عنوان القصه ..
اعشقج واعشق التراب اللي تمشين عليه
ويلا نبدا بسم الله
ونبدا اول شي بشخصيات القصه
عائله راشد محمد ( ابو احمد )
ابو احمد : : ريال والنعم فيه وعمره (45) وهو اصغر واحد من اخوانه ويحب عياله وايد بس هو ع قد حاله
وحالتهم الماديه بسيطه وهم ساكنين في العين
ام احمد : حرمه والنعم فيها تحب عيالها وايد بس وايد تحش في الخلق وما اداني حرمه اخو ريلها ابو احمد
وكل يوم مشاكل هيه وياها وعمرها (42) سنه
احمد : اكبر اخوانه وعمره (21) بعده هب معرس بس يحب شيماء بنت عمه بس هيه ما تعرف وهو شعره لين جتفه وعيونه لونها بنى وابيضاني يعني اللي تشوفه ما تروم تخوز عنونها عنه
مريم : عمرها(19) في اول سنه جامعه وهيه انسانه هاديه وخجوله وايد وحساسه من كل شي تصيح وهيه شعرها لين جتفها ووايد بيضه وعيونها سود بس شكلها عذااااب وفيها غمازات تذوب الواحد
نوره : اخر العنقود ووايد دلوعه ابوها مدلعنها دلع مب طبيعي وهيه عمرها (16) اول ثانوي وهيه شعرها لين ركبها وعيونها لونهن بني غامج وهيه مب وايد طويله وبيضه وايد وتاخذ شبه من اخوها احمد وتوام روحها قصايد بنت عمها
........................................
عائله بو خالد ( محمد )
بو خالد : ريال والنعم فيه عمره (40) بس عيبه الوحيد انه عصبي وايد وهو وايد مدلع عياله ماعدا ولده خالد << وعقب بتعرفون ليش وهو ساكنين في العين
ام خالد : عمرها (38) حرمه والنعم فيها هيه وايد طيبه وحنونه عكس ابو خالد وهيه دوم ضرايب ويا ام منصور
خالد : عمره (20) وهو وايد ويا احمد ولد عمه دوم تحصلونهم ويا بعض وهو يحب نوره بنت عمه بس هيه ما تعرف وشعره لين جتفه وهو وايد جميل ..اسمراني وعليه خشم مثل السيف وعيونه عسليات
شيماء : عمرها (19) اول سنه جامعه وهيه وايد مؤدبه ومحترمه والكل يمدح فيها .. عليها جمال ما ينوصف ..شعرها لين ركبها وعنونها زرق وشعرها لونه بني غامج ع الاحمر وهيه بيضه وايد واللي يشوفها يذوب من جمالها
شمايل ونواف توام : عمرهم (17) .. نواف انسان طيوب وحنون ويحب اخته شيماء وايد اكثر من شمايل توامه لان شمايل فيها شويه غرور وشايفه نفسها وايد بعكس شيماء .. وهو وايد حلو وياخذ شبه من اخوه خالد .. شمايل انسانه مغروره ما يهمها غير نفسها وهيه تحب هزاع ولد عمها وهو بعد يحبها << وهيه شعرها لين جتفها ولونه اسود شرى الفحم وعيونها عسليات وهيه حنطاويه
...............................................
عائله بو منصور ( علي )
بو منصور : ريال والنعم فيه طيب وحنون ع عياله ويلبّي لهم كل طلباتهم وهو تاجر كبير في السوق وهو غنى
وايد ومعيش عائلته في عز وعمره (37) سنه وهم ساكنين في العين
ام منصور : عمرها (36) وهيه وايد طيبه وتحب عيالها وتحاتيهم وايد ومربتنهم احسن تربيه
منصور : عمره (20) وهو وايد محترم ومؤدب وهو اسمراني وشعره هب طويل وخشمه حد السيف
هزاع: عمره (17) طيب وايد ومحترم وهو جميل وايد اسمراني وعيونه ناعسات ولونهن بني فاتح وشعره لين جتفه وهو يحب شمايل بنت عمه
قصايد ( بطلة القصه ): عمرها (16) وايد حبوبه وطيبه وشعرها لين ظهرها وهيه بيضه وايد عكس اخوانها (طالعه ع امها ) وخشمها حد السيف وعيونها لونها خضر << ما يعرفون ع منو ظاهره هع << هع
شوووواااخ : عمرها(19) اول سنه جامعه وهيه وايد ويا مريم وشيماء بنات عمها وهيه طيوبه وشعرها يعني هب وايد طويل وهيه حنطاويه ووايد ربشه واليلسه ما تحلى بدونها

.................................................



