الجزء الخامس ...

رهف وموسى ملو من السكوووت ...
موسى ذابحه الفضوول وده لو يعرف كل شي عن رهف بهالساعات اللي بتجمعه مع رهف يمكن الساعات الاخيره ..ويمكن بعدين ما يشوفها ...

موسى : اا رهف انتي خلصتي الثانويه صح ؟
رهف : أي وان شا الله ناويه ادخل جامعه العلوم الاجتماعيه
موسى : أي تخصص؟
رهف: تاريخ
موسى: ما شا الله الله يوفقج
رهف: ويوفقك ..
موسى في نفسه : انتي وين وهديل وين .. هديل حتى المتوسطه ما كملتها .. الله يحفظها من العين..
رهف: وانت
موسى : انا في كلية الهندسه .. وهالكورس اخر كورس لي ..واذا خلصته اشتغل مهندس في البترول
رهف: أي نفس اخوي حمد اهو الحين مهندس في البتروول
رهف شافت اللي بيد موسى ..
رهف في نفسها : الله كتااب اغاااااني كاظم الساهر ..
موسى لاحظ ان رهف تبي تشووف الكتاب ..
موسى مد الكتاب لها ..
رهف بحيا: لا لا مابي
موسى يضحك : من ساعه وانتي عيونج فيه .. خوفي اقرى وينشق علي
رهف تفشلت .. واهو يضحك .. لما يضحك سكتت تشوف ضحكته .. لاحظ انها كانت تطالعه واهو يضحك .. حس ان فيها شي ..
رهف خذت الكتاب ..
وقرت اغنيه ( مجنون ليلى ) ..

اقتربي قولي احبك اقتربي000
واجتهدي بشوقاً يقتلني اجتهدي000
يانفساً تعشق قاتلها 000
حلمي مات يعانق00
يرسمها بعبرت آه يرسم00
يكتبها مجنوناً عاش يناشد00
اتذكرين قصيدة مجنون ليلى000
اتذكرين ام نسيتي وآسفاه000
مأساتي احبك وآسفاه000
اقسم اقسماً لن انسى000
ولن انسى000
ولن انسى000
ولن انسى000

رهف من الملل قرت كل الاغاني .. وتعيد عليها .. وموسى نام .. تركت الكتاب .. واهي تشوف ملامح حبيبها ..
رهف في نفسها : شلون ما احبك وانت حبيبي .. ما اقدر اتصور حبيب غيرك .. ولا حتى اتصور فيصل مثلك .. لانك غيررر ..
كان موسى نايم بكل هدوء حتى ماله شخير .. كنه الملاك .. حتى ملامحه القاسيه اللي عند حواجبه اختفت ..
رهف واهي سرحانه فيه : حرام عليك !!
قام موسى واهو مستغرب ..
موسى : شنو ؟
رهف انصدمت ..
رهف في نفسها: يا فضحي سمعني .. يوووووووووو
رهف: ها ؟
موسى: شنو حرام عليك ؟
رهف: لا كنت اقرى اغنيه حرام عليك
موسى كان يعرف انها جذبت بس ما حب يحرجها اكثررر..
موسى : شنو تبين تاكلين ؟
رهف: لا مو جوعانه
موسى : بدينا بالجذب
رهف: .....
موسى : طيب انا بطلب لك على ذوقي ..
موسى : اكسكيووزمي
المضيفه : yes sir
موسى : menu plz
المضيفه : sure sir
وطلب موسى اكل خفيف له ولرهف...
رهف حبت الاكل اللي طلبه موسى له .. ارتاح موسى لما شاف رهف تاكل بحيويه ... مايدري ليه حاس انه مسوؤل عن رهف وانه ولي امرها ..

....

