|
|
#46
09-30-2010, 08:09 AM
| ||
| | ||
| وكان لابس أميره وصلت وهي كانت لابسه .... وفوقها العبايه بس تفتحها كلها .. يعني لو ماتلبس عبايه أحسن لووول ... وشكلها كالعاده بنفس البرونز والشعر الستريت .... كان الجو مغيم .. وطالع خقاااق الجو ... بس أميره ماعجبها الوضع ... حاسه ان الجو بيخرب عليها التحكم بالطياره ... بس هي برضو معزمه عالفوز ... كانت تدور بعيونها على فيصل ... طبعا هم مايعرفون اسامي بعض ... شافته من بعيد جالس يعدل بطيارته .. ابتسمت وهي رايحه عنده ... -(بصوت عااالي وحماس :- ؤهــــآآآيوؤ كاصيماص ... -(فيصل الرتجفت يده من الروعه بصوتها اللي فقع اذانه ... والمشكله مايدري وش تقول ؟؟؟ -التفت عليها وهو يقول :- وويعوه انشالله ... -(كانت مبتسمه بس بوزت وهي تقول :- بويهكـ يالشين ... -بعدين تكلمي وياي عربي ... -ؤففففـ مشكله لا تعرفت لكـ على واحد قروي مايعرف كل الغات ... -انشالله عمتي بروح اتعلم كل الغات عشان اصير مثلج كشخه .. بعدين كلمتج اللي تو لا يكون سبه ؟؟؟ -(فقعت ضحك عليه وهي تقول :- ياخي انك كمخه ... ؤهايوؤ كاصيماص ... يعني ياسبك ياعنز ياثور يابطه مرحبا .. -ؤللله كل هذا معناها ؟؟؟ -هاها مسوي تضحكني ... لا معناها مرحبا بس ... -طيب الثور بويهك انا جم مره قلت لج لا تقلين ادبج وياي ... -طيب لا يكثر وقولي شخبار طيارتك ؟؟ -مالج خص ... -(لفت بوزها وهي تقول :- ؤف فيه أحدلاعب عليك وقايل انك وسيم عشان تشوف حالك علي -ماتلاحظين انج انتي اكثر وحده ملاحظه اني وسيم ... فلا تلعبين علينا هههههـ ... عشاني احلى منج ... -أي بحلمك احلى مني يالبنقالي ... -(عقد حواجبه :- وليه بنقالي ... -من ذالعيون المولعه جنها لمبه بين ناس عيونهم سود شي طبيعي تكون بنقالي شاذ بين مجتمعك هاهاااي ... -ظريييييييفه ... من زين ويهج يالعبده ... -(بقهر :- عبده بويهك وليش عبده عاد ... -أولا لسانج أطول منهم وبعد من لونج البرونز شوي قالب على ويهج أسود ههههههههـ ... -هاهاهاها يارب .. اضحك الحين ولا شالمطلوب ؟؟؟ -لا لا تضحكين موب لازم ... حتى ضحكتج تفقع الأذان .. -(حست بالقهرررررررررر منه .. مره هزئها وهي ماعرفت وش تقول ... لفت عنه وهي تقول :- نشوف منو اللي بيضحك عالثاني بعد المسابقه اليوم ... -(بصوت عالي يقولها :- جهزتي فلوس الطياره ؟؟ -(بصوت واطي مقهور :- الله ياخذ ويهك انت والطياره .. مسوي بتفوز علي انا اراويك ... (بعد ساعه ونص ... -(صوت المايك :- الرجاء من جميع المتسابقين ان يستعدو للسباق ... ويقفو أمام الساحه .. (المتسابقين تقريبا ثنعشر واحد ومن بينهم فيصل وأميره وشخص ثاني اسمه راكان ... -(أميره راحت عند فيصل وهي تقول :- لا تفشلني بسيارتك غيرها .. ابي سياره حلوه اذا وديتني للمطعم ... -تدرين انج وااااثقه وايد انصحج ماتوثقين حيل لأنج مهزومه من الحين .. -(شافت راكان واقف من بعيد وصرخت صرخه نقز منها فيصل مرتاع :- ركوووووووووووووووون ... (وركض عنده وهي تقول :- ياخذ عدوينك وعدويني (وهي تطالع فيصل :- وينك ياخي من زماان عنك ... (بحركه عربجيه بينهم يسلمون على بعض :- هلللاااااااااااا بأميرتنا ... (فيصل طالعه عيونه وهو يطالعهم من بعيد ويفكر انه ماقد شاف وحده عربجيه مثل ذي بحياته كلها ... حتى العيال طاقه ميانه معهم !!! وهو يفكر .. ذي واظح عليها اهلها فالينها وايد ... بنت فلتانه المفروض يعلمونها الصح موب جذي .. يالله بقلعتها انا شعلي منها .... (جت بباله وتين وهو يحس بقلبه حن لها والشتااااق لعيونها ونظراتها البريئه ... -(صوت المايك :- واحـــــــــــــــــد ثنيـــــــــــــــــــــــــــن ثلاثــــــــــــــــــــــــــــــــــــــــه ........ (الكل انطلقت طيارتهم ماعدا طيارة فيصل اللي نسى بطاريتها مفتوحه ... بسرعه ركبها وهو يسمع تعليق اميره عليه بسخريه :- بسرعه بسرعه بسرعه يالمهزوم بسرعه ههههاااااااااي ... ياخي لا تتعب حالك انت وطيارتك ذاللـــ ..... (قطع صوتها فجأه وهي التفتت على طيارتها اللي بتطيح بدون مانتبهت بواحد صدمها وطاحت طيارته ... تحكمت عليها بصعوبه وهي تقول بصوت عالي للولد :- يعل عيونك الخفس قل امين ... مالقيت الا طيارتي تصدمها !!!! بس احسن طاحت طيارتك ... (فيصل يضحك عليها وهو بدى بالسباق لما الرتفعت طيارته رغم انها بعيده الا انها سريعه وقربت توصل لهم ... كذا طياره طاحت واللي تعطلت واللي افقد توازنها الرياح بالجو .. ومابقى غير الربع طيارات .. فيصل وأميره وراكان وبنت ثانيه ... بالمقدمه أميره وراكان ثم البنت ثم فيصل ... بعدت الطيارات عنهم وخط النهايه قرب ... فيصل وصل للطيارة أميره البنت الثانيه صارت الاخيره وفقدت الامل بالفوز قبلهم .. فيصل التفت عليها وهو يقول بغمزه وابتسامه حلووووه منه للبنت :- اخدميني بهالطلب وأعطي جان