|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#34
01-13-2010, 03:04 PM
| ||
| | ||
| البارت السابع قرئت الرسالة بضعف وخوف شوي ويفتح صالح الباب ووجهه اسود ميهاف خافت منه وانكمشت على نفسها : ايش فيه صالح : البسي عبايتك تعالي من غير كلام لبست عبايتها وطلعت وهي تمشي بضعف و خوف من اللي جايها و مشت الين الصاله اللي واقف فيها رجال عند المدخل .. و باين عليهم رجال شرطه صالح : الانسة ميهاف حضرة الضابط ميهاف طاح قلبها في اخر رجولها الضابط احنا جايين بخصوص قضية الشركة القابضة للديكور الي انت تشتغلي فيها ميهاف بهدوء ظاهري : ايش المطلوب حضرة الضابط صالح : انت مطلوبه انك تحظري الجلسة في الشرطة الساعة وحدة اليوم ميهاف ترجف ( وصلت فيك كذا يانذل) : واذا ما حضرت الضابط : انت تخلفت عن المره الاولى وهذي الثانية يعني من مصلحتك الحضور اليوم ميهاف : انا ما عندي خبر عن المره الاولى و ما عندي مانع احضر صالح بغضب مكبوت و بصوت شبه مسموع : ما عندك مانع الله يسود وجهك على عمايلك السودا الضابط : راح تركبي سيارة الشرطة لان الحضور اجباري >> حرررام اما انت استاذ صالح اركب قدام مع السواق صالح : حسبي الله عليك ايش المصايب هذي الي تجي من وراك جايبه الشرطه لين باب البيت امشي قدامي للسياره ميهاف مشت مع السجانات و اركبت السياره معهم في الخلف ودموعها تنزل بقهر و تقول بنفسها ( أنا اش سويت بعمري انا اللي جبته لنفسي .. انا اصلا من البدايه غلطانه ليه اروح الفله لحالي و ايش خلاني اتحدى فيصل ليش ما مسكت لساني ..... بس هو استفزني ) ميهاف ركبت السيارة وتفكر انه هذا اخر شي يمكن تتوقعه يصير لها مع المطلوبين و المجرمين بعد ما كانت مع المتميزين و المثقفين وصلت الشرطة ونزلت مع السجانات لين ما دخلوا مكتب الشرطة الضابط : المدعي الاول حاضر عبد الكريم : حاضر سيدي المدعي الثاني : حاضر صالح: نعم يا حضرة الضابط انا حاضر معها محرم (وهو مكسور بوضوح) الضابط : الشركة مقدمة عليك بلاغ بعدم سداد ديون مليون و اربع مائة و الوقت طاف وانت ما سددتي ميهاف:................ الضابط : استاذ عبد الكريم يمكن تطلع الشيكات عبد الكريم (الي باين عليه منصدم من ميهاف بس هو عبد مأمور) : هذي الشيكات طال عمرك وعليها التوقيع الي اقرته الشؤن الضابط : كل الي قدامي شيكات حل موعدها وصاحب الحق يطالب بحقة ميهاف بدفاع : انا ما وقعت على شي يمكن وقعت عليها من غير ما اعرف اش هي هذي الاوراق الضابط مفهي بصوت ميهاف المبحوح و حب يطول الكلام معها ( هذا صوتها اجل شلون شكلها يا ويل حالي ) الضابط : انسه ميهاف اثبتي انك ما وقعت على الاوراق لان التوقيع مطابق و مصدق ميهاف بيأس : يمكن و قعت عليها صح بس ما اعرف محتواها الضابط : على حسب علمي انك متميزه في عملك يعني معقوله توقعي على شي ما تعرفين محتواه .. ميهاف : قلتلك توقيعي صحيح .. بس ما اعرف اثبت برائتي الضابط : اذا كنتي تتهربين من الدفع هذا شي .. و اذا تكسبين و قت هذا شي ثاني لاني ما انصحك بالمماطله لانه مو من مصلحتك ميهاف : ليش مو من مصلحتي الضابط : لانه راح نحجز عليك بالسجن ميهاف طارت عيونها : انســـــــجن !!!!!!!! ميهاف بنفسها ( و الله ما خليك تتهنى يا فيصل ) الضابط : الامور مو سهله فيها سجــــــــــــــن ميهاف : اذا بتوديني السجن قلت لك ما عندي مانع الضابط بنفسة ( الا نفسي اوديك بس مو للسجن لمكان ثاني الي صوتها وطولها كذا خصاره فيها السجن المفروض تعيش اميره ).......... صالح : يعني مافي أي حل ثاني او مخرج لهالقضية الضابط : فية حل واحد بس اذا كلمتوا صاحب القضية ممكن انه يتنازل عنها وتحلونها ودي صالح : ايش رايك ياأخ عبد الكريم عبد الكريم : الراي لطويل العمر انا ممكن اكلمة واشوف راية وهم يتكلمون دخل عليهم فهد ووقف الضابط يحيي فيه . اما ميهاف وقف قلبها خايفة ان صالح يعرف انه مدير اعمال فيصل فهد: السلام عليكم الجميع: وعليكم السلام فهد: سامحني ظروفي اخرتني عليك ايش صار في القضية الضابط : جيت في وقتك المدعي علية موجود وهو حاب انه يتكلم مع سعادتكم في خصوص التنازل عن القضية فهد : راح اشوف راي طويل العمر بس لازم نشوف موعد نكلمه صالح : احنا شاكرين لك بس ياليت في اقرب فرصة نكلمه فهد : الاستاذ فيصل عندة سفرة في اليابان لمدة اسبوع وبعدها نشوف الضابط : احنا اسفين اخ صالح لازم نحجز ميهاف في السجن صالح بضيق واضح: الاستاذ فيصل الـ .... (انا كل مرة اطيح بورطة منك يا ميهاف) ممكن تعطينا دقايق يا حضرت الضابط طلع صالح و ميهاف للاستراحه الداخليه في المركز واتصل صالح على فيصل الي رد بعد دقايق صالح بحرج: الو فيصل يبتسم بنصر لانه عارف ان صالح راح يتصل : الو صالح: السلام عليكم يا طويل العمر انا صالح اخو البنت الي انقذتها فيصل: هلا والله كيفك وكيف اختك >> النذل صالح: الحمد لله بس انا ابطلب منك طلب ياطويل العمر فيصل: انت تأمر يابوهادي صالح: ما يأمر عليك عدو. الموضوع بخصوص اختي ميهاف شركتكم رافعه قضية عليها بمبالغ مالية وانت عارف المبلغ كبير وما نقدر نسدده والسجن فضيحة كبيرة وانا اخاف عليها حنا الحين في قسم الشرطة فيصل يقاطعة: لا لا يابو هادي انت تأمر اعتبر الامر منتهي و انا راح اعاقب الي رفع القضية صالح اللي كبر فيصل بعينه : والله انك رجال وولد اصول بس لا تضر احد هذي حقوق ومثلك عارف فيصل بصدق : الموضوع انتهى وخذ اختك وروح البيت صالح : مشكور ماتقصر ما ادري وين اودي جمايلك علينا فيصل : لا شكر على واجب انا معجب فيك وواضح عليك انك شخص محترم صالح دخل هو و ميهاف للضابط اللي ابتسم يوم شافهم .. الضابط : ابشر يا اخ صالح .. استاذ فهد و