أمل : يماااا ليه ما قلتي لي عن خطبه رهف ؟؟؟
ام حمد : ومين اللي قالك ؟
أمل : بعد منووو قالي حمد
ام حمد: وهذا ما يخش شي ؟ يا أمل ما صار شي بس كلمني فيصل ولد خالتك وطلبها .. قلت له انا موافقه بس الراي راي رهف ..
أمل : اشووه ما طافني شي
ام حمد : ههههههه المهم .. انتي الحين توك راده من العمره شلون خالد معك ؟
أمل : الحمدلله يماا خالد مريحني وما يخليني اتضايق من شي
ام حمد: الحمدلله .. اشكري ربك وصلي
امل: الا عمر وينه ؟؟؟ اشتقت له
ام حمد : نايم كان يلعب وتعب من اللعب ونام
امل: اكل شي ؟ والا نام على طوول
ام حمد: لا تحاتين ولدك ولدي وانا وكلته قبل لا ينام
امل : انزين يما .. تهقين رهف بتوافق؟
ام حمد : اذا ما وافقت اهي خبله .. ولد خالتها .. ويشتغل مع ابوه .. وعنده خير.. ومزيووون .. وكامل مكمل ..والكمال لله .. شتبغي اكثر من كذا ؟
امل : أي ادري .. بس ما يندرى وش راي رهف ؟
ام حمد: ان شا الله تاخذه .. انزين انتي بتنامين هنا او كيف؟
امل : لا يمااا انا جايه اسلم عليك واروح لخالتي واسلم عليهاا واسلم على حمواتي بعد
ام حمد : طيب خلي عمر هنا ..

... ...

هديل على اعصابهاا .. توها تدري ان رهف وندى مسافرات لندن .. وموسى في لندن .. خايفه ان موسى يشوف رهف ويحبها .. كانت تتحلف في رهف ..كانت تتذكر كل اسئلة رهف عن موسى وفضولها الزايد عنه .. كانت هديل حاسة ان رهف تغار على موسى منها ..
دقت عليها نورة زوجة احمد اخو موسى ..
نورة : قوه
هديل بدون نفس: هلاااا نورة
نورة: شفيج ؟
هديل: متضايقه شوي
نورة : طيب اكشخي وتعالي
هديل: ليه ؟
نورة : موسى بيوصل اليوووم
هديل استانست : صج والله ..... ااااااااااااه
نورة : يلا اكشخي وتعالي انا وحنان ننطرج
هديل: ثواني وجايه ..
نورة: يلا اخليج الحين تشاوو
هديل: تشااااااااااوووو

طوووووط طووووووووووووووط

هديل اكشخت... وراحت لمحمد ..
هديل: محمد
محمد: هاا
هديل: ابيك توديني لبيت عمي
محمد: وانتي ما تقعدين يوم في البيت
هديل: اخلص علي توديني او لا؟
محمد: انزين اقلبي وجهك الحين
هديل: مالت بس

,,,

وصلو الكويت ....
في المطار..
لبست رهف نقابهاا وعبايتها ... وجهزت شناطهاا. . موسى لبس نظاراته الشمسيه ..
ويحاول انه يشوف رهف على راحته ويشوفها على طبيعتها ..كان حاس ان رهف فيها شي مميز غير جمالها واناقتها ..مايدري ليه منجذب لها بهالطريقه ..

رهف تكلم حمد في التلفوون ..
رهف: شنووووو لااا .. حمد .. تكفى.. لا فشله .. من صجك تتكلم .. لا مستحيل .. حرام عليك انا اختك عاد ... نعم نعم .. لا .. وامي شتقول ؟ شنووووو امي موافقه اني ارووح . .

موسى شاف رهف مرتبكه ومتوهقه .. راح لها ..
موسى : خير ان شا الله ؟
رهف متفشله : هااه .. امممم متوهقه وما عندي احد يجيني المطار
موسى يمسك شناطها ...
وكنه يقول لها .. تعالي معاي .. واهي تمشي وراه ..
وركبو السياره ..
موسى : رهف بيتكم بعيييد ..
رهف حمر وجهها: خلاص بركب تاكسي
موسى : لاا مو قصدي .. قصدي نروح بيتنا احط شناطي واسلم على امي وابوي وبعدها اوديك لبيتكم..
رهف في نفسها : لااااااا كلش ولا مرت عمي ما تحبني ولا تواطني . .
رهف:لا موسى تكفى ودني بيتنا وبعدها روح ..
موسى عصب : طيب .. خلاص
رهف في نفسها: انا شسويت عشان يعصب علي ؟
موسى في نفسه : تتحكم علي ؟ يعني كلمتها كم كلمه صارت تتحكم علي؟ لا يكون سواق ابوها انا ؟ بس هالمره هذي وبعدها مراح اشوفها خير شررر وانا ناقصني مشاكل ..
وصلها لبيتها وراح ..
شالت شناطها .. ودخلت البيت ..
رهف: السلاااااااااااام عليكم
ام حمد + امل : وعليكم السلاااااااام
رهف سلمت عليهم ..
امل: زين والله جيتي الحين كنت ناويه اروح الحين
رهف: لا حسافه .. انزين ما تبين صوغتج ؟
امل: مره ثانيه .. بس لازم اروح الحين .. يلا مع السلامه ..
وراحت امل ..
رهف: يمااااااا .. صج خطبني فيصل منج ؟
ام حمد: أي خطبك مني ؟ انتي وش رايك ؟
رهف: ما اقدر اقولج شي الحين .. لازم ارتاح وأصلي الاستخاره ..
ام حمد: اهم شي تفكرين تفكير مره .. مو تفكير خبال وهبال
رهف في نفسها: امي تبيني اتزوج فيصل .. حتى كلامها يقول جذي ..اجل ليه تسأل وتقولي افكرر ؟؟ ,,,,

...

