|
| |||||||
| مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة |
 |
| | LinkBack | أدوات الموضوع | انواع عرض الموضوع |
|
#91
09-29-2012, 03:08 PM
| ||
| | ||
| حكي لابد منه ~ مثل تاريخ بكرا .. بسنة الـ 2000 استشهد محمد الدرة امام الكاميرات و لم يحرك العالم الازدواجي ساكنا .. و يوم امس للعلم كان ذكرى الانتفاضة الثانية انتفاضة الأقصى التي نسيها العرب و نسوا الأقصى و كأنه غير موجود اصلا !!! .. ذكرى خيبة العرب المتكررة على طول السنين اين انت يا سيدنا عمر رضي الله عنك   |
|
#93
10-05-2012, 11:58 PM
| ||
| | ||
| |
|
#95
11-03-2012, 10:01 PM
| ||
| | ||
| ما عمري توقعت او تخيلت حالي مسجل بمنتدى و بشارك فيه و أوصل فيه مثل ما وصلت هون و طول هي الفترة لأني شخصية طشاشة  ما بحب اقعد كثير في البيت .. بس المنتدى قلب الموازين ..منتدى عيون العرب كان اول منتدى بسجل و بشارك فيه و هو الوحيد حتى الأن قبل هيك ما كنت صحبة مع النت ,, حتى انه ما كان عندي نت في البيت .. كنت استخدم النت فقط عشان اتواصل مع بعض اصدقائي على الايميل تقريبا كل اسبوع مرة في مقهى نت .. لما سجلت بالمنتدى و بلشت اشارك فيه كانت الظروف بهذاك الوقت مساعدة كثير ,, سجلت بشهر 5 سنة 2009 ,.,. كنت بشحط بمواقع النت و بالتحديد قوقل بدور على برنامح لصاحبي ,, و ما لقيته الا هون ,, ف حبيت افوت و اشكر صاحب الموضوع ,, و بعدها عملت لفه صغيرة داخل المنتدى و كانت اول مرة بعرف شو يعني منتدى ,, كنت اسمع عنه شوي قبل بس كانت اول مرة بشوفوه و بسجل فيه ,, عملت موضوع بقسم الحوارات ,, الموضوع اجى عليه شوية ردود ,, بس تم اغلاقه من المشرفين بعد ما فهموا الموضع بشكل خاطىء ,,, بس سامحتهم  يعني اول موضوع الي بالمنتدى كان بقسم الحوارات و الاحلى من هيك انه تم اغلاقه " بداية مشجعة صح "مثل ما حكيت من قبل بفترة تسجيلي في المنتدى كانت الظروف مهيئة انه ادخال هالعالم الافتراضي ,, على رأس هي الظروف كان انه ما قدرت اسجل المواد الي بدي اياها على الفصل الصيفي و بالتالي قررت اني ما اخذ فصل صيفي " يعني صار عندي وقت فراغ 3 اشهر " كنت افوت ع النت ,, على الفيس لأني سجلت فيه قبل المنتدى تقريبا بسنة ,, بس كان ممل شوي .. فـ دخلت مرة ثانية على المنتدى و شفت المواضيع الموجودة فيه .. فطبعا ع طول دخلت ع ايميلي و نسخت كم رسالة منه و نقلتها هون " كانت الرسائل اما مواضبع نكت شغلات مثل هيك "كانت بدايتي بقسم النكت .. نزلت اكثر من موضوع و شاركت بمواضيع كثير من الاعضاء و تعرفت على ناس طيبين  الله يذكرهم بالخير كنت ما بعرف " او ما احتجت " الا انه اعرف كيف انزل موضوع و كيف ارد على مواضيع ثانية كان اول تنبيه اجاني " رسالة زوار" من مشرفة قسم النكت المبدعة غادة الكاميل كان فيها تشجيع و شكرا لمشاركاتي في القسم .. يعني بتقدروا تحكوا كانت دفعة معنوية لأقدم أكثر .. صراحة لازم المشرفين يكونوا مثل هيك .. مش بس يردوا على المواضيع ( اذا تم الرد اصلا ) .. لازم يشجعوا االاعضاء على المشاركة بأقسامهم و يشكروهم و يعطوهم دافع .. بعدها انتقلت لقسم الصور .. و بعدها احتليت