عمرها 17 سنه.. وهي وديما وفرح زي الخوات .. وهي حبوبه .. هذولي هم أهل أبو نواف (اللي هو أبو ديما) ألحين نتعرف على أهم أم نواف (سعاد اللي أهم أم ديما) أم عبد المجيد (منيره)وعمرها تقريباً في الخمسينات .. وعندها 4 بنات وما عندها أولاد .. أكبرهم أم عبدالمجيد (أمينة) زوجها ميت وعندها ولدين وبنتين الأولاد : عبدالمجيد .. ثاني كلية ويدرس رياضيات ومزيون وأسمراني .. وعنده غمازات .. علي .. داخل عسكريه وعمره 22 سنه وهو خطيب نجود ويموت عليها .. أفراح .. عمرها 25 سنه ما كملت دراستها عندها شهادة ثالث متوسط وبعدها تعبت من الدراسه وقررت تجلس بالبيت .. تهاني .. عمرها 16 سنه وهي وديما ينسجمون مع بعض حيل .. أم سعاد .. سبق وتكلمنا عنها .. أم محمد .. وسبق وتحدثنا عنها هي كمان .. واللي هي (أم محمد حبيب ديما) أم أسماء .. هذي ما عندها الا بنت وحده بعمر ديما وأسمها اسماء وديما تموت عليها .. وطبعاً كلهم ربي منعم عليهم ومهما كانوا يدلعون أنفسهم مستحيل يأخذون شغالات .. لأان قد صارت لهم مشاكل مع الشغالات بعدها توبوا يأخذون شغالات والا سواويق وبعد ما خلصنا تعريف بأبطال عالمنا .. نبدأ بالأحداث البارت الاول أهيم في بحر عينك و ابني آمــــــــــالي و اسهر على نور خدك و اطفـــي الشمعه يا ما أكثر الناس حولي و انت في بالي يا مشغلني و شــــــــــاغل أهــــله و ربعه تبدأ أحداث روايتنا في مدينة الرياض وبالتحديد في بيت أبو أحمد .. كان في جمعة كبيييييرة وكانوا البنات (ديما ، فرح ، طيف)جالسين بغرفة طيف .. وجالسين يسولفون طبعاً فرح وطيف ما يحبون بس ديما هي تحب ومشكلتها ما تعرف تخبي شي يعني العايله كلها تعرف انها تحب محمد .. طيف : كيفك يالعشقانه .. وش آخر آخبارك مع توم كروز ديما : واااي سكتي بس .. بنات شفتوه اليوم كيف يخقق فرح : وش يخقق وربي اني يخرع يشبه لهتلر خخخخ ديما : غيرانه .. طيف : وش عليه تغار يا حظظي ، مالت عليك وعلى حظك العاثر بسس فرح : وش معنى عاثر .. طيف : سكتي بس .. أساسا مو عارفه من فين جبتها خخخخ وكملوا سوالف وبعدها قاموا يشيلون صحون الحلويات اللي كانوا يأكلون منها طبعاً طيف وفرح سبقوا ديما للمطبخ قالت ديما : خلااص أنا بأصلي وألحقكم راحت علي صلاة العشا طيف : أوك .. ننتظرك بالمطبخ .. فرح : اي شوفي ألحين تخشع بالصلاة عشان ما تساعدنا بالشغل .. ديما : ههههههههههه مشكلتك فاهمتني زين .. طيف : يا ويلك تتأخرين .. ديما : يووووه خلااص فوتوني الصلاة اذلفوا عني .. وراحوا طيف وفرح للمطبخ .. وبقت ديما تصلي بالغرفه ولما خلصت الصلاة راحت عند المرايه ضبطت شكلها وهي رايحه للمطبخ صدمت بواحد من أولاد عماتهم وارتبكت وراحت بسرعه للمطبخ فرح : تقبل الله .. ديما : منا ومنكم ، إلا أقول بنات كأني لمحت واحد بالصاله لابس جينز وتي شيرت زيتي من هو ؟ طيف : أعتقد انه بشار .. فرح : أي أي هذا بشار أخوي .. ديما : أهاا ، أوك وش تبوني أسوي تكفون كل شي الا غسيل المواعين.. وأنتهت السهره ورجعت كل عايله لبيتها .. في بيت أم فرح .. بشار : يمه من هي البنت اللي لابسه أحمر .. أمه : والله ما أذكر يا وليدي .. اي اي هذي ديما بنت خالك أحمد ليش تسأل بشار : لالا بس صدمت فيها بالغلط .. أمه : ووش رأيك فيها .. بشار يقول في نفسه (مشكلتها فاهمتني زين) : مدري ما ركزت فيها .. أمه : علينا .. بشار : لا والله أتكلم جد .. في بيت أبو نواف الساعه 6 الصبح .. ديما : نجود وين حطيتي مريوووولي ؟ نجود : وأنا وش دراني عنك روحي يمكن تلاقينه بغرفة الغسيل .. ديما : يوووووه مو كافي اني متأخره بالقومه باقي أروح أكوي مريولي.. خلااص بأغيب أساسا مافي شيء مهم اليوم.. وراحت سوت نفسها تعبانه قدام أمها ووافقت أمها انها تغيب .. نجود : أحسن وفرتي وقت .. لانك دائما تأخرينا .. ديما : خلااص أطلعي براا وقفلي الليتات انا بنااااااااااااااااام.. نجود : مالت عليك بسس .. ولبست عباتها وطلعت لأخوها اللي بنتظرها بالسياره .. ونامت ديما .. الساعه 10 الصبح قامت ديما مفزوعه من حلم شافته اللي هو .. كانت جالسه في بالصالة بيت جدها (أبو أمها) وفجأة دخلت عليها حرمة ما تعرفها وقالت لها انتي من نصيب عبد المجيد وطلعت وبعدين ديما جلست تبكي لأنها خافت من هذي الحرمة الغريبة ..وكانت جالسه وحاطه رأسها بين رجولها .. فجأة دخل عليها محمد وقال لها أفا مين زعل الحلوه ومسح على رأسها هي رفعت رأسها وجلست تطالعه بدون ما تقول له سبب بكائها فـ نزل لمستواها وقال مين على ديومتي .. قالت له ديما أنا من نصيب عبدالمجيد يا محمد !! انا من نصيب عبد المجيد !! وقامت تقول كلام متقطع ومو مفهوم أنا أنا ... محمد انا .. قام حضنها وقال لا تقولين شيء ألحين أهدي وهي زاد بكائها في حضنه بعدين لما هدأت رفع رأسها وقال أنتي من نصيبي لو كان ما كان .. وبعدها مسح دموعها وطلع من الغرفه وقامت من النوم وهي تتعوذ من الشيطان .. قامت أخذت لها شور بارد ينشطها ويبعد عنها هالوساوس .. ولبست بيجاما احمر ورصاصي وصلت الظهر .. وبعدين راحت المطبخ ولقت امها تطبخ الغدا .. أمها : ديومه شوفي خالتك تقول بترسل ولدها أحمد بكم غرض وأنا بأروح أصلي اذا جاء افتحي له الباب .. طبعا لو محمد هو اللي راح يجيبها ما كان خلت ديما تفتح له الباب لانها تتغطى منه بس أحمد صغير .. ديما : اوك مامي .. وبعدين راحت عند التي في .. ودق جرس الباب .. قامت ديما تفتح .. ولما فتحته ما شافت أحد قالت وش فيك حمودي تعال حبيبي .. قال محمد في نفسه خلوني أستهبل عليها وجاء وقف قدام الباب وقال حتى لو كنت مو حمودي اللي على بالك عادي أجي ؟ قال محمد في نفسه خلوني أستهبل عليها وجاء وقف قدام الباب وقال حتى لو كنت مو حمودي اللي على بالك عادي أجي ؟ ديما أنصبغ وجها كل الألوووووووووووان .. وقفلت الباب بسرعه وجلست ترتجف .. قال محمد : ههههههه وش فيك كأنك شايفه جني .. ومالقى منها رد قال لها : خلااص أنا بأحط الأغراض عند الباب وأنتي بعدين خذيها .. ونزل الأغراض وراح .. وفتحت الباب وشافت سيارته وهو رايح قالت في نفسها يالبيييييه يا حبني لك وأخذت الأغراض ودخلت .. وهي مبتسمه على الموقف اللي صار لها قالت لها امها : دوم هالفرحه وش الطاري ؟ أرتبكت ديما وقالت : لا والله بس كنت بأطيح .. رجعوا اخوانها من المدرسه وتغدوا سوا وبعدين دخل كل واحد ينام شوي الا هي طفشانه .. قامت جليت ع اللاب ولقت اسراء صديقتها بالمسن وجلست تسولف معها .. ديما : هلا والله .. سوسو : هلا فيك .. سلامات ؟ ديما : الله يسلمك لا والله بس دلع .. سوسو : معجزه ديما المصريه تغيب دلع .. ديما : لا اله الا الله .. سوسو : ماشاء الله ماشاء الله هع ديما : ماقلت لك وش صار معي اليوم سوسو : وششش صاار ؟؟ ديما حكت لها كل اللي صار مع محمد .. طبعاً إسراء تحب ولد عمتها خالد وما تدري اذا كان يبادلها نفس الشعور والا لا سوسو : والله خطييييييييييير هالمحمد .. ديما : اي فديته يهبل .. سوسو : الله يجمعكم بالحلال .. ديما : ويجمعك انتي وخلود .. يلا سوسو أنا طالعه توصين على شيء سوسو : بدري ديما : بدري من عمرك حبيبتي .. بس في اليوم جمعة ببيت خالاتي ولازم أنام لي شوي .. سوسو : ماشاء الله عليكم ما تملون من بعض .. ديما : ههههههههههه .. سوسو : سلمي لي ع بنات خالاتك .. ديما : من عنوني .. يلا حبيبتي فمان الله .. الساعه 9 الليل ببيت أم سعاد .. ديما كانت عند خالتها نادتها تبي تسألها عن طريقة الحلى اللي هي مسويته .. وأسماء تقول لـ تهاني : تهونه الله يخليك خلينا نأجلها وربي مو عارفه كيف أفاتحها بالموضوع .. تهاني: اسماء من متى واحنا نأجل.. أسماء: تكفين ما تشوفينها اليوم كيف رايقه ماني نخرب عليها الرواقه .. تهاني : اوك خلااص بس لو درت من غيرنا انا مو مسؤله .. أسماء : طيب خلااص سكري الموضوع دخلت ديما وقالت : وش كنتم تتكلمون عنه اعترفوا ليش لما جيت سكتم ؟ تهاني تغير لونها وبسرعه تدراكت الموقف وقالت : لاوالله ولا شيء خلصت السالفه .. ما مشت على ديما بس فضلت انها تخليهم على راحتهم .. ونسوا الموضوع وبدأوا يسولفون وأخذتهم السوالف وما حسوا بالوقت وبعدها كل وحده رجعت بيتها .. ولما رجعت ديما البيت لقت أهلها كلهم مجمتعين .. ديما : السلام عليكم .. الكل : وعليكم السلام والرحمه .. ديما : خير الكل مجتمعين .. نجود : عهود عندها مفأجاة بس عيت ما تقولها لين نكتمل كلنا .. جلست ديما بكل حماس : تكفين دوده (دلع أسم عهود) قولي من زمان ما فرحت .. عهود : لالا باقي بابا ما جاء .. أمهم : أبوك ما بيرجع كلمني يقول بينام عند اهله الليله .. عشان جدك مسافر .. عهود : اجل تتأجل المفأجاة حتى يجي بابا .. عبدالله : عهووود تكفين .. عهود : لالا لا تحلمين .. طلال : مسويه مفأجاة أنتي ووجهك خلااص بالنسبه لي ما أبي أعرف عهود : مالت عليك يا شينك .. ديما : عهود حرام عليك تعرفين كيف انا فضوليه وربي يمكن اليوم ما أقدر أنام .. نجود : اي تكفين.. عهود :لا لا كيف تصير مفأجاة .. أمهم : عهود أنا باخمن .. عهود : تفضلي مامي .. أمهم : اممممم يمكن الكليه قبلتك (لأن هي تزوجت وهي صغيره فـ قالت بأخذ أول سنه راحه بعدين