موسى وصل البيت ...

سلم على امه ..وعلى ابوه واخوانه ... وركب فوق بيروح لشقته .. وشاف هديل .. اول ما شافها فتح عيووونه من الصدمه ... ما توقعها بهالشكل ؟؟ ؟
كانت تخرع .. في نظره .. كان راسم احلى صورة لها .. كانت متوقع انها حلوة وناعمه .. وانيقه .. بس طلعت ولا شي من هالمواصفاات...
موسى في نفسه .: ليه نورة جذبت علي ؟؟ مدحت هديل وطيرتها لفووووق ..
مسك راسه من الصدمه .. كان يشوف قدامه انسانه ثانيه .. غير هديل الخيالية اللي سماها مذهله من كثر ماهو يحبها .. كانت غييييير !!!!! ..عصب وحقد على نورة اللي صورت هديل ملكة جماال بادبها واخلاقها وجمالها .. وحقد على جدته حمده اللي لزمت عليه انه يتزوج هديل غصب عنه ومع هذااا حاول طول هالسنين اللي فاتت انه يحبهاا وفعلا حبها بس مو الحب المعروف .. حبها حب خيالي وبهديل خيالية ..
مشى وعصب وراح لفوق .. هديل انصدمت منه .. حست انها ما عجبت موسى.. كانت هديل تجذب على كل بنت تعرفها ان موسى ولد عمها يحبهااا وهااااااااايم فيهاااا ... ما يدرون ان موسى منجبر عليها ولا عمره شافهااا .. كانت هديل توهم نفسها بانها العاشقة الولهانه لحبيبها .. كانت تعيش هديل في قصص رومنسيه خياليه نهايتها خياليه ..

نورة بحكم صداقتها مع بنت خالها هديل تحاول ان تجمع هديل بموسى .. وبحكم شغلها .. بعض المرات موسى يوديها لشغلها .. ونورة دايم تجيب طاري هديل بالخير .. كانت تخلي موسى يحبها من الكلام اللي يسمعه .. لين تعود موسى ان هديل حبيبته الكامله المكمله ..
حنان مع انها ما تحب تسوي مشاكل كثير الا انها دايم تزيين صورة هديل قدام موسى ..
حمده الجده .. مع انها ما تحب خبال هديل ودفاشتها الا انها ملزمه انها تزوجها لموسى.. وموسى كل البنات يحسدون اللي بياخذهااا لان موسى سارق قلوووب العذارى ..

هديل : ليش عصب يوم شافني ؟
نورة: تخيلي لو يقدموون الملجه ؟
هديل: واخيرااااااا يااليت لو صج
حنان: ان شالله ..بس هالله هالله بالسنع والدلع
نورة في نفسها: مفارقينها من زمان ..
هديل بدلع ماصخ : انا اصلا دلع وحلا وغنج
حنان : اكييد
هديل: تدرون ان رهف كانت بلندن ؟
نورة: ايه ندري .. اكييد تبي موسى يشوفها ويعجب فيها ..وما يندرى يمكن تخطط تاخذه منج وانتي قاعده اهني ما تدرين وين الله حاطج
هديل: يا حبيبتي موسى يبيني ويحبني انا مو رهف.. وموسى حتى لو شاف رهف واعجب فيها .. لا سمح الله .. ببقى انا اللي يحبها .. وراح تشوفيين
نورة في نفسها: الله يلوع في جبدج ان شالله.. مسويه فيها رومانسيه .. انتي وين والرومانسيه وين .. وووع
حنان في نفسها: هذي حيل شايفه نفسها . .والله ان رهف ادب واخلاق وجمال ..ولو يتزوجها موسى اهو المحظوووظ .. محظوظ من ياخذهاا ..
,,,


خذا شوووور سرريع واهو يفكرر باللي صار اليووم ..يحاول ينكر هديل اللي شافها اليوم .. يحاول يصدق الكلام الحلوو اللي انقال فيها ...بعد ما خلص الشووور .. لبس بجامة ونزل
يسلم على ابوووه ...

