لاحظت اخطاء سلوكيه في حياة تماسيحنا ....

فحبيت اوضح لكم الخطأ... واحاول ان اصلحه
لكم بسلوك تربوي ابوي..

بسم الله نبدا..

خطا:
عندما يصدم بك احد وانت تمشي..ثم تسقط كتبك..
ومن ثم تاخذها وتمشي وكل منكما يتاسف للاخر..

الصحيح
تمسكه مع ثوبه وتصكه بالجدار وترفسه مع
بطنه .. وحبذا تنهيها بركبه والا كوع

ثم تقوله شيل الكتب ومره ثانيه فتح عيونك يالوح...

خطا:
تفتح الاشاره ثم يعلق يزمر لك اللي وراك
ثم تطالع في المرايه وتلقاه يهاوش ومعصب
ثم تلوح بيدك تتاسف

الصحيح:
تنزل له بمفتاح العجل او العجراء وتطق الدريشه عليه
واول مايفتحها جره مع شعره واجلده ليمن يقول
العيد الليله

ثم قله مره ثانيه تصير الاشاره خضرا تصير حمرا زرقاء تاكل تبن وتسكت

خطا:

تدخل المحاظره متاخر ويقولك الدكتور
اطلع برا يامهمل ياللي فيك ومافيك
ويصك الباب بوجهك ثم تروح حزين

الصحيح

تنتظره بسيارتك واول مايحرك لبيتهم حده على ماصوره
والا جدار والا حاول تخليه يصدم بسياره
ثم طلع راسك مع الدرايشه واضحك

خطاء
جاسين انت ومجموعه من الشباب
وعندكم بيبسي وطلعت تبي تغسل فيقوم صديقك ويرج العلبه
ثم تفتحه ويطش بوجهك ويضحكون بوجهك
فتقول ههههه الله يرجك والله لارد لك المقلب

الصحيح

تمسكه مع رجلينه وتصبخه بالارض صبخ
وتجيب قوطي بيبسي وترجه رجا مبرحا
وتفتحه بوجهه...
ثم
تقوله لاصرت اخوك الصغير والا تمون علي نكت معي هالتنكيت
وهالمره بسمح لك عشان خاطر الموجودين
والا تدري عرفط القوطي وحطه بمخباته
وقله لاتطلعه الا اذا رحنا

خطا

تحلق عند حلاق ومتحمس وتعلمه سو كذا وكذا وهو يقولك
انا فيه معلوم انت بس ارتاح
وتتركه وتلقاه حالقن نص شنبك
ثم تهاوشه هوش وتحاسب وتطلع
وتقول بنفسك والله عمري ماحلق عنده

الصحيح

تاخذ الموس وتخربط براسه وشنبه ولحيته
وانا حصل وتحلق راسه معكوس موب شينه
ولا تحاسبه وحبذا لو تجلده
..((حسب الموجودين لو ماعنده احد اجلده))..

ثم قل بينك وبين نفسك ماعمري احلق عنده

خطاء

تمشي بالحاره مثلا رايح للمسجد ثم يجي بزر من هالبزارين
ويفلقك بحصاه ثم تلعن الشيطان وتعوذ من ابليس وتكمل دربك
وتقول بزر ماعليه شره

الصحيح

تاخذ لك بلكه وتصكه بها ان ضربته خير ونعمه
وان ماصكته خذ عصا وامسكه واجلده
ان صاح خير ونعمه
وان ماصاح فاتركه ورح صل وانه التزامك
ثمن ارجع له وتفرغ له واكيد موب متحمل لصلاه الثانيه
وعلى مسوليتي بيصيح

خطا

راكب سيارتك مستعجل وكل اشاره توقف عندها
حتى الاشارات اللي مافيها احد

الصحيح

حتى لو انت موب مستعجل اقطع الاشاره
الاشارات حطوها للي مايعرفون يسوقون
ومب فاهمين

خطا

ساكن بدور الارضي
وفوقك ساكن واحد وصارت الساعه وحده
وانت بتنام واللي فوق صجه ولجه
وماتقدر تنام ثم تروح لهم وتدق عليهم وتقول لهم
ترى سويتوا ازعاج وانا بنام ثم ترجع وتلقاهم على نفس الحاله
ثم تقول الله يقطعهم ماخلوني انام
وتواصل للصبح

الصحيح

دق على محل الستالايات وقله نبيك
تجي تركب لنا الطبق بالسطح ولاتنسى تجيب الدريل
معك لاننا بنركب خمسه الليله ثم واصل لصبح

خطا

متابع فلم ومتحمس ثم يجي واحد من اخوياك
ويغير القناه بدون مايشاورك ثم تقوله
ليش يااخي ماتشوفني اتابع...؟؟؟


الصحيح

صكه بمركأ ولحقه ببياله والا طفايه وخذ منه
الريموت بدون ماتكلمه وحط فلم وتابع
بصدرا رحب

ان شاء الله ماطولت عليكم>> خطاء

الصحيح

اذا طولت هذا شي راجع لي وبكيفي والا من قالكم تقرون:lamao:




لا تنسون الردود والتقييم