قفلت من احمد وانا خااايفه من ردة فعل سلمان اذا درى لازم مايعرف عن أي شي الا بعد الملكه ,قطع حبل افكاري صوت تلفوني كان رقم سلمان انا اووووف اكيد راح يهددني
انا : الووو؟
سلمان بصراخ : انتي ستهبلين ؟؟ تفتكري بهالحركات راح تهربين ؟ بس والله لوريك يامريوم انتي ماعرفتي مع مين تلعبين
انا احاول اهديه : سلمان اسمعني انا امي قالت لي استخير يومين قبل لا اتخذ أي قرار يعني ما اقدر اقولها الا بعد يومين
سلمان بنفس العصبيه : بكره تقولين لها فاهمه ؟؟
انا : حتى لو قلت لها بكره ماراح ترد علىكم الا بعد يومين او 3 عشان فشله
سلمان : الموهيم ان الموافقه توصلني في نهاية الاسبوع ولا انتي عارفه وش اقدر اسوي
انا : طيب
سلمان : ولا تفكرين مجرد تفكير انك تطلعين مع الحقير احمد !!
انا : وش عرفك ان اسمه احمد ؟؟
سلمان : ياحياتي انا اذا حطيت شخص في بالي اجيبه لو هو في سابع سماء
انا ودموعي على خدمي : سلمان تكفى لا تسويله شي تكفى والله مابيني وبينه شي ليه مو راضي تفهم
سلمان: اسمعي انا بطلع الحين مع الشباب واذا رجعت اكلمك وياليت يكون اسلوبك احلا من كذا تراك تكلمين زوجك مو واحد من الشارع!!
انا : لا تدق انا بقفل جوالي تعبانه وماني فاضيه لخرابيطك
سلمان : راح اسوي نفسي ماسمعت واطنش يله تشاوو