قع التنازل عن الشكوى صالح اللي ابتسم بارتياح : الحمد لله .. الضابط : اذا ممكن توقيعك و توقيع الانسه ميهاف على التنازل صالح : حاضر واخذ الاوراق ووقعها ووهمس لميهاف : و قعي يا راس المصايب .. وخرجوا من المركز ميهاف كانت تسمع لسب و خصام صالح وهي ودها تموت الحقير فيصل . اول ما دخلت غرفتها مسكت الجوال الا صوت رساله فتحتها كانت من فيصل ( هههههههه اسمعي كلامي عدل صبري نفذ وان ماجيت الليلة تترجيني وتحبين رجولي راح اسلم للشرطه شريط الفيديو اللي عندي لما قتلت فيصل وشوفي مين بيطلعك من جريمة قتل ) ارسلت له (عمى يعمي وجهك كان ما عندك دم او انسانية ايش لون تبيني اجيك بذا الوقت ) رد فيصل (عادي دبري عمرك هذا شغلك مو شغلي) كتبت له (عادي اني اطلع من البيت آخر الليل لحالي ) كتب ( ياي يالمؤدبه طول عمرك فالته ) كتبت ( فالته في عينك اخوي مقفل الباب علي ) فيصل عصب وقال في نفسه هين اصبري لين ما تصرين بين يديني رد ( دبري عمرك لو جات الساعة 9 لا تلومين الا نفسك) جلست تصيح وسمعها اخوها ودخل الغرفة صالح : احمدي ربك ان الموضوع انتهى فيصل الله يطول بعمرة سكر علي الموضوع بطلي صياح التمثيل هذا ما عاد يمشي معي من اليوم و رايح طلعة من الغرفة ما في سامعة كلامي ميهاف جلست تصيح وهي تراقب الساعة قريب الساعة 8 ( ايش السوات ) دقت على كومار يجي وطلبت من البنات يساعدونها لانها بتطلع تقابل المسؤل عن قضيتها أبرار ما تدري عن السالفه : انا فتحت لك الباب وصالح ما يدري لا تاخرين وتورطيني معه منى: وحنا بنأخر صالح اذا جاء قبلك امال : بس انت لية بتطلعين لحالك خذيني معك ميهاف : كفاية انا ليش ادخلكم معي بالسالفه ركبت السيارة مع كومار الي وصلها للقصر الساعة 9 بالضبط انفتحت البوابة الخارجية ودخلت السيارة عند المدخل الداخلي عيونها تراقب بحزن المكان الي اقل ما يقال عنه بديع من جمال التصميم دخلها الحارس من باب داخلي على مكتب فخم فيصل بسخرية : شرف مكتبي .. فهد اطلع انت والبدي قارد ميهاف بهدوء ظاهري : انا جيت حسب طلبك بس ابعد اهلي من السالفة فيصل قام من كرسية ومشى لين ما وقف قدامها : يعني عرفت كيف تجين ميهاف الدنيا ضايقة فيها ماردت :................. فيصل : ليش انت جاية يلا وريني ابي اشوف كلامي ينفذ بالحرف الواحد ميهاف انفجعت لمى شال الطرحة عن وجهها ونزلت عينها على الارض لمى شافت الصدمة على وجهه فيصل : ايش هذا الي بوجهك ميهاف تبكي من جوا دم بس تكابر بسكوتها.................. فيصل مسك يدها ورفع وجهها يتأملة: اكيد صالح قام بالي نفسي اسويه ههههه وبنفسه (ايش فيك تأثرت من اثار الضرب مو هذا الي تبه ,تطين عيشتها) ميهاف ماتت من القهر وجات بترجع الغطوة على وجهها لكن مسكها فيصل : ترجييني يا ميهاف اتزوجك ميهاف واقفة بضعف وبين نارين نار الذل من فيصل ونار ذل اهلها نزلت دموع القهر على وجهها واهتز جسمها من البكاء فيصل الي هزت دموع ميهاف حتى الصميم من غير شعور كان بيرفع يده يمسحها لكن طيف مازن مر قدامة و الحزن الي في عيون اختة على ولدها ها من غير اهانة ميهاف له وقفت حاجز بينه وبينها نفض شعور التعاطف وراة وبدله بشعور الانتقام ونشوة النصر بشوفتها ذليلة ميهاف بلهجة ضعيفة : طال عمرك اعرف اني مو من مستواك ولا يشرفك اني اكون حرمك المصون بس ممكن تتكرم علي وتقبلني زوجه لك فيصل : ههههههههه انا ما قلت طلب انا قلت رجاء وبعدها تحبين رجليني وهذي اخر فرصة ميهاف فهمت تهديدة وحست انها الخسرانه اذا ما طاعته وقالت بصوتها المبحوح بترجي واضح : اهئ اهئ اترجاك يا استاذ فيصل تزوجني فيصل ابتسم بنصر وهو يشوفها تنحني قدامه ميهاف تحس ان الاوكسجين انسحب من الغرفة وهي تجلس على الارض عند رجولة وحست الدنيا سودا قدامها وطاحت مغمي عليها .............// ميهاف تحس ان الاوكسجين انسحب من الغرفة وهي تجلس على الارض عند رجولة وحست الدنيا سودا قدامها وطاحت مغمي عليها .............// تقلبت في سريرها وهي متعبة وتحاول انها تفتح عيونها تحس انها من زمان نايمة ميهاف: امال ايش الي منومك عندي امال تسد فم ميهاف بيدها : اش لا يسمعنا صالح ميهاف الي استوعبت هي كانت فين اخر مرة بخوف: وش صار لي امال : عدى الموضوع بخير وصالح ما حس بغيابك ميهاف قامت مفزوعة : مين جابني هنا منى: وطي صوتك أبرار المسكينه لها ساعة تحاول تشغل صالح وانت بتفضحينا بصوتك ميهاف: كيف جيت هنا امال : ياي يا ميهاف لو تشوفينه وهو يراقبك مع الممرضات الي شايلينك بخوف عليك ابنجن من شكله اللي يجنن جنتل مان منى : امير وربي امير ياميهاف ميهاف برعب : مين الي جابني مع الممرضات امال: مين يعني ههههههه منى: فارس الاحلام فيصل الـ لا ويقول حاولو تصحونها وطمنوني عليها وهذي بطاقتي و هذي الادويه و المراهم عشان تدهنون الاثار اللي عليها امال: ايه صح عطيني البطاقة ابتصل عليه اكيد من البارح ما نام من الخوف ميهاف في عالم ثاني نزلت دموعها وهي تذكر ضعفها و ذلها اكيد انه جابها بعد ما اغمى عليها امال: الو صباح الخير فيصل: الو صباح النور امال: معك امال بنت عم ميهاف فيصل باهتمام: اهلا كيف ميهاف الحين امال: طيبة تو ما صحت وهي حابه تشكرك بنفسها ميهاف ماتت من القهر كان ودها تذبح امال على تصرفها البرئ بس وش ذنبها ميهاف : الو فيصل بحة صوتها تطفي كل غضبه: الو ميهاف بهدوء: شكرا فيصل: هههههههه لا تشكريني والي اقولك علية تسويه اذا جاك صالح اياني وياك تقولين لا .. وانت عارفة زين ايش اسوي ابي اسمع رد صالح الليلة ميهاف بسخرية : اوامر ثانية فيصل بقرف : ايه داوي العلامات الي بوجهك سديتي نفسي ميهاف بتحدي : جعلها دوم مو بيوم فيصل بتهديد : ايش الي دوم ميهاف