عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

Like Tree1Likes
 
 
LinkBack أدوات الموضوع انواع عرض الموضوع
  #1  
قديم 05-12-2010, 02:12 PM
 
Talking رواية ((يوم كنت في الابتدائية))بقلمي

السلام عليكم
كيفكم؟
ان شاء الله بخير
انا صراحة احس بملل في هالايام
فقلت ابغى اسوي شي جديد
لان نشاطي روتيني من الدرجة الاولى
حبيت اشارككم قصتي يوم كنت في الابتدائية
وطبعا خترت لكم مرحلة السادس الابتدائي في فترة معينه من الفصل الدراسي الثاني
هذي الفترة اخترتها لانها اثرت في حياتي كثيير وتعلمت اشياء اكثر
.........................
سبب كتابتي للرواية اني املأ اوقات فراغي بكتابة شي ممتع
وبعد اعطي الفرصة للبنات الصغار يثبتون شخصيتهم من خلال الروايات لان الروايات الحالية
مافيها احد صغير كله بطولات شخصيات كبار
وان كل الروايات الي اشوفها الحين خيالية لدرجة انها مملة
انا قرأت كم رواية وصراحة انا من النوع الي يحب الروايات الواقعية والي فيها حماس واثارة واكيد ضحك
.......................
هذي الرواية كلها ضحك ومشاكل وهبال وصرقعة
والي يحبون الروايات الرومنسية مااتوقع بتعجبهم هذي الرواية
لانها واقعية ومضحكة وتحكي مجتمع البنات في مدارس الابتدائية
.......................
انا اتمنى انكم لما تنقلون الرواية ماتنقلونها على انكم كاتبينها انتم لاني تعبت فيها واجد
ملاحظة:الشخصيات بالرواية حقيقية لكن الاسماء مختلفة

.......................

((((اهم شي رايكم)))
___________________


الشخصيات الرئيسية:
نورة:
مشكلجية ومصلحجية لاخر درجة تحب تمزح وااجد ولما احد يدخل جو ويمزح معها الكل يحمر وجهه من الضحك
من ناحية التخطيطات الشريرة فهي اكبر مخططة شريرة وعلى انها كذا فهي عاقلة بس تجيها احيان تصير مرجوجة
هي دفررة بس في ادفر منها طبعا..لها هيبتها بالفصل ولما تعصب الكل ينحش من جنبها..تموت على شي اسمه نت ..والحيوانات

جود:
صديقة نورة المفضلة رغم اختلاف شخصياتهم هي شوي انطوائية ومايعجبها اي شي الا بعد الاقناع..دلوعة بس عليها حركات نجاسة
ولو حطت احد في عقلها تحب تهبل فيه وتطلع الشيب براسه

شمايل:
عاد هذي في وقت الهبال دايم مع نورة وسارة وبعرفكم عليها بعدين
حياتها الكشخة ماعمرها رقعت ملابسها في حياتها وكل يوم جاتنا بأكسسوار جديد و(اكرمكم الله)بوت جديد
ونسميها :شميلة ام الخلاقين

سارة:
رجه وحفال وهبال طووووول عمرها هبلة تحب تمزح نادر مانلاقيها معصبة ولما تستهبل محد يقدر يسكت من الضحك
وعاد هي ونورة وشمايل الثلاثي المرح
ومحبوبة عند الكل..وتسميها نورة:وجه السحلية المدعوسة

لما:
عاد هذي تقريبا مثل اخت نورة..ماترفض لنورة طلب ودايم تدعمها ونفس نورة ترد لهالبنت في يوم من الايام جميلها
النذلة نمبر1 ودفشة من الدرجة الاولى ..حياتها التكفخ والتشويت ويسمونها البنات:انترتيكر