حب راسه وقعد عنده ,,,
موسى :يبااا .. انا تعباااااان حييل ما اقدر اسافر مره ثانيه
بوعبدالله: خلاص عبدالله او احمد يروح .. انت ارتاح .. موسى يوم سافرت لندن .. ما جبت طاري هديل والملجه ؟ لا يكون ماتبيها ؟
موسى عصب: شنوو يباا لا اكييد ابيها .
بوعبدالله : موسى
موسى : هلا يبا
بوعبدالله: يا ولدي تبي الصج .. وانا قلته لامك .. هديل ما تصلح لك .. وانا دايم اقول هالكلام لك .. وانا ودي تاخذ رهف
موسى انصدم : رهف !!!!!!!!!!!!!!!!!
بوعبدالله: أي رهف تصلح لك انت 22 واهي 18 وهديل الله يستر علينا وعليها 24 .. يا موسى احنا الرياجيل نحب نتزوج البنت الاصغر منا ندلعها وندللها ونربيها .. والبنت طبعها تكبر بسررعه .. شتبي بعجوز لا تقدر تدلعها ولا تدللها .. ؟؟؟؟
موسى : في نفسه : ابوي كلامه صح .. وانا الغلطان من البدايه حجزتها ..
بس ياربي حراااام اقول لهديل الحين مابيج .؟؟ شتقول عني ؟؟ مو رجال عند كلمته ؟ااااااااااه ياربي ؟ وحتى لو رفضت هديل وقبلت برهف شنو بيقول عني فيصل؟
وانا شنووو موافق او لا ؟؟؟؟؟؟

بوعبدالله : مووووسى ما قلت لي رايك ؟
موسى انتبه : هاا بشنوووووووو؟؟؟
بوعبدالله: اخطب لك رهف
موسى : وهديل يبااا ما فكرت فيهاا ؟ ما فكرت فامي ؟ اللي ما تحب مرت عمي؟ ما فكرت في جدتي حمده ..؟؟؟؟؟؟؟؟
بوعبدالله: ما همني احد ..اهم شي انت
موسى : وامي حمده ؟؟ مراح توافق وانت تدري يبا ان امي حمده اهي اللي مصره اني اخذ هديل . .
بوعبدالله: انا بكلمها واقنعها .. وانت استعد
موسى: اللي كاتبه الله بيصير ان شا الله انا الحين اروح ارتاح شوي
بوعبدالله من عمره ما يحب هديل ولا نورة ولا حنان .. بس زوجته اهي اللي اصرت انها تاخذهم لعيالها ..

...........

احمد : نووورة
نورة : هلا
احمد: ما دريتي ان موسى بياخذ رهف
نورة تنكر: ومن قالك ؟
احمد: ابوي توه قال لي .. واهو الحين راح عند امي حمده يقول لها
نورة مسكت تلفونها..
نورة اتصلت على هديل.
هديل: الو
نورة: موسى بياخذ ررررررررهف !!!!!!!!!
هديل سكرت الجوال.. واهي منصدمه كان خوفها في محله ...
هديل : مو على كيفه يخليني ؟؟؟؟؟؟ وين قاعدين يحجزني واخر شي يخليني ..؟؟؟؟؟؟

..

رهف كانت قاعده تقرا قران وتدعي ادعيه المساء ...
دخلت عليها امها ..
ام حمد : رهف يمااااا مدري كيف اقولك .. بس شووفي عمك راشد بيجي بعد شووي وبياخذ رايك ..
رهف: بشنوو ؟؟
ام حمد: يويلي عليك يا بنتي .. يخططون لك وانتي ماتدري باللي صاير ؟
رهف مخترعه : يمااااااا شصاااير؟
ام حمد: عمك راشد يبيك لموسى
رهف : شنوووووووووووووووووو؟؟؟؟؟؟؟؟؟؟؟؟؟؟؟؟؟؟؟؟؟؟
ام حمد : ايه يما .. وصارت هوشه كبيره بين امك حمده وبين مرت عمك صالحه .. عشانك
رهف: ليه يماااااا شجاب الطاري توني جايه من لندن !!
ام حمد: سمعت ان عمك راشد معصب على مرته صالحه .. لان مرت عمك صالحه كانت مخططه لاحمد وعبدالله حنان ونورة .. وانتي تدرين ان حنان ونورة اكبر من احمد وعبدالله ونورة اكبر من احمد بأ6 سنين وحنان اكبر من عبدالله ب4 سنين واهو مايبي موسى ياخذ هديل لانها ما تصلح له ولا نفس مستواه .. الله يستر عليها .. الظاهر عمك رفض ملكة موسى لهديل .. والله ااحاتي خالتك شكلها بتزعل ان تزوجتي موسى
رهف : يمااا انا يعني مالي راي؟ شلون عمي راشد يتحكم ويتكلم وانا مو معطيني راي
ام حمد: واهو الحين بيجي هنا بيعرف رايك .. اسمعي رهف انتي كبرتي واذا انتي مرتاحه لموسى انا ماعندي مانع .. بس لا تغصبين نفسك ..انزين يا قلبي
طلعت امها ...
رهف مو مصدقه اللي قالته امها ... ماتدري وش تسوووي ..قرصت خدهااا تحاول تصحها من اللي اهي فيه .. حطت راسها على المخده تحاول تركز وتحاول تفكررر بس مافي فايده ..راسها عورها وتحس ان كل شي يتحرك من الدوخه .. حست انها متجمده ... وراسها مصدع ودموعها جاافه على مدامعها ..