بصوتها الضعيف : سوري فيصل ارتبك من صوتها كانه اول مرة يكلم وحدة تتميع بس الظاهر ان ميهاف بتجلط فيصل عاجل ام اجل دخل عليها صالح المغرب وفي عيونه كلام كثير وميهاف متوقعة انه بيسألها عن رايها في فيصل صالح: ميهاف في كلام ابي اقولة ميهاف جات ترد بس قاطعها صالح: جب ولا كلمة بعد المشاكل الي جات من وراء دلعي لك راح يكون لي تصرف ثاني معك . البارح كلمني الاستاذ فيصل يبي يخطبك وانا منحرج منه اخاف انك تفشليني مع الرجال أنا عطيته كلمة وبرد عليه بكرة بالموافقة ميهاف : رد علية الليلة انا موافقة صالح بتردد : موافقة قومي جهزي نفسك ما عندك وقت ميهاف ببلاههة : اجهز نفسي لإيش صالح : هو شارط انه ياخذك من غير حفلة عرس ميهاف بخوف : وليش من غير حفلة عرس صالح : يقول ان وقته ما يسمح يسوى حفلة وانه بيملك وياخذك شهر عسل للنمسا و اذا رجعتوا بيسويلك حفلة استقبال كبيرة و المهر بيدفعلك كم مليون بس انا رديته و قلت انا اشتري الرجال .. ميهاف بصدمة كبيرة : وانت ليش ترخصني ياخوي صالح: الرجال ما ينعاب والي شفته منك الايام الفايته يخوف ميهاف :طيب انا ما عندي ملابس يعني كيف جهازي صالح: بياخذك بملابسك الي عليك و هو ما قصر مجهز لك كل شي انت ناسية من بتزوجين ميهاف بقهر وحزن والم : معقولة انسى صالح بفرحة : جهزي حالك لبكرة البنات انصدموا من الخبر لكنهم كانوا فرحانين لميهاف امال:معقولة ميهاف بتصيرين حرم فيصل الـ منى: ياي ميهاف بيحسدونك ملايين البنات أبرار : الله يهديه مستعجل امال بعيارة : اكيد الاخ مستعجل من يوم شفته مع الممرضات الي شايلينك امس و انا اقول الرجال راح فيها منى: يا عيني والله ما احد راح فيها الا انت....... ابرار : واو ميهاف انت بتتجوزين الملياردير فيصل الـ ميهاف تتصنع الفرح: شفتي عاد اشلون انا مهمة منى: مهمه وبس انا بتلزق فيك من الحين امال:الله يعينك علينا البنات حاولوا انهم يجهزون ميهاف للملكة الي اشترط فيصل انها تكون عائلية وان اهله مسافرين للنمسا يستنونهم في المساء اجتمعوا البنات عند ميهاف بعد مالبست فستانها الي اصرو انها تلبسه والمكياج الي حطته اناملها الخبيرة وحاولوا نهم يسون جو من الوناسة لها >> (ياعيني عليك اميهاف حتى فرح زي البنات ما فرحتي .فيصل غبي ما يستاهلك) صالح دخل الدفتر على ميهاف: وقعي هنا ميهاف تمسك القلم وهي ترتجف وتوقع والدموع تنزل مثل الشلال صالح من غير نفس: مبروك وجهزي نفسك فيصل بيتعشى وياخذك ميهاف (الله ياخذه) أبرار : ماهو ملبس ميهاف الشبكة صالح : الشبكة عندي وهو يقول منحرج يلبسها .. يقول انه مستعجل وهي بتروح معه على طول ماله داعي بعد ساعة لبست عبايتها ودعت ميهاف بنات عمها ومرة اخوها وهي تبكي وهم يوصونها ما تخرب المكياج من الصياح. ووقفت مع صالح الي ركبها السيارة وودعها هي وفيصل صالح: مع السلامة وطمنوني عليكم ولا اوصيك على ميهاف فيصل: لله يسلمك ولا توصي حريص ميهاف في عيوني فتح الحارس باب السيارة الروز رايس الطويلة ودخلت ميهاف بخوف وهي منصدمة من شكل السيارة كبيرة من جوا و الكراسي مقابلة لبعض من غير التلفزيون الي فيها ومظلله من جوا جلس فيصل مقابل لميهاف وعلى وجههة ابتسامه غامضة وبسخرية وهو ينفث الدخان من سيجارتة الكوبية العريضة: اكيد انك فرحانه و الا اقول بتشققين من الوناسة ميهاف :................ فيصل : مبروك عليك العز و النعم اللي عمرك ما شفتيه لو بالحلم .. ميهاف : ........... فيصل رمى الماء من الكاس عليها : انا اكلمك ميهاف تحس الدنيا صغيرة وهي تمسح الماء عن عبايتها : مو انت سويت الي تبيه وتزوجتني خلاص ايش فيه شي ثاني فيصل بمكر وسخرية : ما احتاج اعيد الاسباب الي تزوجتك علشانها ترى انا ديني ودين الي يكسر كلامي ميهاف بهدوء ظاهري : افكك من زوجاتك و اتعامل معهم متى ما مليت منهم ممنوع ارفع صوتي او ارد عليك يعني طلابتك اوامر امي واختي وبنتها على حق حتى لو غلطانين عبير بنت عمي تعامليها باحترام متى ما اشرت لك بعديها عني واذا ما شكيت لك اطلعي منها ممنوع الكلام مع احد ممنوع الخروج ممنوع الطلبات اذا دخلت غرفة اطلعي منها او اوقفي عند راسي لين اقولك في المقابل اشتري الفلة باسم صالح واتنازل عن قضية الشركة والسي ديات بتعطيني اياها هذي الشروط حافظتها زي اسمي ومستحيل اضيعها فيصل بسخرية: زين فاهمة حدودك وصلت السيارة قدام الباب الداخلي للقصر جناح امه ونزل ونزلت معه ميهاف فيصل: السلام عليكم امه واخته وبنتها باستغراب: وعليكم السلام سلم على راس امه وحظن اخت وبنتها وميهاف حاسة بالضياع وهي تشوف من خلال نقابها المستوى الي عايش فيه فيصل وتشوف امه حشى كأنها بالاربعين ام فيصل: مين الحرمة الي وراك فيصل: هدية مريم مصدومة : ايش يافيصل فيصل: مو انتي بتزوجيني خلاص ارتاحي مريم : من أي عائلة يا فيصل وش مركزها الاجتماعي اريام: لا فصول بتروح من بين يديني ام فيصل: انت لازم ترجعها الحين لاهلها مريم :فيصل عيوني مو أي وحدة تجيبها البيت كان اخذتها لشقة من شققك وبعدين صرفتها فيصل: ما هو انت الي قلتي ان ما جبت اميرة احلامك باخطب لك هذي هي قدامك اريام: ياي مامي شوفي كيف عبايتها ولا مغطيه وجهها بعد ام فيصل: الحمد لله و الشكر كاننا رجال .. اكيد انها تخرع مريم : لا تفكر يا فيصل انك تخليها لحظة عندنا طلعها برى ام فيصل: انا سيدة مجتمع راقي تجيني مرة ولد من أي كلام ناقصة انا فضايح عزوزوه متزوج امريكيه و حضرتك جايب لي وحده مدري من وين فيصل : اخوي عبد العزيز لاقي الزين هناك مو الشيف اللي هنا ام فيصل: بناتننا شيف .. لا و الله و النعم فيهم مريم : بلاك مو شايف خير .. فيصل : اقول لا يكثر تراني اعطيتكم وجه تراني