قصيدة الصمت له عندي معزة ومقدار - عيون العرب

**osama14** · #1 06-17-2010, 02:21 PM

الصمت له عندي معزّه ومقدار....
....في زحمة الافواه..يا مزين الصمت!!

لا صار بعض البوح عند البشر عار....
....لو يشتعل جوفي حشى ما تكلّمت

تعبت من قولة: (علامك)و(شو صار)....
....وان طحت ما ألقى سوى كلمة(سلمت)

واعذار اخلقها ولو مالي اعذار....
....مشّيتها مره..ومرات ما رمت!!

كذبة صباح الخير/يا صبح الانوار....
....عذري ليا عدّت ليالي ولا نمت

اسهر طوال الليل وضْيوفي افكار....
....واقول لاْصحابي:نعم توّني قمت!!

ما عاد فيني ألفت عْيون واْنظار....
....يكفي بأني من زماني تعلّمت

ان الصدر بيت/ن..وسكّانه اسرار....
....نيّام..بس يصحون لامن تألّمت

يصحون ويناظرهم الجار والمار....
....وش عاد ينفع سترهم لو تكتّمت؟!!

آقدّم اقدامي على درب الاصرار....
....امشي ولكن للأسف ما تقدّمت

(الغار قدامي..ومن خلفي النار!!)....
....والعمر يمضي بي وانا ما تولّمت

يا لين ذاك الحلم في لحظه انهار....
....وانا مع لحظة سقوطه تحطّمت

اجروحي اكثار..وتناهيدي اكثار....
....لكن على كثر المواجع..تبسّمت!!

مـحـب الشعر · #2 06-19-2010, 06:58 AM

احب اهديلك الرابطه وحط اشعارك فيها
http://vb.arabseyes.com/t176253.html

**osama14** · #3 06-24-2010, 02:20 PM

**imanesali1** · #4 06-24-2010, 02:50 PM

كلمات أروع من الروعة تسلم

**osama14** · #5 06-24-2010, 07:29 PM

رد أروع مشكورة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نشيد عودي الى العش عودي	بتول الشرق	خطب و محاضرات و أناشيد اسلاميه صوتية و مرئية	0	04-19-2010 02:20 AM
الصمت له عندي معزّه ومقدار	ماتميزني الألقاب	قصائد منقوله من هنا وهناك	6	12-03-2009 07:00 AM
انا عندى قصيدة حنينى	wael	أرشيف المواضيع الغير مكتمله او المكرره او المنقوله و المخالفه	1	05-19-2006 12:42 AM