مشوا وهم ساكتين
أبرار فجأة بكت
حمد ارتاع: إيش فيك
أبرار: ماأعرف احس قلبي يعورني مدري ليه
حمد: قولي لا إله إلا الله مافي شي إن شاء الله
أبرار مسحت دموعها: كم باقي ونوصل
حمد: يلاعشر دقايق بس
مرت العشر دقايق مافي اطول منها على ابرار
حمد ابتسم: يلا وصلنا
أبرار ابتسمت له ابتسامة صغيرة : شكرا ً .. يلا بااااي
حمد: مع السلامة
نزلت بسرعة وفتحت لها الخدامة
وهو مشى بعد مادخلت
أبرار بسرعة ركضت داخل
ووقفت عند الباب وهي تسمع
وليد :خلاص انا قلت راح اروح مدرسة برى يعني راح اروح
أبرار نزلت دموعها كانت حاسة أنه راح يبعد عنها يوم من الايام
دخلت بسرعة وصرخت: وين تروح وتخليني
كلهم التفتوا لها
ابرار تكمل كلامها وهي تبكي وتصرخ: يعني إذا رحت انا مين أجلس معه .. قولي كيف أعيش بدونك
وليد: أبرار سوري .. بس مرة حاب أروح أدرس برى بمدرسة داخلية
أبرار: اوووك كيفك .. بس إذا رحت أنسى أن لك أخت توأم طيب
راحت ركض فوق ودخلت الغرفة وانسدحت تبكي
هذا توأمها اللي شاركته كل شي طول عمرها
ماتقدر تبعد عنه
تحس فيه لما يكون متضايق لما يكون مبسوط
كيف يبعد عنها ويخليها
انفتح الباب ودخلت أسماء
أسماء: أبرار هذا قراره هو يتحمله
أبرار: وأنا كيف أتحمل
أسماء ماعرفت ترد عليها .. أبرار مرة متعلقة فيه .. ويحق لها هذا (( توأمها ))
دخل وأشر لأسماء تطلع
طلعت وسكرت الباب
جلس جنبها على السرير: بربورة
ابرار جلست وطالعت فيه: أطلع برى
وليد: اول شي انا آسف علشان اللي صاير قبل كم يوم
أبرار طالعت فيه وهي ساكتة
وليد: وثاني شي انتي اكثر وحدة مفروض تحسين فيني .. والله ماأقدر أشوف رنيم مع فيصل وأسكت مرة اتنرفز وأعصب
أبرار: طيب خلاص أنسى رنيم انسى انك تحبها .. اعتبرها زي اختك وبس
وليد: ماأقدر
أبرار: اوووك اجل خلاص روح وين ماتبغى ولا عاااد ترجع
وليد: أبرار يلا عاااد لاتصيرين علي
ابرار نزلت دموعها اكثر: انت تعرف اني أحبك كثير مستحيل أقدر أجلس بالبيت وأنت مو في
وليد طالع فيها وسكت
ابرار رمت نفسها عليه وهي تبكي بصوت عالي قلبها محروق مستحيل تستحمل انه يبعد عنها: وليد بليز لا تروح
وليد ضمها بقوة: طيب خلاص لا تبكين
أبرار: طيب لا تروح
وليد: اصلا ً راح أروح بعد بكرة هم دراستهم تبدأ بعد أسبوع
أبرار بعدت عنه وضربته على صدره: اكرهك مرة .. خلاص روح
وليد: حبيبتي أبرار لاتسوين كذا .. كيف راح أقدر أروح وانتي ماتكلميني
أبرار: وإيش يهمك .. هذا انت بتروح وتخليني ولا اهتميت
وليد: مين قال .. أصلا ً انا قلت لأفنان تتصل عليك علشان تجين
سحبها وضمها بقوة
وهي تبكي بحضه مستحيل تقدر تفارقه لو إيش يصير
بعدها عنه ومسح دموعها: خلاص لا عاااد تبكين
أبرار: طيب إذا رحت كم مرة راح تتصل علي باليوم
وليد ابتسم: كل خمس دقايق
أبرار: نصاب
وليد: والله
أبرار: اووووك أشوف
#################################################
في اليوم الثاني الكل درى
واتصل يسلم على وليد
ماعدا ريم ورنيم وفيصل مايبغون يكلمونه
وجاء اليوم اللي بعده
بيت أبو وليد الكل فيه يبكي
الولد الوحيد بالبيت قرر يدرس برى بدون سبب إلا طبعا ً البنات والعيال يدرون
أبرار ضمته: راح أشتاق لك
وليد: وحتى أنا
أفنان: خلاص بعدي عنه من امس وأنتي ماسكته
ضمته
وليد: ههههههههه تحبوني شسوي .. المعجبين كثار
أسماء ضربته على ظهره: حماار بتروح وتخلينا راح نفقد إزعاجك
وضمته
وليد: وحتى انا والله
جات ام وليد وضمته وهي تبكي: والله ماودي تروح
وليد: لا تخليني أهون
ابرار بسرعة: إيه هون
وليد ضحك: عاااد ماصدقتي انتي
أبو وليد: يلا ترى تأخرت
وليد: يلااا .. مع السلامة
وطلعوا
وكلهم جلسوا على الكنبة
أبرار: مو حلو البيت بدونه
أفنان: من جد
أسماء: ماراح يحضر عرسك ..؟؟!!
أفنان: إلا مو على كيفه .. وأصلا ً عرسي تونا بدري عليه .. هو متى على الإجازة الجاية
ام وليد: البيت مايسوى بدونه
أسماء: شدعوة ماما حنا موجودين
أبرار: بس وليد مو موجود
أفنان: الله يرجعه بالسلامه
###############################################
مر شهر رمضان شهر الخير
البنات كلهم كانوا متحمسين فيه
كان أحلى شهر
دخلوا المطبخ وساعدوا امهاتهم بالطبخ
وكل يوم يسهرون لين السحور بعدين ينامون
الكل جاء الشرقية
ديما وثامر وتركي جاوو أسبوع بعدين راحوا
مر سريع جدا ً
دايما ً الأيام حلوة تمشي ولا تخلي لنا مجال نفرح فيها
بس تبقى لنا الذكريات
سامي صار مافيه شعر ودايم يقول لهم عجبني الشكل وكذا وكل مرة أقصه
والكل صدق
وصار دايم يلبس كاب
################################################
العيد بكرة والكل متحمس له
ريم ورنيم وحسام قرروا يروحون جدة
من زمان ماراحوا
ومنها يروحون يشوفون ثامر وديما
مشوا بعد صلاة المغرب
ووصلوا العشاء تقريبا ً
ريم: حسام خلنا نروح نمر بيتنا مرة مشتاقة له
حسام: إيه والله حتى انا
رنيم: وشرايكم اجل ننام في بيتكم وبكرة نلبس الصباح ونروح بيت ثامر نعايد فيهم
ريم: إيه هذا أحسن شي
حسام: بس تراه أكيد وصخ مو تجلسون لي وععع وياي وماأعرف إيش
رنيم: ههههههه لا لاتخاف
ريم: يلا خلونا نروح بس ... إلى متى بنجلس بالمطار
طلعوا وأخذوا تاكسي وراحوا على بيتهم
كان كله غبار ووصخ
حسام نام بالصالة لانهم رتبوها كلهم سوا
ورنيم وريم راحوا غرفة ريم بعد مانظفوها على السريع
ريم: أكلم ثامر
رنيم: إيش تقولين له .. إذا بتقولين له ان حنا هنا لا تكلمينه
ريم بسرعة : لا بس أبغى أطمن عليه
رنيم ضحكت: طيب تطمني عليه
ريم: طيب انقلعي عن وجهي .. خليني اعرف اكلم
رنيم: قاعدة على قلبك
ريم دقت عليه وانتظرت يرد
###########################################
جالسين بالصالة
كلهم مجتمعين يطالعون التلفزيون
أبو ثامر وقف: انا بروح انام
عبير: اوووك تصبح على خير حبيبي
ديما: سويت دريمز بابا
ثامر: تصبح على خير
أبو ثامر: وانتوا بخير
راح الغرفة ونام
ديما وقفت: وحتى أنا بنام .. بكرة عيد وبنصحى من الصباح
عبير: يلا قود نايت حبيبتي
ديما راحت باستها: قود نايت
ثامر وقف: انتظري أنا بجي معك بروح اتروش بعدين انام
ديما: يلا
وراحوا اثنينهم وبقت عبير لحالها
رن الجوال
عبير عقدت حواجبها: مين جواله هذا
انتبهت للكنبة اللي قدامها وفيه جوال
عبير: هذا مكان ثامر .. اكيد ناسي جواله .. راحت اخذته .. بعد مكتوب حبي .. خلينا نشوف مين حبه بعد
ردت
وجاها صوت ريم المندفع: هاااااي ثامر .. كيفك مرة أشتقت لك لي يومين ماكلمتك .. مااشتقت لي شدعوة
عبير فتحت عيونها: لا والله هذا اللي ناقص فوق العيوب اللي عنده ويكلم بنات
ريم سكتت وخافت على ثامر في نفس الوقت
عبير: مين أنتي ياللي ماتستحين تكلمين عيال ناس .. ماعندك اهل ولا شي .. ثامر هذا ماألومه ماتربى وشكلك مثله
ريم على طول سكرت
عبير: وتسكر في وجهي اللي ماتستحي
رمت الجوال على الطاولة ورجعت مكانها
بعد عشر دقايق جاء ثامر
ثامر: نسيت جوالي
عبير: شوفه على الطاولة
ثامر اخذه وراح
وعبير جلست تفكر إيش تسوي فيه علشان تسبب له مشاكل
#################################################
حطت الجوال على السرير وجلست وقلبها يدق بسرعة جنونية
رنيم: وشفيك
ريم: الله ياخذ بليس
رنيم: أسكتي وقولي لي وشفيك .. ماقلتي لثامر إلا كلمتين وبعدها سكرتي إيش السالفة
ريم: هذا مو ثامر
رنيم: أجل مين
ريم: مرت أبوه
رنيم بغباء: وكيف ردت عليك
ريم: كيف يعني .. أكيد كان حاط جواله بأي مكان وهي ردت
رنيم: إيش قالت لك
ريم قالت لها إيش قالت لها
رنيم: غبية هذي ولا إيش .. ثامر المسكين كيف عايش عندها
ريم: ياحياتي دايم يقول لي عن الأشياء اللي تسويها له .. دايم تتسبب عليه وتشكي لأبوه عنه
رنيم: والله لو انها مو أم ديما .. كان مسكتها بكرة ووريتها شغلها
ريم: وهذا اللي مصبرني .. ثامر دايم يقول كل اللي يسويه وساكت لها علشان ديما وبس
رنيم: خلاص خلينا ننام ألحين وبكرة تنحل
####################################################
شوق واقفة على السرير ومقفلة الباب
ماسكة الفستان حقها حق العيد وتكلم خالد
خالد: طيب قولي لي بس شلون شكله
شوق: لاااا
خالد: شوقتي حبيتي بلييييز
شوق: خالد قلت لاااااا .. لا تحرجني
خالد: طيب خلاص زعلت
شوق: ألحين كيف ريم ورنيم يروحون جدة ويخلوني لحالي أنا وجوري
خالد: شدعوة انا موجود
شوق: لا والله يعني تبيني أجلس معك لحالي وكل البنات مع بعض
خالد: انا قايل ماراح أكلمك .. لا تتدلعين علي مو فاضي
شوق بدلع: إذا ماتدلعت عليك .. مين اتدلع عليه
خالد ذاب: لا تدلعي لين تشبعين مانقول شي
شوق: لا والله .. ليش غيرت كلامك
خالد: آسفين نستهبل بس
شوق: كويس .. ولا كان زعلت عليك .. ويفوتك شكلي بكرة بالعيد
خالد: ناوية تموتيني ولا إيش بالضبط
شوق: لا سلامتك بس حابة اعلمك كيف تعاملني
خالد: وانا كيف أعاملك ألحين بالله عليك .. وين ماتروحين ماراح تلاقين احسن مني
شوق مسكت ضحكتها: مين قاال
خالد: متاكدة من كلامك
شوق: إيه .. في كثار احسن منك
خالد: اووووك .. بس ابغى اعرف ليش إلى الآن تكلميني
شوق: مدري
خالد: اهااا .. قلتي لي ماتدرين .. اوووك يلا باااي
وسكر
شوق: هههههههههههههههه .. من جده هذا
دقت عله مرة ثاينة مارد
ودقت بعدها ونفس الشي مارد
شوق: لا يستهبل .. من جده صدق
جلست تفكر وهي ندمانة على اللي سوته .. ندمانة على هبالها
............................................................................
اما هو رمى الجوال على السرير
خالد: في احسن خلهم ينفعونها
رن الجوال
خاالد: ومتصلة علي بعد .. أشوف اللي يرد عليها
ترك الجوال وهو يرن وطلع من الغرفة
سارة: خالد ممكن طلب
خالد بدون نفس: إيش ..؟؟!!