حملت وتعبت فـ ما سجلت بالكليه وألحين تبي تسجل بس ما قبلوها لأنها قد طولت متخرجه من الثانوي).. عهود : لالالا ديما : امممم زوجك لقى ترقية بالعمل .. عهود : لالا انتي وين واحنا وين .. نجود : خلااص أنا أستسلمت باروح أنام .. ديما : وأنا بعد .. وراحوا ناموا .. الصبح بالمدرسه .. سوسو : ودي أقول لك شيء .. ديما : نفضلي حبيبتي قاطعهم دخول المعلمه .. وديما مو عارفه شي من الحصه تبي تعرف خبر اسراء بس عيت اسراء ما تقول لها الا بعد الحصصه .. عهود .. ومفاجأتها ..وش تتوقعون راح تكون ؟ تهاني وأسماء .. وش هو السر اللي بينهم ؟ إسراء وخبرها .. ومتى راح تقول لديما .. ووش راح تكون ردة فعل ديما ..؟ وديما .. في شيء ينتظرها وش تتوقعون راح يكون ؟ {[ اللهم نسألكـ تذللاً لكـ فـ هــب لنا تفضلاً منكـ ]}4 : البارت الثاني .. شوفك يشافي جروحي بأول و تــــــالي والقلب كل مــــــــا لقيتك يختــــــلف وضعه خلك على قلب حســــــــــادي و عذالي أحــــــرق بك قلــــــــــوبهم في حزة الطلعه طلعت المعلمة من الفصل .. ديما : يلا قولي تكفين وربي خليتني على نار .. إسراء : امممم والله مو عارفه وش أقول لك ديما :تكفين سوسو خوفتيني قولي .. إسراء : .......... ببيت ابو نواف على سفرة الغداء .. عهود : هاه مستعدين أقول المفاجأة ؟ الكل : ايييييه .. عهود : أنا حامل بتؤأم .. نجود : يااااااااااااي ونااااااااااااسه .. أمها دمعت عيونها .. عهود : أفا ماما بدال ما تفرحي لي تبكين .. أمها : الله ييسر لك حملك يا بنيتي .. ديما : الحمدلله .. وقامت من ع السفره والكل مستغرب أنها ما قالت شيء عن حمل أختها .. أبوها : وش فيك يا بنيتي ما أكلتي شيء .. ديما : أكلت بالمدرسه مع البنات .. وراحت غرفتها ودموعها مجتمعه بعينها .. وأستسلمت للنوم لأن التفكير بالموضوع اللي قالت لها اسراء عنه هاد حيلها .. صحت ن النوم المغرب أخذت لها شور وراحت تذاكر لها شوي وبعدين دقت عليها اسراء .. ديما : هلا والله إسراء : هلا فيك .. كيفك ديما : الحمدلله .. إسراء:ديومه حاسه أنك مو ع بعضك .. ديما : لا حبيبتي ما فيني شيء إسراء : ديوم إذا عشان الموضوع اللي كلمتك عنه خلااص أنسي .. ديما بدأت تبكي : بس ما أرضى اني أكون سبب فراقك انتي وخالد عن بعض .. إسراء : وأنا ما أرضى أكون سبب تعاستك .. ديما : خلااص سوسو أنا موافقه .. إسراء : متأكده ؟؟ ديما : أي سوسو أنا متأكده .. سكرت ديما وجلست تبكي تبكي تبكي دخلت عليها امها .. أمها : خير ديومه حبيبتي فيك شيء ديما : صدقيني لو كان في شيء كان قلت لك .. أمها : أكييد .. ابتسمت ابتسامه مرهقه : أكيد يالغاليه .. طلعت أمها وقررت ديما انها تكلم وحده من بنات خالاتها وتفضفض لها .. تهاني : هلا والله هلا بالقاطعه .. ديما بصوت متقطع: هــ .. ـلا فــ .. ــيــ .. ــك .. تهاني : خير ديمووووووه خوفتيني فيك شيء .. ديما : لحقي علي يا تهاني لحقي علي .. تهاني : خييييير وش فيه رقعتي قلبي .. ديما : أنا أنخطبت .. تهاني : ياربيه ودي أذبحك