هَلْوَساتُ قَطْرَة ..! - الصفحة 77 - عيون العرب

**زَيْنَب** · #**381** 11-08-2011, 09:57 AM

جالسة بالصبح ..

التلفزيون فاضي ، مالي خلق النت ..

الجو روعة ويناسب أطلع برا !

قلت بسوي لي كوب حليب وبجلس ع المرجيحة ف الحوش
( يعني الحديقة المنزلية للي ما يعرف المصطلح السعودي )

طلعت كوبي .. وتذكرت إني شارية لصاحبتي كوب هدية

قلت ألحين أنا فاضية ، ورا ما أغلفه وأنسقه بدل هالفضاوة الزايدة إلي عندي :waat:

بديت بالشغل ..

1- مسكت اللاب وكتبت لها عبارة لطيفة ، طبعتها على ورق مقوى و قصيتها ع شكل قلب :7b:

2- هذا هي الهدية ، كوب + حلقة مفاتيح نفس شخصية الثعلب المرسومة ع الكوب :kesha:

3- حطيت الهدية بداخل علبة بلاستيكية .. تقدرون تفوشون إذن الثعلوب وهو داخل بوسط الكوب :looove:

4- طلعت صندوق التزيين والهدايا ، واااه كم هو مغري .. أتحمس لما أشوفه

5- قررت أستخدم تغليف يدخل فيه اللون البنفسجي ، بما إنو لونها المفضل

6- جلست خمس سنين وأنا أحاول أغلف في هالمكعب :laaaa:
يمين يسار فوق تحت ..
عفست الدنيا ، مرة أفك .. ومرة أغلف

مرة يزيد التغليف .. مرة ينقص ">.>
بالعربي انجنيت وأنا أغلفها ..

وحلفت ثاني مرة ما أتفلسف وأسوي شيء ما أعرفه

لكن النتيجة النهائية طلعت لا بأس بها

.
.

هممممممممز .. روعة صح ؟ <<~ سسحقاً لي xDDD

الزبدة من الموضوع كله ..

الهدية بسيطة وما تكلف شيء ، بطاقة لطيفة .. ولمسة خاصة

تعطيها رونق مختلف تماما ^^

<<~ يا حبني لما أمدح نفسي xD

**زَيْنَب** · #**382** 11-08-2011, 10:08 AM

تقييماتكم

أشكر الدعم الرائع والمتواصل للمتابعين ..
+
فيه تقييمات نزلت لتحت وما أمداني أصورها .. عذراً^_^

**زَيْنَب** · #**383** 11-09-2011, 06:09 AM

ما ششاء الله الجو روعة روعة ..

رهيب :7b: !!

أحب الششتاء ..

الحر ينرفزني ويرفع الضغط عندي مليون ، وأنا مو ناقصة عصبية ما شاء الله

**زَيْنَب** · #**384** 11-09-2011, 06:21 AM

هادي والمرهجان .. كح أقصد والمهرجان

هادي ولد أختي إلي عرفتكم عليه

عنده رعب غير طبيعي من المهرجانات xDD

إذا حبينا نطلعه ولا نمشيه والله يبكي بكا ودموع يقول لا تودوني المهرجان ..

<<~ يخاف من المهرج جداً .. ما ألومه صراحة المهرجين ثقال دم وما عمري بلعتهم كااك

وإلي يزيد رعبه أكثر .. الرجال إلي يجونك لابسين شخصيات كرتونية ويسلمون ع الأطفال

من يشوفهم تحس قلبه يطلع من صدره ويقوم يطلع صوت صفارة الإنذار ويبكي xD

مرة كنا ماشين بالسيارة وشفنا واحد لابس سبونج بوب عند محل يرقص :kesha:

<<~ مثل هذا

عاد هادي ما انتبه له .. إلا أبوه نحاسة يقول هادي شوف

هادي بفهاوة زايدة : تقصد السيارات بابا ؟

أبوه يرقع : إيه السيارات .. مو إنت تحب الشاحنات :hehehe:

رد هادي : يعني ما تقصد سبونج بوب

أختي تناظر في أبوه بنظرات وكأنها تقول ورطتنا :noo:

كمل أبوه ترقيع وقال إلا أقصد السيارات :hah:

سكت هادي ..

شوي ..

آآآآآآآآآآآآآآآآآآآآآآآآآآآآآآآآآآآآآآع بابا سسسسسسوق بسسسرعة ..

بابا سبونج بوب يلاحقنا

لا يصيدك بابا اسسسسسسسرع اسسسرع

بيضربي شرير >_<"

وقفنا عند الإشارة وازداد خوف هادي .. تحس إنه بفلم رعب والشبح جالس يلاحقنا واحنا نحاول نهرب :hehehe:

وبدأ يصيح من خاطر .. قطع قلبي صراحة

أبلشونا صراحة بالمهرجانات .. مفروض يوقفونها عشان ولد أختي المسكين xD .. شكله بيتعقد منها لما يكبر كاك

**زَيْنَب** · #**385** 11-09-2011, 06:29 AM

والله ودي أفطر برا .. بس ملل لوحدي

جالسة أترجى صاحباتي يجون يفطرون معي ، بس ماكو من يوصلهم :laaaa:

والله ابتلشنا بالسواقة والحريم ومجلس الشورى .. <<~ مو كأننا انحرفنا عن الموضوع شوي :ha3:

الزبدة خواتي كانوا يونسوني قبل لا يتزوجون .. عليهم استهبال أعظم من استهبالي :kesha:

والله الوقت إلي نجتمع فيه أربعتنا تحس الجو يصير انفجاري xD

أما ألحين راحوا وخلوني وحيدة ، ما غيري أنا وأمي وجدتي ف البيت :"( <<~ موسيقى حزينة

من الصبح لليل محد أتهاوش ولا أحرش معه ..

ما نتطاق ع التلفزيون ولا أحد يهزأني يقول لي قومي من النت :laaaa: هفف

يعني ما يدرون إن مواساة الأخت أفضل من الزواج <<~ ي شيخة

الزبدة ملل .. أبغى أفطر ف الحوش

من يواسيني ؟