البارت الاول

في بيت بو احمد

مريم توها راده من الجامعه : امايه مامي وير ار يو
ام احمد : ها شعندج تنادين .. شليتي البيت من صوتج يقول صاير عندج شي

مريم : خخخخ سوري الوالده وراحت حبتها ع راسه
ام احمد : لا عادي فديتج ... زين شو بغيتي اشحقه قاعده تناديني .. بغيتي شي
مريم : هيه مامي بغيتج تقولين حق بابا يوديني بيت عمي علي .. نيهههههههاي
ام احمد : اشو بعد هاي الضحكه امفف عليج من بنت يلا ذلفي عن ويهي .. وادب لج ما بقول حق ابوج
مريم : مامي بليييز قوليله والله ملينا من اليلسه في البيت نبي نروح بيت عمي والله اشتقت حق شواخ فديتها
ام احمد ما اداني شواخ : ماشي روحه مدام السالفه فيها اشتقتي حق شواخ ويلا روحي بدلي ملابس ونزلي تغدى
مريم في خاطرها : موتي واعرف مامي ليش ما اداني شواخ .. لا يكون ماكله حلالها ونحن ما ندري .. بس الا اعرف شو السالفه <<< يعني خلاص ما شي امل تغيرين رايج
ام احمد عصبت : مريوم قلتلج اذلفي عن ويهي هب ناقصتنج انا
مريم زاغت اول مره امها جي تصرخ عليها : ها اوكيك باي هيهي هع


..........
في بيت بو علي المغرب الساعه 7 بتوقيت مدينه العين

كانت العائله تقريبا كلها مجتمعه ( بو خالد وام خالد وخالد وقصايد و شواخ ) ماعدا هزاع ظاهر ويا ربعه

بوخالد : ها يا عيالي شحالكم وشو الدراسه
قصايد وشواخ : والله تمام ابويه لا تحاتي نحن شادات حيلنا

ام خالد : الله يوفقكن يا بناتي
قصايد وشواخ : امين
خالد : يالله هالسنه نريد درجات ترفع الراس.. ولكن مني اذا يبتن نسبه حلوه نسافر كلنا باريس
قصايد : يااااااااااااااااااااي وناسه واكيد عمومتيه بيرحون ويانا
شواخ : لا تفرحين وايد هو ما قالج اكيد قالج اذا يبنا نسبه حلوه خخخ .. واذا ما يبنا طبعا ماشي سفره ..يعني رقدي واحلمي خخ
قصايد :وليش احلم ان شاء الله .. انا بشد حيلي وبحاول اييب نسبه حلوه
خلنا نروح عنهم شويه
....................
نروح لبيت بو محمد الصبح الساعه 6 ونص بالتحديد في غرفه (شيماء وشمايل )
دخلت عليهم ام خالد وراحت فجت عليهم الدرايش وطبعا كالعاده كل وحده منهن تتجلب في صوب
ام خالد تزاعج : شيماء .. شمايل يلا قومن حبايبي يلا عندكن دوام يلا نشن
شيماء : ماما خلينا شويه بس خمس دقايق
ام خالد : لا خمس دقايق ولا حتى ثانيه يلا نشي انتي واختج يلا نشن لعوزتني
شمايل : اوف اوف شو ها ماحد يقدر يرقد في هالبيت
ام خالد : امف عليج يا مسوده الويه يلا اشوف جدامي نشن لا اصب عليكن ماي بارد
شيماء وشمايل ولاجنهن يسمعن نايمات في سابع نومه الا عاشر نومه خخخخ
عاد ام خالد ما سوتلهن ون تو خخخ سيده جبت عليهن الماي البارد
خخخخ وكل وحده تناقز في صوب
شيماء وشمايل : ماما شو ها خرستينا
ام خالد وهيه ميته ضحك ع اشكالهن خخ :خخخخخخخ هذا يزاكن واقل من يزاكن عيل انا صار لي ربع ساعه وانا اوعيكن وانتن خبر خير
شمايل : اوف اوف شو ها خرستي شعري والحينه منو بينشفه حقي اوف الحينه كيف بدوام وجي شعري اخترب استايلي
ام خالد : طاع هاي شوفي منو ترمسين ياحلوه انا امج
شيماء : شمايل احترمي امج ويالله سيري حبيها ع راسها
شمايل : لاوالله ماشي شغل احبها ع راسها هاي العيوز بعد
وام خالد دمعت عينها وظهرت من الغرفه ....

كت
نهايه البارت الاول
شو تتوقعون رده فعل شيماء من اللي صار ؟

هل شيماء بتتهازب ويا شمايل ولالا ؟

وهل شمايل بتعامل امها اوكيك ولا لا ؟

__________________

وين الردود ؟

__________________

__________________
هلاليه وافتخر والي مو عاجبه ينتحر ويكتب على قبره منقهر
وتحيه للهلال



http://www.shbab1.com/2minutes.htm الرجاء من كل من قراء هذا النص توزيعه وشكرا