عطر المرأه الاساسي - عيون العرب

غرور انثى · #1 04-03-2011, 02:47 PM

حلو الوحده يكون لها ريحه تميزها وتعرف فيها عند الاهل والزوج والاقارب والصديقات ....
طبعا معروف انو عطر المرأه الاساسي هو الماء ...
فاي عطر مهما كان غالي ومميز ماتطلع ريحته الا على جسم نظيف
اسهل واحلى طرق لعمل العطور والكريمات واللي تقدرين تعملينها لنفسك وتميزك عن غيرك

اول شي الصابون
وفيه طرق كثير بس هذي افضل شي :

ابشري صابونه أي نوع تفضلين ( دوف _ كامي _ لوكس)
ابشري نفس المقدار من المسك الجامد
حطيهم بعلبه وعند الاستحمام
خذي كميه منها بالليفه وافركي جسمك فيها واستمتعى

ابشري عدة انواع من الصابون المفضل لك وحطيها بعلبة زجاج وامليها بالماء واتركيها عدة ايام عشان تذوب وتصير مثل البلسم تقدرين تستخدمين الصابون لجسمك او في غسيل ملابسك الداخليه

فنجان من مكعبات المسك مبشورة
كاس ماء ورد
جل شور المفضل لك

تخلطينها مع بعض واستخدميهم بالاستحمام
خذي كميه من صابون الجسم السايل واضيفي عليه شوي دهن العود العادي
وافركي جسمك به عند الشطف الاخير
بعد ماتستحمين وتخلصين يبغى لك كريمات معطره لجسمك

لازالة رائحه العرق
خذي ليمونه كبيره واعصريها وابشري قشرتها
حطيها بعلبه واضيفي عليها بيالة جلسرين سايل
وحطيها بعلبه واحفظيها بالثلاجة
وممكن تضيفين ملعقة شبه مطحونه
ملعقة ونصف شمع العسل
يذوب بحمام مائي ثم تضيفين ملعقة زبدة الكاكاو
واخلطيها مع بعض واذا ذابت ابعديها عن الناروتضيفين لها ملعقة زيت جوز الهند ,15 نقطه من زيت الزعتر,

5 نقطه من زيت اكليل الجبل,

5نقطة من زيت الخزامى
وثلاث نقط من زيت الخروع اخلطيهم زين ثم صبيهم في علبه خاصة بمزيل العرق

كريمات الترطيب
كريم ماء الورد للجسم
علبة لوشن من بيبي جونسون_علبه بيبي اويل
- كاس ماء ورد
ربع توله مسك او خزامى
الطريقه:
تخلط مع بعض بعد الاستحمام يدهن الجسم بالكريم
ثم يغسل بماء فقط دون دعك

كريم المسك للجسم:
استخدمي أي كريم مفضل لك
واضيفي له مسك ابيض سايل
فرغي شويه من اللوشن الخاص فيك
واضيفي للباقي منه ربع تولة مسك
ربع توله من عطر كاميليا
رجيها زين واتركيها ثلاث ايام بعدين استعمليها

زيت مسك العروسه للجسم:
علبة زيت لوز –تولتين مسك العروسه-ربع توله مسك روز
ربع توله مسك الزهور-نصف فنجان مسك جامد مبشور
نقطتين دهن العود
تخلط مع بعض ثم تحفظ مدة يومين بعدين تستخدم بعد الاستحمام

دعواتكم لي بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات وشباب هل المرأه تصنع الرجل ام الرجل يصنع المرأه...؟؟؟	ايلاف وبس	حواء ~	8	02-28-2012 06:14 PM
ابحث عن بحث غني بالفروق بين التحليل الفني و الاساسي للاسهم	معتصم عبد الرحمن	أرشيف المواضيع الغير مكتمله او المكرره او المنقوله و المخالفه	0	10-16-2006 09:31 PM