سارة: على نفسك هذي هونت ماأبغى شي
خالد: تبغين ولا كيفك عااد
سارة: كنت أبغاك تروح معي أي مجمع .. لأني نسيت أشتري لي سلسال يناسب مع فستاني
خالد: ومتى تبغين تروحين
سارة: ألحين
خالد: اوووك يلا بسرعة ألبسي عبايتك
سارة وقفت بسرعة: اووك دقيقة بس
وراحت على طول غرفتها تجيب العباية
##################################################
جاء اليوم الثاني
البنات أغلبهم سهرانين
الكل جالس يلبس ويتجهز
طبعا ً الكل راح الشرقية
ونفس كل مرة البيت اللي يجمعهم بيت أبو فراس
الساعة 9 الكل جالس بالملابس الفخمة والجديدة
الصغار يلعبون والكبار يسولفون
والبنات نزلوا وجلسوا مع بعض
رزان: وشرايكم بفستاني احلى فستان صح
لولو: اقووول روحي بس .. فستاني أحلى
ندى: والله مو ناقصنا إلا ريم ورنيم
أبرار بنفسها: ووليد
لينا: وين جوري وشوق ورتال وغادة ماراح يجوون
سارة: إلا بعد شوي
لولو: تااخروا
ابرار: من جد
سجى: خلونا نتصل عليهم
لما بخبث: لا مو هم اللي تاخروا ماجد وفهد وأسامة هم اللي تاخروا
كلهم ضحكوا
أسماء:صح عليك
لمار: أفنان وينها
رزان: انس ساحبها معه من قامت .. يقول زوجتي وأنا حر فيها ههههههه
سارة: ههههههه من حقه
سجى: خلاص أبغى أتزوج
ندى: اعقلي يابنت بلا قلة أدب
لينا: خليها تستانس هههههههههههه
ندى: لا تخربينها انتي بعد
رزان: هي خربانة خربانة مايضر ههههه
ندى: وانتي الصادقة هههههههه
سجى: حمير انتي معها انقلعوا
##############################################
لبست فستانها القصير ومرة فخم وحلو
وفتحت شعرها الطويل
نزلت تحت بسرعة علشان مايتأخرون
وبآخر درجة صدمت بأحد
: آاااااي سوري
رفعت راسها وابتسمت
: جوري وشذا الزين
جوري: كله منك .. وأنت بعد طالع تجنن بالثوب من زمان ماشفتك
: بعرسنا إن شاء الله تشوفيني احلى
جوري استحت وسكتت
محمد: ههههههههههههه دايم اعرف انك مستحية إذا سكتي
جوري بسرعة: خلاص بروح والله اخاف احد يشوفنا يذبحنا
وراحت ركض واخذت عبايتها وطلعت برى علشان تلبسها
وطلعت وركبت السيارة
رتال: سنة
جوري: وشتبغون بعد .. الخدامة مدري وين حاطة عبايتي
غادة: خلاص أسكتوا اليوم عيد
شوق كانت ساكتة تفكر خالد من جد زعل ولا يستهبل على راسها
.........................................................................
صعد فوق
علشان ينادي أسامة بيروحون مع فهد وماجد
وصل فوق وشاف أمه وام ماجد
محمد: يمة مارحتوا مع البنات
أم فهد: لا ألحين بيجون الحريم عندنا والبنات كلهم بيجلسون بيت ابو فراس
محمد: وحنا العيال
ام ماجد: بتجلسون معهم بعد
محمد ضحك: يعني حلال نعايد فيهم ونسلم عليهم مافيها شي صح
أم فهد: هههههه هذا اللي تفكر فيه بس
محمد: عيد يمة خلينا نستانس .. وبعدين كلهم شايفهم وحنا مسافرين مايحتاج
ام فهد: تيسر بس بلا حكي زايد
محمد: ههههههه انادي أسامة بس
طلع أسامة: خلصت يلا
محمد: يلا
ونزلوا تحت وطلعوا وركبوا السيارة وتوجهوا لبيت أبو فراس
##############################################
طلعت من الغرفة وهي لابسة فستانها الموف اللي يوصل إلى الركبة
ومرة شكله ناعم وحلو
ومسوية ميك أب خفيف
وفاتحة شعرها القصير
سامي: الفستان مريح ولا ضيق عليك
هيله ضحكت: لا زين لا تخاف
سامي: متاكدة .. إذا مو مريحك بالجلسة هناك روحي غيريه
هيله: ههههههههههههههه والله أنه مريح وواسع وزين
سامي: طيب يلا خلينا نطلع
هيله لبست عبايتها: يلا
بعدين طلعوا وتوجهوا لبيت ابو فراس
################################################
من امس الليل مانامت تفكر كيف ثامر قادر يعيش عند إنسانة مثل هذي مرة مقهورة منها
ودها تروح تضربها
طريقتها بالكلام مرة إستفزازية
تنرفز وهي تتكلم كانها مالكة العالم
تحركت رنيم
ريم: رنيم يلا قومي الساعة تسعة ونص
رنيم: اووووك قايمة
ريم: يلا
رنيم قامت وجلست جنب ريم: مانمتي
ريم : لااا
رنيم: ليه ..؟؟!!
ريم ضحكت: مستعجلة أشوف ثامر
رنيم: طيب يلا خلينا نقوم نلبس
انفتح الباب
حسام: صاحين
ريم: إيه
حسام: طيب يلا تجهزوا بسرعة
رنيم: اووك .. وأنت بعد يلا ألبس
حسام دخل الغرفة وهو ماسك جزمتين: ألبس هذي .. ولا هذي
ريم: اتصل على رزان أسألها هههههههههههه
رنيم: إيه صح
حسام: وانتوا الصادقين احسن من وجيهكم
وطلع
وريم ورنيم قاموا بسرعة وصلوا ولبسوا
(( ريم لبست فستان أبيض كات فوق الركبة وناعم مرة وفي نفس الوقت فخم ولابسة سلسال فضة صغير وفاتحة شعرها ))
(( ورنيم لبست تنورة نصف الفخد لونها أخضر غامق وقميص أبيض فخم وعليه سلسال فضي طويل وحلو ومسوية شعرها كوب كيك ))
دخل حسام وهو لابس الثوب: يلا خلصتوا
ريم ورنيم لفوا عليه: إيه
حسام ابتسم: وشذا الكشخة .. مادريت انكم حلوين لذي الدرجة
ريم: من زمان بس انت ماتطالع
رنيم: صح ماتطالع غير رزان
حسام: يا ذي الرزان خلاص اتركوها بحالها لا تجيبون سيرتها
ريم: كرهتها
حسام: اكرهك ولا اكرهها
رنيم: شفتي الخيانة
ريم: شايفتها .. بس أقول يلا خلونا نطلع
حسام: يلا
وركب سيارته اللي خلاها بجدة وراحوا لبيت ثامر
لما قربوا عند البيت
ريم كلمت ديما
ديما: الو
ريم: كل عام وأنتي بخير
ديما ابتسمت: وانتي بخير .. كيفك
ريم: تمام .. وأنتي
ديما ضحكت: انا وثامر كلنا كويسين
ريم: هههه زين .. المهم ترى حنا بالطريق قربنا من بيتكم
ديما مااستوعبت: كيف .. مافهمت
ريم: مايبي لها شرح .. حنا بجدة
ديما: أحلفي
ريم: كيفك لا تصدقين
ديما: كلكم
ريم: لا بس انا ورنيم وحسام
ديما: حسافة .. ليش ماجاء حمد
ريم: ماقلنا له إلا لما مشينا
ديما: حمير
ريم: اقول خلصينا فتحوا الباب
ديما: مفتوح
ريم: اوووك يلا اجل بااااي
ديما: بااااااي
وسكروا
وبعد خمس دقايق وصلوا عند البيت
وكان الباب مفتوح شوي بس
حسام: يلا انزلوا
رنيم: يلا ريم
ونزلوا الثنتين
حسام: انتوا ادخلوا من هنا .. انا بروح من بوابة الرجال اووووك
ريم: اووك
وهو راح وهم دخلوا
ديما اول ماشافتهم صرخت وركضت لهم
ريم: اهلا ً
ديما: اهلين كيفكم
رنيم: الحمدلله نسال عنك
ديما: مرة مشتاقة لكم مع اني من اسبوع شايفتكم
ريم: وحتى حنا وعلشان كذا جينا
ديما: ياحبيلكم
ريم انتبهت لثامر اللي طلع وتوجه لمرأة كانت واقفة وتصرخ على الخدم علشان يرتبون الطاولات ويحطون الحلى عليهم بشكل منظم ومرتب
قرب منها وباس راسها وهو مبتسم
وهي بعدت عنه وهي مكشرة وكانت تكلمه وشكلها قالت له كلمه تسد نفس من وجهه اللي تغير
انتبه لهم وجاء عندهم
ثامر ابتسم: من متى انتوا هنا
ريم: من امس
ثامر: لا من جد .. كيف تجون جدة ولا تعلموني
رنيم: ريم مارضت
ثامر: وجايين لحالكم
ريم: مع حسام
ثامر: ووينه الحين

__________________
iLove every one ...

ريم: هناك عند الرجال
ثامر: رايح لهم
ديما: طيب شدعوة مافي بوسة لريم أو شي .. اليوم ترى العيد
ثامر غمز لريم: بعدين .. إيه صح كل عام وانتوا بخير
كلهم: وانت بخير
وراح
ديما: تعالوا سلموا على ماما
ريم اختفت الإبتسامة من وجهها
وراحوا عندها
ديما: ماما شوفي هذولي ريم ورنيم اللي حكيت لك عنهم
عبير: هلا والله
رنيم: أهلين
وسلمت عليها
عبير: انتي مين ريم ولا رنيم
ريم: ريم
عبير: اهلين
ريم مدت إيدها لها بس ماتبغى تبوسها
عبير استغربت ومدت إيدها بعد
ديما تعالوا داخل
ودخلوا
ديما: افصخوا عباياتكم
ريم: اوووك
وفصخوهم وحطوهم على الطاولة
ديما: وناسة كويس انكم جيتوا .. كنت راح اجلس طفشانة في العيد نفس كل مرة
رنيم: ليه ماعندك بنات خالات .. او بنات عمات او عمام
ديما: إلا بس كلهم يا كبار متزوجين او صغار بزارين
ريم: أجل مافي إلا انك تتزوجين حمد علشان تنبطسين
ديما: ههههههههه إيه صح
دخلت عبير على آخر كلمة: ومين حمد هذا
ريم: ولد خالي .. وحاجزة ديما له
عبير: عاااد للأسف انها مو من نصيبه .. هي بتاخذ ولد عمها هشام
ديما: وعععع هذا الغبي مستحيل آخذه مرة يجيب المرض مايضحك
عبير: بالعكس فاهم وعاقل
ديما: لا بيني وبينه فرق مرة كبير مايصلح
رنيم وريم استغربوا ان عبير مصرة
ديما: وأصلا ً بابا ماراح يزوجني واحد ماأبيه
عبير: توك صغيرة إذا جاء وقتها نتفاهم
وطلعت
وجلسوا مع بعض يتكلمون ويسولفون
###########################################
دخلوا بيت أبو فراس وجااوو لهم كل البنات
رزان: وأخيرا ً جيتوا
شوق: جوجو اخرتنا
ندى: لأنها حمارة
جوري: كم مرة قلت لهم أدور عبايتي ما يفهمون
لولو: المهم يلا خلونا ندخل
رتال: يلا
غادة: والله العيد شكله راح يصير مو حلو لأن ريم ورنيم مو موجودين
لمار: تونا كنا نقول
وكلهم مشوا بيدخلون
رن الجرس
وقفوا يشوفون مين اللي جاء
فتحت الخدامة ودخل سامي ومعه هيله
سامي: عيدكم مبارك ياحلوين
أبرار: خلاص صرت متزوج نبغى منك عيدية
سامي: هذا همكم الفلوس .. بس عندي لكم عيدية أحلى
لينا: هااااي هيله
هيله ابتسمت: اهلين
سامي: وين خواتي
سارة: داخل ألحين بيطلعون
سامي: هيله بسرعة أجل خلينا نلحق عليهم
ودخل مع هيله والبنات وراه
ام فراس: هلا والله سامي .. زين انك جيت قبل مانطلع
سامي: والله جاي وعندي عيدية للكل
كلهم ابتسموا
ام فراس: عاااد وش هي العيدية
سامي سحب هيله ووقفها جنبه: هذي الحلوة حامل
كلهم ضحكوا ومستانسين
ام احمد: بالبركة اجل .. الله يولدها بالسلامة
ندى: يتربى بعزكم
لولو: ودلالكم
لينا: وحضنكم
هيله: وبعدين
شوق: وتكبرونه وتشوفون احفاده
رتال: طيب ممكن اعرف ليش كلكم تتكلمون عنه بصيغة العيال يمكنها بنت
هيله: إيه والله وانتي الصادقة
سامي: لا إن شاء ولد
لولو: لا بنت
لمار: لا ولد
أسماء: قلنا بنت
أبرار: وحنا قلنا ولد
هيله: خلاص بنت وولد
أفنان: الله تخيلوا تجيب توام
هيله: لا الله يعافيكم واحد يكفي
أبرار: يارب انتي ياافنان تجيبين توأم
أفنان: لا إن شاء الله .. استغفري ياحمارة
أبرار: يارب
ام وليد: يلا ترى تأخرنا .. عن أذنكم .. مبروك ياهيله
وسلموا كلهم عليها وباركوا لها
ام فيصل: تعالي معنا بيت ام ماجد
جوري: لا اجلسي معنا
سجى: إيه أجلسي
رزان: بندلعك ونسوي لك كل شي
سامي: اجلسي مع البنات عرضهم مغري
أم فراس: أجل يلا مع السلامة
وطلعوا
هيله: وين ريم ورنيم
سامي: إيه صحيح وينهم
لمار: راحوا جدة مع حسام
هيله: حسافة
سامي: كلميهم علميهم
هيله: إيه أكيد إن شاء الله
وطلع راح للعيال
فراس: هلا والله بسامي
أنس: كل عام وانت بخير
سامي: وانتوا بخير
مهند: خالي سامي نبغى عيدية
سامي: عااااد توني معطي كل البنات عيدية
حمد: أجل عطنا حنا بعد
سمر: ثوثو انا عطني أبعى
سامي: أستعدوا
جنى: تعطيني انا ودرر بعد
درر: إيه
سامي: كلكم بعطيكم
خالد: يلا عااااد بسرعة
فيصل: جهز البوك
سامي: لا بوك ولا شي بس .. هيله حامل
سمر: يعني تجيب بيبي
سامي: إيه
وركضوا كل البزارين برى
فهد: مبروك
فراس: والله وصرت أبو
انس: مبروك .. وعقبالي
ماجد: هذا اللي فالح فيه بس كل شي عقبالك
سامي: الله يبارك فيكم
حمد: عاااد صدق انها عيدية حلوة بس نبغى فلوس عااااد
سامي: تبون كل واحد عشرة ريال ماأقول لا
حمد: رجعها بجيبك الله يعافيك .. خمسين ماتكفي تقول عشرة
سامي: عرضت عليكم وأنتوا مارضيتوا كيفكم
........................................................................
