|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#22
10-01-2010, 07:00 PM
| ||
| | ||
| الجزء الخامس شجون تخرجت من ثالث ثنوي وبدات التسجيل في الجامعه ومازالت تكلم اكرم ويحبو بعض اكثر واكثر واكثر شجون تتصل على اكرم وتكلمه اكرم: هلا حياتي شجون : هلا بقول لك شي اكرم قولي ياعمري وش بغيتي روحي فداك شجون : بس لا تزعل اكرم : طيب بس وش فيه شجون : انا خطبني ولد خالتي احمد ورفضته اكرم : اها وهلك شجون : مااتوقع يغصبوني عليه اكرم : طيب انا لازم اشوف حل لازم اجيبك بس كيف كيف اوكي بس الحين لازم اقفل بجلس مع اهلي ابراهيم: قوى شجون شجون تقفل وتسوي انها مكلمه بنت هلا هلا اخوي اخبارك ابراهيم : الحمد لله ابراهيم ملاحظ التغيرات الي على شجون وتصرفاتها ابراهيم يحب اخته شجون ويموت عليها بس من النوع العصبي جدا قرر انه يحط برنامج تجسس في جهازها وشوف هي وش تسوي وبعد فتره شجون راحت الرياض مع اخوها يحيى علشان التسجيل بالجامعه وابراهيم استغل الفرصه علشان يشوف وش فيه جهازها ابراهيم طاح على محادثات شجون واكتشف الي ما كان في الحسبان ابراهيم: معقوله شجون تكلم ولد ويغازلها بعد لالالا كيف شجون تسوي كذا اخ بس لو انتي هنا قرر انه يروح الرياض الى اخته وراح وهو يسوق بطريقه جنونيه الى الرياض ويتصل على شجون وهو يسوق شجون : هلا اخوي ابراهيم : بلا هلا ومسهلا وكلام فاضي مامنه فايده جهزي نفسك انا جاي الحين اخذك شجون : الحين بس انا جالسه بيت اخوي وكان المفروض اقعد اسبوع بعد ابراهيم يقطع كلامها الحين تجهزي نفسك بجي باخذك ولا تطولي كلام فاهمه شجون مو متعود هان ابراهيم يصارخ عليها لانه يحبها ويعتبرها اميره وطلباتها كلها مجابه عنده والحين يعاملها بجفا اااه يالدنيا شجون : وش فيك قول لي وش صاير ابراهيم : تتوقعي انم احد يدري وش انتي تسوي تتوقعي ان ماحد بيدري انك تكلمي ولد ولد ياشجون ولد وتغازليه ويغازلك شجون : من صدمتها سكتت وماعرفت وش تقول ابراهيم : ماتكلمي ماتقولي شي فشلتينا فضحتينا نزلتي راس ابوكي في الارض يااا.......... ويسبها سب عمرها ماسمعته في حياتها وجي ياخذها من بيت اخوها وخوهايحيى مايدري ويمشي بها في خط الرياض راجعين الشرقيه ويصارخ عليها ويسبها ومايعطيها فرصه انها تبرر موقفها ابراهيم مو عارف يسوق فقرر انه يوقف بالطريق في استراحه لما دخلو الاستراحه شجون تقول ابراهيم تكفى رجعني البيت انا خايفه تكفى ابراهيم والله انا اسفه ابراهيم ومن غير تفاهم يكفخها كف على وجها من قوته شجون طاحت على الارض ابراهيم : اجل تكلمي ولد ها ولا يواعدك يبي يشوفك ياااااا...... ويسبها ويصارخ عليها انا بربيكي وبعلمك الادب ويطلع سير جلد ويضربها به او بالاحرى يجلدها به لحد ماشجون خلاص قرب الموت منها شجون تقول لابراهيم أي كثر اكرم يحبها ويخاف عليها ويهتم بها وانه يبي يتزوجها وانه فاهم الموضوع غلط وقالت لبراهيم ان اكرم مستعد يكلم أي واحد من طرف شجون ومابيرهب ابراهيم من