هَلْوَساتُ قَطْرَة ..! - الصفحة 63 - عيون العرب

**زَيْنَب** · #**311** 10-03-2011, 06:13 AM

أحلام شنيعة لمدة يومين متتاليين :haaa:

مثل م إنتو عارفين .. أحلامي كلها شينه
ما عمري حلمت زي الأوادم :ha3:

عاد حلم أمس واليوم عالقين في بالي .. أكثر الأحلام إلي خوفوني بحياتي !!

أنا دايم أحلم بالجن والشياطين - أعوذ بالله منها - ..
وأغلب الأحيان أشوفها في غرفة أخوي .. وإذا دخلت غرفة أخوي ما أقدر أطلع منها أحس إني انجذب لداخل ..

حلمي الأول .. كأني كنت بغرفة أخوي .. حاطة مكياج كامل وروج أحمر <~ شكلي توحفة :coolcool:
ولابسة " فستان عرس !! " :eesh: ..
كنت أجرب فستان عرسي أنا !! ..

( سمعت إن العرس في الحلم مو زين والله أعلم >.< )

واقفة قدام المراية الطويلة .. من السقف للأرض
أناظر نفسي وأبتسم ..

حولي كانوا أمي وخواتي يصفقون و يزغرطون
بعدين طلعوا .. وخلوني بحالي في الغرفة

وأنا لساتني واقفة قدام المراية .. أناظر نفسي وأرقص !!

جيت بلحق خواتي وبطلع ..

سمعت صوت غليظ يناديني .. ما التفت عرفت إنهم الجن إلي بغرفة أخوي
سرعت خطواتي وأنا ماسكة الفستان بيديني ..

أبي أطلع بسرعة ..

أبي أهرب

لكن رجليني تثبتت بالأرض .. مو قادرة أتحرك

والصوت نفسه يظل يتكرر على إذني

كنت خايفة أناظر وراي وأنصدم بإلي أشوفه ..

لكن غصبا عني إلتفت ..

.
.

شفت شخص بشع وشكله مخيف جداً طالع نص جسمه من الأرض

ماد يدينه وماسك رجلي .. !!

<<~ فاصل إعلاني .. حسيت إني في فلم رعب :ha3:

عموماً ..

حاولت أرفسه ..
انفلتت رجلي منه وقمت أركض

تسكر الباب في وجهي .. وطلعوا حولي مثله ناس كثير

قمت أبكي وأصرخ أنادي خواتي

لكن !!!

صحيت من النوم

طنشت سالفة هالحلم .. متعودة

بس اليوم الثاني

حلمت إني جالسة أحني يديني حق العرس ! ..

= (

.
.

المهم برب متعسة

**زَيْنَب** · #**312** 10-05-2011, 04:12 AM

أبد .. عاجبني توقيعي وصورتي الرمزية ، قلت أحطهم بالمدونة عشان لا يضيعون :ha3:

تسلم يد إلي صممتها بس :looove:

**زَيْنَب** · #**313** 10-05-2011, 01:45 PM

آآخ .. يوم الفلة والوناسة والصرقعة والهرب من الحصص

كم أحبك أيها الأربعاء:looove:

كح .. موقف صار لي بالفسحة اليوم

كنت أمشي مع الخبلة رقيوه ، وسوالف وقرقرة وضحك :ha3:

حسيت بوحدة تمسك شعري من ورا والتفت ..

لقيت بنتين يناظرون بعض ويضحكون ..

أنا : خير ي حلوة ؟ شعري فيه شيء ؟

نفر 1 : لا ما فيه ..

رقية : أجل وش تبون ؟

نفر 2 : ما نبغى شيء ..

وكانوا مترددين يمشون ولا لا .. واضح إنهم يبون يقولون شيء

نفر 1 توجه الكلام لي : إنتِ وش اسمك ؟

أنا بإستغراب : ليه ؟

نفر 1 : إنتِ قولي اسمك وأنا أقول لك ..

أنا : يبه خلصيني وقولي وش تبين .. اسمي زينب

نفر 1 تكلم صاحبتها : إنتِ قولي لها ><

نفر 2 : لا وش أقول لها .. قولي لها إنتِ >.<

نفر 1 : لا مالي دخل .. شلون أقول لها >_<

أنا : إنا لله .. قولوا ترى والله ما أعض

نفر 2 : في وحدة ........... تحبك

أنا : كححححححححححححححححححححح .. وأشرق بالعصير إلي عندي

رقية : هااااااااااااااااه .!! ههههههههههههههههههههههههههههههههه لا مو صج

( أنا أشمأز من هالحركات .. بنت تحب بنت ، بنت معجبة ببنت .. بنت تغار على بنت )

أنا منصصدمة : أما من هاذي ؟ شلون تحبني وهي أصلاً ما تعرف اسمي ؟

نفر 2 : لا يعني أعجبت فيك ..

أنا : إبتسامة استهتار ..

ورقيوه ناقعة من الضحك .. مشيت عنهم .. وشفتهم بعدين جالسين يأشرون على بنت ويقولون هاذي هي ، وهي أونه مستحية يعني

عن نفسسي طنشت أبو إلي جاب السالفة .. بس رقية فاضحتني عند كل البنات

اليوم جات معجبة لزينب .. اليوم في بنات كلمونا قالوا إن بنت تحب زينب .. اليوم .. << وأنا أناظر فيها بحقققد

.
.

يوم جا ع البيت كنت متربعة أسولف مع شلة بنات .. وناظرت على جنب وشفت البنت " المعجبة "
تسولف مع صاحباتها وتضحك من ققلب .. ومن زود الضحك طاحت على ظهرها xDDD

ما قدرت أتحمل نفسي ونقعت على شكلها ..

انتبهت إني أضحك عليها وانخبص وجهها .. انكسحت مسكينة xDDD

.
.

آخ .. دايم أكششن يوم الربوع

**زَيْنَب** · #**314** 10-08-2011, 06:24 AM

جسدي .. لا أعلم م الذي أصابك !!

لماذا بدأت بالإنهيار بهذه السرعة ..
لماذا أراني أضعف شيئاً فشيئاً .. ؟

جسدي ، بالله عليك لا تدمرني
أحتاج للبقاء هنا .. ؛

لا أستطيع البوح بالحقيقة أمامهم
لذا .. فإنك تقتلني بصمت

دون معرفتهم !

**زَيْنَب** · #**315** 10-09-2011, 12:31 AM

الجو مكتظ من حولي ، ولكني أشعر بفجوة في داخلي !

فجوةٌ تصرخ متسنجدة ؛ علها تجد من يملأ فراغها ..

ولكن كما أجبرتنا الدنيا \ لا حياة لمن تنادي

فالموت فقط قدّر لـ فجواتي الغبية

فالموت فقط كتب على صرخاتها الأخيرة

فالموت فقط

هو نهاية [ كتاباتي المجنونة .. ×