ألحين هذا اللي مزعلك .. ديما : بس مو محمد مو محمد .. تهاني : وخير يا طير مو محمد أرفضيه .. اهلك مستحيل يجبرونك عليه .. ديما : المشكله أن إسراء انخطبت من خالد .. تهاني : ومين خالد .. ديما : حبيبها .. تهاني : طيب ووش فيها للحين ماني فاهمتك تكفين وضحي لي ديما : إسراء تموت بخالد وفرحت مره لم خطبها .. لكن أخوها خطبني من زمان ورفضته وألحين قال لإسراء شرطي على زواجك من خالد أن ديما توافق تتزوجني .. تهاني : حقيييييير حيواااان السالفه مو غصصصب .. ديما : لحقيني يا تهاني وش تنصحيني أسوي .. تهاني : لا توافقين لو شو ما صار .. ديما : وإسراء وربي ما أقدر أكسر فرحتها .. تهاني : ومحمد .. ديما : هذي اللي كاسر ظهري أني مخيره بين 2 من أغلى ناسي .. تهاني : وربي مو عارفه وش أقول لك حبيبتي .. أستخيري وربي يقدم اللي فيه الخير .. ديما : أوك حبيبتي توصين على شيء ؟ تهاني : لا حبيبتي .. بس لا تتسرعين بالموضوع و فكري على أقل من مهلك .. ديما : إن شاء الله .. يلا يا قمر فمان الله .. سكرت ديما من بنت خالتها وتنهدت تنهيده طوووووويله .. :الله يقدم اللي فيه الخير .. نزلت عند اهلها عشان ما يحسون بشيء .. أبوها : هلا والله وش فيها الحلوه اليوم زعلانه .. نزلت رأسها لأن عيونها أمتلأت بالدموع ولكن استجمعت قواها وابتسمت ابتسامه تخفي تحتها الحزن والارهاق .. : ما فيني شيء بابا .. نجود حست ان في شيء فحبيت تغير الموضوع لأنها تعرف ديما اختها ما تقدر تمسك نفسها : ديوم ما علمتك فستاني اللي اشتريته يوم الخميس .. ديما : لا .. نجود : أجل تعالي .. وسحبتها من يدها ودخلتها غرفتها وقالت لها : يلا قولي وش فيك .. ديما :تكفين نجود ضايق صدري وما فيني أتكلم .. نجود : وربي مو طالعه من هنا الا اذا قلتي لي .. رضخت ديما لرغبة اختها وقالت لها كل شيء .. في بيت إسراء فتحت إسراء دفترها وبدأت تسطر مذكراتها : فرحتي ماتكتمل ساعه 0000000000000000دايـماً لـــحزان تـغـلاني وسـط يـوفـي نـار ولاعه 0000000000000000ومن وزايه دمعي اغشاني بعدين كتبت تحتها باللون الأحمر .. فرحتي ماتكتمل ساعه 0000000000000000دايـمن لـــحزان تـغـلاني وسـط يـوفـي نـار ولاعه 0000000000000000ومن وزايه دمعي اغشاني بعدين كتبت تحتها : ياااااااااااارب تجمعني بخالد بالحلال وتجمع ديومه بمحمد يااارب .. نرجع لغرفة نجود .. نجود : من جدك تتكلمين .. ديما هزت رأسها بالايجاب .. نجود : مهبول ذا ؟؟ ديما : رمت نفسها بحضن نجود وجلست تبكي وبس .. نجود : لا ديما .. أعرفك أقوى من كذا .. ديما : تعببت يا نجود تعببببت من التفكير .. ماني قادره اختار فرحة اسراء والا فرحتي .. نجود : أهدي وخلينا نفكر .. ديما : والله أحس اني ارتحت لما فضفضت لك .. الله لا يحرمني منك .. نجود : ولا منك حبيبتي .. ديما : خلااص انا طالعه انام .. نجود : اي تكفين خلااص أذلفي مليت منك .. ديما : توك مافي أحسن منك .. ما أسرع ما تغيرين أخلاقك .. نجود : خلااص تكفين ما فيني لهذرتك رأسي بينفجر .. ديما : الشرهه علي اللي جايه عندك .. مالت عليك بس..وضحكت وطلعت من الغرفه نجود فرحت لما ضحكت ديما .. لأنها تبي تطلعها من الجو اللي هي فيه .. دخلت ديما غرفتها وفتحت دفتر ذكرياتها وكتبت : صعب السؤال ... ليه نفترق صعب السؤال ... وين نلتقي انت الجنوب .. وانا الشمال .. ومابيننا .. بحر ..ورمال لكن نحب .. والله نحب .. وفوق الخيال ... صعب السؤال ياللي اجمل من كلامي عنك واقرب من سكوتي آه ياطول المسافه بين احساسي وصوتي ماهو غريب ... انى اسألك وانت انا .. كيف اوصلك لامستحيل .. هذا الرحيل من يقطع الصمت الطويل ويـــدلــنــي .. من يقطع الصمت الطويل ويـــدلــنــي .. الاختيار صعب والأصعب ان نتيجة هالاختيار مجهوله .. يا ترى لو افقت راح أقدر أنساك يا محمد ..؟؟ راح أكون سعيده بحياتي معك يا ماجد ؟؟ آآآآآآه يااااارب قدم اللي فيه الخير .. قفلت دفتر ذكرياتها .. ومسكت جوالها .. وأرسلت لإسراء رسالة كان محتواها .. سوسو أنا ...... ديما ورأيها تتوقعون تقدم سعادة صديقتها على سعادتها ..؟ محمد وردة فعله بعد ما يعرف بالموضوع ..؟ إسراء وأخوها .. ودوامة من المشاكل تنتظرهم ..؟ خالد ردة فعله بعد ما يعرف جواب إسراء ؟ وأحداث جديدة أنتظروها في البارت الثالث .. .. البارت الثالث : آسف حبيبي جرحتك و انته الغــــــــالي ما كان قصدي و لا ادري تزعل بسرعه خذ ما تبي من حياتي عمري و حــــــالي أموت لــــي شفت عينك تذرف الدمـــــعه بالمدرسه ..وقت الفسحه : أماني : ديومه أنتي وسوسو أحس فيكم بلوى .. وش فيكم ؟ ديما : لا أبد سلامتك ما فينا شيء .. بس خايفين شوي من اختبار الرياضيات .. اماني : اهاا .. الله ييسر .. إسراء : ديما تعالي أبي أروح أشتري لي مويه .. ديما : يلا .. وراحوا بمكان بعيد شوي عن البنات .. ديما : عارفه اللي بتقولينه .. سوسو لا تحاولين معي .. أنا موافقه .. إسراء : بس أنا قررت .. ديما : ووش قررتي .. إسراء : أرفض خالد .. مستحيل أكون انانيه وأعيش حياتي على حسابك .. ديما : لو تحبيبي قفلي هالموضوع .. (ديما تبي تجبر إسراء توافق على خالد لأنها تعرف قد ايش المحبه اللي بينهم)وعلى فكرة سواء وافقتي على خالد والا لا أنا موافقه أتزوج ماجد اخوك .. إسراء بدأت تبكي : ومحمد يا ديما ومحمد ؟ ديما : الله يوفقه .. إسراء : أنتي أكييييييييد أنهبلتي ؟؟ قاطعهم صوت الجرس .. ديما : يلا نرجع ع الفصل لو تأخرنا وش يفكنا من معلمة الفيزياء .. إسراء : ما راح أرجع الا اذا أعطيتيني مبرر لموافقتك على اخوي .. جت الوكيله .. : يلا يا بنات انتهت الفسحه .. ديما: يلا سوسو .. قامت اسراء مع ديما وراحوا الفصل طبعاً الدوام كله كان محاولات من اسراء انها تقنع ديما ترفض اخوها .. وديما رفضت رفضض تاااااام .. في بيت إسراء ع الغدا .. إسراء : يمه ديما وافقت .. أمها ما تدري عن نية اخوها الشينه ولا تدري بالمخطط اللي سواه حتى يتزوج ديما .. أمها : الحمدلله مبروك يا وليدي .. زين ما اخذت والله.. ماجد وهو متشقق من الوناسه :الله يبارك فيك يممه .. أمها : وأنتي يا بنيتي ما قلتي لي رأيك .. إسراء وهي تلعب بالصحن اللي بايدها : رأيي في ايش ؟ أمها : هووو نسيتي ؟؟ موضوع خطبتك لخالد موافقة والا لا اسراء : موافقه .. امها : يا بنيتي أحسك مجبوره .. اسراء : لايمه مو مجبورة ولا شيء .. أمها : على راحتك حبيبتي .. اسراء :طيب متى راح تكلمين ام ديما .. امها : ان شاء الله اليوم المغرب .. اسراء : اوك يلا انا طالعه انام .. امها وماجد : نوم العوافي .. ولما طلعت قالت أمها : اقول مجوود علامها اختك .. ماجد : دلع بنات يمه .. بغرفة اسراء .. اسراء :ألو ديما .. ديما : هلا .. اسراء : كيفك .. ديما : تماام .. اسراء : باقي مصره على رأيك؟ ديما : اي .. اسراء : ترى أمي بتكلم امك اليوم المغرب .. ديما : أووووووووكي.. اسراء : يلا بس حبيت أخبرك ان امي بتكلم امك .. ديما : أوك حبيبتي .. يلا فمان الله .. سكرت الخط وبدأت دوامة البكاء تهاجمها من جديد .. واستسلمت للنوم وقامت المغرب على صوت امها.. أمها : ديومه حبيبتي أفتحي الباب أبيك بموضوع .. ديما عرفت انه موضوع ماجد .. قامت فتحت الباب : تفضلي يمه .. أمها : يا بنيتي حبيت أكلمك ان ام ماجد كلمتني من شوي .. وطلبت ايدك لولدها ماجد .. ديما بدات دموعها تنزل بس ما تكلمت بحرف: .......... أمها : لا تردين ألحين حبيبتي .. خذي راحتك وتأكدي اننا ماراح نجبرك على شيء .. وطلعت امها وتركتها في حالة ما يعلم فيها الا الله .. ديما : آآآآآآآآآآآه ياربي .. وش أسوي ..يلا أنا بأوافق بس وربي لأكرهك عيشتك يا ماجد .. بالليل .. ديما : يلا أقوم أستخير أحسن لي .. أستخارت وحست انها مرتاحه وأستغربت من هالارتياح ..!! ببيت خالد (خطيب إسراء) أم خالد : أبشرك إسراء وافقت .. خالد : يمممممممه تكفين قولي الصدق .. أم خالد : والله يا وليدي .. أمها توها مكلمتني تقول انها موافقه .. خالد ناظر في اخوانه وقال: ونااااااااسه يلا يلا قوموا اتجهزوا انا عازمكم ع العشاء .. اليوم اللي بعده .. ديما : يمه انا موافقه .. أمها مستغرررررررررررررررررررررررربه لأنها كانت متأكده انها بترفض عشانها تعرف بحبها لولد خالتها : متأكده يا بنيتي ؟ ديما : اي يمه أنا أستخرت وأحس اني مرتاحه .. أمها : أجل الله يوفقك يا بنيتي .. وراحت امها قالت لكل أخوانها وكل واحد مستغرب أكثر من الثاني ..!! طلال في نفسه (معقوله ديما تتزوج غير محمد ..!!) عبود (ديما موافقه ..! لالا أكيد صاير شيء) عهود (المسكينه اثارينا كنا واقفين لها بالبلعوم يوم كنا نقول انها تحبه) نجود(آآآآه يا قلبي عليك يا اختي انتي وحظك) أبوها : وينها ديما ؟ أمها : بغرفتها مستحيه هههههههههه .. أبوها : هههههه الله يسعد قلبها .. نجود : الله يسعدها ويوفقها .. الكل : آمين .. دخلت ديما بهالوقت .. والكل قام يبارك لها .. ديما قالت بنفسها (آآآآه ياربي على ايش يباركون؟)