دخلت الخدامه .. وانصدمت الخدامه لان الغرفة كانت مظلمه وبااااارده .. ورهف منسدحة على سريرها بدووون لحااف وفاتحه عيووونها ..
الخدامه : رهف ماما يقول انزل تحت
رهف: انزين
وراحت الخدامه ..
لبست ملفعها ونزلت .. دعت ربها ان اذا هالزواج فيه خير يتممه ..شافت عمها مع امها يشربون شاي .. سلمت عليه .. شافت امها خايفه وتطالعها بخوووف .. ورهف ساكته وهادئيه ..ومصدعه ..
راشد: حيي الله رهف
رهف: الله يحييك عمي
راشد : ولا عليج امرر يا ام حمد ابي اكلم رهف
ام حمد : ان شا الله يا بوعبدالله
وراحت ام حمد خايفه من ان بوعبدالله يقنع رهف بموسى ..وفيصل ما يدري عن شي .. كان يفكر بس في رهف ,,, ويفكر وين يوديها شهر العسل ويفكر في هديتها وفي المهر .. ويفكر بأفخم فندق للعرس... كان يخطط لكل شي .... مسكين مايدري عن شي ...

راشد: رهف انا ابيج لموسى وانتي وش رايج ؟
رهف: عمي مادري شقوول ..بس موسى ما يبيني يبي هديل
راشد: موسى يوم حجز هديل كان بفتره مراهقه .. وما كوّن نفسه .. واهو الحين بيدرس اخر كورس له وبيشتغل .. وانا ابيج لموسى يابنتي .. بنت العم تقبل بولد عمها بزينه وبشينه .. والبنت مافيها خير ان ما خذت ولد عمهاا اللي يحبها ويبيها
انصدمت رهف .. في نفسها: موسى يحبني؟؟؟
راشد : وانا رجال مريض وابي الكلمه الحين ..
رهف سكتت من الصدمه ..
راشد: السكوت علامه الرضاااا .. موافقه ؟
رهف هزت راسها بخفيف لان عمها راشد ضغط عليها بكلامه ..
حب راشد راس بنت اخوه رهف وراح ..
راشد: عسى الله يتمم لكم بالخير يلا سلمي على امج وما تشوفون شرر .. وطلع
رهف في مكانها مرتجفه ,,,
كل هذا يصير بدقايق؟؟؟؟
دخلت امها ...
ام حمد: هااا وش قالك عمك ؟
رهف : يماا اناا وافقت
ام حمد توقعت هالشي لان بوعبدالله كلامه ما ينرد .. وفاهم اكثررر منهم .. بس خايفه عليها من صالحه ونورة وحنان وهديل اللي ما يحبوونهاا ويتمنون لها الشين ..
ام حمد: يا رهف موسى يمكن من نصيبك .. ادعي ربك انه يسخره لك وتتوفقين .. وما عليك من احد وانا بكلم فيصل بنفسي وبقوله مالك نصيب في رهف .. والزواج قسمه ونصيب .. انا كنت ابيك لفيصل بس عاد وش اسووي دام عمك الكبير راشد يبيك لولده ما اقدر ارده ..
رهف: يماا انا خايفه من هديل ؟؟ خايفه من الحسد .. خايفه من الكلام اللي بينقال وخايفه من عيوون الناس اللي ما تخلي احد .. الحين شنو بيقولون . .يقولون رهف راحت لندن وجت ولقت كل شي مرتب لها ؟؟؟؟؟؟؟
ام حمد: اقري على نفسك يا رهف ولا عليك من احد .. اهتمي في نفسك واهتمي في زوجك .. ولا تهتمين لفلانه قالت كذا وعلانه قالت كذا .. ما عليك من احد ..
رهف: حمد وينه ؟؟
ام حمد: حمد في لين الحين في دورة
رهف: محتاااجه له .. ابي اكلمه ابي اسمع شنو بيقووول .. يما لازم يكوون اهني
ام حمد: انا بعد شووي بشوووفه .. على ما اظن اهو ماعنده مانع ..
رهف تدعي في قلبهااا ...
....