بغيتي عيوني .. ابيج تصدمين طيارة أميره عشان اسبقها .. (البنت خاقه على فيصل عشان كذا ماترددت بطلبه وعلطول لفت على أميره وصدمتها بأقوى ماعندها ... أميره شهقت لما تشوف طيارتها وطيارة البنت تطيح أما طيارة فيصل سبقتها بس راكان قبل فيصل .. -(اميره بعصبيه :- لعنه تلعنج يالجلبه .. ماتشوفيييييييييييييييييييين انا اراويج ... (ذبت الجهاز المحرك وهجمت على البنت النعوووومه وهي مثل الاسد ... فكت طرحة البنت ومعطت لها الشعر ... -ياجلبه ياعميانه ماتشوفين جدامج .... فجأه لفيتي علي .. خبله انتي خبلااااااااه ... (الناس كلهم اجتمعو عليهم وفيصل التفت مصدوم من اميره ... على خط النهايه كان فيصل راح يفوز بس لما التفت على اميره مرتاع من تصرفها فاز عليه راكان ... -(المايك :- الفائز الاول راكــــــــــــــــــــــــــــــــــآن الـ.............. الفائز الثــــــــــــــــــاني فيصــــــــــــــل . (أميره لفت لما سمعت الكلام ضحكت بصوت عالي وقامت من على البنت اللي على الارض وحالتها حاله .. وهي تقول بصوت عالي وتناقز .. -هيييييياااااااه مافاز ... ركوووووون بعدي ولله بعدي ... (فيصل لحد الحين متنح على أميره ... هذي بنت متأكدين ولا شنو ؟؟ أميره راحت عنده وشعرها منفوش شوي :- طالع ويهك جنه قرعه مصفر ههههههااااااااي ... احسسسن مافزت هذا اهم شي عندي حتى لو مافزت انا .... -(بصوت واطي بس تسمعه :- صج مو طبيعيه هالبنت !!!!!!! -ياخي طبيعيه ولا لا على كيفييييييييييي .. طس بس يالله عني يالخسرااان ... (لفت على راكان وهي طاااايره عنده وتمد يدها تقول بفرحه وكأنها هي اللي فايزه ... -كفك يابعدي كفــــــك .... ولله كفو ياتلميذي ... هذي آثار تعليمي لك كيف تسايق .. -(راكان يتخصر وهو يستهبل معها مثل مزحها اللي يموووت عليه مثل البزران :- لا احلفي عاد ياناكرة العشره .. منوا للمعلم انا ولا انتي .. نماسيه اني انتي التلميذ هوانا المعلم .. (حطت يدها بسرعه على فمه وهي تقول :- ؤصصصصصـ لا يسمعك ذاك البنقالي ابو اذان رادارات .. -(راكان التفت يدور بنقالي بس مالقى ومافهم عليها شتقصد ... بس كان تفكيره بيدها اللي على فمه ... حس بقلبه يزيد دقاته ... أميره وخرت يدها بلا مبالاه وكأنها ماطقت الميانه معه بزياااااده وهذي طبيعتها وتربيتها يعني مو قصدها شي بس هذا اللي تربت عليه .. الفله الزااايده عن المجتمع المتحفظ ... فيصل كان يطالع حركاتها ومستغرب حيل منها ... مصدوم من حركات هالبنت .. بس نص تصرفاتها ماعجبته وكيف هي طاقه الميانه مع الشباب وكأنها ولد مثلهم ... مو لأنه يفكر فيها او شي .. بس مايحب هالنوعيه من بنات الامارات او الخليج عامة وليس خاصه اللي مو متحفظ لعاداته ... -(أحمد بعصبيه على أميره :- أميره شوفي شساويتي بالبنت ؟؟؟ (التفتو اميره وراكان على البنت الي طقتها .. ولقت حالتها حاله ... والمخوش على وجهها ... البنت دموعها غارقه عيونها .. أميره استحت على وجهها كيف سوت بوجه البنت كذا بس ماكانت حاسه بنفسها من قبل بسبب العصبيه .. راكان مسك ضحكته على هبال أميره وجنونها اللي يثير سعادته لما يجلس معاها ويطالعها بخبالها ... فيصل وهو ماسك طيارته راح عندهم وهو يقول :- أصلا هذي بنت ؟؟؟ قولها أمير مو اميره ... -(التفت راكان عليه وهو يقول :- احترم نفسك ... -(أميره ماعطته وجه وهي تقول للأحمد :- ماكن قصدي بس هي الغلطانه ليش تصدم فيني بدون سبب جذي حتى واظح انها قاصدتها ... كانت بعيده عني وفجأه لفت علي بقوه وصدمتني .. شوف طيارتي وأحكم بنفسك .. خربت أكيد ... -أحمد بحده :- طيب اعتذري لها ؟؟ -تخسى .. ولله ماعتذر لها ... المفروض هي اللي تعتذر لي موب انا ... -راكان :- خلاص ماحصل الا الخير .. وطياراتكم آنا اللي بصلحها لكم ثنيناتكم .. -(البنت كانت ساكته ودموعها تنزل من ألألم بوجهها .. رفعت عيونها على فيصل ولقته يطالع اميره بحتقار وأميره كانت بتصرفاتها العربجيه وضحكها وكأنها ماسوت شي للوجه البنت تقول :- خلاص يابنت عديها وأحمدي ربك ان هذا اللي صار لك بس ... ترى هذا ولا شي اذا عصبت على احد ... -(فيصل:- لأنج ولد موب بنيه .. (راكان واميره واحمد لفو على فيصل .. بس فيصل مسك كتف البنت وقال لها بحنان :- تعالي وياي ومسحي دموعج .. وخليج من هالولد ... (أميره حست باهانه لها أول مره أحد يهينها بهالشكل ..ماتعودت على أحد يطول لسانه عليها بكلام قاسي ... سكتت بدون أي ردة فعل وهي تطالع فيصل اللي شوي ويبوس البنت بسبب قربه منها بقوووه ... راكان حس بقهررررررر ولما جى بيروح لفيصل مسكته اميره وهي تقول :- ماعليك منه انا اعرف كيف اتصرف مع هالأشكال .. ماحب احد ياخذ حقي بيده ... انا اعرف كيف اخذ حقي بيدي من هالبنقالي .. -(راكان فهم ان اللي قصدها بنقالي هو هذا فيصل ... وعرف انهم يعرفون بعض .. -اقول اميره منو هذا ؟؟؟ -وانا شدراني عنه آخر همي هالقبيح وشايف نفسه بعد ... """"""""""""""""""""""""""""""" (ليان كانت واقفه عند بوفيه وهي تشتري شاورما وحده بدون شي تشربه عشان الدراهم ماتكفي أبدا ... راحت للبيت المهجور وهي تفكر بأمها ... تبي تبكي بس ماتقدر ... فيها ضيييقه ماقدرت تطلعها بالدموع ... شافت من بعيد عبدالمحسن واقف مع ولد صغير ويتكلم معه ... علطول تخبت عنه ... جلست للحظات وهي تطالع الشخص اللي تحبه بين هالعالم من بعد امها ... ودها تروح عنده بس ماتقدر من بعد اللي سوته وآخر مره رفضته ... وكيف شكلها بشعرها البوي ... وحالتها الحين ... لفت بتروح وحست انو فيه احد وراها ... لما التفتت لقته عبدالمحسن جاي صوبها من بعيد شوي ... لفت عنه وهي تركض ... عبدالمحسن مايدري انها ليان بس حي انه الشخص الغريب هرب لما شافه ... أكيد يعرفني .. الحقه احسن شي .. (بسرعه وهو يلحقها ... (لفت وهو تحاول تضيعه .... بس رجلها تعثرت بين الخشب عالارض وطاحت ... عبدالمحسن لما وصلها مسك كتفها ولف وجهها عليه بيشوف منو ... لحظــــــــــــــــــــــآت صمت .. لحظات توتر ... عيون تطالع بعض ومشتااااااااااااااااقه حيييل لبعض .. -(بشفايف ترتجف :- لـ ... ليــان !!!!!! (ليان وقفت بسرعه وكملت طريقها للشارع .. قطعت الطريق وعبدالمحسن جى بيلحقها وهو يناديها بس ماقدر لأن الاشاره فتحت والسيارات بدت تمشي ... لقى ليان بس ماقدر يتمسك فيها ... حس باحباااط كبيـــــــــــــر .... وضيقه .. (ليان لفت وراها وحمدت الله انه ماقدر يلحقها ... """"""""""""""""""""""""""""""""" تولين وهي مترده شوي عند جوجو ... -اقول جوجو .. -لبا قلبج سمي ؟؟؟ -انتي قلتي صح انج تحبين طلال ؟؟؟ أي ليش ؟؟ -طيب لو بيوم حبج بتستانسين ؟؟؟ -اكييييييييييد .. بس مستحيل يحبني ... -طـ .. طيب انتي ليش ماتقولين له عن حبج له .. -مستحييييييييييييييييييييييييييييييييييييييل ولا افكر اقوله .. -ليش ؟؟ -ولد عمي وأستحي اقوله مثل جذي .. ولو هو يبيني او يفكر فيني ماراح يرده غير ابوي يطلبني منه بس ماتوقع لأن طالعي عمره طق جم وهو مافكر يتزوج أحد ... -طيب هو ليش ماتزوج للحين ؟؟ -ولله مدري عنه ؟؟ -طيب انتي بتروحين للمزرعه صح ؟؟ -أي انشالله .. -أمممممم .. جوجو عادي لو ييت وياكم ؟؟؟ -(بفرحححه كبيييره :- واااااااو هذا احلى شي قلتيه وأخيرا مابغيتي تيين ويانا للمزرعه .. دومي اعزمج بس ترفضين على انج مستحيه ... شغير رايج ؟؟ -لا بس جذي بالويك اند ماراح الروح لشي انا ومامي .. عشان جذي قلت الروح وياج احسن ... -حياااج الله وأمج انا بعزمها عاد تدرين انا راعية البيت وراعية المزرعه أكيد ماراح تقول لا __^ ... -خلاص عيل اتفقنا __^ ... -- يييييييييي مره وناسه .... |
|
#47
09-30-2010, 08:10 AM
| ||
| | ||
| (بالجامعه .... فيصل رجع أمس الليل ومالقى عبادي ببيتهم عشان كذا الضطر يروح ينام عند صاحبته البريطانيه جينفر ... جينفر الغنيه .... بالصباح قومته جينفر وهو نايم عالكنبه .... فتح عيونه وهو يطالع المكان الفخممممممممممم ..... تمنى لو يكون عالأقل عنده مكان ينام فيه وموب شرط كل هالعز .. تذكر سوالف جينفر امس وأنها قالت راح توي حفل لعيد ميلادها وبتدعي الكثييييييييير من الجامعه ببيتها القصــــــــــــــــــــــــــــــــــر ... ابتسم لهالفكره الحلوه ... عالأقل راج ترجع ايام جينفر وحفلاتها اللي ماتنتهي وكل وحده احلى من الثانيه .... لما وصلو بالجامعه ... جينفر مسكت يد فيصل ... بس فيصل سحب يده منها شاف عبادي واقف مع وتين مره ثانيه .... طنقررررررررررت معه وبقوووه .... راح لهم وهو يسحب عبادي بقوه ويقول :- وينك امس قاعد ادق عليك ماترد ؟؟؟ -(سحب يده بهدوء وهو يقول :- كنت مشغول .. -مشغول !!!!!! طيب كان رديت علي عالاقل .. امس كنت بحاجتك وبسببك رحت ونمت عند جينفر ... -طيب وانا مكلوف فيك ولا شايف بيت أهلي ؤتيل ؟؟؟ ترى بالبيت اذا ماتدري فيه شي اسمه حرمااااات وماأعتقد انك ماتدري .. موب بكل مره تيي وتنام عندنا ... -(فيصل حس بااهانه قوييييييييييييييييييييييييييه بحقه ... قال بصدمه :- عبيد انتش قاعد تقول ؟؟ -اللي سمعته ياخي ... بعدين لا يكون زعلت ترى هذي الحقيقه يعني موب المفروض انك تزعل ... يالله تعال ويلس وياي ... (غمز له :- ويلس مع حبيبة قلبك وتين ... -(فيصل مقهوووووووور وبقوووه ...لف عنه وراح بعيد عنهم ..... وتين باستغراب :- شفيه رفيجك ؟؟؟ -ماعليج منه ... بس لأني اقول له أمس مشغول وماقدرت الرد عليك عطاني كم تهزيئه وراح ... -اصلا واظح عليه شوفة النفس من زمااان ... وانت كيف تمشي مع مثل هالأشكال ؟؟؟ -شقصدج ؟؟ -يعني واحد معروف صيته بالجامعه كلها مغزلجي وراعي بنات وقذاره ..!! شتبي وياه ؟؟ -ولو هذا رفيجي وأنا مستحسل اخون رباعتي وياه عشانه جذي ... وموب شرط اذا كان رفيجي بصير وياه عادي هو حر بنفسه وانا حر بنفسي ومو لم حركات المغازل وقلة الحيا هذي .. -يعني انت تعرف ان اللي يساويه قلة حيا بس ساكت ؟؟ -أي ومن قلة الأخلاق اني اتركه عشانه جذي ... الا اذا صرت مثله .. وانا اختلف عنه بكثير .. وماقد حبيت بعمري ولا مره .. بس الضاهر اني بديت أحب وقلبي تعلق بوحده .. -(عقدت حواجبها :- منو هذي ؟؟؟ -(ابتسم وهو يشوف القهر بعيونها :- ليش غيرانه ؟؟؟ -للللـ ... لـ -(حط يده على فمها وهو يقول :- انتي .... اللي يحبها قلبي هي انتي ... -(سكتت مصدوووومه وموب مصدقه روحها باللي سمعته ..... حست بقلبها يدق بسررررعه ... كان فيه شخص يراقبهم من بعيد وهي نارا ... من كثر ماتتفرج على الجامعه كلها صارت تعرف كل واحد فيهم ومنو اصحابه ومنو حبايبه ... ابتسمت ابتسامه خفيفه وهي تطالع اشكالهم وواظح عليهم الحب ... تذكرت ريان علطول ... ثم سرحت فيه نوف نقزت جمبها وهي تبوس خد نارا وتقول : فديت الحلو ليش سرحاااان ؟؟؟ -(مسحت خدها وهي تقول بقرف :- نوف انا جم مره قلت لج لا تساوين هالحركات ... مااااأحبها ... -طيب انا شساوي اذا كنت احببببببببج ... -(تنهدت بقل صبر بس طنشتها ... مرو قدامهم برهوم ودحوم وريان ... -برهوم :- يالله يالله قومي اوصيج روحي حبي ريول ريان مره ثانيه عشان يعرفج هههههااااااي ... (مطنشتهم وهي تطالع ريان اللي موب لمهم لاهي بالجوال ... نوف مو فاهمه شي بس تحاول تفهم وهي تقول بصوت واطي لنارا :- هذولي شيقصدون ؟؟؟ (ماردت عليها نارا ومطنشتهم كلهم ... لفت تطالع الطلاب وهي طفشت من حالتها مع ريان ...وماتبي جروح بقلبها ثانيه بسببه ... -دحوم (يقلد صوت نارا المبحووح :- انا نارا ياريان ماعرفتني .. تهئ تهئ تهئ يالله يالله بالله ابجي احسن هههههههااااي ... -برهوم :- لا قصدك يبيلها مصحه نفسيه ... شوف كيف شكلها وماتلومها اذا تلزقت بريان ... هيه انتي يابلاك شدو على قولت شباب الجامعه ههههههههههـ صج من سماج جذي .... (نوف وصصصصصصصصصصلت معها وبقووووه وهي تسمع تهزيئ برهوم لنارا ...وهي عارفه ان نارا مايهمها شي وماراح تاخذ حقها من هالواطي... وقفت بعصبيه وبسرعه منها شدته مع قميصه وعطته بوكس على فكه ..... <~ (يفيدون البويات بهالمواقف كخخخخخخخـ ).... تهجمت عليه وماعطته فرصه يدافع عن حاله وهي تلعن وتسب فيه .... نارا وقفت وراحت عنهم بهدوء ولا كأن شي صاير .... ريان التفت عليها وهو يطالعها .... ومن بعيد يزيد يراقب الوضع .... وبالذات يطالع ريان كيف تصرفاته الغريبه ويطالع نارا وهو اللي يقول ماأعرفها ... انا ماأكون يزيد اذا ماعرفت وش سالفتك ياريان ... فكو بينهم بصعوبه ونوف معصصصبه وهي تقول :- تفو عليك ياحيوان يامـ#### يافـ#### ياجـ##### ... ولله ولله لو اشوفك مره ثانيه متحجي عن نارا شي ولله لا أخلص عليك اليوم قبل بكره ياخـ##### -(برهوم منقهرررر وهو متعور من ظربها وكأنها واحد من الشباب ... قال :- ماناقصني الا انتي تهدديني ياقـ##### ... انا مدري ذيج الساحره المينونه شمسويتلكم عشان الكل يدافع عنها ..... ولا انتي ماينشره عليج مثلها بذالأسود جنكم ينانوه طالعين من تحت الأرض .... (التفتت على ريان وعرفت تقريبا ان نارا هي اللي هامها ريان ... راحت عنده وهي تقول بحتقااار وقهررر وغيرررره :- واحد مثلك مـ ##### مدري شلاقيه فيه نارا ... تفوه عليك ياوسـ### ياوا##### ... (يزيد ابتسم من بعيد ومستانس من نوف باللي سوته فيهم وبردت على قلبه لأنه مايقدر يسوي أي شي ولا بيخرب كل شي يخطط له .... نارا وهي تمشي شافت تولين واقفه بغروووور وهي تقول لواحد يحاول يتغزل فيها ... -ماعاد الا ذي ... أعطيك ويه انت ياشييين ... واحترم حالك انا بنت ناس ومتربيه ... واذا مو محترمني شوي احترم الحجاب اللي لابسته انا .. لو اني بدون حجاب وقذره مثل هالبنات تعال حاجني وبعذرك ذيج الساعه وحتى لو اني مو متربيه مستحيل اعطيك ويه ... (طلعت من شنطتها مرايه وحطتها بوجهه وهي تقول بغروووور :- شفت هالويه .. بالله يستاهل وحده مثلي تعطيه شوية اهتمام او نظره ... صج انك متخلف مريض ... وخر عني قبل لا أوصلها للمدير يتصرف وياك ... (الولد راح ... نارا تطالع تولين بحتقااااااااااااااااااااااااااااااااااااااااار وهي تقول بصوت واطي :- ولله انتي المريضه .. شايفه روحها على شنو ماأدري ... ياكرهي لها بس هالبنت ... ماأقول غير الله يصبر أهلها عليها ورفيجاتها ... ياكرهي لها بس ... لفت عنها وراحت .... تولين وهي بتدخل المبنى رايحه للمحاظتها للدكتور طلال ... سمعت جينفر تناديها بصوت عالي ... التفتت عليها وهي تشوف جينفر جالسه مع فيصل وشلتهم ... بس فيصل ماكان لمهم ... لاهي يفكر بعبيد وقلبته الغريبه عليه !!!! جينفر طلبت من تولين تجي للحفلتها بعيد ميلادها ... وعطتها الدعوه ... الشله كانو يطالعون تولين وخااااااقيييييييييييييييين بقووووه .... ابتسمت تولين لجينفر وراحت .... -(واحد من شباب شلتهم :- يعن ابو شكلها مازينها هالبنت ...