توني معرس لا تسدون نفسي ام فيصل الي حست انها بتنجن من كلام ولدها مسكته بهدوء : شوف يا ولدي تبي تونس نفسك كم يوم وترميها او تعتبرها زي زوجاتك المسيار ماشي بس انك تخليها زوجة رسمية مستحيل اخلي صاحباتي يشوفوها .. ولا شكلها مي متعلمة فيصل عارف ان امه راح توريها الويل جر ميهاف ورماها تحت رجلين امة: اعتبريها خدامة لك مو كنة ام فيصل : ماابيها خدامه ولا شي حتى الخدم عندي مو من أي مستوى لازم يشرفوني ميهاف ماتت من العذاب الداخلي و الصمت الخارجي كيف تتحمل كل هذا المهانه ( امه تحسب اني طمعانه في ثروته واخته نفس الشي وما يتشرفون في وحتى بنت اخته الصغيرة تتهزأ فيني مو من عادتي اتحمل الاهانة بس حكم القوي و الله ما اخليها بنفسي ) وقفها فيصل بقوة بيدها :حنا مسافرين شهر للنمسا ام فيصل:احسن شي طلعها من قصري انا ما اتحمل هذي الاشكال مشى فيصل برى الجناح وطلع البطاقة ودخل الرقم السري وانفتح الباب رماها على الارض بقوة حست ضلوعها بتكسر: اوقفي قدامي وشيلي العباية ميهاف شالت العباية و الطرحة وهي تحس باحراج من نظرات فيصل المتفحصة قرب لين ما لصق فيها وتامل انسياب الفستان الاحمر على جسمها ضيق من الصدر وبعدين يأخذ شكل طبقات لاسفل القدم رفع وجهها بيدة وهو يتامل عيونها الخضراء الفاتحة الي تفتن بالشدو الخمري و الماسكارا الزيتية ونزل عيونه على خدها وشفايفها وماقدر يمنع نفسه من طبع بوسة طويلة على خدها ووحط يدينة الثنتين على رقبتها حست ان الدنيا اظلمت في عيونها والهواء انحبس ما يوصل رائتها من مسكت يدينة حاولت انها تدفه لكنها ماقدرت فيصل بقرف : اذا كنت لابسة كذا علشان تغريني فان تغلطانه انت ما تحركين غير القرف و الاشمئزاز منك انا قرف من اتنفس انا وانت هواء واحد ميهاف بنفسها ( باين شوي وتاكلني بنظراتك انا الي منقرفه منك انت واهلك الي يحسبو الناس عبيد عندهم ) طاحت على الارض من قوة الكف الي اخذته فيصل بسخريه : حدودك لا تعدينها المرة هذي كف الي بعدها الله العالم ايش اسوي بك اسمعي كلامي عدل انا رايح للنمسا شهر واياني واياكي يحس احد في القصر انك هنا. الاكل الي في المطبخ يكفيك وغرفتي ماتدخلينها الافي السبوع مرة تنظفينها لك ساعة وتطلعين ولو انقفلت عليك راح تنحبسين اسبوع كامل لانها تنفتح الكتروني ميهاف تجاريه: طيب بس كيف اكلم اهلي فيصل: و ليش تكلمينهم اخوك ما صدق انه افتك منك ميهاف بأدب: لو سمحت ياطويل العمر ابي اكلم بنات عمي فيصل هجم عليها يضربها بعقالة وهي ما تدري حتى السبب: انا اقول كلمة واذا انعصيت هذا ردي .. قال بنات عمك قال تحسبيني اثق فيك لا اصحي على عمرك فيصل بصوت دق تلفونه وسكتها وهو يجر شعرها : لو سمعت حس لك اقطع شعرك الي فرحانه فية عذب: هلاوغلا بعمري رانيا: اهلين بيبي فيصل: جهزتي ترى الساعة عشرة تمام تقلع طيارتي رانيا بمياعة: واااااو طيارتك بيبي انا مو مصدقة اجل بطلب طلب فيصل بحنيه: صدقي ياروح فيصل وامري امر رانيا:ابي كاميرة جديد علشان اصور الثلج اموت فيه فيصل:عشر دقايق والسواق عندك معاه الكاميرا اللي تبين انا في المطار امووووة رانيا: احبك ميهاف الي كانت ميته من قوة جره لشعرها ومغمضة عيونها بقوة ومنقرفة منه فيصل: الي قلته تسوينه وانا مسافر مع زوجتي الجديدة للنمسا هههههههه شهر عسل وانت اقضي عسلك هنا و اللي يخدموني هنا راح اوقف عملهم و راح تقومين انتي بكل شي ميهاف الضرب و الجوع و الذل و المهانه تعبها ما عندها رد . لمى شافها ماردت وقفها بوحشية لفوق : ايش اكلت البسه لسانك ما تردين ميهاف بضياع: تم يافيصل فيصل: عيدي عيدي ماسمعت زين كاني سمعت اسمي حاف ميهاف بالم العالم كله : تم طال عمرك بس والي يخليك اترك شعري فيصل باستحقار: ايه كذا ابيك انا عند وعدي يا ميهاف راح اخليك تكرهين اليوم الي جابتك امك فيه وخرج وهو يقفل عليها الباب الاكتروني بالبطاقة شهر كامل مر على ميهاف وهي حبيسة الاربع جدران تاكل ومن الموجودة والي انتهت قبل ما ينتصف الشهر وتنام على الكنبة في الصالة مقطوعة عن العالم منى غير تلفزيون الشي الوحيد الي يونس وحدتها حبها للترتيب و التنسيق والرسم كانت تغير في ترتيب الصالة استفادت من كل قطعة موجودة وتركبها مع بعض بشكل جديد غيرت مكتبه وحطة الاب توب قبال الشاشة العريضة و المكتب يطل على النوافذ الزجاجية الي مقفلها فيصل و رتبت سجلاته و اوراقه و نظمتها له بشكل مرتب و هي تتحسر على و ظيفتها اللي انحرمت منها .. شالت الكرسيين الي في غرفة النوم وحطت بدالة كرسي مزدوج لقت في فغرفة الملابس مجموعة شيفونات رمتها بطريقة جذابة على الكنبه وهذا التغير الوحيد في غرفة النوم لانها خافت ما يعجبة قامت ميهاف من الصبح وبدت الشغل في تنظيف والمسح والغسل وتفاجات ان غرفتة مفتوحة شافت العداد الالكتروني له10 دقايق دخلت بسرعة ورتبتها وشغلت البخور و الروائح العطرية في الفوحات وشغلت الشموع في الغرفة و الحمام ورتبت الفوط بطريقة فنية لاة اليوم مر شهر واكيد بيرجع وطلعت من الغرفة وبخرت باقي الجناح ودخلت تغير ملابسها من الملابس الي شاريها فيصل تدل على ذوق رفيع دورت استر شي و لبست تنورة بيضاء حرير كلوش لفوق الركبة بشوي وفوقها بودي ماسك احمر بنقوش بيضاء لبست صندل احمر عالي واكسسوار ابيض وشعرها رفعت اطرافة من قدام وخلت الباقي نازل مثل الحرير تحت خصرها مع طوق ابيض وحطت قلوس وردي و ماسكارا سوداء وجلست على الكنب تقرأ كتاب لقته فمكتبة فيصل .. اول ما دخل فيصل انبهر بميهاف الي جالسة كانها عارضة في جلسة تصوير و الا المكان الي متغير و الريحة الي تشرح النفس ميهاف وقفت وعينها على الارض وما شافت الا طرف بدلته السوداء : الحمد لله على السلامة