دخلوا البزارين كلهم وراحوا عند هيله
سمر: ثدق انتي راح تجيبين بيبي
درر: قولي لها مبروك
سمر: مبروك
مهند: جيبي ولد علشان العب معه
جنى: لا جيبي بنت أسوي لها شعرها حلو
هيله ضحكت: الله يبارك فيكم ياحلوين
ندى: يلا وخروا عنها لا تلمسون بطنها
سمر: انا أبعى ألمسه عااادي
هيله: إيه
سمر قربت منها وحطت أذنها على بطن هيله اللي كانت جالسة على الكنب
وكلهم ضحكوا
سارة: متأثرة بأفلام الكرتون
سمر: اوووس تقولي سر
هيله: وش تقول لك
سمر: سر .. ولا أقول لكم إيس قالت
لولو: إيه قولي
سمر: تقول أسمها سمر زي اسمي .. وولد أسمه سامي
رزان: لا مايصلح
سمر: ليس
لينا: مايصلح الواحد يصير أسمه زي اسم ابوه
مهند: انا هذيك المرة شفت مسلسل فيه ولد أبوه مات وسموه زي أسمه
هيله: بس انا اللي في بطني ابوه مامات
مهند: يعني إيش تسمونه اجل
دخل سامي: مهند
مهند: الله زي أسمي
سامي: إيه
جلسوا البنات مع هيله
وسامي راح مع العيال
شوق وقفت: بروح شوي وأجي
وطلعت
راحت برى وجلست على كراسي الحديقة ماسكة جوالها وتطالع بالشاشة كل الناس اتصلوا باركوا لها بالعيد إلا هو
ماتوقعته يزعل كانت تمزح معه
مرة مقهورة منه حتى ماكلف نفسه يجي يشوفها
جلست تهز رجلها وهي تطالع بالجوال وتلعب باظافرها
....................................................................
سامي: مشتهي آكل حلى روحوا جيبوا لي مالي خلق أروح
خالد: شوف هنا فيه
سامي: لا عند البنات في شكل ثاني احلى روح جيبه
خالد: لازم انا
فراس: مافي احد غيرك تكلم
خالد وقف: طيب رايح
وقام وطلع برى ودخل عند البنات
دور بعيونه شوق مالقاها
توقعها ماجات واستغرب
لولو: تبغى شي خالد
خالد: لا بس سامي يبغى حلى عندكم مدري إيش
هيله: تعال شوف هذا يمكن لأنه توه اكل منه
خاالد: إيه صح مبروك
هيله ابتسمت: الله يبارك فيك
أخذ صينية الحلى وطلع
مرة مستغرب ليش ماجات
مشى وهو شايل الحلى
وانتبه للي جالس عند الكراسي
ماثبت مين بس توقع انها شوق
راح بسرعة ودخل المجلس وحط الصينية وطلع
حمد: تعال وين رايح
خالد: حمام
وطلع برى وقرب من عندها
ماكانت منتبهة له تطالع بالجوال وسرحانة
ضحك في نفسه لما جات فكرة له
طلع جواله من جيبه ودق عليها
ارتاعت وطالعت الجوال ورفعت راسها شافته
شوق: نعم إيش جابك
خالد: ترى مفروض انا اللي ازعل مو أنتي
شوق وقفت: لا والله .. لما أتزين وأكون متحمسة وألبس الفستان .. وانت حضرتك حتى ماكلفت على نفسك تقول لي كل عام وانت بخير .. بالله مين مفروض يزعل
خالد: انا .. لانك انتي ماقلتي لي بعد
شوق: يعني تبيني اجي وادخل عند العيال وأقول لك مثلا ً
خالد: لااا ماقلت كذا .. بس في شي أسمه جوال
شوق: وانا مااكلم واحد سكر بوجهي
خالد: اوووك اجل انا ماأكلم وحدة تقول ان في ناس احسن
شوق: اوووووك اتفقنا
خالد التفت بيمشي بعدين رجع التفتت عليها: على فكرة طالعة حلوة اليوم
شوق ابتسمت وقالت يعنني زعلانة: شكرا ً .. وحتى انت طالع حلو بالثوب
طالعوا ببعض بعدين قاموا يضحكون
خالد: مشكلتي ماأقدر فيك
شوق: أدري .. بس مع ذلك لسة مارضيت
خالد: قولي إيش تبغيني أسوي وأسويه
شوق: في كلمة لازم تقولها لي وأرضى
خالد: أحبك
شوق بخجل: لا غيرها
خالد عقد حواجبه: في ذمتك في احلى من هذي الكلمة
شوق: لا مافي .. بس في كلمة لازم تقولها واليوم بالذات
خالد سكت يفكر .. بعدين تذكر وقال: كل عام وانتي حبيبتي
شوق ضحكت: وانت حبيبي
خالد: خلاص رضينا
شوق: إيه
خالد: وأخيرا ً
شوق: تعرف اني بسببك اليوم ماضحكت ومالي خلق ... وحتى مااكلت ولا حلى .. ولا أي شي
خالد طلع من جيبه: وحتى أنا .. فتحها لها ومدها لفمها .. يلا افتحي فمك
شوق مدت إيدها: لا عطني أنا آكلها
خالد مسك إيدها: ماأحد راح يأكلك غيري
شوق: طيب
وفتحت فمها واكلها
خالد: إيه خليك كذا تسمعين الكلام
شوق: طيب عطني انا أأكلك
خالد: لا بس انا اللي أأكلك
شوق: لاااا .. طيب خلاص زعلت
خالد: لا لا خلاص إلا زعلك .. امسكي
واكلته
وقاموا يضحكون
وجلسوا مع بعض على الطاولة
ويسولفون
####################################
جلس الكل إلى الليل وبعد كذا ناموا لان الكل كان سهران
الحريم رجعوا بالليل ومعهم الرجال وناموا
وهيله وسامي راحوا من المغرب بيت ابو هيله وبعدين سهروا معهم وراحوا بيتهم
طبعا ً كلموا ريم ورنيم وحسام وقالوا لهم عن الخبر ومرة انبسطوا
وشوق وغادة وجوري ورتال رجعوا بيوتهم وناموا
#####################################
طلعوا يتمشون في الليل
ديما بالموت رضت لها أمها تطلع لأن في حريم عندهم بالبيت جايين وهي ماتبغى تجلس
راحوا البحر وكان مرة زحمة
ثامر سحب ريم وراح عنهم
وهم يدورن عليهم
حسام اتصل عليهم وقالوا أنهم مع بعض وضاعوا بعدين يلاقون
جلسوا بعيد عن الزحمة عند صخرة كبيرة الامواج تجي عندها وتروح
ريم كانت فاتحة عبايتها وحاطة الحجاب على كتفها: الجو مرة حلو
ثامر: بس انتي احلى
ريم ابتسمت: وبعد
ثامر: وأجمل
ريم: وبعد
ثامر: واحلى وحدة بحياتي
ريم ضحكت: تعال وقف هنا جنبي إيش فيك واقف بعيد
ثامر: خايف عليك يصير لك شي وقاعد احرسك
ريم مدت إيدها له: يلا تعال
ثامر مسكها ووقف جنبها
حاوط بإيده كتفها وقربها عنده
ثامر أشر لها على مكان بعيد وفيه نور بسيط: شرايك نروح هناك
ريم: وين
ثامر: هناك في قوارب كثيرة .. نركب واحد انا معك
ريم ابتسمت: اوووك يلا
مسك إيدها وراحوا بسرعة كان مرة زحمة مع ان الساعة 11 ونصف
وقفوا علشان يبغون يركبون
ثامر:ابغى قارب صغير
الرجال اللي يشتغل: للأسف القوارب بس بالنهار دحين في سفينة كبيرة راح تمشي حابين تركبون فيها ولا تيجوا بكرة
(( طبعا ً جداوي الرجال ))
ثامرالتفت لريم: وشرايك نركب
ريم: دامنا جينا خلنا نركب
ثامر: اووووك .. خلاص راح نركب .. حنا اثنين
الرجال: طيب يلا اركبوا
ثامر دفع له
ومسك الرجال علشان يساعده يركب
وهو مسك ريم وركبها
راحوا وجلسوا عند طرف السفينة
كان في كراسي جلسوا فيها
أكثر الناس معهم بزارين فجلسوا داخل السفينة خايفين عليهم
وناس قليل مرة راكبين برى
ثامر كان واقف وجنبه ريم ويطالعون بالبحر
حركت السفينة
ريم غمضت عيونها وقربت من ثامر: جاني هواء قوي
ثامر ضحك وضمها وهو ساكت
ريم ابتسمت ومافتحت عيونها
###################################
كانوا يمشون سوا
وحسام شاف واحد من أصدقائه: عادي تروحون لحالكم ولا تخافون
رنيم: لا عادي شدعوة
حسام: اوووك أجل انا بروح شفت كم واحد اعرفهم وبروح لهم
ديما: اجل انا ورنيم بنروح نتمشى راح أوريها اماكن حلوة
حسام: طيب .. يلا باااااي وخلوا جوالاتكم مفتوحة
رنيم: طيب
وهو راح
وهم مشوا
ديما: ريم الحمارة راحت مع ثامر وخلتنا
رنيم: خليها ياحياتي لما جيتوا ماجلست معه إلا شوي
ديما: ههههههه طيب نخليها وش ورانا
رنيم: إيه ترى بعد أسبوعين عيد ميلادها
ديما: نصابة
رنيم: إلا من جد
ديما: وناسة
رنيم: تخيلي مو عارفين إيش نسوي لها .. هي دايم اللي تفكر لما نكون نبغى نسوي كل شي
ديما: يعني ماقد سويتي لها
رنيم: إلا دايم نسوي ... بس تكون تدري .. هي حمارة وملقووفة
ديما: عارفتها مايحتاج تعلميني
رنيم: يلا فكري إيش نسوي لها
وجلسوا يمشون وهم يفكرون إيش يسوون لها
########################################
السفينة تمشي وهم جلسوا جنب بعض وساكتين
كانت مشغلة موسيقى مرة هادية وحلوة
أغلب الناس نزلوا وبقى ناس قليل
رجعت تمشي من جديد
وكان مرة هدوء
اهتزت السفينة فجأة
ريم صرخت ومسكت تيشيرت ثامر: يمة
ثامر ضحك: إيش فيك ماصار شي .. ماقد ركبتي سفينة
ريم: نادر اركب مرة اخاف
ثامر: ليه .. احس غريبة .. بما اني أول مرة شفتك بالبحر احسك مرة تحبينه
ريم بهدوء غريب: لأنه الوحيد اللي أرمي فيه همومي ولا يزهق مني .. ولا يمكن أضايقه
ثامر بإستغراب: كيف يعني مافهمت عليك .. يعني ماقد اشتكيتي لاحد
ريم: بعض الاحيان بس .. ودايم لرنيم .. بس نادر يعني .. لأني مااحب أضايق احد وأخليه يتضايق علشاني
ثامر: حتى لو كنت أنا
ريم: إيه
ثامر أستغرب اكثر من جوابها: يعني لا يمكن يجي يوم تشكين لي
ريم: يمكن بس هذا اليوم مرة بعيد .. قلت لك ماأحب أضايق أحد بسببي
ثامر: طيب قولي لي كل شي مضايقك .. ارمي همومك كلها عندي
ريم بدون قصد: عندك اللي تكفيك
ثامر زعل من كلمتها .. لانه فهم من معناها انه عنده هموم كثيرة مو قادر عليها كيف يقدر يستحمل همومها
ريم: مو قصدي شي .. بس يعني انت عندك أشياء تضايقك كثيرة .. ماودي اضايقك اكثر
ثامر: طيب خلينا نقول كل شي لبعض .. نشارك هموم بعض .. أبدأي انتي اول
ريم: إيش أقول بالضبط
ثامر بتفكير: اممممم .. قولي لي ليش تخافين تركبين السفن مع اني احسك تحبين تجربين كل شي
ريم ضحكت على نفسها بإستخفاف: ومافي شي متعبني اكثر من حبي للتجربة .. او للقافة بالأصح
ثامر: طيب يلا قولي
ريم سكتت وهي كانت طول الوقت تتكلم بدون ماتطالع فيه ماتحب احد يشوف الإنكسار بعيونها
رجعت فيها الذاكرة لمدة مو طويلة مرة
(( ريم قبل سنتين أو ثلاث سنوات كانوا رايحين سياحة لأحد الجزر
كان كل التنقل فيها عن طريق السفن
كانت تمشي على السفينة وهي تحاول تستكشف كل شي في السفينة
كانت عبارة عن يخت كبير مررررررة
كانوا راح يروحون جزيرة ثانية
وراح يكون المدة لين يوصلون لها هي يوم ونصف او يومين بالكثير
كان في ناس كثار والسفينة مليانة
كانوا ماخذين أكثر من غرفة في السفينة
لان معهم ونفس كل سفرة بيت عمها وخالتهم
ابو احمد وام احمد وعيالهم