اخ من جينفر تعرفها وحنا ماندري ولا عرفتنا على هالحلوين اللي مثلها -(واحد ثاني قال وهو يطالع فيصل :- بس موب جنها تشبه فيصل ؟؟؟ -(التفتو كل الشباب يطالعون فيصل ... فيصل حس انهم يطالعونه ... التفت عليهم وهو يقول :- شفيكم !!؟؟ -(عبدالله :- شفت البنيه اللي تو ؟؟؟ -لاء ليش ؟؟؟ -(عمر :- ياخي تشبه لك !!! -(ضحك بستخفاف عليهم فيصل وهو يقول :- اقول ولله انكم فاضين ؟؟؟ قاعدين تطلعون الشبه بين خلق ربي ...؟؟ وبعدين حتى لو تشبه لي ... ماقد سمعتو .. يخلق من الشبه الـ(40) ؟؟؟ -(طوني :- أي بس مو للهدرجيييه يعني كتيير البنت بتشبه لئلك ؟؟؟ -لئليك!!!!! هههه ياخي شايفني جدامك بنيه تقولي لئليييك ..؟؟ -(طوني يضحك :-أي وشو بدي اعملوكون ... انتو من كتر لهجاتكون خبصتوني ... ياللي بيحكي امراتي وياللي بيحكي ايطالي وياللي بيحكي بريطاني وياللي بيحكي مصري ويا ويا ويا كتيرييين انتو ... -(عبدالله :- ههههـ طيب وش له يالس ويانا روح دورلك على واحد بس ... -طوني :- ههههههـ الزاهير هاد احسن حل ههههههـ ... """"""""""""""""""""""""""""""""""""""" تولين جالسه ورى وهي ماسكه قلم طلال وتفكر فيه .... طلال كان يشرح وتولين موب لمه ابدا ..... فتحت الدعوه بس لقتها بنفس يوم روحتها للمزرعه عشان كذا هونت تروح ... بعدين فكرت بعقلانيه انو امها لا يمكن تخليها تروح بمكان فيه شباب وبنات لحالهم مخصصين .... طلال شافها لاهيه من بداية المحاظره .. راح عندها وسحب منها الدعوه وهو يقول :- شنو هاللي شاغلج ؟؟؟؟ (لما قرى الدعوه قال :- هذا اللي فالحه انتي فيه ؟؟؟ -(نزلت راسها ولا ردت ) -(بصوت عالي للكل يسمع :- احنا نشرح وانتي تفكرين بهالحفله .. ولا تفكرين شنو تلبسين ؟؟؟ لا عاد انتو أكيد مايصلح تلبسون اللبس مرتين... (وهو يكمل بصوت تريقه ينعمه على انه تولين :- يؤ الناس ذوللي ماشافوه علي .... لازم لازم اروح للسوق .. ياربييييه أي سوق الروح له ....هذا السوق ولا هذا السوق ؟؟ يؤ لا مستحيل اخاف اطلع الشين وحده وبلا بلا بلا بلا ....الى مالانهايه ... (هنا ضحكو اللي بالقاعه على تريقة طلال لتولين .... (كمل بصوته الخشن :- خلي عنج هالخرابيط اللي موب فايدج ... رماها على الطاوله ورجع يكمل الشرح ... (خنقتها العبررره من قسوته وتريقته عليها ... وبالذات هو ... لما انتهو طلعو الكل وتولين لحقة الدكتور وهي حدها مقهوووره ... لما وصلت عنه وهو قده بيدخل للمكتبه .. -دكتور طلال ممكن لحظه .. -(بدون نفس :- نعم شبغيتي تولين ؟؟؟ -ممكن اعرف ليش تتصرف وياي بهالقسوه ؟؟؟ -انتي اللي تجبرين الواحد على جذي ... -بس انا الوحيده اللي تساوي معاي جذي .. قول انك تكرهني وبس ... -(ضحكه خفيفه :- ولي شانا اعرفج عشان اكرهج ... مدري عنك ؟؟ -تولين انا مشغول الحين اذا عندج شي ثاني قوليه بسرعه موب فاضي ... (لفت عنه وراحت وعيونها غرقااااانه دمووع .... سعد شافها وهو يقول :- تولين فيج شي ؟؟؟ -سعد واللي يعافيك فجني ... (استغرب منها شوي بس سمع صوت جواله ... -الو .. -الو هلا جواهر ... """"""""""""""""""""""""""""""" ليان وهي جالسه تشتغل عند الاشاره .... مرت وقفت سياره وأشر لها صاحب السياره ... ركضت عنده وبدت تمسحها بسرعه.. لما انتهت طلت براسها عليه بس بدون ماتوضح وجهها اللي منزلته ... -(فيصل بدون مايطالعها طلع كم درهم وعطاها ... لما طالعت الدراهم قالت بصوت واطي كعادتها بالويل ينسمع صوتها من حياها وصمتها الدائم ... -بس هذا شوي ؟؟؟ -(قال فيصل وهو يلتفت عليها :- مامعي حق نفسي عشان أعطيك ؟؟؟؟ أحمد ربك بس على اللي بيدك ... وان لك مجان تنام فيه موب مثل بعض الناس ... فتحت الاشاره وليان ركضت للرصيف وهي تقول بقلبها ... معه سياره ومستخسر فيني جم درهم .... ؤف ناس بخيله ... (مايدرون ان كل واحد حالته اصعب من الثاني .... """"""""""""""""""""""""""""""""" أميره بصرخه :- راح للدبــــــــــــــي !!!! هالردي انا اراويه ولله لو يروح للآخر كوكب انا لاحقته .. وأصلا امي تقول بكره بنرد للدبي وانا اراويه الشغل كيف ... (ضحك عليها احمد وهو يقول :- سلميلي عيل عليه ... -الله لا يسلمه ولا يسلمك وع مالت عليك انت وياه ... وش لاقين فيه هالبنقالي ؟؟؟ -انتي اللي تكرهينيه مدري شفيج عليه ... -عدااال عداااال هو اللي يحبني عاد !!!! صمخ بويهه جعله يصمخ بماصوره جدامه مايشوفها ... -استغفري حرام عليج يمكن الولد الحين مات بسبب دعوج ... -وه بسم الله قطيو بعشر الرواح لا تخاف عليه بس ... بس ماقلت لي وين يعيش -وانا شدراني ؟؟؟ بس اللي اعرفه قال لي قبل لا يروح انه لازم يرد عشان جامعته .. -ماقال لك شنوا لجامعه ؟؟ -الا قال الجامعه الامريكيه .. -(بشهقه وهي مفتحه عيونها :- اهب ياولد ...وانا بأخيس جامعه وهو متربع لي بهالزين كله ولله لا الحقه وأراويه الشغل عشان يعرف منو الولد ... -(بصوت واطي :- الله يعينه بس عليج ... -شنو شنو قلللت !!! -هه هه لا ولا شي ... -ايه اشوا عبالي بعد ... """""""""""""""""""""""""""""" يزيد يلحق ريان لما دخل الصيدليه .... انتظر لما طلع من الصيدليه .. وعلطول دخل بعده .. -(سأل دكتور الصيدلي :- لو سمحت الشاب اللي طلع تو تعرفه ؟؟ -أي أكيد بعرفوه هايدا ريان بكل اسبوع يجيني مشان ادويتو ... -أدويــــه !!!! ليش بلاه الصبي شفيه سلامات ؟؟؟ -(بأسف :- المسكين بياخود أدويه لمرضه النفسي ... -مرضه النفســـــــــــــــــــي !!!! -أي عندو للأسف من الولاده انفصام بالشخصيه .... (يزيد علطول تذكر حركاته الغريبه وكمان فيه شي ملاحظه زييييييييييييين بريان وهي .. هزة رقبته الدااائمه وكأنه مريض نفسيا ... شلون راحت عن بالي هالحركه بالذات !!!! عشان جذي يساوي مع نارا !!! يؤ لو يساوي شي بنارا وهو مايحس بنفسه ساعتها شبساوي انا ... لازم اقولها وأنبهها قبل لا يساويلها شي .. (بسرعه طلع وهو يركض للبناية الشقق اللي فيها نارا .... انتهــــــــــــى البارت الأول من الباب الثالث ... |
|
#48
09-30-2010, 08:12 AM
| ||
| | ||
| الباب الثالث .... الجزء الثاني .... يزيد يلحق ريان لما دخل الصيدليه .... انتظر لما طلع من الصيدليه .. وعلطول دخل بعده .. -(سأل دكتور الصيدلي :- لو سمحت الشاب اللي طلع تو تعرفه ؟؟ -أي أكيد بعرفوه هايدا ريان بكل اسبوع يجيني مشان ادويتو ... -أدويــــه !!!! ليش بلاه الصبي شفيه سلامات ؟؟؟ -(بأسف :- المسكين بياخود أدويه لمرضه النفسي ... -مرضه النفســـــــــــــــــــي !!!! -أي عندو للأسف من الولاده انفصام بالشخصيه .... (يزيد علطول تذكر حركاته الغريبه وكمان فيه شي ملاحظه زييييييييييييين بريان وهي .. هزة رقبته الدااائمه وكأنه مريض نفسيا ... شلون راحت عن بالي هالحركه بالذات !!!! عشان جذي يساوي مع نارا !!! يؤ لو يساوي شي بنارا وهو مايحس بنفسه ساعتها شبساوي انا ... لازم اقولها وأنبهها قبل لا يساويلها شي .. (بسرعه طلع وهو يركض للبناية الشقق اللي فيها نارا .... (من جهه ثانيه نارا كانت منسدحه على السرير ومطفيه كل المبات ماعدا شمعه صغيره ... وهي تطالع الشمعه وتفكر بحياتها التعيسه ولوين وصلتها الحال ... الشمع يذوب وهو حاااار ... مدت يدها ورفعت الشمعه على ذراعها ... غمضت عيونها الجاااافه من دموع كعادتها ولا مره نزلت دموعها ... قلبها صار قاسي من الدنيا القاسيه ... بلحضه غمضت عيونها بهدوء وكبت الشمع الذايب على ذراعها .... سكرت أسنانها بقوه وقلبها يعورها مو على الشمع ... لا على مواقفها التعيسه بالحياه ... طريقتها بالتفكير هو .. انو لما أتألم من حاجه بجسمي ... يمكن يبعد القليل من الألم بقلبي ... وهذا تفكير .. الايمـــــــــو .... (اللي مو ستايل __^ ) (بالشارع .. يزيد واقف ويطالع شباكها .... مو شايف أي نور .... توقع انها مو موجوده او نايمه ... تنهد وهو يقول بنفسه ... نارا دامني يمج عهد علي لا أحميج من كل شر .. (لف وهو راجع للبيته ... """""""""""""""""""""""""""""" الجميــــــــــــــع على الساعه 12 بمنتصف الليل ... تولين جالسه على اللاب وهي تسولف مع صاحبتها عالمسن .... وهي بغرفتها مافي نور غير نور الشاشه .... مشغله موسيقتها المعتااااااااده اذا كانت متظايقه ... موسيقة التايتانيكـ ... أمها مرت وهي تسمع الموسيقى بداخل غرفة تولين .... استغربت من حال بنتها اللي صاير على هالحاله ... وللأسوء كمان ... (من جهة طلال واقف وهو يطالع جهازه ويفكر بجوجو... معقوله تكون الحين هي عالمسن !!!! لا لا ماأتوقع ... تلاقيها نايمه الحين ... (وبالفعل جوجو نايمه هالساعه بس اللي يحسبها جوجو مانامت مثل ماأحنا عارفين ... تولين طالعت من اللي دخل بالمسن الحين ... دقات قلبها صارت اسرع لما شافت طلال متصل بالمسن ... -(صاحبتها :- هههههـ عاد شرايج ياتولين فيها موب طبيعه صح ؟؟؟ (تولين مو لم صاحبتها هيفا ابدا .. كله تطالع توبيكـ طلال وسرحانه فيه .... بس الصدمه فعلا لما دخل طلال والأول مره هو اللي يبدى بالحكي ... -السلام ... -(تولين طلعت عيونها على اخر حد ... طلال يحاجيني ... شسالفه .... ردت بسرعه :-وعليكم السلام ... -شحالج .!! -بخير ... وانت ؟؟ -(فيس مبتسم ) وأنا شنو ؟؟ -(الرتبكت شوي لأنها داريه انه يستهبل شوي معاها ... وانت شحالكـ ؟؟ -بخير .. دام بنت عمي بخير __^ -(تجاهلت كلمة بنت عمي وابتسمت مستانسه وكأنه لها الكلام :- تسلم ... -شفيج مانمتي للحين ؟؟؟ -مو يايني النوم ... -طيب طفي اليتات وغمضي عيونج وعلطول بييج النوم __^ ... -اذا على جذي عيل الكل مابيسهر وبينام بسرعه __^ ... -أي بس اللي فيهم الرق شي ثاني .. -^__^ وليش الأرق عاد ... -لأنه مشكلتي ^__^ -عيل وآنا برضو مشكلتي الليله هذي ... -وليش .. شمنه الارق عندج ..!! -من التفكير ... -(ابتسم طلال وهو يكتب لها :- منو تفكرين فيه !!! -(تولين ضربت خدها بخفيف وهي تقول للنفسها .... شسالفتي انا اتنح كل شوي وياه وأخبط له حجي ماأحس فيه .. ياربيه الحين وش لون برقع له ؟؟؟ -(تأخرت بالرد بس طلال ماأنتظرها وكتب :- لا يكون احرجتج وانا ماأدري ... -(تنهدت وهي تحاول تجمع ثقتها بنفسها المعتاده واللي تشتت من لما تكون معه او تكلمه ... أحرجتني بشنو ؟؟ -بالسؤال ؟؟ -لا مافيه أي شي يحرجني ...وليش انحرج منكـ ^__^ .. -(ابتسم :- انا ماقلت انج تنحرجين مني ؟؟ -(عضت شفتها وهي تحاول ترد عليه بأسلوب :- طيب بالنهايه ماخليتني أجاوب بشنو افكر فيه ^__^ -ههههـ أي صج .. بشنو ؟؟ -ولا شي (^__* ) -(ابتسم من الفيس وكلمتها :- طيب خليني أحزر بشنو تفكرين فيه ... -طيب يالله جرب حظكـ ... -أممممممـ بالاختبارات اللي يايه !!! -هههههههههـ من متى والدراسه تهمني .. -(هينا طلال عقد حواجبه لأنه يعرف انج وجو أشطر وحده بدراستها ..بس تولين نست انها مقتبسه شخصية جوجو ... عموما طرد هالأفكار وكتب :- -طيب تفكرين في رفيجتج تولين صح ... -(أصابعها عالكيبورد الرتجفت ... وليش افكر فيها ؟؟ -يعني عشانها رفيجتج ؟؟؟ولا .. -أي بس موب معناته اني افكر فيها ؟؟؟ غريبه يبت طاريها ؟؟ -وليش ماأييب طاريها مو هي رفيجتج ؟؟ -امبلا (^__^) -هههههـ طيب ليش اختبصتي ؟؟ -انا .. لا عادي .. (سكتو للثواني وردت تولين رغم ترددها :- طلال ممكن أسألك سؤال ؟؟ -(ابتسم :- أكيد ولو ... -(بتردد :- تولين لي شانت تعاملها جذي ؟؟ -أعاملها كيف يعني ؟؟ -مدري بس ملاحظه انكـ تعاملها بقسوه شوي .. -وهي برايج مو تستاهل القسوه ؟؟؟ -(بنفسها .. الحقيـــــر ... ثم كتبت :- لا .. -طيب انتي رفيجتها وأكيد بتدافعين عنها ... -لا مو معناته رفيجتي بدافع عنها بس انا اشوف انها ماتستاهل كل هالقسوه قدام الطلاب لها البنت تنحرج كل مره تفشلها قدام الطلاب ... -اهي اللي تييب هالشي للروحها .. -على فكره اهي تقول انها متأكد هان الدكتور كارهني من البدايه عشان جذي تصرفاته وياي .. -(ضحك بخفيف ثم كتب :- هو انا ماأكرهها بس تصرفاتها بتخليني صج اكرهها ... -يعني انت ماتكرهها الحين ؟؟ -هو ماأكرهها .. بس ماأستسيغها لا هي ولا حركاتها ... الا صحيح ودي اسألج سؤال وياليت مايطلع ولا تفهميني غلط ؤكي ..؟؟ -ؤكي .. -تولين راعية شباب صح ؟؟ -(طلعت عيونها بهالساعه وهي تشهق من قلب .. الخسيس الجلب .. الحيوان ... يييييييييه ياكرهه ... انا اراويك ياحقير .. -(كتبت :- ليش انت شايفها كل يوم متربعه مع شاب ولا يالسه مع شلة شباب ؟؟؟ ولا كل يوم متكيه مع ريال بالموبايل ... صج سؤالكـ سخيف ... -(عض شفته بقهر من نفسه وهو يكتب :- يؤ موب قصدي شي صدقيني بس انا أسأل يعني ... -طيب اذا هي تحاجي رياييل وشباب جان شفتني مثلها ... وانت تشك فيني ؟؟ -أكيد لا ... -عيل ليش تشك فيها ؟؟؟ -مدري بس احس بينها وبين سعد شي ... وبعد مره قد سمعت شباب يحجون عنها .. -يحجون عنها ؟؟؟ -أي .. -شيقولون ؟؟؟ -يعني من هالحجي اللي ماله لزوم .... -طيب انت قول لي شنو هالحجي وانا اقولك .. -مره شفت انا تولين واقفه من بعيد بالمبنى لحالها .. والشباب يحجون عنها وهم كانو يمي ويأشرون عليها .. هذي انا قد حاجيتها والثاني يقول لا عي لانا ماعطتني ويه شكلي ماأعيبتها ... ويضحكون ومأدري شنو وواحد ثاني قال انا مره شايفها طالعه مع واحد للكافي ... وطراطيش حجي كثير من هالنوع .. -وانت مصدقنهم ؟؟؟ -مو على جذي بس حبيت أسأل -(لازال القهر جواتها :-وهي تهمك عشان تسأل عنها ؟؟ -لا ابدا بس حبيت اشوف بنت عمي منو مرافجه ..؟ -(شهقت شهقه طويييييييله ... الله ياخذ ويهك انت وبنت عمك ... وياخذ اللي حبتك ياحمار ... مدري وش عايبني فيك يازفت ... (بدون شعور سكرت المسن طفت اللاب وهي تحاول تهدي أعصابها اللي ماقدرت تضبطهم .. لأنها لو قعدت لحظه عالمسن ممكن تتفلت بكلام يفضحها ... غطت وجهها بالمخده ودموعها بدت تنزل بدون شعور ... حبيبها يحسبها انسانه وسخه وراعية شباب .... هذي اخرتها مع حبه ... انا بنت ماتربيت .. حسبي الله عليك ياطلال جانك ظلمتني ... (من جهه ثانيه طلال مصدوم من ردة الفعل القويه شوي تسكر بوجهه ... بس بنفس الوقت عتب على نفسه كيف انه يشكك باأخلاق تولين وكمان قدام جوجو ... هو شاك بس والحين تأكد انها مو راعية هالكلام لان بالنشبه له جوجو حريصه على نفسها من هالأشكال ولا يمكن تكون اقرب الناس لها من هالنوعيه ... يالييييييل آنا شساويت ويى البنيه ... صج