فيصل ذايب بالجو وبحت الصوت الي تضربه مثل الكهرباء ببرود : الله لا يسلم فيك مبط ابره ميهاف ببرود : شكرا طال عمرك فيصل ناداها : انت هيه تعالي حبي يدي ميهاف منحرجة : انت طلبت اني ما اتحرك الا اذا اذنت لي فيصل بمكر : تعالي سلمي مشت ميهاف وعيونها على الارض وتحس ان عيونه بتاكلها (وجع في شكله ما كأنه دوبه راجع من حرمته) مدت يدها فيصل سحبها مع يدها وعصرها بين يدينه في حضن طويل ميهاف صارت الوان من الاحراج كل ما حاولت تبعد يزيد في ضمها لصدره وتحس انها تتنفس عطرة بدل الاكسجين دفن وجهه في شعرها ويشم ريحته العطرة فيصل ابعدها يدورها بين يدينه : هههههههه عارضة نفسك بطريقة جذابة تخلي الواحد ينسى نفسه ميهاف حست بالذل من كلامة : انا ماعرضت نفسي انت اللي شاري الملابس وهذا استر شي لقيته فيصل بسخرية : بصرحة اللبس حلو عليك يعني مو خسارة الفلوس الي اندفعت فيها ميهاف بدلع بتنرفزة : اكيد انا استاهل ولا لك راي ثاني وتكمل بدلع غير مقصود :هذا طبعي وهذي طريقتي في الحياة احب الترتب و الاناقة يعني حط ببطنك بطيخة صيفي على قول اخونا المصريين . انا ولا فكرت 1 في المية اني اغريك و الملابس انت الي شاريها فيصل بقرف: زين انك عارفة حدودك بس حبيت ااكد لك ميهاف :.................. فيصل فتح الباب الالكتروني ودخل ثلاث من الشغلات ومعهم كراتين هدايا كل وحدة لون ودخلوا شنطة فيصل : معك عشر دقايق ترتبين اغراضي ودلع انا ما عندي ابيك تقومين بشغلك هنا من غير ما تكلم ميهاف بطاعة: ابشر طال عمرك فيصل عجبته لهجت ميهاف . وميهاف تسايره تبي تكلم بنات عمها واخوها. بعد ما كملت شغلها وهو دخل ياخذ دش وعجبة الترتيب واسترخى في المغطس المليان بالرغوة و الورود الحمراء المنثورة يزيل تعب السفر فيصل بنفسه حليلة مرتبة لي الحمام وانا الغبي الي اهاوشها الا خلها تدلعني يلوق لي واستاهلة هههههههههه فيصل يناديها من داخل الحمام : ميهاف وجع انت وينك ميهاف باحرج عند الباب الحمام وعيونها على الارض : سم طال عمرك فيصل بصراخ: انت متى تعدلين لمتى انا اعيد و ازيد كلامي ميهاف بارتباك:والله ما ادري انك تبي شي كان جهزته من الاول فيصل بقرف: وجهه فقر متى بتعلمين وين روب الحمام و المناشف ميهاف ( وجع في شكله ما يقدر اني استحي ايشلون بدخل عليه واعطيه الروب ) طال عمرك الروب و المناشف على الاستاند فيصل يقاطعها: وجع ياهمجية انت ما تعرفي حتى اداب الكلام اول ادخلي وبعدين تكلمي ميهاف( لا بالله انجن ايش لون ادخل عليه الحمام ):.......... فيصل صرخ عليها صرخة خلتها تدخل بخوف وعيونها على الارض و تاخذ الروب وتمده له من خلف الحاجز : سم فيصل بسخرية و من ورى الحاجز : ياي يا ماما ايش الحياء الي نزل فجأة عليك اضحكي على غيري فيصل لبس الروب و خرج جلس على الكرسي فيصل : يلا شوفي شغلك نشفي شعري ميهاف ما حبت تجادلة غمضت عيونها بقوة واحمر وجهها وهي تقرب منه و تاخذ المنشفة وتمسح شعرة وتلفه . لمى خلصت دفها فيصل بقرف عن طريقة وطاحت على ارض الحمام ورفعت يدينها تتحسس راسها من ضربه الاستاند وشهقت لمى شافت نظرات فيصل مركزة على التنورة المرفوعة عن رجليها وسحبتها على تحت باحراج ووجهها محمر فيصل بسخرية : قلت لك لا تمثلين دور الشريفة علي ترى عارفين بعض . وعناد فيك ماراح تطلعين من الحمام قبل الليل .. ولا تنسين تنظفينه كمل كلامة وخرج اما هي مظطرة انها تكتم غيظها لان البنات واحشينها كثير بعد ما نظفت الحمام جلست وفي المكان المخصص للجاكوزي على طرف الرخام البارد وطلعت القلم والدفتر الي كان معها وجلست تصمم ليلة حالمة رومانسية باللون الليلكي طلبتها احد المتابعات للقسم الذي تطرح مواضيع فية رتبت الافكار لانها بتعطيها امال تنزلها في المنتدى الليلة البنفسجية ( يفرش السرير المزين بمفرش من الساتان الليلكي باطراف من الريش البنفسجي حتى المخدات مزينة بالريش . وفي المنصف خدادية صغيرة باللون التفاحي ملفوفة بشرايط من الساتان اليلكي وفي المنتصف بطاقة ( احبك ) الارضية مغطية يالشيفون التفاحي والليلكي التسريحة مزينة يالشموع الصغيرة بكاسات باللون التفاحي و الليلكي والكرستال ولاتنسي تعطير الغرفة بالفواحة باستخدام الزيوت العطرية والعصير يكون لونه بنفسجي الهدية عبارة عن صندوق الكرستال الشفاف بداخلة هديتك وغلفية بالشرئط الليلكية و التفاحية وضعية علي الكمودينو بجانب وردة ليلكية صغيرة) تنهدت وهي تحط الدفتر جنبها الحمد للة ما بقى شي على المغرب وينفك الحصار الله يالدنيا كل هذا علشان تحديته و الاعشان رفعت يدي علية والا علشان مازن دخل عليها فيصل و هي جالسه بالحمام فيصل بسخرية : ههههه شاطرة نفذت الكلام والحين تعالي ابيك في الصالة ميهاف خرجت الصالة : تأمر شي فيصل بخبث: انا محتار وابيك تساعديني ميهاف ببرود ظاهري: انا في الخدمة فيصل : زي مانت شايفة عندي ثلاث هدايا ومحتار كيف اوزعها على زوجاتي ميهاف :عادي يعني كل وحده لها استايل معين واهتمامات مختلفة فيصل بسخرية : لا والله ما جبت شي جديد انا مناديك علشان توزعينها مو تفلفسين ميهاف بصبر: انا ما اعرفهم علشان ارتبها انت حدد وانا انفذ فيصل بوقاحة : لمي نفسك واحترمي الي قدامك ميهاف تمتص غضبة تمسك الصندوق الاولى : ياطويل العمر هذي شنطة ومحفظة من قوتشي تناسب الي تحب شغلات السوق و الخرجات والحفلات فيصل : طيب هذي اعطيها دينا ميهاف تفتح الصندوق الثاني في نفسها ( وااااو) ا عقد من الاماس على شكل فراشة هذي الماسه تناسب الي تحب الكماليات و الاكسسوارات والزينة فيصل:هذي اعطيها وداد ميهاف: تامر شي ثاني فيصل: لسى باقي الهدية الثالثة ميهاف بصبر:ايش ما تكون اكيد للثالثة فيصل بمكر: لا