|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
11-19-2010, 12:15 AM
| ||
| | ||
| اخطاء سلوكيه شائعه لاحظت وانا امشي في الشارع وجود أخطاء سلوكية في حياتنا ... فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ... بسم الله نبدأ .. خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ... الصحيح :تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ... ثم .. تقوله شيل الكتب .. ومرة ثانية فتح عيونك ي احول .. هههههههههااااااي خطأ : تفتح الإشارة .. ثم يعلق بواري االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ... الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمن يقول العيد الليلة ... ثم .. قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت .. خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ... الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة .. ثم .. طلع راسك مع الدريشة ... واضحك .. خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب .. الصحيح : تمسكه ... مع رجليه ... وترضه رض الويل ... وتجيب قوطي ببسي .. وترجه رجا مبرحا ... ثم تفتحه بوجهه ... ثم .. تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ... عفط العلبه... وحطّها بمخباته ... وقله لاتطلعها من مخباتك الا اذا رحنا يالمخيس ... خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ... وتتركه ... وتلقاه حالقن نص شنبك ... ثم تهاوشه ... وتحاسب وتطلع ... وتقول بنفسك والله ماعمري أحلق عنده ... الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ... ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم .. قل بينك وبين نفسك ... ماعمري أحلّق عنده ... خطأ : تمشي بالحارة .... مثلا رايح للمسجد ... ثم يجي بزر من هالبزارين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ... الصحيح : تاخذ لك بلكّه ... وترميها عليه ... إن ضربته ... فهو خير ونعمة ... وإن ماضربته ... خذ عصا .. وامسكه واجلده ... إن صاح خير ونعمة ... وإن ماصاح .. فاتركه ... ورح صل وخلص مشاويرك ثمن ارجع له .. وتفرّغ له ... أكيد مب متحمل لحد وقت الصلاة الثانية ... وعلى مسؤوليتي بيصيح ... خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد .. الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون والفاضين حالها حال المطبات يعني خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ... ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح .. الصحيح : دق على محل ستا لايت ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة .. ثم واصل للصبح ... خطأ : متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟ الصحيح : صكه بالطوفريه على جبهته ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه وتقبلووووو تحياااااتي لكم   |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| @@ أخطاء شائعه بين الناس @@ | اميرة مملكة الاحزان | مواضيع عامة | 22 | 11-19-2010 05:33 AM |
| اخطاء شائعه بالصلاه عند المسلمين ( بالصور ) | ساكن القلوب | مواضيع عامة | 0 | 09-15-2009 06:45 AM |
| اخطاء شائعه من المسلمين (((بالصور))) | ¤§ HEBA §¤ | نور الإسلام - | 1 | 09-05-2009 03:24 PM |
| أخطاء شائعه بين الناس !!!!! | fares alsunna | نور الإسلام - | 9 | 06-14-2009 12:07 AM |
| اخطاء شائعه في الصلاه | ABUMOHANAD | نور الإسلام - | 16 | 04-06-2007 09:54 PM |
العرض العادي