كانوا لولو وسارة مع بعض بغرفتهم الصغيرة
وحسام كان مع خالد وانس ونواف معهم
وام حسام وام احمد
وأبو حسام وأبو احمد
بمطعم السفينة يتعشون
كان الوقت الليل والجو بارد شوي
بس لطيف
ريم كانت لابسة شورت قصير نصف الفخذ وتيشيرت كات وحاطة عليها جاكيت كبير حق حسام لانها بردانة
كانت تمشي ومبسوطة
صح مو مرة مبسوطة
لكنها تحب تشوف أشياء جديدة
سمعت أصوات صراخ بآخر السفينة
قربت وشافت اثنين شباب
دايم كانت تشوفهم بالجزيرة مع بعض وشكلهم أصدقاء مرة مع بعض
قربت زيادة وهي تسمع نقاشهم
كانوا سعوديين
الولد الاول (( حامد )): لا والله تبغى تفهمني انك تحبها يعني
الولد الثاني (( ضاري )): إيه احبها
حامد: بس هي تحبني انا
ضاري: روح عني بس .. هي تحبني انا .. ومتفق معها على الزواج
كانت واقفة مرأة وتطالعهم من بعيد وباين انها خايفة
وهي اجنبيه من شعرها الأشقر وبياضها
حامد: ضاري أهجد لو سمحت .. وانسى كاترين اوووك
ضاري: انت اللي ياليت تنساها لاني لي انا وبس
حامد عصب ومسك ضاري ولصقه بالحدايد اللي على طرف السفينة
ضاري حاول يبعده لكن مو قادر
بعدين بعده بقوه وقاموا يتضاربون
ضاري مسك حامد ولصقه بالحدايد وصار نصف جسمه طالع وشوي بيطيح بالبحر
حامد: بعد عني
ضاري: قلت لك انساها
حامد: لا يمكن انساها
ضاري عصب وقرب منه
وحامد حاول يبعده عنه
لكن بحركة مفاجأة بعده بقوة وهو طاح بالبحر
ريم فتحت عيونها
وضاري صرخ: حامد
ريم قاعدة تتنفس بقوة
قربت من الحدايد وشافت جسمه يطفو على سطح البحر
جسمها صار كله يرجف
ونزلت دموعها
من صرخة ضاري جاااووو اغلب اللي بالسفينة
ومن ضمنهم
حسام وانس وخالد ونواف
حسام اول مالمح ريم راح لها وسحبها وضمها ))
سكتت ونزلت دموعها
ثامر قلبه عوره معها حق تكره السفينة وأبو السفينة

__________________
iLove every one ...

التفت لها وانتبه لها تبكي
ثامر بخوف: وشفيك
ريم بإنهيار: أتذكر شكله كيف كان جسمه طافح على الموية وحتى لون تيشيرته أبيض وكان هو اللي باين
ثامر ضمها: اوووووش خلاص حدث وصار وانتهى .. والرجال راح لربه
ريم حاولت تسكت
تنهدت بضيق: خلاص خلنا نرجع
ثامر وقف: اووووك يلا
ووقفت السفينة ونزلوا
اتصلوا على حسام ورنيم
واجتمعوا كلهم
سلموا على ثامر وديما وراحوا
بكرة الصباح راح يرجعون الشرقية
راحوا البيت وناموا
###########################################
مرت أيام العيد الحلوة
وجات أيام التعب
والجد
والاجتهاد
اليوم اول يوم مدرسة
تقريبا ً كل عيال العائلة بالجامعة الحين ما عدا كم واحد
وافنان الوحيدة من البنات اللي بالجامعة
#############################################
قامت من النوم ولبست مريولها ونزلت تحت انسدحت على الكنب وكملت نومتها
جات امها تصحيها: رنيم رنيم يلا الساعة 7
نزلت رزان: رنيم يلا اتأخرنا .. لا تنسين ورانا ريم ولولو وسارة
رنيم قامت: خلاص صحيت
ام فراس: فطرتوا
رنيم: كاتلينا جابت لي فطور الغرفة
رزان: وحتى انا
ام فراس: اووووك يلا باااااي
رزان رنيم: باااي
وطلعوا وركبوا السيارة
وتوجهوا لعند ريم وسارة ولولو علشان يروحون معهم المدرسة
بعد ربع ساعة وصلوا لهم
رزان: انزلي لهم بسرعة
رنيم: مالي خلق
رزان: خلصني انزلي
رنيم فتحت الباب ونزلت وهي تتأفف
رنت الجرس وفتحت الخدامة ودخلت
ركضت داخل شافت ريم واقفة وتلبس شوزها
رنيم: يلا تأخرنا
لولو: يلا جايين .. انتوا اللي تأخرتوا
سارة وقفت: من جد مرة تأخرتوا .. يلا بس خلونا نطلع
ريم: دقيقة مو لاقية شوزي الثاني
لولو: هذي حالتك دايم
رنيم: إيه صح غريبة ريم رايحة المدرسة السبت بداية دوام
لولو: توني قايلة لها هههههه
ريم: كيفي والله اروح ماأروح مالكم دخل .. ثامر قال لي أروح
سارة: مالت بس يلا خلونا نطلع
ريم لقت شوزها مرمي في الجهة الثانية
ومسكته وطلعت وهي لابسة واحد بس
ركبوا
كلهم السيارة
رزان: سنة
ريم دخلت بسرعة ولبست شوزها
رنيم: خلاص جينا لا تصارخين
ركبوا كلهم وتوجهوا للمدرسة
ولما وصلوا
ريم ورنيم نزلوا قسم متوسط
ورزان ولولو وسارة قسم ثانوي
والسايق رجع للبيت
######################################
جالسة على كرسي طاولة الطعام تنتظرهم يجون
طالعت قبالها مكان وليد ومرة عورها قلبها
تتذكر وهي تصارخ عليه وتقوله أخرتنا
تتذكر وهو يجننها ويقول لها يالدبة لا عاد تفطرين
فاقدته مرة
البيت خلى من دونه
تجمعت الدموع في عيونها وهي تحس شي وانفقد من قلبها
سمعت صوتهم ينزلون
بسرعة اخذت من الأكل وحطته بصحنها قصصته بالسكين يعنني اكلت
أفنان: هااااي أبرار صايحة بدري اليوم
أبرار: إيه نايمة أمس بدري
أسماء: فطرتي
أبرار بكذب: إيه
أفنان: مرة متحمسة للجامعة وبنفس الوقت خايفة
أسماء: خايفة من إيش بالضبط
أفنان: مدري .. بس الكل يقول الجامعة مجتمع غير عن كل المراحل الدراسية .. عالم ثاني
أبرار: لا تحكمين إلا لما تجربينها
أفنان: إيه من جد .. صح كلامك
أبرار وقفت: يلا بسرعة أفطروا علشان مانتأخر
أسماء: شوي شوي علينا
أبرار قامت وراحت لبست عبايتها وشنطتها وجلست على الكنبة
رن التيلفون وبسرعة ردت
أبرار بدون نفس: ألو
: الو .. وليش بدون نفس طيب
أبرار بردة فعل سريعة وقفت: وليد
وليد: إيه وليد .. كيفكم
أبرار: تمام انت كيفك .. لك ثلاث أيام ماكلمتني وانت تقول بتكلمني في اليوم أكثر من مرة يانصاب
وليد: عندي إختبارات .. انتوا الحين ليش مارحتوا المدرسة
أبرار: ألحين راح نروح
أفنان وأسماء أشروا لها تسلم عليه
أبرار: فنو وأسوم يسلمون عليك
وليد: بوسيهم لي
أبرار: وانا مالي بوسة
وليد: لك مليون بوسة مو وحدة بعد .. إيش مسوين بعد
أبرار: ماشي الحال .. إيش أحلى المدرسة الداخلية ولا هنا مدارسنا
وليد بكذب: لا أكيد المدرسة الداخلية .. وبكندا بعد إيش احلى من كذا
أبرار: هههههه انبسط .. المهم تاخرت على المدرسة .. يلا باااااي
وليد: بااااي
وسكروا
وبعدين طلعوا وراحوا مدارسهم
#################################################
صحى ولبس جينز وتيشيرت
ولبس كاب
تعطر واخذ نظارته الشمسية وطلع
جلس على طاولة الطعام وأكل
ماكان في احد صاحي كلهم نايمين
انفتح الباب وطلعت من غرفتها وهي لابسة روب نوم: صحيت اختك على الأقل
: مو انتي قلتي لا تدخل غرفتها .. هي بنت وعيب مايصلح
عبير: جاهز للرد بس .. هذا انت
راحت ودخلت غرفة ديما
عبير: ديما ديما يلا أصحي
ديما تحركت: شوي ماما
عبير: يلا الساعة سبعة إلا ربع .. متى يمدي تلبسين وتخلصين
ديما قامت: خلاص صحيت
عبير: يلا بسرعة
وطلعت من الغرفة
شافت ثامر جالس على الكنبة ومتسند براحة
عبير: أشوفك مارحت .. مو اليوم اول يوم بالجامعة
ثامر بدون مايطالع فيها: جالس انتظر ديما .. راح اوصلها اليوم
عبير رفعت حواجبها: والله زين فكرت فيها
ثامر خلاص مرة متنرفز منها على هالصباح: هي دوم على بالي ماعمري نسيتها
عبير: جد .. والله توني دريت
ثامر وقف والتفت لها وتوه راح يصرخ عليها خلاص تعب منها
لكن طلعت ديما وهي مبتسمة
ثامر بسرعة أبتسم لها: اخرتيني يلا بسرعة
ديما جات عنده: سوري نسيت ان اليوم اول يوم لك بالجامعة
ثامر: هذا انتي ذكرتي .. يلا بسرعة
عبير: افطري أول
ثامر: انا راح أشتري لها كوفي بالطريق .. عارف انها تحب تشربه لما تكون متحمسة بالصباح
ديما: مافي غير اخوي حبيبي يفهمني
ثامر: اوووك طيب يلا عاااد عطيتك وجه اخرتيني كثير
ديما ضحكت: اوووك يلا .. باست امها .. يلا باااي ماما
ثامر حاوط كتفها بإيده وطلع معها
ركبوا السيارة
بعدين اشترى لها كوفي بعدين وصلها المدرسة
وهو راح للجامعة
###################################################
جالسة بالحديقة ولابسة عبايتها وشنطتها
حاطة الحجاب على كتفها
وجالسة تتأفف لها ربع ساعة تنتظرهم
سمعت صوت احد يمشي جاي عندها
: سنة انتي معها .. لو اني رايحة مع رتال احسن لي .. ربع ساعة انتظر .. شغالة عند ابوكم
: وشفيها جوريتي الحلوة زعلانة
جوري التفتت عليه: خواتك الحمير سنة انتظرهم
محمد: الحين راح ينزلون
جوري: حمير
محمد: احمدي ربك تاخروا ولا كان رحتي ولا شفتيني .. ولا انا حتى شفتك
جوري ابتسمت: من جد .. هذا أحسن شي .. لو أنت مو أخو شوق وغادة كان ماجلست معهم
طلعوا شوق وغادة
شوق: طيب ياجورة ياحمارة .. لو محمد مو اخونا كان ماعرفتينا
جات تركض عندها
جوري على طول وقفت وراحت ورى محمد
غادة: شوق إيه عليها
محمد: شوق اعقلي وابعدي عن البنت
شوق: طيب عاادي ابعد عنها ألحين استلمها بالمدرسة .. سهلة يابابا
جوري بسرعة تحجبت وتغطت: محمد يلا خلنا نطلع
وطلعت معه وركبوا السيارة
وبعدين طلعوا شوق وغادة وركبوا
جوري: اقولكم شي فاتكم ويضحك
غادة: تفضلي قولي
جوري تضحك ومو قادرة تمسك نفسها
محمد: قولي ضحكينا معك
شوق: لا تحاولين تضحكيني وتخليني انسى .. لاني راح أأدبك بالمدرسة
جوري: حلمي ياماما .. نسيتي أن ثانوي بقسم وحنا بقسم
شوق سكتت وهي تذكر: إيه والله من تواضعي نسيت ان انتوا توكم بزارين وانا وغادة كبرنا وصرنا بثانوي .. ياغبائي .. قصدي ياتواضعي
محمد فطس ضحك: راحت عليك بالمدرسة بينكم جدارن .. وبالبيت بينكم انا احميها
شوق: بس لا تخاف راح أضربها اليوم راح اضربها
جوري: نشوف
غادة: مو مصدقة اننا راح نروح ثانوي
شوق: في هذي معك حق
جوري: قصدكم مو مصدقين انكم كبرتوا حاسين نفسكم بزارين
شوق: قلت لك لأننا متواضعين
محمد: واضح
غادة: وش دخلك انت
جوري: انا دخلته .. وطلعت لها لسانها ..
