عيون العرب ..

كنت لي مصدر إبتسامة .!!

كنت لي نعم الرفيق ؛

كنت .. كنت

وللأسف لم تكن

__________________

عندنا شيء اسمه

عقد = الملكة
الحفلة
التجليسة
الحنا
الجلوات
العرس
ليلة خامس

">.> .. ألفين احتفال تحتفل فيهم العروس !! كأنها مو مصدقة إنها أعرست xD
عموماً ..
أمس رحت حفلة <~ تكون بعد العقد مباشرة .. وكأنها بروفا للعرس :kesha:
نفس العرس تماما لكن المسمى مختلف

مدري لي يسوونها أصلاً .. مخاسير فلوس

أنا عن نفسي بس بسوي ملكة ، حتى عرس مانيب مسوية
وشو له أخسر فوق المئة ألف على ليلة :haaa:

<<~ محد سألك دريب ~.~

الزبدة .. اليوم إلي أروح فيه حفلة ولا عرس أدري إني بسوي أكشن ..
ما أرتاح إذا ما سويت شيء غبي :kesha:

أمس وأنا جالسة بالصالة ، ما أسمع إلا صوت رجال يتنحنح ( يعني يقول احم احم .. يالله طريق )
وأنا فرووووووووووووووووم <~ صوت التفحيط
ولا فراري أهرب ع المجلس

وطبعاً أصير حبيسة المجلس لين ما يطلع الأخ إلي ناقع لنا بالصالة :haa:

المهم النفر هذاك طلع .. ما استوت أفلام للحين الحمد لله
وجيت بلبس العدسات .. لازم أفتح عيوني كذا O_o
وفمي أفتحه شبرين كذا ^O^

ليش ؟ مدري كأني بلبس العدسات فـ فمي :lolz:
بس عشان أركز لازم هيك ككككككك

توي بحطها ف عيوني .. أختي تحرك المكيف
و ..

:haaa:

اختفت العدسة من يدي ، أدورها يمين يسار
انسدحت على بطني وصرت كائن زاحف بس مشان أحصلها

وبعد عناء استمر ربع ساعة لاقيتها .. ولا كنت بستوي حولة الليلة ">.>

رحنا العرس وأنا قلبي ع يدي <~ خايفة من الكعب وسوالفه
أمشي كأني رجل آلي xDD

مستحيل أمشي مشية طبيعية مع العمارة إلي لابستها تحت رجلي =_="
وخواتي ما اختاروا إلا الطاولة الأولى نجلس عليها
يعني مشششوار ، من آخر القاعة لأولها .. بضطر أمشي مع هالكعب !!

خواتي ماشين وأنا وراهم .. وإلي يسلمون عليهم أنا أسلم ، سواء عرفتهم ولا لا :kesha:
معارفنا كثير مستحيل أحفظهم ">.>
وهم يقولون : هلا زنوب .. عيدك مبارك ! كبرتي ما شاء الله
وأنا ما أعرفهم أصلا بس أسلك لهم : عساكم من العايدين ، كل صغير يكبر أجل شلون

وأخيـــــراً وصلنا الطاولة وقدرت أجلس :")
مرت نص ساعة وفيه وحدة ما شالت عيونها ..
كل ما ألتفت ألقاها تناظر وتبتسم ، وأنا بس جالسة تسليك أرد لها الإبتسامة

قامت وسلمت علي .. وأنا سلمت وبوست وكأنها وحدة أعرفها من عشرين سنة
إلا تقول لي :

بنت منو إنتِ ؟

أنا فكرتها يعني تعرف خالاتي بس ما تدري بنت أي وحدة فيهم !

قلت لها : بنت فلانة ..!
قالت : لا يعني منو أبوك .. وش عائلتك .. وين بيتكم :kesha: !
أنا هنا فهيت .. وعرفت شو تبى ، بس عاد هاذي ما تتسلك : قلت لها بنت الفلان الفلاني (=
قالت : ما شاء الله ، الله يحفظك !

ومشت هذه الكائنة الغريبة وفكيت

.
.

مرت فترة ، وشفت بنت نعومة جالسة تناظر ، لفيت وجهي عليها وشالت عيونها
لقيتها تناظر مرة ثانية .. ونفس الحركة استوت

بعدين اسسستوعبت !! :haaa:
هــ .. هــ .. هااذذي .!!

فـ نفس الوقت قالت لي أختي / شفتي هاذي إلي لابسة أسود ؟ هاذي خطيبة نسيبنا

أنـــــــــا في صصدمة !! نغزت أختي وقلت لها ذي أكثر وحدة



عربببببببجية ف المدرسة !!! :eesh: :laaaa:

كيف شكلها كذذا نعوم وأنيق وكأنها بنت !! <~ طيب هي وش xD
قمت أقول لأختي .. هاذي صبيانية مرة ، أصلا ما عرفتها بهالشكل

مشيتها كأنها واحد من الشباب .. ولا ضحكتها إلي توصل للمدارس الثانية

حتى مرة من المرات قتلت صرصور ، وحطته ف علبة كبريت

وجلست ترميه ع البنات وتضحك ~.~"

مو معقولة تكون هاذي الدفشة نفس الأنيقة إلي قدامي >_<

.
.

مشينا هالصدمة .. وجينا للغرائب الثانية

صوتوا وقالوا إلي تحب تتغطى .. أبو العروس بيدخل <~ يعني إلي ما تحب لا تتغطى
بعد شوي

تغطوا أخو العروس .. ">.>

بعده ..
تغطوا عم العروس .. :haaa:

بعده ..
تغططططوا أبو المعرس !!

خييير .. ما تبون تدخلون ولد الجيران بعد ؟

، بالعروس عادة إلي يرقص أخو العروس

عشانه مشفوح ومحسر وما عنده إلا أخت وحدة وغصب يتميلح عند البنات مو على كيفكم
لا رقص قلنا الله يخلف مراهق بكره يكبر ويعقل

بس يجييك أبو العروس شيبة ويجلس يرقص ويتنقز قدام الحريم والبنات يصفقون ، والله عالم غريبة
والله حسيت راحت هيبته .. اعقل يا شايب :haa:

.
.

ويجيك الأخ .. ولد هالشيبة ، يفرفر بالجوال ..

تدرون وش مشغل ..؟

بالله تتوقعون وش ؟

فـــاتح السكايب ">.>

ف صالة عرس ~.~"

وعماته يرقصون .. وهو يصورهم ويرويهم أخوه المغترب ">.>

لا حرام لا تقولون شيء .. أخوه كان نفسه يحضر الحفلة :kesha:

.
.

وبالنهاية الضحية بعدين بطني ، أنا ألفين مرة حالفة ما آكل من عروس ">.>

__________________

__________________

كُلَّمَا حَاوَلْت أَن أُطْلِق سَرَاحَك ..

أَجْعَلُك تَطَيَّر فِي الْسَّمَاء كَمَا يَحْلُو لَك !


يَمْنَعُنِي قَلْبِي الْأَحْمَق ، وَأَعُوْد لِلْتَّمَسُّك بك مِن جَدِيْد!!

__________________

__________________