عائلة نورة:
الاب:طيب ويحبها مررة لانها اخر العنقود
الام:شخصية مسؤولة وعصبية شوي لكنها طيبة كثير
اريام:اختها الكبيرة متزوجة وعايشة برا
ايلاف:اختها الكبيرة اخر سنه جامعة هي واختها دايم هواش بس هي الاخت الوحيدة الي دايم معها
امال:اختها الي بثاني جامعة هي واختها عشرة عمر بس هي تدرس برا عشان كذا ماتقدر تكلمها واجد
ندى:اختها الي بثاني جامعة بس عشان امال تأخرت بالدراسة فهم يدرسون مع بعض
محمد:اخوها الي بثاني ثانوي لازم هي وياه هواش بس بعض الاحيان يقعدون مع بعض
احمد:اخوها الكبير الي يشتغل تمووووووت فيه لانه طيب معها مررة

______________
الفصل الاول
اول يوم بعد اجازة الفصل الدراسي الثاني


تقوم نورة من النوم بشعرها الي تقولون كنه صاعقته صاعقة كهربائية بعد ماقومتها امها بالماي لانها سهرت امس
نورة:ليه تصبيني بالماي وش سويت؟
الام:من نص ساعة وانا قاعدة اقومك والحين تقولين ليش
نورة :والله اني ماحسيت
الام:اقول عن الهذرة وقومي بسرعة يلااااااااا
تقوم نورة وتروح غرفة اخوها محمد:محمد..محمد قوم يلا مدرسة
محمد:هااه؟
نورة:اقولك قوم مدرسة يلا قبل مانتأخر
محمد:طيب..طيب انتي روحي الحين
نورة:اقولك يلااااااااا قوم بلا نوم
محمد:اقلبي وجهك الحين لارفسك بقوم بعد شوي
تروح نورة من الغرفة حقت محمد وتتسبح وتلبس المريول وتتجهز
وتطلع الصالة
الام:نورة روحي افطري
نورة:ماحب افطر بالصبح
ايلاف:روحي افطري زين الفطور لك
نورة:والله ماابغى مااحب
ويركبون السيارة..
وتنزل نورة من السيارة للمدرسة وهي زهقانه حيل مالها خلق وتقول في نفسها والله الاجازة قليلة بس اسبوع
يالله ماتهنيت فيها
وتدخل المدرسة
نورة:اهلين جود
جود:هلا
نورة:هلا بنات
البنات :هلا
اسمهان:الاجازة قصيرة وش ذا؟
اسمهان 2:احمدي ربك ترى في ناس مااجزو وبعدين حنا مو في اجازة نصف السنه ولا نهاية السنه حنا في اجازة مدري وش جيبها
((..بفصل نورة في بنتين اسمهم اسمهان))

نورة:بس والله قليييييييل كان ودي تكون طويلة
ويرن جرس الطابور ويبدأون البنات ينشدون النشيد الوطني طبعا الصفوف الدنيا متحمسين بقوة اما عن رابع وخامس وسادس
الي تحرك فمها بدون صوت والي تسولف والي تتفاخر بأغراضها والي متحمسة مع النشيد الوطني وتصارخ والي تعدل شعرها والي تنحش من الطابور
وغير كذا اشياء
وطبعا بعد النشيد الوطني ودعاء الصباح
عطتنا الكاتبة تهزيئة دايما متعودين عليها
ابلة فخرية((الكاتبة)):وبعدين يالفصول العليا وش هالاصوات من اول يوم بعد الاجازة نبدأ تهزيئ ..يعني ماتفهمون ..
الفصول الدنيا احسن منكم.....الخ
طبعا كلنا مطنشين لانه شي طبيعي
ونطلع عالفصول
نورة:لمااااااااااااا
لما:هلا نورة
ويسلمون على بعض بطريقة استهبال
نورة بأستهبال:اشتقت لك يالدوووووووبا لا لا لا..خلاص مقدر اعيش بدونك
لما بتكبر:ادري
نورة:اقول لاتصدقين وتشوفين نفسك احمدي ربك احد عطاك وجه
لما :ههههههههه
طبعا ترتيب الفصل 3 فرق كل صف في كل فرقة 3 بنات
نورة بالفرقة الي بالوسط
هي على الحافة باليسار وجنبها بالوسط شمايل والي باليمين لما
شمايل تجي متأخر ودايم تتوهق لما تبغى تروح مكانها لانها بالوسط
شمايل وفي عيونها نوم:نورة شوي مساحة
نورة:يووووووووه مالي خلق روحي من عند لما
شمايل:يلا عاد بلا نذالة وخري
نورة:طيب
وتجي ابلة الرياضيات:السلام عليكم
البنات:وااااااااااااعاااااااااااالااااااااااايكوووووووووموووووو السلاااااااااااااااااام واااااااااااااااا رااااااااااااااحماااااااااتوووووووو الله وبركااااااااااااااااااتووووووووو
طبعا البنات معروف مع البطئ تتمدد الحروف
ابلة الرياضيات:كيفكم؟
البنات:تمام الحمد لله
ابلة الرياضيات:كيف الاجازة
البنات:وااااااع قصيرة ماستانسنا استاذة
ابلة الرياضيات:احمدو ربكم في غيركم ماستانس اسبوع ولا ستانسم قسم مشكلة
منى:لا ستاذة والله ملل اسبوع مايكفي
البنات :ايه استاااااااااااذااااااااااا
ابلة الرياضيات:يلا طلعو كتاب الرياضيات
وتقعد الابلة تشرح والخ.....الخ....الخ
تخلص حصة الرياضيات
تروح نورة لغرفة العلوم ببطئ عشان تقعد تطالع الفصول
تمر من هالفصل الابلة تشرح
ومن الفصل الي بعده الابلة تهزأ
ومن الفصل الي بعده البنات يناقزون كنهم قرود لان ابلتهم ماجت
ومن الفصل الي بعده البنات معاقبتهم الابلة كلهم واقفين وكل فصل له قصة مختلفة
واخيرا توصل غرفة العلوم..
.