السايق: وصل مدرسة
محمد: روح اللفة الثانية عند باب ثانوي
السايق: اوووك
ومشى وراح عند اللفة الثانية
وقف عند البوابة
وفتح الحبات للأبواب كلهم
شوق نزلت وراحت من الجهة الثانية اللي فيها جوري بدون مااحد ينتبه
وغادة وقفت تضحك
شوق فتحت الباب وضربت جوري: قلت ياحلوة راح أضربك يعني راح أضربك
جوري ارتاعت: حمارة
شوق سكرت الباب بقوة وهي تضحك
ودخلوا المدرسة هي وغادة
جوري: الله يياخذ بليس بغى يوقف قلبي
محمد: بسم الله عليك .. ولا تزعلين أعلقها بالمروحة إذا تبغين
جوري: لا أنا راح أضربها لما نرجع
وقف السايق عند بوابة المتوسط
وجوري فتحت الباب: باااااي
محمد ارسل لها بوسة بالهواء: بااااي
جوري ضحكت ونزلت وسكرت الباب
ودخلت المدرسة
وهو مشى وتوجه لمدرسته
##############################################
طلعوا وركبوا السيارة
توجهوا لمدارسهم
وقفوا عند باب مدرسته
وهو سرحان ولا انتبه
لينا: فيصل يلا انزل
فيصل: هااا .. طيب
وفتح الباب ونزل
تذكر لما كان هو ووليد بعض الأحيان يجون مع بعض
دخل المدرسة
وهو يتذكر هنا ضحك معه
هنا تهاوش معه
هنا ذاكر معه
مهما زعلوا من بعض
أو تركوا بعض
وكل واحد بعد عن ثاني
لا يمكن ينسون بعض
جمعتهم أيام حلوة كثير
من كانوا صغار وهم سوا
لا يمكن ينسون الأيام اللي رحات بسهولة
دخل فصله وهو ساكت
اول مرة بالمدرسة مايكون (( وليد )) موجود
........................................................
اما البنات لينا , لما , لمار
كل وحدة راحت مدرستها
ورجع السايق مرة ثانية البيت علشان يوصل ام فيصل المؤسسة
################################################
واقفة قدام التسريحة
تزين شعرها علشان تروح الجامعة
انتبهت له نايم بعمق القبعة اللي دايم يلبسها كانت طايحة
مرة مستغربة ومو معقول يكون دايم يحلقه
لها شهر وزيادة وهي تشوفه مافيه شعر
مرة مستغربة
بس ماتبغى تفكر زيادة
او بالأصح ماتبغى تفكر بأشياء خايفة منها وخايفة انها تصير
لبست حلقها
والتفتت عليه
: سامي سوسو يلا مو أنت قلت راح توصلني
سامي تحرك: خلصتي لبستي
هيله: إيه خلصت .. يلا قوم
سامي وقف وهو يتمدد انتبه لراسه بسرعة اخذ القبعة ولبسها على راسه
وراح دورة المياه
هيله خلت نفسها مو مهتمة ولا انتبهت على حركته
بعد كم دقيقة طلع ولبس بسرعة
سامي: يلا نطلع
هيله: يلا
نزلوا تحت
لبست عبايتها وتحجبت ورمت الغطاء على وجهها
وطلعت وراه
هيله: مو مصدقة واخيرا ً آخر سنة .. مرة تعبت
سامي: أنتي احمدي ربك انك دارسة هنا .. برى الدراسة مرة صعبة .. لازم تبحثين عن كل . تكونين عارفة كل شي .. يعني إذا سألوك سؤال ولا جاوبتي ياويلك
هيله: وهذا وأنا اللي كنت مفكرة ادرس برى .. بس كويس مادرست
سامي: احمدي ربك اجل
سكتوا شوي
هيله بتردد: سوسو
سامي خاف من نبرتها: عيونه
هيله: بليز إذا في سر عندك لا تخبيه علي .. اوووووك
سامي تنهد: اووووك
هيله ماتقدر تقول أنها ارتاحت .. لكن تحس ان إذا كان في شي كان قال لها ألحين .. بعدت كل الأفكار من راسها وابتسمت
سامي: يلا ياحلوة وصلتي
هيله: ماودي انزل
سامي ضحك: انزل معك
هيله: ههههههه ياليت
سامي: أقول يلا بس انزلي
هيله ضحكت ونزلت
أشرت له باااي ودخلت الجامعة
ابتسم وهو يشوفها ومشى
قلبه يعوره كثير .. حاس أن اليوم اللي راح تعرف فيه هيله عن اللي مخبيه قريب مرة
تمنى أنه يموت وماتعرف
مايبغى يشوفها تبكي
يبغى يشوفها طول الوقت تضحك وتضحكه
جلس يتمشى مايبغى يدخل البيت
مايحب يجلس فيه لحاله
###########################################################
امها جالسة على كرسي التسريحة تحط ميك أب
وهي جالسة على التسريحة وتشوفها
سمر: ماما أبغى احط
ام أحمد: لا ياماما مايصلح
سمر: ليش .. هذا ثارة تحط
ام احمد: سارة كبيرة
سمر: وأنا كبيرة .. طيب متى راح أروح اولى ابتدائي أبغى أصير كبيرة .. طفثت من الروضة
أم احمد: ألحين أنتي بالتمهيدي لما تتخرجين وتخلصين .. تروحين السنة الجاية أولى
سمر: الله .. أصير كبيرة يعني
ام أحمد ابتسمت: إيه
سمر: واحط زيك ميك أب
ام احمد: لا انا قلت إذا صرتي كبيرة مثل سارة .. انت حلوة مولازم تحطين
سمر بطفولة: يعني أنتي وثارة مو حلوين
أم أحمد ضحكت: إيه مو حلوين .. بس أنتي حلوة
سمر: اجل خلاص حتى إذا كبرت ماراح احط .. لأني حلوة
ام احمد: إيه شاطرة
وقفت
وشالتها ونزلتها من على التسريحة
سمر ركضت برى ونزلت تحت
وأم احمد طلعت وسكرت باب الغرفة
نزلت تحت عند سمر
سمر: يلا ماما بسرعة .. أبغى أثوف الروضة الجديدة
ام احمد: طيب حتى انا ابغى أشوف مدرستي الجديدة
سمر: طيب مدرثيك زي لما كنا بجدة مع روضتي
ام أحمد: إيه
سمر: طيب بثرعة علشان مانتأخر
ام احمد: يلا اطلعي
سمر لبست شنطتها
وام أحمد لبست عبايتها
وطلعوا
############################################
جالسين في الصالة
وينتظرون سجى تنزل
ندى: حمد خلنا نطلع بس .. الاخت شكلها مطولة
حمد: خلينا ننتظر شوي
ندى: ننتظر ونشوف
مرت خمس دقايق
ونزلت سجى وتمشي بشويش على الدرج
ندى صرخت: ياشين برودك خلصينا بسرعة امشي
سجى ببرود: تونا بدري .. وبعدين أبغى أفطر قبل ماأروح
ندى: لا ياماما .. اقول الساعة سبعة وربع
سجى: عااادي لسة بدري
حمد: سجى قدامي على السيارة
سجى: قلت لك بفطر قبل
ندى: وحنا قلنا يلا بنروح
سجى مااهتمت وراحت لطاولة الطعام وجلست تاكل
ندى عصبت وقامت لبست شنطتها
وراحت لها وسحبتها من شعرها
سجى: آااااااااااااي
ندى: بسرعة قدامي
سجى: طيب اتركي شعري
حمد: ههههههههههههه ماتنفع معك إلا العين الحمراء
سجى: معليش أوريكم
طلعوا كلهم وركبوا السيارة
سجى مسكت شعرها: الله ياخذ بليسك عورتيني
ندى: أحسن
سجى زينت شعرها: حمارة
ووصلهم مدرستهم
وراح للجامعة
#################################################
جاء الظهر والكل رجع بيته
الكل رجع من الدوام
كان اليوم مرة صعب
لهم ثلاث شهور إجازة
نسوا النظام وأهله
نسوا كل شي
وألحين رجعوا له من جديد
بعد كذا مرت كل الأيام عادية
مافيها أي مواقف تذكر
كل يوم يروحون المدرسة ويرجعون
مروا أسبوعين كاملين
وجاء يوم الأربعاء
#############################################
كانت جالسة بغرفتها
منسدحة على السرير
بكرة عيد ميلادها
مو مهتمة له كثير
سوت حفلة او ماسوت
تحس أنها انبسطت كثير بهذي الإجازة
ومايحتاج تسوي حفلة اوشي
ابتسمت وهي تتذكر كل شي صار لها من بداية الإجازة إلا نهايتها
عرفت ان ثامر يحبها
واكتشفت انها تحبه بعد
كل البنات لقوا اللي يحبونه
وهي اللي ساعدتهم بدون مايدرون
كانت تسهر بالليل وتكلم ثامر
لما يجي تستهبل معه
ومع الكل
كانت تنسى كل الهموم والاشياء اللي مو كويسة
بس تحاول انها تنبسط
وهذا الشي اللي كان دايم ثامر يقول لها إياه
(( أنبسطي بالوقت اللي مفروض تكونين فيه مبسوطة .. علشان لما يجي وقت الزعل تكونين اكتفيتي بأوقات كثير حلوة ))
ابتسمت اكثر وهي تتذكر اليوم اللي جلست تحكي فيه لثامر كل شي عنها وكل شي شافته بحياتها
وكل شي ممكن يزعلها
وكل شي يفرحها
وهو نفس الشي حكى لها عن كل شي
حكى لها عن مضايقات عبير له
وعن أبوه اللي دايم يظلمه بسبب عبير
وهي قالت له وبكل صراحة
انها سمعت عبير وهي تصارخ
ولما ردت على جواله وصرخت عليها
صحت من أفكارها لما انفتح الباب
و دخلت الغرفة رنيم
رنيم بحماس: ريم ريم
ريم جلست: نعم
رنيم: بكرة راح نروح جدة
ريم: ليه إيش السبب
رنيم: مالت عليك بس .. وأنا كنت متحمسة لك .. قلت راح تنبسطين لأنك راح تشوفين ثامر
ريم: توني شايفته قبل ثلاث أسابيع
رنيم: يعني أفهم أنك ماراح تروحين
ريم بسرعة: إلا
رنيم ابتسمت: كويس
ريم: ابغى أفهم انتي ليش محمسة لهذي الدرجة
قبل ماترد رنيم
انفتح الباب
لولو: هااااا راح تروح ولا
سارة: ريم راح تروحين صح
ريم: يوووووه على حماسكم الزايد بس
لولو: كل هذا علشانك

__________________
iLove every one ...