وقامت دموعها تنزل ابوها : أفااا وش فيك حبيبتي .. قامت نجود ترقعها وقالت : أكيد تبكي على فراقي .. ضحك الكل .. ببيت اسراء .. اسراء : ماااااااجد ليش سويت كذا وربي حرام عليك .. ماجد : اسراء تكفين قفلي الموضوع ما كان ودي بس وربي احبها واموت فيها ماني قادر استغني عنها .. اسراء : وأبشرك انها ما تحبك ومو طايقتك وما تواطن سيرتك .. ماجد : تكفين سكتتتتتتي .. قامت اسراء تتأفف وطلعت من الغرفه والدنيا ضايقه فيها على حال صديقتها ..وطبعاً عدا أسبوع وهم على ذاالحال يتصبحون ويتمسون على هواش .. بعد أسبوووع .. مريم : يا وليدي ودي أقول لك موضوع محمد : تفضلي يالغاليه .. مريم : ديما أنخطبت .. محمد : عادي أساساً عارفها حبيبة قلبي أكيد بترفض.. مريم : والله يا يممه هي وافقت ونظرتها يوم الخميس محمد طاح الكاس من ايده : يمه كييييييييف مستحييييييل انا اعرف ديما زين .. مريم : والله حتى أنا مستغربه يا وليدي .. محمد : ومن هو هالزفت .. مريم : واحد اسمه ماجد .. محمد : ماجد ايش ؟ مريم :والله مدري .. محمد : قام طلع من البيت وهو ما شايف قدامه..دق على طلال (أخو ديما) طلال : هلا والله.. محمد :وينك .. طلال: ياكافي وش فيك ؟ محمد : وينك ألحين ؟ طلال: بالبيت .. محمد : أوك تعال شوفني بكوفي ............ طلال : مسافه الطريق وأجيك .. لما وصل طلال.. سلموا ع بعض وقال خالد : خير ان شاء الله عسى ما شر .. محمد : صدق اللس سمعته ؟ طلال: وش سمعت . محمد : ديما أنخطبت؟ طلال : ايه .. محمد : وافقت ؟ طلال: ايه .. محمد : كييييييف ؟ طلال : والله يا اخوي اني حتى انا مستغرب كيف وافقت .. محمد : خالد بذمتك مبين عليها فرحانه ؟ طلال: والله مدري وش اقول لك .. بس مو مبين عليها أي شيء .. محمد : مين اللي بيأخذها ؟ طلال: مو لازم تعرف(قال هالكلمه لأنه يعرف العداوة اللي بين محمد وماجد) محمد : أخلص علي وقول لي مين .. طلال: بش ما تعصصب .. محمد : تكلمم .. طلال : ماجد الـ ........ محمد : الزفففففففت هذاك يأخذ ديما مني ؟؟ طلال: مو كان اتفاقنا ما تعصصصصب ..!! محمد : عطني جوالك .. طلال : وش تبي فيه .. محمد : أفكر أشتري مثله .. أبي أشوف مميزاته .. طلال: هههههههههههه يا اخوي وربي عليك شطحااات ؟ محمد : بتعطيني والا لا؟ طلال: بسم الله علينا روق شوي .. خذ .. فتح محمد الأسماء وأخذ رقم ديما .. ورجعه له .. وقام .. طلال: على وين ان شاء الله .. محمد : رايح البيت امي تبيني ضروري .. ما مشت على طلال بس قرر يتغاضى عنه : اوك يلا فمان الله .. محمد : فمان الله ديما و ماجد .. وش بيصير بينهم ؟؟ محمد ليش أخذ رقم ديما ؟؟ إسراء وخالد .. يا ترى في جديد بينهم ؟؟ وأحداث جديده تنتظرنا في البارت الرابع .. يا ترى هل ستفرحنا ام لا ؟؟
__________________
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى ** أروع الأحلام ** | &..الشمعة المضيئة ..& | أرشيف المواضيع الغير مكتمله او المكرره او المنقوله و المخالفه | 18 | 10-30-2011 11:06 PM |
| انشودة ألا يا عيوني ونثري دمعات العيون مبكيه ومؤثره بقوه حزينه | بتول الشرق | خطب و محاضرات و أناشيد اسلاميه صوتية و مرئية | 0 | 04-17-2011 07:47 PM |
العرض العادي