لازم تفتحيها علشان اعرف وصفك دام انه صدق في ثنتين اكيد بينفع للثالثة ميهاف فتحت العلبة الثالثة وانصدمت لمى شافت القميص الاسود وتلون وجهها الوان : هذا اكيد هذا يكون للعروسة الجديدة لان الاسود يثبت نفسه .. فيصل مستمتع باهانتها : هههه والله انك صادقة اكيد بيناسب رانيا ابي اشوف مواهبك في الزيين غلفيها ميهاف:طيب انا ابي اشتري بعض الاغراض علشان ازينها فيصل:اكتبيها وراح تجيبوها لك السواقين ميهاف بأدب: حاضر بس ممكن ابيك في موضوع فيصل:اخلصي علي ميهاف بتردد: اهلي لي شهر ما ادري عنهم وودي بعد اذنك اكلمهم فيصل برفض : لا ميهاف بترجي واضح : والله وحشوني كثير انابس بكلمهم بالتلفون فيصل بتهديد مسك يدها وجرها له :لا تخليني امد ايدي عليك واضيع ملامح وجهك ترى اسويها عادي .. ويالله لاتضيعين وقت جهزي الهدايا ميهاف ( والله قهرني الحين يبيني اشتغل بهدايا زوجاته.واهلي ما اكلمهم ) مشت بدون نفس وكتبت الطلابات واعطتها فيصل الي جالس يكتب اللاب توب ام فيصل جالسة بالحديقة مع مريم و اريام وتكلم بالجوال ام فيصل: هلا وغلا بالاستاذة العنود العنود: هلا بك اخبارك ام فيصل: بخير وعافية العنود: الف مبروك يام فيصل ام فيصل بارتباك: الله يبارك فيك العنود: صحيح انت ما عزمتينا بس فيصل يستاهل كل خير مبروك زواجه بصراحة خيره للجمعية مغرقنا ام فيصل ماتت من الاحراج : والله فيصل سوى زواجه في النمسا العنود:وش معنا النمسا ام فيصل: عاد هذا شرط العروسة العنود: واااااو والله ان فيصل مو هين ينفذ طلباتها ههههه >> وين يا حسره ام فيصل من غير نفس:هههههههههه العنود: اكيد بنشوفها في الحفلة يوم السبت ام فيصل مسكت نفسها من الغضب: ولو اكيد بتكون نجمة الحفل العنود: اجل اتركي الدعوة علي انا عارفة انك مشغولة راح اخبر الكل راح ارسل دعوة خاصة على شرف حرم فيصل الـ ام فيصل راحت فيها من القهر: تسلمين يا عمري العنود : مع السلامه ام فيصل تعرف العنود ما ينفك من لسانها هذا من غير سمعتها المنتشرة في الاوساط الراقية ام فيصل تعرف العنود ما ينفك من لسانها هذا من غير سمعتها المنتشرة في الاوساط الراقية مريم : ماما لي خمس دقايق احاكيك ولا انت هنى ام فيصل: بموت يا مريم من اخوك ذابحني يا فشلتي بين زميلاتي مريم : الله يهديك يا امي وليش يفشلك ام فيصل : انت ماسمعت كيف العنود تتكلم عن حضور حرم فيصل للحفل و كيف انها بتشرفها ... ااااااه منها بنت الفقر مريم : لا وحتى ما كلفت نفسها تسأل علينا وتسلم اريام بدلع : يمكن فصولي ما يببي يجيبها ياحرام اكيد انه متفشل منها ام فيصل: يا حظي هذي ايش لون بتعرف تتصرف في حفل مليان بسيدات المجتمع الراقي مريم : يمه لازم تكلمين فيصل يشوف له صرفة ام فيصل : ما فيه صرفة الله يعينا على الفشلة و الله بتجيب راسنا للارض اريام : وش رايك يا ماما نطلب من فصولي انها تعتذر بشكل رسمي من العنود ام فيصل: والله انك جبتيها راح اخلي الاعتذار يجي من مكتبه على الدعوة الرسمية مريم بانتصار: اكيد فيصل عارف حجم الي ما تتسمى وراح يعتذر اريام : الا صحيح هي وش اسمها ام فيصل : عساها العمى هي واسمها ايش نبي فية مريم : يعني من باب الفضول احنا ما سألنا وهو ما قال اكيد اسم قروي في هذا الوقت دخلت عليهم عبير (عمر  5 طويلة ولونها خمري شعرها اسود بوي عيونها عسلية ومريوشة انفها صغير وفمها حاد) سلمت عليهم وحبت راس ام فيصلعبير: صباح الخيرات ام فيصل: هلا وغلا ببنتي عبير مريم :اهلين يا قمر وينك ما تنشافين عبير بحزن : وين يعني اندب قرادة حظي اريام (احسن شي سواه فصول انه ما تزوجها ) ام فيصل بهم: ااااااه ياعبير هو انت الي انقردتي بس حتى انا ما ادري ايش راح اسوي بالحفل مريم : يا جعلها ما تجي والله قهر بنت هالفقر تاخذ فيصل ام فيصل : اكيد ساحرينه والا العادة فيصل يسافر بوحدة شهر للنمسا عبير بغيرة : الا كيف شكلها حلوة والا تلوع الكبد ام فيصل : ما شفناها حتى يوم جابها ما شالت العباية اريام بعجب: تصوري انها ماشالت النقاب عندنا مريم :ولا المصيبة ما نطقت ولا كلمة عبير: لايكون طرمة ههههههه مريم: ياريت للحين ماني مصدقة ان فيصل تزوج عبير:وانتم تقولون لي اصبري والله ما يلاقي مثلك اصلا ما احد ملى عينه ام فيصل: ان شاء الله ما راح طول معه اكيد فيصل بيتسلى شوي ويرميها نادتهم رايسة الخدم للغداء ام فيصل: الله يعيين المقرودة بتغداء معنا عبير سود وجهها : لا اجل انا ما ني جالسة مريم : اقول والي يعافيك خليك قبل ما تدخل ميهاف لغرفة الطعام دخل قبلها ريحة العطر القوية الي خلت الجميع يعطس من قوتة ميهاف بعربجية : سلام عليكم هاي شلة ام فيصل مطيرة عيونها في ميهاف الي لابسة لبس غير متناسق البلوزة خضراء باكمام طويلة وجزاء داخل بالتنورة وجزاء قوقها و التنورة حمراء وعليها رسومات ورود كبيرة و التنوره طويلة مرة اما المكياج حاطة اساس غامق وشادو اخضر واصفر و الروج حايس باللون الاحمر والبلاشر مكثرتة باللون الاحمر ( عادمة نفسها تبي تقهر فيصل واهله ) ام فيصل : بسم الله الرحمن الرحيم مريم : ياحافظ عبير من القهر : واااو يا ميري افتحي النوافذ انصرعنا من الريحة القوية اريام حزنت عليها و على شكلها ميهاف : وين الاكل الصحون ليش فاضية ام فيصل: الله يصللحك يا فيصل من وين جايب هل الاشكال اريام بطيبة : ياعمري جوعانه عبير بقرف : اكيد بنت الفقر ذابحها الجوع وقفت الخادمة وبدأت يتوزيع الشوربة في الصحون وبدوء في الاكل ميهاف اخذت ملعقة الشوربة وهي تقلبها : وش ذي ليش قصيرة الملعقة وتكلم الخادمة : انتي هية جيبي لي ملعقة زي الناس الخادمة مطيرة عيونها : وات مادام ميهاف بصوت عالي : وش ذا البخل المفروض تجبون ملاعق