سارة: العيال كانوا راح يروحون لحالهم قلنا نروح معهم .. وأنتي اكيد اكثر وحدة راح تنبسطين
ريم بعدم إقتناع: اهااا .. المهم متى بتروحون
رنيم: بكرة .. وكل البنات على فكرة راح يروحون
ريم: مين كل البنات الضبط
لولو: بنات الرياض .. وبنات الشرقية كلهم
سارة: وجوري واللي معها كلهم
ريم: اهااا .. ومتى ناوين تروجعون
رنيم: نروح بكرة ونرجع يوم الجمعة
ريم: اهااا .. كويس ان لكل استفسار عندي .. عندكم له إجابة
سارة: كويس
جلسوا معها ويسولفون
##############################################
تروش بسرعة
وطلع من دورة المياه
ولبس على السريع
وطلع
وقف عند محل وابتسم وهو بالسيارة
نزل للمحل
: أبغاااك تسوي لي كيك كبير
طلب اللي يبغاه وطلع من المحل
راح للمكان اللي حجزه
نزل من السيارة وتوجه له
ابتسم وهو يشوفه مرتب
زي مابغاه
لف فيه لفه وتطمن على كل شي
وطلع
رجع البيت وهو مرتاح نفسيا ً
منتظر بكرة بس
###############################################
البنات كلهم اتصلوا على بعض واتفقوا متى يمشون بكرة
رنيم نامت عند ريم
وسارة كالعادة نامت عند لولو
جاء الصباح وقاموا كلهم
إلا ريم نايمة
لولو فتحت الباب بشويش ودخلت
رنيم: اووووووش لا تقوم
لولو: إيش قاعدة تسوين
رنيم: أبغى احط لها فستان حلو
لولو: حطي الفستان اللي قال عليه ثامر
رنيم: أي واحد ماعرفته تعالي طلعيه
دخلت لولو الغرفة
وحاست بالدولاب لين تعبت ومالقت الفستان
رنيم: هااا لقيتيه
لولو: لااا
رنيم: يوووه .. وين حاطته
لولو: اخاف عندك البيت
رنيم: لا أنا ماعندي لرنيم إلا فساتين اللي نشتريها مع بعض وتيشرتات وجينز أكثر من واحد وبس
لولو: اجل وينه
رنيم بتفكير: ايه صح
قامت بسرعة وراحت عند الدولاب الصغير اللي ريم دايم تحط فيه الأشياء اللي تحبها
فتحته وابتسمت
رنيم: هاا شوفيه وأول واحد بعد
لولو: ههههههههههه يلا حطيه
رنيم: الطيارة متى
لولو: بالليل
رنيم: والبنات متى راح يوصلون
لولو: توهم ماشين .. وألحين الساعة 10 يعني يوصلون الساعة وحدة بالكثير يوصلون
رنيم: كويس
طلعت لولو
ورنيم جلست ترتب شنطتهاا الصغيرة هي وريم
###################################################
راكبين بالسيارة كلهم مع حمد
فيصل قدام جنب حمد
والبنات ورى
أفنان وأسماء ولينا وسجى
وندى ولما ولمار ومهند معهم
أفنان: ألحين إيش السالفة ترى ماأدري
لينا: بعدين تعرفين
سجى: مسوين شي حلو .. بعدين تشوفينه
أفنان: انا شاكة بشي بس مو متأكدة
لما: تعالي قولي لي في أذني
أفنان قربت وقالت لها
لما ضحكت: إيه صح
أبرار: صح مرة حماس
أفنان: من جد
سجى: آاااااااه بس عقبال أسامة مايسوي لي كذا
حمد: أعقلي
سجى: انت آخر واحد تتكلم .. راح تشوف ديما هناك
حمد: وأنتي .. تخيلي من رمضان ماشفتها
أسماء: هههههه ياعيني على الحب انا
ندى: والله اخواني قليلين أدب
مهند: انا مو قليل ادب .. درر وجنى هم يحبوني
كلهم ضحكوا
فيصل: وأنت مين تحب
مهند: ثنتينهم
ندى: اخوي يرضي الطرفين
أفنان: طيب مين راح تتزوج إذا كبرت
مهند: ثنتينهم
لمار: والله انهم راح يطلعون لك قرون .. وتقول ماقالت لمار
سجى: اقولك أتزوج سمر احسن لك
مهند كشر: لا بزرة
أبرار: ياماما يالكبير
مهند: إيه أنا كبير بخامس
سجى: يجي يوم وتكبر
مهند: لا خلاص قررت راح اتزوج درر .. ولا أقول جنى
حمد: هههههههههه لا خلك على رايك الأول الثنتين .. علشان إذا زعلت وحدة تروح للثانية .. ماتفقد الدلع أبدا ً
لما: انتظر راح اعلم ديما
حمد: انا مو قاعد اتكلم عن نفسي .. أنصح مهند بس
أبرار: علينا هااا
ومشوا طول الطريق وهم يضحكون ويتهزؤن على بعض
#####################################################
جا الليل
و مشوا كلهم المطار
ركبوا
وبعد ساعه الا ربع
وصلوا لجدة ((طبعا اللي كانوا رايحين بس العيال و البنات ))
كانت الساعه 8 بالليل
نزلت الطيارة بارض جدة
توجهوا كلهم لبيت ابو حسام
######################################################
البنات كلهم اخذوا ريم ودخلوا الغرفة
ريم: وشفيكم
شوق: ديما اتصلت وقالت انهم مسوين عزيمة كبيرة وتبغانا نجي
ريم: مالي خلق فيني النوم
كلهم صرخوا: لاااااااااااا
ريم ارتاعت: شفيكم
رنيم: لازم نروح حرام
لينا: من جد حرام ... هي ترجتنا
ريم: طيب يلا خلونا نلبس .. رنيم جبتي لبس زين
رنيم بسرعة: إيه جبت لي انا معك فساتين
ريم: كويس
قاموا كل البنات
ولبسوا وتزينوا
(( ريم لبست فستان فوشيا قصير فوق الركبة ومن عند الخصر مزموم وفيه فيونكة صغيرة نفس اللون وهو نصف كم ومرة ناعم وحلو ))
البنات كلهم خلصوا والتفتوا لريم اللي جالسة على السرير ومو مسوية أي شي بشعرها تاركته مفتوح
ومو حاطة ولا شي بوجهها
أفنان: ريم قومي زيني شعرك
ريم: كذا زين
سجى: طيب حطي أي شي .. على الأقل ميك أب خفيف
ريم قامت وحطت قلوس وردي ورجعت جلست
جوري: خلاص لاتحط شي زيادة كذا شكلها حلو
انفتح الباب
نواف: يلا بنطلع
أسامة: ترى الساعة 9 تأخرنا
سارة: اووووك يلا جايين
ريم: حتى هم راح يروحون
لما: إيه العزيمة كبيرة للرجال والحريم
ريم: اهاااا
أبرار: يلا بس خلونا نطلع
لبسوا عباياتهم وطلعوا
كان المكان بعيد
ريم نامت بالسيارة
وكلهم ارتاحوا انها نامت
واستغربوا انها ماسألت كثير
###########################################
كان واقف ومرتبك: يلا راح تجي
حطوا كل شي ورتبوه نفس مايبغى وطلعوا
ابتسم براحة لما شاف المكان
وكل شي فيه مرتب
رن جواله ورد: الو .. وصلتوا ... اوووك .. يلا اركبوا بس .. انا موجود داخل .. وحتى ديما .. مع السلامة
سكر منه
ورجع ابتسم وهو يتخيل شكلها اكيد راح تتفاجئ
#############################################
بعد نصف ساعة وصلوا
رزان: ريم ريم يلا وصلنا
ريم فتحت عيونها: وين .. هذا مو بيتهم
رنيم: لا هم مسوينها بيخت
ريم: اوووك يلا خلونا ننزل
نزلوا كلهم
وركبوا اليخت الكبير
كان من برى كله مزين ببالونات وردية وبيضاء
ريم: وشذا العزيمة .. حاطين فيها بالونات
لما: ادخلي بس
ندى: خلونا نفصخ عباياتنا هنا
أسماء: إيه من جد
فصخوا كلهم إلا ريم
لولو: ريم افصخي
ريم: لا لما ادخل داخل .. لبسي قصير وهنا عند البحر في هواء بارد
لولو: اوووك براحتك
وقفوا كلهم قدام باب خشبي كبير
رنيم: عادي توقفين هنا بندخل حنا .. وأنا بشوف يمكن مايعجبك الوضع .. أعرفك ماتحبين الأشياء اللي فيها غباء
ريم: إيه من جد أدخلي شوفي .. وإن شاء الله مايعجبني أبغى أروح البيت انام
رنيم ابتسمت: اووووك
دخلوا كلهم ماعدا ريم
تسكر الباب وراهم
وريم التفتت على البحر
وعباياتها المفتوحة تتحرك
وشعرها يطير مع الهواء
انفتح الباب وراها
وكلهم صرخوا

happy birthday to you happy birthday to you
happy birthday happy birthday
happy birthday to reem
ريم التفتت وهم كملوا
ابتسمت من قلب
صح امس كانت تفكر
بس اليوم نست
ولا جاء على بالها أنها ممكن تحتفل فيه هذي السنة
النوم طار
كل شي طار
ماعاد بقى إلا الفرح
الوناسة
مو مصدقة اللي قاعدة تشوفه
كانوا اثنين لابسين مريلة وردية
وشايلين الكيك اللي مرة كبيرة
وثامر واقف بالوسط ومبتسم لها
كلهم كانوا يغنون بصوت عالي ويضحكون لها
من الفرحة نزلت دموعها
ثامر جاء عندها وبااسها مع خدها ومسح دموعها: إلا اليوم ماأبغاها تنزل
ريم ابتسمت: من الفرح بس
ثامر ابتسم لها
خلصوا الاغنية وصفقوا بقوة
قربوا طاولة الكيك عندها
وكان شكل الكيك مرة حلوة
كانت فيها صور ريم من كانت صغيرة إلى ألحين
والكيك مرة كبيرة
ريم: مين اللي مسوي كل هذا
البنات كلهم صرخوا: ثامــــــــــــــر
ريم ابتسمت له وضمته ونزلت دمعة من عينها
بعدها عنه ومسك إيدها
ودخلوا كلهم داخل
اشتغل الدي جي
ورقص الكل واستهبل
قصت ريم الكيك
وثامر اكلها
وهي أكلته غصبن عنه
وقاموا يرقصون وانبسطوا
جات الساعة 3
وطلعوا ثامر وريم برى
جلسوا في طرف اليخت
ريم تسندت على ثامر وتنهدت براحة
ثامر ابتسم حس انها مبسوطة
جلس معها مدة طويلة
العيال والبنات داخل
مازالوا يرقصون
ويستانسون
مرت كم ساعة
وطلع النور
طلعت ديما ومعها أسماء
شافوا ريم اللي حاطة راسها على صدر ثامر ومستسلمة للنوم
وثامر كان يطالع فيها كأنه يتأملها
ديما: نامت ياحياتي
أسماء: من أمس وهي تقول فيني النوم تعبانة .. حتى وحنا جايين نامت بالطريق
ثامر: اوووش قصروا صوتكم لا تقوم
طلعوا الكل البنات والعيال وكانوا يتكلمون بصوت عالي
ويضحكون
ماأمدى ثامر يسكتهم
إلا ريم صحت
ثامر: يبي لكم قتل
ريم: أنا من متى نايمة هنا
ديما: تقدرين تقولين من أمس الساعة 12
ريم: نصابة .. أصلا ً الساعة أربع كنت صاحية
ديما: اجل من الساعة أربع نايمة وألحين الساعة سبعة
ريم طالعت في ثامر وهي مرة مستحية منه
ثامر ابتسم لها
ريم: أقولكم شي
رنيم: قولي
ريم: صرت احب البحر
ثامر: جد ..؟؟!!
