الشاعر عبدالله الكدادي الله يرحمه من اكبر شعار اليمن الجنوبي زمان وشعره كلام له معني وتاثير الي يفهمون الشعر فقط خليكم معاي.........اي كلمه تمر عليكم ماعندكم معنها اشئلوني ونا انشالله اذا اقدر وعندي المعني اجوابكم
وش خمجك يا عسل صافي وش اٌُلإ اغثاك
وش زعلك يامصفي ياسلب زاكي
لايكربك شي في الدنيا ولا يهضاك
والهرج ذي ما تحبه فاحسبه عاكي
وش قومك من مكانك ويش ذي اوزاك
ماخفت حتى الملامه دمعتك شاكي
انا ابن من لخصومهم فتاك ‏
‏ يوم الحرابه نمر ومحزمه واكي
ما نابمن ذي يوطي الراس ياحماك‏
‏ لاحد بقلبك فناء باقول يهناكي
مغير خافك تخيل فوق في لفلاءك
‏ تضيع العمر بين العلب والراكي
قد قلت لك قبل ذا مرات انا ما باك
‏ لاحد يبا له عذر لا عاد يحداكي
معي فلانطه جديده عنقها يسواك
‏ مغير انا قلت ان قد ذاك سعداكي
حكمي على ماجراء يحرم على رؤياك ‏
‏ ما دمت انا حي ولا زرت مثواكي‏
وباحسب الله ما جابك ولا سواك
‏ ولاعرفتك قط من ذا اليوم بانساكي
_________________________________________
الى كل محبي الشاعر الكبير عبدالله الكدادي رحمه الله هذه احدى قصائده الشعريه :

ياسين ميم الألف من لامها&&& القاهر الباهر المترفسي
ذي ملتها قط للعبد التها&&&والحكم له في الغيوب الطمسي
والسيطره له وسلطان الدهأ&&&وبه تسير الجوار الكنسي
أنا أحمده ماأشرقت شمس البها&&&على لشعاب الحيود النكسي
وأستغفره قبل يوم المنتها&&&وقبل يحدث حساب الأنفسي
نهار لسلام ترجا ربها&&& لبس الحلا والحرير السندسي
يالله انا طالبك وقت السها&&& حين اظلم الجو والليل اغلسي
تغفر لي الذنب ذي بدره زها &&& واديتني ياغنات المفلسي
وابلغ القلب منك مشتها&&& في ذه وفي تاك انا العبد المسي
سالك بطاها وطاسين اعطها&&& يامن بك المجرمه تستانسي
وقال اخو جعبل ان صيد المها&&&متجازعه في المحيط الاطلسي
نحو الأوربا تشاهد حربها&&& ذي شاع يافخرها في المجلسي
واتنشر التاج وانوار البها&&& على ملوك العرب والطيلسي
وأتايد النصر منبعد الدها&&& لتركيه في الخليج الفارسي
يهناكم النوم يالقوم الجها&&& في بير برهوت حزب الدارسي
ذي مالتحق للعناصر قعرها&&& من عصر سام أبن نوح الخامسي
ياعين لام أدرس أبجد واقرها&&& شوف الحنش من قفا الريش اخلسي
وبنت قارون ماتت وأمها&&& لاح الشبه في جناح النامسي
والعبد كما عصا الله انتها&&& من خوف صرصر وضرب اليابسي
كملي تنبأ الفضائل وأجرها&&& والله رب الضعيف اليائسي
وبعد ياطير أحسن مرها&&& على اجنحه ريشها متكابسي
بلغ ابيات مغري خطها&&& على العريفي غريب الهاجسي
فيها تساليم عالي فخرها&&& يملا جهتهم متاع الغالسي
قل قال ذي حل في رب الطها&&& بين اهل لحقاف وادي غارسي
بين الدول والقبل تحت أمرها&&& يارب حربي وعينه ناعسي
بلاد ماشي خلق مثل ارضها&&& في اعطافها قطف أعواد النرجسي
في الشرق والغرب ماشي مثلها&&& في أحسن نود تتكاوسي
والصيعري والحارثي في قعرها&&& ذي كسر انيابها والظارسي
والضيف لا جات عنده قدرها&&& متحضر العز كمن داعسي
ماهي مدائح ينقص أثرها&&& وقلد الله صرب العابسي
والف الصلاة على أحسن ملها&&& بايات الم نشرح المتنافسي
اول بشير وخاتم رسلها&&& محمد المصطفى المستانسي

هكذا يؤكد الشاعر قدرته على التعامل مع اللغة من حيث مفرداتها 0
نقل عن ديوان الكدادي الجزء الثاني0

تحياتي الخاصه
ابو اليمامه
[/frame][/b][/size]