كثيرة وبحركة جريئة بتقهر اهلة رفعت زبدية الشربة لفمها وصارت تشرب منها بصوت عالي عبير: انت ما تعرفي اصول الطعام مريم منفجة من الحركة : ياربي صبرنا ميهاف(هههههههههههههه لسى ما شفتو شي ان ما طلعت عيون هالحقير فيصل واهلة ما اكون ميهاف) بدا السيرفس يقدم ستيك اللحم المشوي و الريش ميهاف : عنك انا احط لعمتي ووقفت ومسكت اللحم بيدها تحط بصحن ام فيصل ام فيصل بقرف : انعمت عيونك ان شاء الله ورجعت ميهاف تاكل بصوت وهي تمص الريش و ترميها على الطاولة اخت الكاس وقامت تصب لها عصير فراوله وتجلس عبير : انت ما تعرفي الاصول كان اشرتي لوحدة من السيرفس وتعطيك عصير ميهاف بخبث: ومين السيرفس انت مريم :هههههههه اول اعرفي معناها وبعدين قوليها ام فيصل: معليش عبورة امسحيها بوجهي هالمرة ميهاف تحرك يدها بقصد و تكب العصير عاى الطاولة: سامحوني عبير : وجع يا غبية انت ما تعرفي تجلسي زين ميهاف : خلاص انا قايمة وبحركة مدروسة داست رجل عبير وهي توقفواللة بجد اسفة واخذت صحن وحطة فية من كل نوع ومشت لجناحها وسط ذهول ام فيصل و الي معها الي منفجعين من هماجتها ميهاف طلعت بعربجية اول ما وصلت الجناح نطت على الحمام تاخذ دش سريع تغسل الالوان الي على نفسها وميته من الضحك ميهاف تقلبت ببطئ على الكنبة الي نايمة عليها وهي تفكر بموقف فيصل لمى شاف الهدايا الي غلفتها ميهاف باتقان مبدع :ميهاف ماشافته بعدها أ ضحكت وهي تتخيل فيصل كل يوم عند حرمه . تنهدت وقامت رتبت الجناح وتروشت ولبست بنطلون جنز على بلوزة حرير موف بخيوط ولبست صندل عادي موف وربطت شعرها ذيل حصان وجلست تاكل شاندوش مورتديلا لان الشغالة ماتجيب الغداء الا الساعة 3 الظهر فيصل الي دوبه متغدي مع اهلة وسامع من الكلام اشكال و الوان بتحقير ميهاف وامه الي قالت له يعتذر عن الحفلة دخل مكتبه وبدء يراجع اوراقة مع فهد فهد طويل العمر ذي دعوة خاصة لحرمكم من الجمعية الخيرية فيصل ابتسم وهو يتذكر العنود الي تذيه من كثر ما تدق عليه تشكره بس هو فاهم قصدها (والله جاء دورك يا ميهاف) يالله راح اخليها مفاجاة وما علم امي الا في الحفل نفسي اشوفك مذلولة يا ميهاف هههههههههههههه فهد طلع من عند فيصل الي نادا ميهاف عندة في المكتب فيصل بدون نفس: انت مدعوة لحضور حفلة خيرية يوم السبت .وبصراحة انت ما تشرفيني بالحضور حتى امي اكيد ما تبك تحضرين ميهاف بهدوء: مايهمني حفلاتك واذا حضوري ما يشرفك دور وحدة من حريمك تروح بدالي فيصل بعصبية مسك ذراعها ونزلها لمستواه وصار وجهها ملاصق لوجهه : اول كنت مخطط انك متروحين بس الحيين .. ميهاف قاطعته وبعيونها لمعة تحدي تأسر فيصل وتجذبة لها: دام انا موقد المقام ماني حاضرة فيصل اللي ذايب بعيونها الشفافة: بيننا اتفاق ولازم تلتزمين فية ميهاف بقرف : والله الاتزام يقول حريمك وبنت عمك ايش دخل بالحفلات فيصل ضحك ضحكة اربكت ميهاف لمى استوعبت قرب فيصل منها وحاولت تترجع فيصل : العنود مذيتني باتصالاتها وزميلاتها الوالده بيحضرون الحفله عشاني و انت لازم تروحين ميهاف بارتباك واضح اعجب فيصل : اسمع انا حفلات ما احب احضر خليني اروح لها بالمكتب وصدقيني انها مارح تفكر فيك فيصل : ليه يعني ميهاف بدلع وثقة : انا ميهاف الـ ماحد يقدر يقاوم جذبيتي فيصل ضحك بخبث : بس هي مو من زباينك الرجال ميهاف بقهر جرت يدها منه بقوة : اسمع انا وافقت على شروطك بس ما كان من ضمنها التجريح فيصل بهدوء : بدون أي مناقشة يوم السبت راح تروحي الحفلة لوحدك ميهاف بدلع غير مقصود : بس انا ما اعرف احد لية ما اروح مع مامتك فيصل عجبة نطق مامتك : هههههه ليت امي تسمعك وانت تقولينها. ما اظن ان امي بتاخذك معها راح تروحين لحالك ميهاف تستفل الفرصة بمياعة واستعطاف ودموعها تنزل: تامر امر بس بغيت تتكرم علي اكلم اهلي والله ما اطول وانت احسب لي عشر دقايق وان طولت سكر انت السماعة وبكت من غير شعور عيون ميهاف نقطة ضعف فيصل , كيف وهي تدمع ومن غير شعور قربها منه وهو نفسة يبوس عيونها ويمسح دموعها بشفايفة ويلف يدينه حولها ويضمها في حضن دافئ بس وين و الحواجز بينهم كبيرة ( انت لاتضعف انت عارف انها دموع تماسيح وبعدين تبان على حقيقتها الي انت شفتها بعينك) ميهاف زادت دموعها وهي تتفكر في حالها لو كانت الضروف غير كيف راح يكون تعامل فيصل لها. ميهاف سمعته كم مرة يكلم حريمه حنون وكريم ومتفاهم فيصل يرفع وجهها باصابعه بقرف : لا تصيحين ما راح تكلمينهم بس الا بتشوفينهم مو رحمة فك بس رحمة في اخوك المسكين المنخدع فيك ميهاف الي صدمها كلامه حتى الصميم : شكرا وشردت من الغرفة بفرحة مقتولة وكبرياء جريح نفسها نتشوف اهلها بس كلام فيصل اوجعها حيل اول كانت تتحمل تجريحة وظلمة وسوء نيتة فيها . لكن قربها من حياة فيصل وطريقته في التعامل مع الي حوله ومميزاته يخليها تموت بدل المرة الف على كل لحظة ظلم او نظرة سخرية او سوء ظن منه يمكن قبل مشاعرها لفيصل بغض وكره لكن الان ميهاف وقعت في حيرة مشاعر متلخبطة و امال ضائعة فيصل شاف الفرحة الطفولية بعيونها البريئة واحمرار وجهها وحز في نفسة الي يسويه فيها من عذاب عيون مثلها ما يليق عليها الدموع ( هيه اصحى لا تخلي وحدة رخيصة مثلها تاثر عليك انت عارف ماضيها ) وتنهد بالم ميهاف لبست عبايتها بسرعة وجلست تنتظر جاتها رئيسة الخدم ماريا : مستر فيصل يقول انزل تحت سيارة ميهاف اول مرة من جات بيت فيصل تطلع طارت من الفرحة وهي تمشي مع ماريا ووقفت عند المدخل بعد كذا مشي معها الحارس الى السيارة المرسيدس وفتح لها الباب ودخلت . مشت السيارة وميهاف مشاعرها مختلطة لها شهرين ما تدري عن اهلها. فيصل اشترى هدايا لاهلها وحلويات وورد السواق : وصلنا