قسم المواضيع العامة ,, قسم رائع ,, كانت المواضيع الي تنزل باليوم فيه محدودة وو يعني ممكن تلاقي موضوع من يوم امس موجود على الصفحة الاولى للقسم ,, حاليا ما شاء الله ممكن تلاقي موضوع اليوم موزعة على اول صفحتين او حتى اكثر من صفحات القسم و من بعدها ما كان عندي قسم خاص اقضي كل وقتي فيه .. كنت اتواجد بمعظم الاقسام .. الا الترفيه و التسلية .. ما كنت مقتنع فيه  مرت فترة الصيفي ,, 3 اشهر كانت تجربة جديدة بالنسبة الي ,, تجربة ما توقعتها تستمر ,, بس في الحقيقة المنتدى بالثلاث اشهر الي اتواجدت فيهم في المنتدى صار جزء من نشاطاتي في الحياة .. صار مثله مثل اي مشوار او نمط حياتي ,, كنت لازم ادخله كل يوم و افحط فيه شوي .. مرة من المرات .. لما فتحت المتدى كان مكتوب رسالة انه المنتدى للبيع او اشي مثل هيك و ما رضي يفتح معي .. اتفاجئت و شوي حسيت بالاشى بس بعدها بفترة بسيطة رجع كل شي مثل ما كان .. و ما عرفت من وين كان الخطأ من عندي او السيرفر كان فيه عطل ضليت هيك مع المنتدى لقبل سنة ونص .. و بعدها صار دخولي يقل شوي .. بس ما كنت اغيب فترات طويلة ,, لحد ما صرت مشرف ( بعد مقلب ) قسم المقاطع قسم حلو و مميز .. بس المشكلة انك كمشرف لازم تشوف كل موضوع و كل رابط و مقطع بنزلوه الاعضاء .. مع انه كعظم او 99% من المشاركات كانت لأعضاء جدد .. يعني مشاركاتهم كانت اقل من 100 مشاركة حبيت اغير هالوضوع .. بس ما زبط معي كثير ,, اعتقد اني كتفيت من الاشراف .. لأنه صراحة صرت انشغل كثير عن المنتدى و عن النت ككل .. و حاسس حالي مقصر مع القسم سنة و شوي في الاشراف فترة كويسة .. نشوف افكار جديدة تفكر كيف رح تزبط القسم اكثر المنتدى استفدته منه كثير .. اسلوب الكتابة و طرح الافكار و تعرفت فيه على اشخاص كثر و على انماط تفكير متعددة .. اعطاني فرصة للكتابة ,, خواطر مواضيع عامة او حوارية تعلمت منه مبادىء في الفوتوشوب مع المشرفة المبدعة fafa11 .. بس ما كملت الطريق للأسف بس اهم شي اني كونت صداقات مميزة مع اشخاص مميزين ,, شكرا هيك خلصت القصة .. معي اني كنت بتمناها تكون افضل من هيك .. يكون فيها تفاصيل اكثر ... بس ما في وقت خلينا نكمل المدونة للـ 100 مشاركة او اقل بـ 2 او 3 و بعدها بغطس لفترة |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يا ليت اليوم تفهمني | رسلان صادق | أرشيف المواضيع الغير مكتمله او المكرره او المنقوله و المخالفه | 2 | 05-04-2010 11:34 PM |
| نفسي افهم ليش الرجاء الرد.....؟؟؟؟؟ | ايلاف وبس | حوارات و نقاشات جاده | 6 | 03-26-2010 02:50 PM |
| نفسي افهم كيف ????????? .............................mk | mk1990 | أرشيف المواضيع الغير مكتمله او المكرره او المنقوله و المخالفه | 29 | 12-12-2009 06:32 PM |
| أنا ما فيني شي...ابيك تفهمنى | samir albattawi | أرشيف المواضيع الغير مكتمله او المكرره او المنقوله و المخالفه | 6 | 12-29-2007 11:30 AM |
| تخيلت نفسى فى الجنه وتخيلت نفسى فى النار ثم سالت نفسى اى شىء تريدين؟؟ | (المسلمه) | نور الإسلام - | 6 | 03-22-2007 09:17 PM |
5232Likes
العرض العادي