ريم: إيه .. وكل هذا بسببك
ثامر: كويس آاجل
ريم ضحكت: بس كيفك بتعبك بجي هنا كل أسبوع وبقولك ودني البحر
ثامر: إذا تبغين تعالي كل يوم وأنا أنومك فيه مو بس أوديك .. كم ريم عندي أنا
كلهم ضحكوا
بعدين جلسوا إلى الساعة 9
فطروا وسولفوا مع بعض شوي
وانبسطوا
وكل واحد رجع لبيته
ثامر وديما راحوا بيتهم
والباقين
توجهوا للمطار الظهر
ورجعوا للشرقية
وأهل الرياض راحوا بسيارتهم للرياض
####################################################
جاء يوم السبت
والكل راح المدرسة كالعادة
مرت من عند الغرفة
واستغربت غرفة بنتها مسكرة
العادة الكل لما يروح المدرسة يفتح الباب
علشان الخدم ينظفون
اليوم مانزلت شافتهم لانها امس كانت سهرانة
ولا قامت تصحيهم
الخدامة صحتهم
فتحت الباب ودخلت
: ريم ريم .. ماما ريم إيش فيك مارحتي المدرسة
ريم كحت بقوة
ام حسام أرتاعت وركضت لها: بسم الله وشفيك
ريم رايح صوتها: داخلني هواء بس
ام حسام: قومي نروح الدكتور بسرعة
ريم: ماما مالي خلق اتحرك لو سمحتي
ام حسام بخوف وقالت بامر: يلا قومي
ساعدتها تقوم
ودخلت ريم الحمام
أم حسام ركضت جابت عبايتها ورجعت
شافت ريم جالسة على السرير
وباين وجهها مرة أصفر
ام حسام: يلا حبيبتي قومي
وقفتها ونزلتها تحت
ام حسام صرخت: خواكا خواكا
جات خواكا تركض: نعم مدام
أم حسام: بسرعة قولي للسايق يطلع
خواكا: اووووك
وراحت ركض
ام حسام مسكت وجلستها على الكنب
وريم على طول انكمشت على نفسها تحس أنها مرة بردانة
أم حسام لبست عبايتها
ووقفت ريم
وطلعت معها
حتى من الخوف مالبستها عباية ولا شي
طلعوا بسرعة
وركبوا السيارة
وتوجهوا للمستشفى
دخلوا للطوارئ بسرعة
الدكتور جاء وكشف عليها
الدكتور: لا مافيها شي الحمدلله بس داخلها برد وفيها حرارة شوي
ام حسام: الحمدلله
الدكتور: بس الحين اخلي النيرس تعطيها مسكن وتقدر تروح البيت
ام حسام: اوووك
الدكتور اعطى ام حسام ورقة فيها الأدوية اللي تشتريها لريم
وطلع
وجات النيرس وعطتها المسكن
وبعد كذا طلعوا من المستشفى
راحوا عند احد الصيدليات
ام حسام: راجو خذ هذي الورقة وجيب هذي الأدوية بسرعة
أخذ الورقة
ونزل بسرعة
وبعد عشر دقايق رجع
وراحوا للبيت
دخلت ام حسام وهي ماسكة ريم: خواكا تعالي
جات خواكا: يس مدام
ام حسام: تعالي امسكي ريم حطيها بالغرفة اللي هنا تحت
خواكا: اوووك مدام
جات واخذت ريم وودتها هناك
أما أم حسام
فصخت عبايتها ورمتها على الكنبة
ورمت كيس الادوية
وراحت للمطبخ
عملت كاس عصير ليمون مع نعناع
وراحت لريم مع الأدوية
دخلت لها
ام حسام: ماما ريم قومي أشربي العصير
ريم: ماأبغى فيني النوم
ام حسام: أشربيه ونامي
ريم جلست وأخذت العصير وشربت نصه
وأم حسام عطتها الدواء ونامت
طبعا ً الادوية كانوا ثلاثة
كلهم شراب
لأن ريم ماتعرف تبلع الحبوب
طلعت ام حسام بعد مانامت ريم
#####################################################
بعد خمس شهور
ريم ورنيم
جالسين بالصالة
ومعهم سامي وهيلة
ريم: يعني نجيك
سامي: إيه تعالوا
رنيم: هيله أنتي أطبخي الغداء مانبغى الخدامة
هيله ضحكت: إن شاء الله
ريم: اجل نطلع من المدرسة ونجيكم على طول
سامي: إيه .. وشرايكم اجي امركم بعد
ريم: ياليت
رنيم بحماس: إيه تعال مرنا
سامي بتفكير: لا بكرة ماأقدر تعالوا انتوا مع السايق
ريم: يوووووه حسافة .. بس يلا المهم راح نشوفك
رنيم: ولا تنسين راح نتغدى بعد مو بس نشوفه
ريم: إيه
سامي: هيله راح تلبس الفستان اللي أنا أحبه
ريم: كيف شكله
سامي: بكرة تشوفينه
رنيم: طيب إيش لونه
سامي: بطيخي
ريم: نشوفه بكرة أجل
رنيم: متحمسة
سامي وقف ومسك هيله ومعه ووقفها: يلا أجل راح نروح .. نشوفكم بكرة
طلعوا برى وهم طلعوا معهم
رنيم: يلا بااااي
سامي وهيله: بااااي
سامي: تعالوا سلموا علي زي الناس
ريم: مو لازم بكرة راح نشوفك
هيله ضحكت: يلا اجل نشوفكم بكرة
سامي مشى بعدين رجع لهم
رنيم: إيش فيك
سامي فتح إيده: أشتهيت أضمكم
ركضوا له وضموه
ريم: وشذا الحب المفاجئ
رنيم: من جد
سامي بنبرة غريبة: من زمان أنا أحبكم .. ولدي اعتبروه أخوكم
رنيم: أصلا ً راح يصير ولدي مو اخوي وبس
ريم: من جد .. يعني سوري لو ماشفته إلا نادرا ً
سامي: طيب هو حلالكم لو تبغون ماأشوفه ماراح أشوفه أبدا ً
ريم: اووووك يلا باااي
سامي: طردة
رنيم: تقريبا ً .. يلا عاااد بااي
طلعوا هيله وسامي
ورنيم وريم راحوا فوق ركض
كانت الساعة 11
راحوا ناموا على طول
###########################################
منسدحين كل وحدة على كنبة
الأربع كلهم منسدحين
جوري: كنت ابغى ريم ورنيم يطلعون من المدرسة معنا ونروح نتغدى

__________________
iLove every one ...

شوق: طيب قولي لهم
جوري: يقولون راح يروحون عند سامي وهيله يتغدون
شوق: اها
غادة: طيب خلونا نروح حنا .. بعدين نروح معهم
رتال: إيه خلونا نروح .. وأقول لرزان ولولو وسارة
جوري: خلاص اجل نروح بكرة
شوق: ويوم الخميس نروح نطلع كلنا مرة طفش .. نطلع مع ريم ورنيم والباقي كلهم
غادة: إيه من جد
رتال: خلاص نقول لهم بكرة بالمدرسة .. اوووووك
كلهم: اووووك
#################################################
جالسة قدام التلفزيون
جالسة على الطاولة وتطالع برنامج مرة حلو
جات أفنان وجلست على الكنب: إيش جلسك فوق الطاولة .. تعالي اجلسي جنبي
أبرار: اوووووش قاعدة أسمع
أفنان ماتشوف منها: طيب وخري شوي خليني أشوف إيش قاعدة تسمعين
أبرار ماردت وتطالع بحماس
أفنان: أووف من عنادك ياأبرار .. خلصيني وخري
أبرار: روحي كلمي أنس اصرف لك
أفنان: توني مسكرة منه .. وخري
أبرار: روحي كلميه مرة ثانية
أفنان: ماتفهمين قلت ابعدي يلا
أبرار: ماأبغى
افنان ضربتها من ورى: راح أعطيك كف .. يلا قومي
أبرار خلص البرنامج وطبت على أفنان وجلست عليها
أفنان: وخري عني
أبرار: لااا .. علشان تعرفين تزعجيني مرة ثانية .. وعلشان ماتضربين
أفنان صرخت: بلا غباااء أبعدي
جات أسماء: وراكم تصاخون
أفنان: أختك الغبية هذي مو راضية تقوم عني
أبرار قرصتها
أفنان صرخت: آاااااااااااه .. الله ياخذ العدو .. يعور
أبرار: علشان ماتقولين عني غبية
أفنان: ماراح أقول مرة ثانية بس خلصيني قومي عني
أبرار: قولي لي أول .. سوري عمتي أبرار
أفنان: هههه حلمي ياماما أنا عمتك مو انتي
أبرار: أجل أنتي بعد حلمي أقوم
أفنان أشرت لأسماء
واسماء جات وسحبت أبرار وجلستها بالكنبة الثانية
وأفنان راحت عندها
وقاموا يدغدغونها
أبرار: هههههههههههههههه خلاص بعدوا ههههه بليز بعدوا ههههه مو قادرة ههههه بطني يعورني .. آااااه بطني وخروا عني هههههههههههههههه
أفنان: علشان تتأدبين مرة ثانية
أسماء: هههههههه تستاهلين
أبرار: خلاص توبة ههههههههه والله توبة ههههههههههههه
أفنان: قولي سوري عمتي افنان
أبرار: هههههههه سوري عمتي هههههههه افنان
أفنان واسماء بعدوا عنها
أبرار وقفت: قصدي سوري نعلتي أفنان
وركضت غرفتها فوق
أفنان: ههه الخوافة
أسماء: هههههههههههههههههه .. يوم الخميس صديقتي عاملة بارتي وعازمتنا كلنا إيش رايك نروح
افنان: إيه خلينا نروح طفش مرة
أسماء: اووووك بروح أقول لأبرار
أفنان: واضربيها عني الله يعافيك هههههه
أسماء: يوصل ههههه
وراحت فوق عند أبرار
وأفنان جلست على الكنبة
واخذت الريموت وتغير القنوات
################################################
جالسن بحديقة البيت كلهم
لينا: ماما في حديقة جديدة لسة فاتحينها خلينا نروح بكرة
أم فيصل: لا بكرة ماأقدر بعد بكرة يوم الخميس احسن
لما: لينا أي وحدة لايكون اللي مرينا عليها وحنا راجعين من المدرسة
لينا: إيه
لمار: وعععع مو حلوة
لما: إيه من جد
لينا: إلا حلوة والله .. بس انتوا مايعجبكم شي
فيصل: أنا ماراح أروح معكم
ابو فيصل: ليه ..؟؟!! وليد مو موجود مع مين راح تجلس
فيصل سكت شوي وهو يتذكر وليد: لا بس راح أروح مع واحد
ام فيصل: اووووك انت روح معه .. وحنا نروح مع خواتك
لما: لا ماما مانبغى نروح
لمار: إيه مانبغى
لينا: مو على كيفكم
أبو فيصل: نروح نشوف إذا كانت حلوة جلسنا .. ماعجبتنا رحنا مكان ثاني
لمار: يارب ماتعجبنا
لما: إيه يارب
لينا: انطموا بتعجبنا غصبن عنكم
وجلسوا يتهاوشون نفس العادة
#####################################################
طلعت من الغرفة ونزلت تحت ركض
ندى: شوي شوي لا تطيحين علينا
سجى: لقيت لنا طلعة يوم الخميس
ندى: وين
سجى: تو اتصلت علي أبرار تقول راح يروحون بارتي وأسماء قالت لها تقول لنا
ندى: لا مالي خلق أروح بارتي أبغى اتمشى
سجى: بلا سخافة خلينا نروح
ندى: كيفك روحي أنا ماأبغى
سجى: إلا راح تروحين غصبن عنك اووووووك
ندى: اوووووف منك لما تحنين .. خلاص راح أروح
سجى: واااااااااااااااو وأخيرا ً
وراحت فوق ركضت
واتصلت على أبرار وقالت لها أنهم راح يرحون
########################################################
جاء اليوم الثاني
يوم الأربعاء
رنيم وريم طلعوا من المدرسة
وركبوا السيارة
رزان ولولو وسارة راحوا مع جوري ورتال وشوق وغادة
وهم متوجهين لبيت سامي
ريم: متحمسة أروح هناك
رنيم: ملابسنا ورى بالكيس صح ..؟؟!!