طال عمرك والساعة 9 راح اكون عند الباب ميهاف نزلت بفرحة هذا وانا حاقرني اجل لو اهمه ايش راح يسوي لي فيصل دقت الجرس وفتحت لها الخدامة وسلمت عليها وطلعت تجري فوق لبنات عمها اول ما فتحت الباب سمعت امال ومنى كالعادة هواش امال:كم مرة وانا اقول النت لي منى : لا والله لسى ما خلص وقتي ميهاف تجري الفرغة وترمي نفسها عليهن : هااااااااااااااااااي منى وامال صرخوا بفرحة وحظنوها وهم يصيحون امال: وينك يا الدبا يالقاطعة شهرين ما شفناك منى: تكبرت علينا من تزوجتي الفيصل ميهاف تبتسم بألم: ولا لاتكبرت ولا شي بس تعرفي السفر متعب امال : ايه الله لنا كل ما كلم صالح يقول فيصل ميهاف في السوق والا نايمة ميهاف ( الحقير حابسني وكاذب على هلي ااه يارب متى تخلصني منه او تحننه علي .. لا شكلي انجنيت) منى : واااو ميهاف كيف النمسا ووين الصور نبي نشوفها ترى ماعندنا وقت ميهاف تضحك : هههه لاوالله الصور ما جبتها لكن جبت لكم هدايا يحبها قلبكم منى وامال ركضوا على الصندوق الي جابته ميهاف منى : انا افتح اول امال : لا والله انا الكبيرة انا افتح قبلك منى: وااااااااااااااااو ميهاف احلى لاب توب ابل ماكنتوش امال: ياااااااي يابعد عيوني ميهاف تسلمين ياعمري ميهاف : بصراحة وحشني سريري وتمددت على سرير امال امال: اخبار فصولي معك نبي تقرير مفصل منى :ايش سوى لك وكيف تعاملين معه و و و و ميهاف : بس شوي شوي على جايتكم بالحكي بكرة عندي حفلة للجمعية الخيرية امال تقاطعها: حفلة واااو اكيد تكون على مستوى منى: اكيد ميهاف بنت عمي الحبيبة راح تغطي على الكل ميهاف بحزن : هذاك اول الحين غير امال: لا والله انك تغطي على الكل بس ناقصك شوية ريفريش منى: صحيح السفر و التعب ماثر على وجهك ايش رايك نروح المشغل الحين ميهاف خايفة لانها ما قالت لفيصل : اخاف ان الوقت ما يكفي السواق يجي الساعة9 منى : دوبنا الساعة 6 يعني باقي 3 ساعات نجهز راحو للمشغل سوت شغلات عناية للبشرة وبدي كيرو منكير وزادت من خصلات الثلجية على شعرها وقصت اطرافة ورولت شعرها بشكل رهيب و هم راجعين للبيت .. في السياره .. آمال : اقول ميهاف شوفي ذي دعاية عن عيادة اسنان اش رايك نمرهم .. ميهاف : ليش ؟؟ آمال : اش رايك نركب لك فص ألماس على اسنانك .. و دخلت عند الاستقبال و سألت عن تركيب الفص و قالوا لها يا خذ 10 دقايق .. دخلت للطبيبه .. ميهاف : السلام عليكم الطبيبه : و عليكم السلام ميهاف : حابه اركب فص الماس لو سمحت الطبيبه : تفضلي على كرسي الكشف .. انشا الله الشغله ما بتاخذ منا وقت .. و هذا الكاتالوج نقي منو الفص المناسب .. ميهاف : اش رايك آمال اش اخذ الذهب و الا الالماس آمال : حطي الالماس الساده احلى .. الطبيبه : ما شاء الله اسنانك مرتبه و الفص لايقلها كتييير و خرجوا من العياده على البيت .. لمت ميهاف بعض اغراضها الي محتاجتها من البيت بشنطة امال : ماشاء الله تجننين منى : ايش الحلوة دي كلها شكل فيصل مو نايم الليلة امال تقلد صوت فيصل : الليلة صباحي يازوجتي العزيزة ميهاف بحزن مخفي : ههههههههه شوي سمعوا صوت أبرار و صالح طالعين الدرج امال : أبرار صالح تعالوا شوفو من عندنا أبرار : ميهاف وتسلم عليها وتحظنها صالح بزعل : هلا باختي القاطعة سلمت علية وحبته جلسوا يسالفون لين ماجاء السواق وراحت ميهاف للقصر دخلت الجناح ولقت ورقة من فيص (سافرت مصر ويمكن ارجع بكرة . لا تنسي الحفل . وياويلك لو ما نفذت الي طلبته بالحرف الواحد) فيصل سافر من غير ما يعلم ميهاف شي عن طبع الحفلات اوحتى يعطيها مجوهرات ميهاف ( حتى ما كلف عمرة يهتم بمظهري قدام الناس. بس على مين يافيصل انا ميهاف ) ميري : مدام ميهاف السيارة جاهزة ميهاف : ok وقفت قدام المراية تعدل اللمسات الاخيرة على نفسها اختارت شادو احمر ودمجتة بالاسود وكحلت عيونها بالسود مع خط اخضر تحت العين والمسكارا خضراء علشان تبرز لون عيونها حطت روج احمر صريح وبلاشر وردي وختمت اللمعة الذهبية الفاتنة لبست عقد بشريطة سوداء على الرقبة وياقوته على شكل فراشه حمراء متدلية و لبست الدبلة الالماس والساعة كريستين ديور بجلد اسود (طبعا هذي هدايا ابوها لامها الي طلبت من ميهاف تحتفظ فيها ) ضحكت وهي تفك الرولات عن شعرها الحرير لينساب بحريه على كتوفها (شكل شعري ما يغطي ظهري ) لبست فستانها الاحمر من الشيفون و الحرير وعاري الصدر و الظهر وطويل بذيل وله فتحة من الجنب لين نصف الفخذ و هذا الفستان اللي لبسته بحفلة نجاح البنات .. وربطت الجلد الاسود لصندلها العالي حول الكعب وتتامل جمال المانكير الفرنسي فراشات حمراء صغيرة على اظافرها في قاعة الاحلام حيث يتم الاحتفال من قبل الجمعية الخيرية وعلى طاولة عائلة فيصل الـ و الا اقولكم اكمل في البارت الجاي ..
__________________  اللهم ارزقنا الجنة |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايه بعد الغياب روايه مختلفه جدا للكاتبه ا نفاس ..قطر | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 5 | 07-13-2010 12:26 AM |
| رواية (( روبنسون كروزو )) للكاتب دانييل ديفو | جيرمون111 | أرشيف المواضيع الغير مكتمله او المكرره او المنقوله و المخالفه | 7 | 12-17-2009 12:40 PM |
| هكذا علمتني الحياة....للكاتب أبو البراء | شهرزاد | حوارات و نقاشات جاده | 10 | 10-17-2009 11:45 PM |
| انا كارنينا للكاتب العالمى تولستوى | pyramid2007 | قصص قصيرة | 6 | 05-28-2008 06:12 PM |
| روائع مترجمة للكاتب العالمى ويليام شكسبير | نبيل المجهول | أرشيف المواضيع الغير مكتمله او المكرره او المنقوله و المخالفه | 7 | 03-29-2007 11:30 PM |
.gif "thanks")
العرض العادي