ماعندي سالفه ... وشلون براظيها الحين ... أي احسن حل بالجامعه .... اناديها وحاجيها ... """""""""""""""""""""""""""""""""" ليان وهي تمشي راجعه للبيت ... كان فيه كذا شخص يراقبونها من بعيد ... بس هي ماحست بأي شي .... (من جهه ثانيه صقر بغرفته منسدح وهو يفكر بليان اللي فقد شوفتها حيل ... ليان البنت الضعيفه جدامه مثل الطفل ... قسى عليها حيل بس عشان سبب تافه توه يلاحظ انه السبب تافه بالنسبه للتدمير حياة شخص جذي ... يتمنى لو يعرف هي وين الحين .... طلع من غرفته ونزل للتحت يبي يشرب مويه وبالصدفه شاف بالصاله عبدالمحسن جالس عالكنبه وسرحاااااااان تحت هالظلام ومافيه غير الأبجوره الخفيفه بنورها ... استغرب حالة اخوه والأول مره يشوفه كذا ... -أحم أحم ... محسن ؟؟ -(عبدالمحسن ماحس بوجود صقر لأنه سرحاااااان في ليان .. وكيف يلاقيها ؟؟؟ -(استغرب اكثر صقر وهو يقول :- محسن شفيك ؟؟ -(التفت عليه توه ينتبه :- معليه بس مانتبهت لك .. انتم نو متى هني ؟؟ -من تو .. -وش عندك صاحي بهالوقت ؟؟؟ -ماياني النوم .. وانتش عندك ؟؟ -لا ابد بس سرحان شوي ... -بمنو ؟؟ -ولا شي .. -لا يكون باللي ماتنتسمى ؟؟ -صقور جم مره قلت لك لا تييب طرياها جدامي ذيج المره ؟؟؟ -طيب ذيج المره على قولتك ماعندك لها اخبار ؟؟؟ (عبدالمحسن ضحك في قلبه على حالته ... شخصين يدور عنهم ومالقاهم .. ليان و......... (بعدين راح نعرف ) ... -طيب شرايك ترقى بس تنام ؟؟ -ولله مافيني النوم بس نازل اشرب لي قلاس ماي .. -عيل روح ييب لنا شطرنج بدل هالتفكير اللي مامنه فايده ... -(ابتسم صقر وهو يقول :- أي جذي اخوي ... من عيوني ياروح روحي انت .. -(عقد حواجبه على ابتسامه بسيطه وهو يقول :- انت ياعليك لسان ينقط عسل مدري من وين يايبه .. ياحظ زوجتك بس ههههههـ .. -(صقر بهاللحظه ماأبتسم ولا شي .. ومايدري لي شجت في باله ليان لما جاب اخوه سالفة الزواج قدامه ... بعد هالأفكار بسرعه وهو يقول :- انا رايح اييب الشطرنج ... -ههههههـ لا يكون الأخ استحى ... (مارد صقر وهو كل تفكيره بليان ... (ليان بهالوقت نايمه وبأحلامها التعيسه تحت سقف مهجور ... والأخوان الأغنيـــــــــــــــــآء .. عبدالمحسن وصقر يلعبون شطرنج ونسو سالفتها من الحماس باللعب .... """""""""""""""""""""""""""""" (نروح للبطلنا فيصل ... فيصل مثل ماعرفنا انه بدون بيت للحين ... ولا يمكن يروح عند عبادي من بعد اللي صار فجأه والانقلاب اللي صار بشكل مفاجئ وغريب من عبادي .. عبادي نصف فيصل الثاني .... غدر فيه ويغدر أكثر من ورى ظهره .... يغدر فيه بحبيته .... وتين اول حب للفيصل ..... فيصل طلب من جينفر سلف وبيرجعه لها بأقرب فرصه .. طبعا جينفر عارضت وبقوووه وطلبت منه يجلس وينام عندها لين مايحلها ربه ... بس هو رفض وأبدى ماعليه كرامته انه ينام عند بنت ... ورفضت انه يرجع الفلوس بس برضو ماعطاها وجه لأنه راح يرجعه لها أكيد ... فيصل كل الليل يدور له عن شقه بس ماحصل ... كل المحلات تسكرت بهالوقت وهو ماله مكان ... قرر ينام بسيارته أحسن حل له ... (وتين وعبادي بهاللحظه يتراسلون مسجات سوالف مع بعض .... وتين كل مالها تتعلق أكثر في عبادي ... وعبادي لطييييييف مررره معها .... وعاجبته برضو .... (بالجـــــــــــــــــــــــــــآمعه .... أميره جالسه على الدرج برى بالجامعه في الحديقه ... تتفرج على اللي رايح واللي جاي وماغير تتحسر على نفسها .... لما شافت ولد جالس مع شلة بنات قالت بصوت واطي مليئ بحقد ... شف شف ولد اللذينا ... فاق خشته على ذالزيون .... لفت تدور بعيونها على فيصل بس مالقته ولا يمكن تلاقيه بهالجامعه الكبيره .... بعندها امل كبير انها تحصله ..... |
|
#49
10-01-2010, 11:03 AM
| ||
| | ||
| جنااااااااااااااااااان مررره نايييييييس  نستنى البارت بأسرع وقت ياعسل ~
__________________   :glb::wardah: |
|
#50
10-05-2010, 02:50 PM
| ||
| | ||
|
كملي  |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هذه لوحة من أعمالي أتمنى تعجبكم | شهد22 | لوحات فنية و خط عربي | 22 | 05-27-2009 12:10 PM |
| صور أطفال ....((أتمنى تعجبكم)) | قطرية كيووت | أرشيف المواضيع الغير مكتمله او المكرره او المنقوله و المخالفه | 22 | 08-16-2007 01:51 PM |
| أتمنى أن تعجبكم هذه الصور | مبدع العالم | أرشيف المواضيع الغير مكتمله او المكرره او المنقوله و المخالفه | 14 | 08-10-2007 11:49 PM |
| كوكتيل صور أتمنى تعجبكم | دندوسة | أرشيف المواضيع الغير مكتمله او المكرره او المنقوله و المخالفه | 3 | 05-20-2007 02:16 AM |
| أتمنى أن تعجبكم هذه الباقة من الصور..... | زهرة الرمال | أرشيف المواضيع الغير مكتمله او المكرره او المنقوله و المخالفه | 13 | 01-17-2007 02:17 PM |
العرض العادي