ام حمد: الوو هلا فيصل
فيصل: هلااااااااا خالتي ..الله لا يحرمني من صوووتك يارب
ام حمد ما تعرف وشلون تقوله ... كان كاسر خاطرها فيصل ..
ام حمد : فيصل
فيصل حس ان خالته بتقول شي؟
ام حمد: فيصل مالك نصيب في رهف
فيصل مو مستوعب: شنوو
ام حمد : رهف انخطبت وبعد كم يوم ملكتها
فيصل سكر الخط في وجه خالته .. وام حمد عذرته لانه منصدم ...
ندى: شفيك فيصل ؟
فيصل بكل هدوء : رهف انخطبت
ندى ما عرفت شتقوول .. خافت من برودة فيصل .. راحت لغرفتها واتصلت على رهف..
ندى : الو قوه رهف
رهف: هلاااا ندى
ندى: توني سمعت فيصل يقول انك خطبتي ؟؟؟؟؟؟ صدق ومنو اللي خطبك ؟
رهف: مادري شقول لج يا ندى .. كل هذا صار بسرعه ولا حسيت فيه .. اليوم جا عمي راشد وخطبني لموسى ..
ندى :صدق والله مبروووووووووووووووووك الحمدلله انك اخذتيه كذاا بسرعه وبدون مشاكل
رهف: ندى احس اني مو مصدقه الحين اني بتزوج موسى ..
ندى : وهديل ومرت عمك ؟ وجدتك ما قالو شي؟
رهف: صارت مشاكل بين جدتي وبين عمي وبين مرت عمي صالحه .. بس عمي اهو اللي اصرر علي
ندى: الله يوفقك ان شاالله .. الله يعينه فيصل لو يدري من اللي خطبك ..
رهف: بيني وبينك يا ندى احس ان فيه شي غلط ؟
ندى : ليه تقولين كذاا ؟
رهف: ندى احس ان خطبتي لموسى غلط .. فيني احساس يقول جذي .. مستحييل اتزوج موسى بهالطريقه
ندى : يا رهف تعوذي من ابليس ولا تقولين هالكلام ..
رهف : والله يا ندى حااسه اني بتطلق قبل لا اتزوج موسى
ندى: فالك ما قبلناها .. انتي وش فيك ؟ ؟ يا رهف اول شي تعوذي من ابليس
رهف: اعوذ بالله من ابليس
ندى: وبعدين انتي وش فهمك .. يمكن موسى حبك هنا في لندن .. وكلم ابووه ووافق
رهف مو مقتنعه بكلام ندى .. بس تعرف ان ندى تحاول تقوي معنوياتها ..
ندى: اسمعي اذا جيت ان شا الله مابي اسمع خبالك هذا .. ويلا روحي ارتاحي ولا تفكرين بشي اوكي .
رهف: اوكي
ندى: باي
رهف: باااي ..

....

هديل منقهره وبكل صلاة تدعي ان موسى يكره رهف ... وام هديل منقهره من صالحة ام موسى .. شلون يخليها موسى بعد ما علقهاا !!!!



