أحببت أن أتشارك وأياكم في هذة الزجليات الطريفة التي قرأتها وسمعتها مؤخرا..





قال أحد الشعراء لشحرور الوادي:
بإيدي جفوت المندكة
مابتك ولا تكة
إن ماصابت جنح الشحرور
بيوقع من صوت التكة
فأجابه الشحرور:

بدك شحرور العادي
ولا شحرور الوادي
الشحرور الجايي تصيدو
حارق قلب الصيادي

* * *
وقال أحدهم:
يا رب خلقت الحلوين
ت تعذب قلب الإنسان

يا كنت خلقهن بشعين
يا كنت خلقنا عميان

* * *
ان بدو حقو يكون مضمون
ويوكّل أفوكاتو
يوكّل أفوكاتو يكون
القاضي مصاحبلو مراتو

* * *
قال شاعر جبلاوي لفتاة :
بتقولي بدك لحمة
عال لحماتك
ويا قلبي المتل الفحمة
عا لحماتك

* * *
قال نعمان شبلي في سيدة بشعة:

كل البشاعة ربا
جبلها وفيها صبها
اللي تجوزها محيرني
من أيا مطرح حبّا
* * *

يخرب بيتك يا تشرين
تخمين عملتا تخمين
بيّنت التلج على الجرد
وغطيت صدور الحلوين
* * *

__________________
كيف ابدى باحرفى ما اريد ..... او بماذا تراه يحكى القصيد
كل يوم تدق بابى عظات........ ويهز الفؤاد خطب حديد
ويح نفسى الم تفق من هواها......او ما هز خافقها الوعيد :7b: