فرق المعاملة بين الشب والبنوتة ...........ضاد ماكل هوا وساكت ‏ - عيون العرب

رجل شرير · #1 03-16-2010, 12:27 AM

مرحبا ياحلوين ويا حلوات
انا عضو جديد عندكو

وهي اول موضوع الي واتمنى انو يعجبكم
حبيت اعطيكو فكره عن الشباب المدمره نفسيا
1) بتلاقي الشب بالدار معاملته بتختلف كليا عن البنت الشب بيقول لأبوه يابا أعطيني أشتري مسلا بلوزة بقله ولا روح انقلع من خلقتي وروح دورلك على شغلانة بدل ما إنت قاعدلي عواطلي حلوة والله بدي أصرف عليك لما تموت أنا ,وبعدين لإيش البلوزة ما إنت شريت وحدة قبل سنتين ولا عشان تشخص على المعاتيه صحابك ...... بس لو البنت قالتله بابا أعطيني 100 شيكل أشتري تنورة بقلها عينيا إلك يا بابا خليهم 200 عشان تشتريلك جكت وهي كمان 50 عشان تشتريلك كمان بنطلون .

2) السواق لو كان معبي سيارته شباب وقفته مزة وحدة مستعد ينزل الشباب كلهم ويعطيهم مصاريهم ويركب المزة و لو الشب وقله بس لقدام نتفة بالله بقلك بقدرش زحمة سيارات امشيها مشي ما إنت شباب بس لو مزة بقلها ولو لقدام نتفتين مش نتفة أمانة بيكفي هنا ولا كمان .

3) لو كان في إجتماع والكراسي مليانة وإجت مزة متأخرة بتلاقي كل الدنيا بتقوم عشان تقعد بس لو شب ولا حدا مستعد يعبر أهله بقلوله روح شوفلك حجر ولا تنكة واقعد عليها

4) لو شب إجا على محاضرة متأخر بتلاقي الدكتور بقله لو سمحت لما تتحترم المحاضرة والدكتور بتبقى تيجي وإزا الشب فتح تمه بقله روح اسحب المادة عالسريع لإنك حاملها على الأعناق أما لو بنت بقلها اتفضلي تريحي شكلك تعبانة من المشوار ومستعد يوقف المحاضرة ولما ترتاح يكملها

5) شركة جوال لو اتصل على الإستعلامات شب ورد على الراجل بقله أهلين ارغي بس بسرعة عشان ناخد غيرك وبيبلش ريقه وأحيانا بيفصل بخلقته الخط أما لو بنت بقلها يا هلا يا هلا إله الخاطر ينط من شاشة الجوال وبيشرحلها بقلب ورب وبقلها شكرا على إتصالك وتحريميناش من إتصالك

6) لو إعلان وظيفة وتقدمولها شباب كفاءة ومواهب ومقطعين السمكة وديلها و بنت لطخة وتور الله في برسيمه بس مكحلة ولابسة ضيق ومليطة على خلقتها جردل بوية بيضا بيحلقوا للشباب كلهم وبياخده الشقفة الأمورة .

6) لو الواحد دخل على معرض ولا محل البياع شب بيجنن أهله وبطلعله روحوا وبيستهبل عليه وبالآخر بقله ملقيتش طلبي أو بمر عليك بكرة بس البياعة مزة بيبدا يقلها هاتيلي على زوقك ومستعد يشتري المحل وبيفاصلش بالسعر بياكل هوا وبيدفع زي الأسد

7) لو الولد طلب من أخته تعمله شغلة مسلا تكويله قميصه ومرضيتش ولطشها كف يا وردي عليه وعلى إلي حيجراله لما يرجع أبوه بيمسكه وبيلطشه كفين وبقله ليش بتمد إيدك على أختك ولا, بيقله مرضيتش تكويلي بقله ليش ملكاش إيدين تكوي ولا جاي تتأمر عليها والله إزا سمعت إنك عمرك طلبت منها طلب غير أقصلك لسانك ونفسي بعد هيك تمد إيدك عليها عشان أبيتك بالمستشفى.بينما لو البنت طلبت من أخوها يروح يشتريلها وقلها كمان شوية مش بديش وبلغت الوالد بيمسكه ولا إنت بتستحيش ولك إنت بتفهمش كيف أختك بتطلب منك وبترضاش وبيعطيله كلمتين بالعضل وبقله أول مرة وآخر مرة أسمع إنك مرضيتش تشتري لأختك فاهم ولا يا ناقص
وبالنهاية بدنا تفاعل ونشوف إيش رأي الطرفين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الدين ...المعاملة	.رشا.	نور الإسلام -	15	08-04-2012 04:14 PM
من هو سبب فشل الحب ( الشب ام الفتاة )	angel555	مواضيع عامة	14	03-12-2010 06:51 PM
افخم مطاعم لاكل الحشرات والحيوانات الغريبة	SCORPIONKING	أرشيف المواضيع الغير مكتمله او المكرره او المنقوله و المخالفه	9	10-26-2009 11:56 PM
(الدين المعاملة) ليس بحديث	fares alsunna	نور الإسلام -	13	01-21-2008 01:03 AM
شوف المعاملة الحلوة لقواة الشرطة العراقية (بالعكس طبعا)	ag-007	حوارات و نقاشات جاده	16	05-24-2007 08:49 PM