ابوهايل لنور القمر رجالا فهيمه - عيون العرب

**محمد الزهراني** · #1 01-29-2007, 09:01 PM

هذا رد الاستاذ ابو هايل على قصيدة اختنا الاخت نور القمر

‏

الرد عليها من ابوهايل:
يامن جلس مـع فجـر ليلـه طويلـه
لملم جروحك واترك اليـوم الاحـلام

اطلب عظيم الشـان دوم ارتجـي لـه
ماخـاب طالـب لـلـذي دوم دوّام

يامـن بكـى فـوق حـب وخليـلـه
هذي تصاريـف النـوازل والايـام

خذ عبـرةٍ وحسـب حسـاب القبيلـه
وحسب حساب العرف واخوال واعمام

وانسى ليالـي عاشهـا قيـس وليلـه
ولا تذكر الماضي ولاتنـدب العـام

مشكلتـك انـك مامعـك اي حيـلـه
ماغير ترضى والرضى كنه الجـام

العـرف لاهـل القـلـوب العليـلـه
العرف هـو مشكلـة كـل الارحـام

العرف جهل وظلـم وخايـب سبيلـه
ماهوب حكم او شرع من دين الاسلام

يامـن سـأل عـن رد قـومٍ جليلـه
الرد جاك بس اسمعـه زيـن ياهـام

مانـي مـن اللـي يفتخـر بالطويلـه
طول الشوارب لاخطت تغدي اخمـام

بس اطلبـك تصبـر بصبـر جميلـه
وتسأل اللي يسمع السـر والاعـلام

ان يرزقك مـن تعشقـه وتهتنـي لـه
ويسهل امرك غصب عن كل ذمّـام

هو قادرٍ هو ناصر اللـي يلتجـي لـه
بس اطلبه ونسـى قليليـن الاختـام

وسلامتكم
وصح السان ابو هايل

**محمد الزهراني** · #2 01-29-2007, 09:02 PM

اذا امكن احد يعرف للتنسيق ينسقها تراني على قد حالي في النت
وسلامتكم

**ربيحة** · #3 01-30-2007, 12:54 AM

اقتباس:

بس اطلبه وانسى قليلين الاختام

صح لسانك محمد الزهراني

لا حرمتك العيون

**gad.fat_tm** · #4 01-30-2007, 01:00 AM

و الله مبدع

يا ابوهــايل

شكرا ً الزهراني
************************************

**فرسكا** · #5 01-31-2007, 09:57 AM

اشكر ابوهايل كثيرا على الرد واللي نقل الرد كمان..

اسعدني كثيرا وبجد لا تعليق عندي سوى شكركم..
تقبلوا احترامي،،