قهره جته فكره شيطانيه مسكها من شعرها وقال لها باذنها بصوت كله تهديد وعيد مو انتي تكلميه يالله كلميه قدامي والي اقول لك عليه تقوليه شجون رفضت : لالا ابراهيم تكفى لا ابراهيم : عجيب تكلميه من وراي وماتعرفي تكلميه قدامي ويضربها بالسير الجلد مره ثانيه لين وافقت اتصلت باكرم وكان الوقت متاخر اكرم : هلا حبيبتي هلا حياتي هلا عمري شجون : ابغى اكلمك اكرم : كلميني حبيبي وش بغيتي ياعمري شجون : وين ساكن وش تشتغل وش تبي مني اكرم : انتي وين وهو شاك ان معها احد شجون : ماتكلم بعدين تقول رد على الاسئله وبس اكرم: شجون تعرفي الاجوبه كلها انتي من معاكي ابراهيم انا ابغى اكلم الي معاكي ما ابغى اكلمك انتي الي يبي شي يجي يكلمني هذا انا وبقول كل شي ومو خايف هالكلام عصب ابراهيم اكثر فكتب لها سب واجبرها انها تقوله الى اكرم بالحرف الواحد واكرم مازال يطالب ابراهيم انه يكلمه شجون رفضت تكمل ابراهيم قام وكفخ شجون على وجهها لدرجه ان الدم طلع من فمها ونشقت اشفتها من كثر التكفيخ الي جاها واكرم يسمع الصوت ويترجى ابراهيم انه مايضربها ويقول له لا تظلمها مو انت والدنيا عليها يا ابراهيم حرام عليك ابراهيم يقول ما ناقص الى هذا يعلمني الحرام من الحلال ال...... ويقوم ويضرب شجون ويرفسها على بطنها ويضربها ويرفسها ويضربها ويرفسها وشجون تصرخ وتصيح وتترجاه يوقف ويرحمها ولكن هل هناك من يرحم احد في هذه الدنيا بعدين جلس وقال لها تقول الى اكرم عجبك عجبك الي سمعته عجبك اكرم : حرام عليك يا ابراهيم الي تسويه اذا تبي شي تعال لي انا اترك شجون انا روحي فداها ابراهيم صوت اكرم ينرفزه يخليه يعصب اكثر واكثر هذا شرفي هذا عرضي ماعاش من ينزل راس ابوي الارض ويرجع يضرب شجون بالسير الجلدي لحد ما غرقت هدومها بالدم الي طلع من جسمها كله وفي الوقت هذا اتصل يحيى على ابراهيم يساله عن شجون وين هم وليش اخذها من غير ما يقول له ابراهيم قال ليحيى عن مكانهم يحيى جى وشاف شجون بحالتها ومرميه على الارض وغارقه بدمها اخذ ابراهيم وطلعو عند باب الاستراحه وقال ابراهيم كل الي صار الى يحيى في هالوقت شجون داخل تتلوى من الالم وماتقدر تتحرك او تتكلم او حتى تتنفس وجنبها الجوال مرمي اخذته كلمت اكرم ودعته وهو خايف عليها موت انهم يتركوها ويروحو عنها لين الموت ياخذها اتصل يحيى بشجون وقال لها تجهز لانه بجي ياخذها فرحت شجون طارت من الفرح أي مصير اهون من المصير هذا يحيى دخل عليها وحالتها حاله ولازمها مستشفى حملها على ايده وطلعها من الاستراحه ابراهيم فتح باب سياره يحيى حطوها بالسياره وهي بين الموت والحياه وتودع الدنيا في السياره ابراهيم ويحيى يتكلموا نهم لازم يودو شجون المستشفى بس اكيد بصير تحقيق وش بيقولو لشرطه ابراهيم :نقول انها طايحه يحيى يعصب : تمزح انت بشكلك كل هذا طايحه قسم بالله مايطلعوك من السجن وقتها هاذي محاوله قتل ياذكي ويسكتو وتمر الثواني كانها ساعات يحيى : لقيتها ابراهيم : وشو يحيى : نقول