خبر وفاتك بعد عمر طويل إن شاء الله - عيون العرب

**Strawberry Girl** · #1 08-07-2010, 06:45 PM

أتمنى تقرااهـا للآخر .~

تخيل أن هذا هو أنت..

وتوفاك الله في هذه الأيام وفي هذا العام 1431 ه...

طبعاً يوم توفيت ودوك للمستشفى وخلوك في الثلاجه عشان إجراءات شهادة الوفاة..

تركت غرفتك وجهازك وجوالك وأصحابك..

وأهلك أمك وأبوك و الدنيا كلها تبكي على فرقاك

يجي أخوك يقول لأمك يمه أخوي فلان توفى .. و أمك تصرخ وتبكي ما تبيك تروح عنها أبد..

يتبادولون الرسايل و فلان ابن فلان او فلانة بنت فلان توفى وبيصلون عليه في المسجد الفلاني بكره الظهر..

جاء بكره و أخوانك أهلك وأصحابك ماناموا يبكوووووون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

شالوك وودوك للمسجد وضعوك قدام الإمام وأبوك و أخوانك وأصحابك..تجمعوا كلهم في بيت الله.. في البيت اللي يناديك خمس مرات في اليوم وأنت ولا هنا..

صااااااااح المؤذن وقال

الصلآآآآآآآآآآة على الميت يرحمكم الله..

وكبر الإمام الله أكبر

والكل قرأ عليك الفاتحة

الله أكبر

والكل دعا لك وتوسل لك عند اللي أنت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لأبوك وأخوانك (أحسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب

جابوك وحطوك في الحفرة ورصوك بكومه من الأحجار واللبن وكبو التراب ودعوا لك ومشوا..

وأنت

تسمع قرع نعالهم اقفوا وخلوووووووووووووووك..

وعزاك 3 ايام و ينسووووونك..

و أنت

ماعندك ولاااااااااشي.. جيت ضيف عند اللي يناديك خمس مرات ياعبدي تعال أبيك ..ياعبدي حي على الصلاة يااا عبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في أمان ..أغناك..

جيت ضيف عند اللي غلطت على عباده واذيتهم..

ياترى تتوقع ان فيه أحد أنت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع أحد بيجيب خبرك مع اللي تسولف معهم في النت.. والله محد داري عنك..

ياترى حبيبك اوحبيبتك اللي انت فرحانـ(هـ) فيها ولا حتى تلعب عليهاااا ..وش بتسوي .. اتحداك تصيحـ(ي) عند اهلها وش تقول ؟؟؟ خويي او خويتي ماتت..

بتسكت وبيعزونها صديقاتهاااا او أصدقائه وبتمر الأيام تتزوج أو يتزوج وتسحب على الذكريات...

غرفتك بتقول ياااارب أنا غرفة فلان كان يسوي فيها ويسوي فيهااااا

سيارتك بتحكي

جوالك بينطق

أي أرض مشيت عليها بتقول يااارب فلان اللي مات سوى كذا وسوى كذاااا

و أنت

ماعندك حتى كلمة قلتها من قلبك تحاج فيها ربك..

مت .. وناس زعلانة عليك.. مت أهلك ماذاقوا برك.. مت وأنت لاهي مع اللي والله يجلسون معك بالساعات وإذا قاموا نسووووووووووك..

مت .. واللي عزك وعلاك وكبرك.. المنان الرب الرحمن.. مااااااااااااااااا جلست معه جلسه من قلبك تقول فيهااااا الله أكبر وتبدأ بالحديث معه وتقول الحمدلله رب العالمين وتركع له وتسجد له خمس دقايق بس..

أنا ماقلت هالكلام إلا والله اخشى وأخاف إني ما الحق على رمضان ويقدر ربي سبحانه إن 1431ه آخر سنه أتنفس فيهاااا..
ارجوك حاسب نفسك
ولاتعتذر للي ظلمته ولكن كف اذاءك عنه
وصل فرضك

وركز بأيميلك كل شي ترسله ينعاد ينرسل
واذا كان فيه إثم يزيد وأنت ماتشوفه
رحمة من ربي تغفرلك ذنوبك

..اللهم آتنا في الدنيا حسنة وفي الآخرة حسنة و قنا عذاب النار..

أختكــ,,ــم
Strawberry Girl

Sweet 1 · #2 08-07-2010, 06:49 PM

مشكووورة
يسعدني ان اكون اول من يرد على هذا الموضوع الرائع

**Strawberry Girl** · #3 08-07-2010, 07:14 PM

Sweet 1 وجودكِ على صفحتي أضائها وأسعدني كــ,,ـــثيراً ..

**مميزة في مدرسة** · #4 08-09-2010, 11:20 PM

مشكورة عالموضوع المميز

**Strawberry Girl** · #5 08-10-2010, 04:58 PM

شكرا يا مميزه على المرور الرااائع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لشعر طويل طويل طويل ؟؟؟؟؟؟؟؟؟؟؟؟؟؟؟؟؟؟؟؟	سارة المبسوطة	حواء ~	8	02-25-2011 04:35 AM
ما هو مصير إيميلك بعد وفاتك؟؟	مؤيد عبد	نور الإسلام -	2	07-02-2010 03:12 PM
دعاء طويل ولكن انشاء الله فيه الخير الكثير (ارجو ان يكون اول المطلعين عليه اخونا فارس السنة)	عبدالله قصي	نور الإسلام -	1	11-13-2007 01:47 PM
ما هو مصير ايميلك بعد وفاتك !!!!!!!!!!	ag-007	أرشيف المواضيع الغير مكتمله او المكرره او المنقوله و المخالفه	20	07-26-2007 09:52 PM