ملج موسى على رهف فالمحكمه ... وحمد رافض هالزواج بس شنو يسوووي في عمه الكبير ..
حمد دخل البيت واهو معصب ومعاه ورقة زواج رهف ...
رهف كانت قاعده تشرب شاي اهي وامها ..
حذف عليها ورقة الزواج .. واهي ساكته ولا قالت شي..
ام حمد: وش فيك ؟
حمد معصب: مافيني شي .. بس مايصير عمي يتحكم في رهف
ام حمد: عيب عليك هذا عمك .. واهو عارف مصلحة اختك
حمد: رهف انتي موافقه والا عمي غاصبك ؟
رهف: محد غصبني
حمد ماصدق كلام رهف..
ام حمد : عمك ما حدد العرس
انتفض قلب رهف .. وطاح الشاي في حضنها . .
ام حمد : اسم الله عليك حبيبتي .. حرقك الشاي ؟
مع ان الشاي حرق رهف الا انها ما عبرت .. حست انها ما حست بحرقة الشاي ..
حمد عرف ان طاري العرس خلها ترتجف ويطيح عليها الشاي ..
حمد: حددو العرس .. بتاريخ 25/3 ..
ام حمد : بهالسرررعه ذي ؟
حمد: عاد وش اسوي في عمي .. وهذا مهرها
يأشر على شنطه في الزوايه..
ام حمد : كم ؟
حمد : 10 الاف دينار
ام حمد : طيب ليه انت معصب كذا على اختك ؟ ؟
حمد طالع رهف اللي مخنوقة بعبرتها.. قامت بكل احزانها وراحت لغرفتهاا .. ماتدري ليه تحس ان شي غلط بهالزواجه هذي ؟ ؟ ؟
حمد: يماا انتي تعرفين حريم اهل ابوووي البعاد..عيونهم على موسى وانتي تعرفين ان موسى الكل يحسده .. ليه توافقين ؟؟؟
ام حمد بحزن: مدري يا ولدي ..كني اشوف نفسي في رهف .. لما كنت في عمرها كنت دايم محسووده .. ولما تزوجت ابووك الله يرحمه حسدوني عليه ..
حمد حس كل كلمه من كلام امه وراه قصة حزينه .. مع ان حمد يحب اخته رهف ..بس ابوه علمه شلون يحافظ على خواته ويحميهم من أي شي .. كان حمد نسخه مصغره من ابوه .. حريص ويحافظ على اهله وجماعته .. وحمد خايف من مستقبل رهف ..

هديل دموعها انهااار ... مو حب في موسى الا من القهررر والكلام الناس اللي بيقولونه ..
كانت ترفض أي عريس يتقدم لها ..
هديل وصوتها يخووف: والله لاوريج يا رهف .. توج طالعه من الدنياا وتاخذين دنيااي .. من كبرتي وانا مو مرتاحه لج .. اكررررررررررررهج .. ويعلج الطلاااااااااااااااق . تمت تبجي ..

نورة بحقد : ما هقيت ان موسى يتزوج رهف ..جذي بهالسررررعه !!!!!!!!!!!!!
حنان : ليه هالحقد هذاا حرام عليج رهف تستاهل موسى . .والله يصلحوون لبعض مو هالبقره هذي هدووو ..ما تصلح له تنااقض
نورة: انتي من صجج تتكلمين هذي خويتنا من عمرر نخليها جذي ؟ ونخلي هالبزر تاخذ موسى بارده مبرده ؟
حنان : شنو يعني بتروحين تطلقينهم ؟ هههههههههه
نورة بمكر: وليه ما نسويها
حنان: هيه انتي تكلمي عدل حرام عليج خلي البنت تتهنى شوي في ملجتها . .
نورة: والله حرام عليها موسى .. الحين هديل تنطر سنين وهذي شهر او اقل بعد وتاخذه .. انا ما ارتاح الا واخلي رهف تتطلق من موسى
حنان : استغفر الله .. حرام عليج خلها لحالها
نورة : مالج شغل فيني ويكون في علمج حتى عمتي صالحه ما تحب رهف ومناها لو تطلقهم بس وش تسووي في عمي راشد .. اووف
حنان ما حبت طريقة تفكير نورة .. صحيح انهم ما يحبون لا هديل ولا رهف بس همتهم مصالحهم .. بس حنان ما حبت انها تكون سبب في هدم حياة رهف ..

....