ريم: إيه أنا قلت للخدامة تحطه بالصباح
رنيم: كويس
ريم: يلا وصلنا
وقفوا عند باب البيت
ونزلوا
السايق فتح الباب اللي بخلفية السيارة وطلع الكيس والشنط
رنيم: لااا الشنط ودهم البيت بس عطني الكيس
اعطاها الكيس ورجع الشنط السيارة
رنوا الجرس وفتحت الخدمة
ودخلوا
وهو مشى
اعطوا الخدامة الكيس
وركضوا داخل
رنيم: سوسو جينا
ريم: سوسو
وقفوا في نصف الصالة
وانتبهوا لهيله واقفة بفستانها البطيخي القصير
وبطنها المنتفخ
كانت بالشهر السابع
رنيم: هاااي هيله
ريم: وين سامي
هيله ماردت
راحوا عندها ووقفوا جنبها
رنيم بإستغراب: هيله وشفيك
ريم: سامي وينه
نفس الشي ماردت عليهم وقفوا قدامها
واستغربوا لما شافوها تبكي
رنيم بخوف: إيش فيك
ريم بسرعة: سامي فيه شي
هيله واخيرا ً تكلمت: راااح
رنيم وريم فتحوا عيونهم
رنيم: كيف راح
ريم: وين راح فيه
هيله صرخت: راح وتركني .. سامي ماااات
كلهم تجمدوا بمكانهم
وهم يسمعون هيله وهي تكمل
هيله وهي منهارة: تخيلوا طلع فيه سرطان وكان ياخذ أدوية كيماوية .. ولما قال انه راح يروح للعمرة .. ماراح .. لا راح يسوي عملية وطاح كل شعره .. حتى مافكر يقولي
رنيم بكت: يعني خلاص ماعاااد فيه سامي
ريم من الصدمة جلست على الكنبة وهي ساكتة مو قادرة تتكلم
رنيم مسكت هيله وجلستها وجلست جنبها: انتي كيف دريتي
هيله: توني راجعة من المستشفى .. اتصلوا علي وقالوا لي ورحت لهم بسرعة
رنيم تبكي بصوت عالي: كان حاس .. علشان كذا امس كان يقول كلام غريب .. ورجع علشان يضمنا
هيله: هو قال امس ماراح يشوف ولده
رنيم: وراح وتركه .. ولا راح يشوفه
هيله تبكي وهي مو مستوعبة الموضوع أصلا ً: كيف يروح ويتركني لحالي .. أجلس بالبيت لحالي .. كيف ماأقدر
رنيم تمسح دموعها وترجع تنزل: تركنا كلنا .. سامي راااح
هيله: لو تدرون بس قد إيش احبه .. ماأقدر اعيش بدونه
رنيم ضمتها: حتى أنا مرة احبه
ريم كانت ساكتة ومافي تعبير على وجهها غير الصدمة
أكثر ثنتين بالعايلة متعلقين فيه .. وهو بعد مرة متعلق فيهم
كان غايب خمس سنين علشان الدراسة .. ونادر يشوفونه بالاجازات بس
وألحين لما خلص وبيجلس معهم
ربي كتب انه يموت
رن التليفون
ولا احد منهم قام يرد
رن مرة
مرتين
ثلاث
هيله: قومي شوفي مين
رنيم قامت ورفعت السماعة وصوتها كان متغير فيه بحه من البكي: ألو
ام فراس بخوف: بسم الله وشفيك
رنيم: مافيني شي
أم فراس: اتصلت أشوف رحتوا عند سامي ولا لا
رنيم سكتت
ام فراس: وين سامي عطيني إياه
رنيم ماردت بس بكت من جديد
ام فراس بإستغراب: رنيم وراك ماتردين علي .. أقولك عطيني سامي
رنيم شهقت بالبكي وصوتها علا
أم فراس خافت: يمة بنتي .. وشفيك .. صاير شي
رنيم: تبغين سامي .. سامي راح وتركنا .. تركنا كلنا
أم فراس مو فاهمة عليها: راح وين راح فيه
رنيم: مااااااات
أم فراس سكتت شوي: هااااا .. ما ممم .. ماااا .. ماات
رنيم: إيه مات
أم فراس طاحت السماعة من إيدها
وانقطع الخط
رنيم سكرت السماعة وجلست على الكنب اللي جنب طاولة التليفون
جلسوا ساكتين
مافي غير صوت شهقاتهم
إلا ريم كانت ساكتة
############################################
طاحت السماعة
وجلست على الكنب
رزان التفتت لها: ماما إيش فيك
أم فراس: راح . راح أخوي حبيبي راااح .. إن لله وإن إليه لراجعون
رزان مافهمت على امها: ماما إيش جالسة تخربطين .. مين اللي راح ومدري إيش
أم فراس وهي تبكي: سامي أخوي توفى
رزان سكتت وحطت إيدها على فمها: هاااا
أم فراس: الله يرحمك .. ياجعلني أشوفك بالجنة .. توك ماتهنيت بشبابك .. بس الله يعوضك بالجنة
رزان إلى ألحين مصدومة نزلت دموعها وجلست جنب امها: يمة سامي مات .. تعرفين يعني إيش ماات
أم فراس: قولي الله يرحمه
رزان: ماما ولده صار يتيم
ام فراس: ربي يعوضه بأمه
رزان قاعدة تتخيل شكل هيله بس .. هي مرة متعلقة فيه .. أكيد ألحين هي منهارة
أم فراس تبكي من قلب مهما كااان هذا اخوها الصغير
رزان: ماما قومي نروح عند هيله ورنيم وريم
ام فراس: إيه يلا .. البنت حامل ولازم نروح لها
رزان وقفت :يلا بروح أجيب عبايتي وعبايتك
أم فراس: بسرعة
ركضت فوق
ودخلت غرفة امها وجابت عبايتها
طلعت وشافت الخدامة بتنزل
رزان: أمسكي عطيها ماما وقولي لها رزان بعد شوي بتنزل
هزت راسها وأخذت العباية ونزلت
ورزان راحت غرفتها
واتصلت على لولو
#####################################################
جالسين حول الطاولة
ويضحكون
طلبوا الاكل
وينتظرونه يجي
رتال: بس مو ضروري اجلس أدلع كل شوي يطفش
شوق: إلا لازم كل شوي
لولو: انا دلعي طبيعي مايحتاج .. وأخوكم خاق أصلا ً هههههههه
غادة: ياحياتي الله يعينه ههههههه
سارة: لا والله شغلكم مرة فضاوة .. بلا حب بلا هم الله يعافيكم
جوري: تلاقونها ماجربت .. وتتفلسف
لولو: إيه هههههههههههههه
رتال: سارة جربي بعدين تكلمي
رن جوال لولو: شوفوا رزان تتصل
رتال: تلاقينها تقول راح أجيكم
غادة: أكيد .. هي اللي قالت رجعوني البيت .. وألحين بتقول أبي أجي
شوق: حطي سبيكر
لولو ردت وحطته بوسط الطاولة
رزان بصوت متغير: الو لولو وينكم
كلهم عقدوا حواجبهم صوتها غريب
لولو: بالمطعم .. إيش فيك
رزان: تعالوا ارجعوا
سارة: ليه .. صاير شي
رتال: رزان إيش فيه صوتك متغير
رزان بكت: تعالوا وتعرفون
كلهم خافوا لما بكت رزان
شوق: رزان إيش صاير طيب
رزان: سامي مااات
كلهم سكتوا .. يستوعبون الموضوع
لولو: كيف ..؟؟!!
جوري: رنيم وريم عنده بالبيت
غادة: قولي السالفة .. كيف عرفتي
رزان: ماما كلمت رنيم وهي قالت لها وألحين حنا رايحين بيته
لولو: خلاص جايين ألحين .. سكرت الجوال وقفت .. بنات يلا نطلع
وتحجبوا كلهم وتغطوا
وطلعوا من المطعم
وركبوا السيارة بسرعة
#########################################################
البنات كلهم حنوا على امهاتهم لين وافقوا
واجتمعوا كلهم
بيت أبو طلال
البنات بجهة والحريم بجهة
أسماء: بنات تعالوا بكرة معي في البارتي
لينا: حنا مانقدر بنطلع
سجى: حنا راح نجي
أسماء: كويس
جاء حمد ومعه فيصل
حمد: اهلين بنات
أفنان: اهلاا ً
حمد: أبغى اطلعكم بكرة بس الكل شكله مشغول
أبرار :يالنصاب اصلا ً أنت مختارهذا الوقت علشانك تعرف اننا ماراح نروح معك .. ولمانقولك مرة ثانية نبغى نطلع معك تقول لا قلت لكم هذيك المرة ماجيتوا
حمد: لا مين قال إني أفكر كذا
ندى: انا معها
لما: وأنا معهم بعد
فيصل: اجتمعوا عليك خلاص
لمار: لا تحاول تهرب منهم
أبرار: إيه راح تطلعنا الأسبوع الجاي
حمد: أفكر
رن جواله ورد
حمد: ألو هلا فراس .. وش صاير .. تغير وجهه .. متى ..؟؟! .. مين قال لكم انتوا .. اها .. يعني انتوا في بيته ألحين . اوووك أقول لهم ألحين
وسكر منه وكان وجهه متغير
ندى: إيش فيك
أفنان: إيش قال لك فراس
حمد بلع ريقه: مدري إيش أقول
لما: تكلم إيش صاير بالضبط
حمد: سامي
لينا: إيش فيه
أبرار: حمد تكلم
حمد بسرعة: توفى
كلهم طالعوا فيه
لمار: لا ينصبون
أفنان: مستحيل
سجى: فراس يكذب عليك
كل وحدة باين على وجهها الصدمة
وبعد كذا كلهم نزلت دموعهم
سجى قامت وراحت عند امها
أم طلال: سجى ماما إيش فيك
سجى: ماما أبغى أروح الشرقية بسرعة
أم طلال: طيب نروح .. بس ليش تبكين
سجى: خالي مااات
كلهم كانوا يضحكون عليها نفس البزر تبكي علشان تبغى تروح الشرقية
بعدين اختفت الضحكة من على وجيهم
أم فيصل: كيف ..؟؟!! مين قال لك
أم وليد: متأكدة .. هذا الموضوع مافيه لعب
سجى: والله .. حمد هو اللي يقول
أم طلال صرخت: حمد حمد تعال
حمد جاء عندهم وهو ساكت
أم فيصل بكت: صح اللي قالته سجى
حمد: إيه تو فراس قايل لي
دخل أبو طلال وهو منزل راسه وكلهم التفتوا له
وتأكدوا من الموضوع من وجهه
كل البنات ركضوا له
لمار: خالي .. سامي ماات
ابو طلال: أدري .. الله يرحمه
ندى: يبة خلنا نروح الشرقية بسرعة
ابو طلال هز راسه: إيه لازم .. يلا تجهزوا
جات عنده أم فيصل: اخوي مات مااات
أبو طلال ضمها: خلاص أدعيله
جلسوا يبكون كلهم
وبعد كذا كل واحد راح بيته يجهز اغراضه علشان يمشون الشرقية على آذان المغرب
بما ان ألحين نصف العصر
#######################################################
دخلوا كلهم
وشافوا
أم احمد وام حسام
وأم فراس وهيله
وريم جالسة
ورزان جنب هيله
ورنيم جات ركضت لهم
ضمت جوري
جوري: خلاص لا تبكين
رنيم: سامي مات .. راح خلاص راح .. ماعاد أشوفه مرة ثانية
جوري: طيب خلاص اهدي
شوق راحت لريم
ريم كانت جالسة على وضعها مابكت ماتحركت ولا شي
امها كلمتها وبكت جنبها
وهي ماردت على احد
شوق: ريم
ريم ما ردت
شوق: لا تجلسين ساكتة كذا .. أبكي سوي اللي تبين براحتك
ريم مافي أي ردة فعل حتى ماالتفتت لها
شوق مرة خافت عليها حتى ماكانت ترمش بعيونها: ريم ردي علي
رنيم جات وجلست مع جوري: خليها ماردت على أحد .. خليها لحالها
جاوو أم فهد وأم ماجد
وجلسوا رتال جنب رزان وهيله
وغادة جلست جنب شوق
ولولو وسارة كانوا يبكون وراحوا عند امهاتهم يبكون
أم فهد: عظم الله أجرك .. الله يرحمه يااارب
ام ماجد: الله يثبته .. أدعوله بالرحمة
أم فراس: الله يجزيكم خير
كانوا كلهم يبكون والجو كئيب مرة
........................................................
برى بالحديقة
كانوا جالسين الرجال والعيال
فراس: توه امس كان معنا
حسام: الله يرحمه .. ماعلم احد عن مرضه حتى زوجته
جات سمر وهي تبكي بصوت عالي
وشالها انس وحطها على رجوله: إيش فيك تبكين
سمر وهي تبكي زيادة: سمعتهم يقولون داخل أن خالو ثوثو مات
انس مايعرف يتفاهم مع الأطفال حتى مع اخته: لا حبيبتي مين قال
سمر: هم كلهم .. ماما وكلهم يقولون كذا
انس: لااا .. سكت ماعرف إيش يقول والتفتت على خالد .. امسكها
خالد اخذها وشالها وراح يتمشى فيها
سمر وهي مازالت تبكي: قولي صح ولا لا
خالد: إيش
سمر: ثوثو مات
خالد: لااااا
سمر: اجل يكذبون
خالد: لا مايكذبون .. لكن سامي راح عند ربي
سمر مو فاهمة بس وقفت بكي: طيب ليش راح ولا اخذنا معه
خالد: هذا يوم مخصص له يروح لحاله .. وكلواحد له يوم ويروح لربي لحاله
سمر: يعني ماعاد نثوفه مرة ثانية
خالد: لااا بس هو يشوفنا
سمر: طيب إذا نبغى نثوفه .. إيث نسوي
خالد: قبل ماننام نقرأ سورة الفاتحة ونقول بسم الله ونغمض عيونا .. ونشوفه بالحلم
سمر: صدق
خالد: إيه
طبعا ً خالد اكثر واحد يعرف يتعامل مع سمر
يقول لها أشياء تخليها تفكر فيها وتسويها
وتكون أشياء زينة
خالد نزلها ومسك إيدها: تعالي ندخل داخل بس اجلسي عاقلة لا تبكين
سمر: لا ماأبغى أدخل كلهم داخل يبكون
خالد كان يبغى يدخل يشوف ريم .. لأنهم قالوا له انها ماتكلمت مع احد ولا حتى بكت
وخايف يكون فيها شي
خالد: إيه هم يبكون لانهم مايدرون كيف يشوفونه مرة ثانية
سمر: اعلمهم
خالد: إيه
دخلوا داخل
وكان صح كلام سمر
الكل كان يبكي وزعلان
خالد: السلام عليكم
الكل رد السلام حتى بدون نفس
وأصواتهم متفرقة وهادية
جلس جنب شوق اللي كانت جنب ريم
سمر ركضت لأمها وجلست عند رجلها وقالت ببرائتها المعتادة وهي مبسوطة: ماما تبغين تشوفين خالي ثوثو
أم احمد طالعت فيها وهي تبكي
سمر بحماس: قبل ماتنامين قولي ثورة الحمدلله رب العالمين كلها وقولي بثم الله ونامي وتحلمين فيه
أم احمد ضمتها وتمنت أنه يصير جد .. تتمنى انها تنام ومو تشوفه في الحلم .. يكون اللي قاعد يصير حلم
سمر ضحكت وهي مبسوطة ان امها انبسطت
خالد كان جالس جنب شوق اللي بعبايتها مثل الكل