على كف القدر نمشي نواكب دفة الأحزان

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامن جلس مع فجر ليله طويله
=لملم جروحك واترك اليوم الاحلام
اطلب عظيم الشان دوم ارتجي له
=ماخاب طالب للذي دوم دوّام
يامن بكى فوق حب وخليله
=هذي تصاريف النوازل والايام
خذ عبرةٍ وحسب حساب القبيله
=وحسب حساب العرف واخوال واعمام
وانسى ليالي عاشها قيس وليله
=ولا تذكر الماضي ولاتندب العام
مشكلتك انك مامعك اي حيله
=ماغير ترضى والرضى كنه الجام
العرف لاهل القلوب العليله
=العرف هو مشكلة كل الارحام
العرف جهل وظلم وخايب سبيله
=ماهوب حكم او شرع من دين الاسلام
يامن سأل عن رد قومٍ جليله
=الرد جاك بس اسمعه زين ياهام
ماني من اللي يفتخر بالطويله
=طول الشوارب لاخطت تغدي اخمام
بس اطلبك تصبر بصبر جميله
=وتسأل اللي يسمع السر والاعلام
ان يرزقك من تعشقه وتهتني له
=ويسهل امرك غصب عن كل ذمّام
هو قادرٍ هو ناصر اللي يلتجي له
=بس اطلبه ونسى قليلين الاختام
[/POEM]