صالحه منقهره وسكوتها يدل على هالشي ..
حمده : الله يهديه راشد راسه يابس .. اجل الحين شطاري عليه رهف ؟؟
صالحه : .......
حمده: والا شكله عاشق حنان ( ام رهف )
عصبت صالحه ,, وكرهت حنان وبنتها رهف..
صالحه: عمه الله يهديج شنو عاشقهاا
حمده بمكر: واالله ما يسوي الرجال الا اهو عاشق امها
صالحه:وانتي وش عرفج ؟
حمده بمكر وجذب : اهو قالي قبل لا تتزوج حنان انه يحبها ويبيها .. بس ما صار نصيب
زعلت صالحه وطلعت من بيت عمتها حمده وراحت لبيتها .. ضحكت حمده واستانست ..
دخلت صالحه معصبة غرفتها وشافت راشد نايم ..
صالحه : راااااااشد قووووووووووووووم
راشد نايم : هااااااااااا وش تبين يا مره ؟
صالحه : قووم الحين
راشد قام وجهه متعفس من سبب صالحه ..
راشد : وش فيج ؟؟؟ انهبلتي ؟
صالحه: أي انهبلت
راشد : لا اله الا الله محمد رسول الله
صالحه :.......
راشد : الحين وش تبين ؟
صالحه معصبه : انت كنت ناااوي بعد ما مات اخووك تتزوج حنان علي؟؟؟؟
راشد منصدم وفتح عيونه من الصدمه ..
راشد: انتي وش تقولين ؟؟؟؟
صالحه: ولاااااا بعد قصة العشق هذي تبي تجيب بنتهاااااااا في بيتي والله يا رااااااشد رهف مالها مكااااااان في هالبيت ... وانت بتشووووووووووووف
طلعت وسكرت الباب بقووووووه .. وراشد عصب على طريقه كلام صالحه معاه ... وانصدم من كلامه .. اهو لا يحب حنان ولا شي من وين جابت هالكلااااااااااااااااام ؟؟ ؟
راشد: استغفر الله من غضبه .. هالمره ذي من صجها تتكلم والا انهبلت ؟؟

.....

تحلفت صالحه في رهف المسكينه اللي ما تدري شنو يخططون لها ؟؟؟؟؟؟

في لندن .... كانت ندى تشوووف الحزن في كل ذرة في فيصل .. صار لا ياكل زين ولا يشرب ولا حتى يناااام .. حتى كل وقته برى الشقة ...حتى تغير شكله ولا صار يهتم في مظهره
ولحيته ما حلقهاا وصار شكله مبهدل ..
ندى : حرام عليك يا فيصل اللي تسويه في نفسك
فيصل: مالك شغل فيني يا الندى
ندى عصبت ...
ندى : وش هالكلام هذااا من متى صرنااا مالنا شغل في الثاااااني ؟؟؟؟؟ شفيك يا فيصل كل هذا بسبب ملكة رهف ؟؟؟؟؟؟؟ انت اصلااااا ما تحبها !!!!!!!!
تفاجا فيصل من طريقة كلام ندى ..
كملت كلامها ندى .: لو تحبها صدق ما سويت في نفسك كذاااااا .. اللي يحب يتمنى الخير للي يحبهااااااا.. وانت ما تحبها . تمت تبكي ..
فيصل بحزن : لا تبكين يا ندى
ندى تبكي : مابي اشوفك تتعذب قداامي .. انت لو تعرف مين اللي تزوجهاااااا وش كنت بتسوووووي؟؟؟؟؟؟؟؟؟؟
فيصل انتبه لكلام رهف ..
فيصل في نفسه : اكيييد ندى تعرف مين اللي تزوج رهف
فيصل: انتي تعرفين مين اللي تزوج رهف؟
ندى ما حبت ترد بس شتسوي فيصل بيعرف اذا الحين او بعدين ..
ندى : موسى
افترر راس فيصل من سمع اسمه (( موووسى )) !!! يغدرني ويتزوجهاااا واهو يدري اني احبهاااااا وهااااااايم في هواهاااااااااااااا!!!!!!!!!!!!!!! ليه يسوي كذااا ؟؟ انا وش شسويت عشان يسوي كذااا ؟؟؟؟
قام فيصل وطلع من الشقه واهو معصب وللأول مره يبكي عشان ووحده !!! بكى وبكى لخسارته لرهف وبكى من غدر موسى وخيانته له . يحاول يسكت بس ما قدر حاول يخفي صوت بكاه .. بس الشهقه اقوى منه .. ضم ايده ومشى في شوارع لندن يبكي على خسارته لحبه اللي ما اكتمل ..

شنو تتوقعون بيصير ؟

حمد بعد ملكة اخته رهف وموسى هل يتقدم لهديل ؟؟

وندى شنو بيكون موقفها ؟

صالحه + حمده + نورة = شنو بيخططون ؟؟؟؟؟؟؟؟

رهف هل اهي مرتاحه بهالزواج او احساسها في محله ؟

موسى وافكاره اللي توديه شلون بيتصرف؟

فيصل هل بيرجع بقووووووووووه ويخطف قلب رهف ؟؟ او بيجلس وينتظر مصيره ؟؟

ترقبووووووووو

__________________

ان شاء الله ما تتخرب عليهم