انه حادث سياره وانا الي كنت اسوق انا صلا صايبني حادث هالاسبوع وتاذيت منه ولا تعالجت وانت روح جيب سيارتي وقطها بالخط فاهم ابراهيم : زين باضبط الوضع وصلو المستشفى ودخلو شجون الاسعاف وبعد التحقيق المكثف صدقو قصه يحيى خاصه انه رفض انهم يكشفو عليها كامل ورفض على مسؤليته انها تتنوم في المستشفى رجعها بيته وبعد يوم من الكلام والتهديدات والاسئله مع شجون رجعها الشرقي هوداها بيت جدتها خالها بيسافر تركيا ويعز عليه يروح مع بناته وخواته ويترك شجون وكلمته مسموعه من الكل فاخذ شجون معاهم الى تركيا لما رجعت شجون تفاجات بالتغيرات ابوها تزوج على مرت ابوها ام بدر وتزوج امرأه ذات حسن وجمال وطيبه وحبوبه وتحب شجون وتعتبرها بنتها الي ماولدتها ام بدر مقطوطه بيت اهلها ومصيرها مجهول ابو يحيى كلم شجون عن الي صار وقرر انه يكلم اكرم وبعد ما كلمه اتضح له أي كثر اكرم يحب شجون اكرم تقدم الى خطبه شجون وبالرغم عن الرفض الي واجهه من اهلها وبعد محاولات ومحاولات لتفريق الاحبه الى ان الي كاتبه الله هو الي بصير وبس بعد فتره من الرفض والصد وافقت عائله شجون تزويج شجون الى اكرم والسفر معه الى الخارج لتكمل شجون دراستها اكرم ليله الدخله يشوف شجون بثوبها الابيض وبيته وحلاله والدنيا مو واسعته من الفرحه شجون تبتسم الى اكرم واكرم يبتسم لها اكرم يحضن شجون بقوووووووه لان هذا الي كان يتمناه طوال السنين الي راحت شجون تستحي حيل منه بس فرحانه حدها انها اخيرا تزوجت فارس احلامها والرجل الذي تمنته اخيرا اكرم : تستحي ياقلبي شجون : لا لا لا <<<<< كذابه وبقوه بعد اكرم : غريبه ويضحكو جلسو جمب بعض وتذكرو أي كثر عانو لحد ماوصلو لبعض اكرم : انا نفسي اسوي شي من زمااااان شجون : وشو اكرم : اسرق منك بوسه شجون : لا ماني اكرم : لا ماني لما كنتي بعيده عني الحين انتي حلالي ومعي ولي ونا كلي لك اكرم : انتي لمين شجون شجون بخجل : لك اكرم : موووواه موووووووووووااااااه البنت ضاعت وضاعت علومها والله يسعدهم ويوفقهم شجون واكرم عندهم الحين بنتين امل وسلمى وولدين محمد وعبد لله وبكذا قصت شجون واكرم تنتهي وحياتهم السعيده تبتدي قولو ماشاء الله لا تحسدوهم كافي الي جاهم لكم تحياتي كاتبه القصه shjn جميع الحقوق محفوظه وبذمته الي بيسرقها وينسبها لنفسه محاسب عليها يوم القيامه التعديل الأخير تم بواسطة SHJN ; 10-01-2010 الساعة 07:15 PM |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور رومانسيه متحركه ( حلوه كتير ) | احزان فلسطين كاذبة وناقصة عقل ودين وتتطاول على المجاهدين في غزة | موسوعة الصور | 295 | 02-16-2013 05:18 PM |
| صور انمي رومانسيه | كيوزو | أرشيف المواضيع الغير مكتمله او المكرره او المنقوله و المخالفه | 27 | 03-21-2010 12:20 PM |
| انمي رومانسيه | jojo-cool | أرشيف المواضيع الغير مكتمله او المكرره او المنقوله و المخالفه | 8 | 09-18-2009 03:58 PM |
.gif "thanks")
العرض العادي