بعدين بكمل القصة الحين وش رايكم


GAWOOD likes this.
  #2  
قديم 05-12-2010, 06:36 PM
 
تسلمي
بانتظار تكملة القصة
انا حبيت نورة ولما
__________________
عندما تغيب الشمس من جهة فانها تشرق من الجهة الاخرى
فلا تدع الظلام يحبط عزيمتك
وافتح قلبك لصوت العصافير في الصباح
نائبه الرئيسه في شلة عشاق هيناتا
مجلة عشاق الانمي
http://vb.arabseyes.com/t176362.html
  #3  
قديم 05-14-2010, 04:26 PM
 
شكرا لكي وانشاء الله تكمليها لانها حمااااااااااااااااااس
__________________
لقد عدت بعد غياب طال مدة 3اشهر
  #4  
قديم 07-27-2010, 11:44 AM
 
مشكوره خيتو على الجو من جد ايام حلوه الي بيقعد يسترجع ماضيه لاني مااحب الزعل هههههههههههههههههههههههههههههههههههههههههههههههههههههههههههه
  #5  
قديم 03-09-2012, 10:43 PM
 
رووعه تسلمي
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية فاطمه بقلمي سحر الشرق2002 روايات كاملة / روايات مكتملة مميزة 109 02-26-2015 05:02 PM
رواية الزمن قاسي ولايمكن يلين ..اول رواية لي في الذمة تقرونها ......بليز بنت عز ومن شافني فز أرشيف المواضيع الغير مكتمله او المكرره او المنقوله و المخالفه 10 07-01-2011 07:45 AM
رواية غارقات في دوامة الحب رواية ولا أروع بقلم الكاتبة:عيون القمر بنت ناس وقلبها حساس أرشيف المواضيع الغير مكتمله او المكرره او المنقوله و المخالفه 57 06-30-2011 04:40 AM
رواية حب في السعوديه اقوى روايه ( رواية الحب بعد فوات الاوان ) ЯǒǑǒйĝ3ħ أرشيف المواضيع الغير مكتمله او المكرره او المنقوله و المخالفه 9 05-19-2010 09:19 AM
رواية قلوب ستتحطم {انميه؛بقلمي} ήỡỗя สℓķỡỗй. أرشيف المواضيع الغير مكتمله او المكرره او المنقوله و المخالفه 4 04-01-2010 07:13 PM


الساعة الآن 07:36 PM.


Powered by vBulletin®
Copyright ©2000 - 2021, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011