انا قفلت من غير ما ارد عليه , الله ياخذك متى افتك منك
صوت مسج ( انا عند باب البيت الله يستر تخيلي ابوك يطردني !! ) كان احمد انا رحت ركض للشباك كان توه واصل للبيت وقف السياره ونزل منها احمد وابوه وساره انا اااااه متى يجي اليوم اللي اجلس فيه جمبك
رحت بسرعه خذيت شور وسويت شعري ولبست فستان فوق الركبه بشوي بنفسجي مع ميك اب ناااعم مره
صوت مشاعل يهز البيت : مريم مريووووووم
انا : خير خير ليه الصراخ ؟؟
مشاعل :امي تبيك تحت مشاعل تناظرني من فوق لتحت : كل هالكشخه هذي عشان سويير
انا استهبل : سارا هينا ؟؟
مشاعل : تسوين نفسك ماتعرفين أي تحت هي واخوها وابوها في المجلس مع ابوي امي قالت لها مريم فوق قالت سارا ( تقلد ساره ) لا خالتي انا ابيك انتي بموضوع ( طبعا تتسائلون ليه ام احمد ماجات معهم لانها متوفيه من حوالي 6 سنوات بحادث سياره احمد تأثر كثير بوفاتها وفكر ان الغربه يمكن تقدر تنسيه امه بس هومانساها دقيقه وحده رجع وشال المسؤليه كلها عن ابوه )
انا : طيب روحي البسيلك شي جالستلي بالبجامه قدام البنت
مشاعل مشت عني : اصلا نا فني نوم بروح انااااااااااااااااام
انا نزلت للصاله سلمت على ساره وهي جالسه تغمزلي وانا اضحك جلسنا انا وامي وساره
ساره: ياخالتي انتي عارفه ان امي الله يرحمها متوفيه وانا الحين بمقام الام لاحمد وانا صراحه ما افهم في مقدمات الخطبه ومش عارف ايش فراح ادخل بالموضوع على طول , صراحه ودنا نطلب ايد ساره لاخوي احمد
انا في نفسي والله حركااات ياسوسو تتكلمين كنك حرمه عندها ستين سنه
امي :والله لو لفينا الدنيا ماراح نلاقي احسن من احمد ما شاء الله عليه وسامه ورجوله مو ناقصه شي بس لازم نعرف راي العروس بالأول وراي ابوها
امي : بروح اجيب العصير واخليكم تتفاهمون مع بعض اعرفكم اكثر من خوات وما بينكم حواجز
انا أرومش ( أرمش ) لساره بدلع
سارا: خلصينا بس موافقه ولا لا ؟
انا ( باللهجه المصريه) : وانا اقدر
الكل :هههههههههههههه
سارا: اسمعي هذا اخوي حطي بالك عليه والله لو زعلتيه ترا ماتلومين الا نفسك
انا : ههههههههههه الحين خلينا نملك بالأول بعدين قولي هالكلام
امي تناديني
انا : نعم
امي : ابوك يبيك عند باب المجلس
انا بدت دقات قلبي تزيد رحت عند ابوي
ابوي: هذا احمد ال.... مع ابوه جايين يطلبون ايدك ها وش رايك ؟
انا بحيا : اللي تشوفه
ابوي : والله انا اشوف انه رجال ومافيه عيب
انا الحياء اختفى : خلاص اجل قول لهم موافقين
ابوي بس لازم يشوفك النظره الشرعيه
انا : اوكي ادخل الحين ( البنت مستعجله )
ابوي:دقيقه
دخل وبعدها بديقه :طلع يله ادخلي انا راح استنى هينا عشان ما احرجك بس لاتطولين ودي العصير واطلعي
انا طاايره لباب المجلس : طيب
بسكت اللي يقمون فيها العصير مدري وش اسمها وانا ارتجف جيت عند باب المجلس وعلقت ما ابي ادخل استحي امي من بعيد : يله ادخلي
انا : ما ابي استحي نادي سارا تدخل معي
سارا: يله ياحلوه ماتبين تدخلين يمكن ماتعجبين اخوي ونفركش كل شي
انا : ياسخيفه تعالي معاي بسرعه
سارا فتحت باب المجلس وسحبتني معاها كني بزر (طفل ) في اول يوم له في المدرسه
احمد لما انتبه اني دخلت عدل شماغه وجلس بناظر بس بشكل مو مباشر انا رجلي مو شايلتني من الخوف والتوتر
سارا: يلها احمد شوف العروس ترا اذا مو موافق عادي
انا اضرب ساره برجلها
احمد :ههههه فيه احد مايبي القمر هذا
سارا: حركاااااااات والله انك ....
احمد حس اني متوتر هبشكل مو طبيعي فقاطع ساره : اقول انتي الحين ليه ماتكرمينا بسكوتك ترانا نستحي مو ملكع زيك
انا حطيت العصير وطلعت سارا لحقتني وجلست تسولف فوق راسي وتعلق على اشكالنا و....
ابوي احمد وابوه جلسوا مع بعض مدري وش صار بينهم بس رن جوال سارا
سارا :الوو, طيب اوكي خلاص دقايق واطلع
انا : على وييين ؟؟
سارا: احمد وابوي يستنون برا
انا : اوكي دقي
سارا: طيب يله مع السلامه
انا : مع السلامه

ابوي جيه الصاله : والله ماني مصدق ان بنتي بكري المدلله راح تتزوج وتروح عني
امي: أي والله , والله انك كبرتي وصرتي عروسه
انا وجهي ذاب من الحياء
ابوي : احمد بكهر راح يمر عليك هو واخته سارا عشان تبدون الاجراءات والفحوصات للملكه
انا : طيب الفحوصات تطول ؟
ابوي: لا احمد يقول انه يعرف ناس راح يخلصونه بسرعه
انا : اهاا زين
ابوي : طيب انا راح اطلع لغرفتي تعبان تأمرين علي شي
انا :سلامتك
طلع الكل لغرفته
دخلت غرفتي وقفلت جوالي لاني ما ابي اسمع صوت العله سلمان ونمت

.................................................. .......................

الساعه 10 الصباح باب غرفتي يندق
انا ميييين؟؟
امي : انا
انا :ادخلي الباب مفتوح
امي: يله قومي احمد وسارا تحت عشان تروحون المستشفى يله
انا : طيب طيب
قمت ولبست ونزلت سارا: يله مشينا ؟ احمد يستنى في السياره
انا : يله
ركبت السياره انا : السلام عليكم
احمد يناظرني من مراية السياره : وعليكم السلام
رحت للمستشفى وانا كوول الطريق ساكته مستحيه حتى احمد ماحد صدع راسنا غير ساره سوالف البلد كلها عندها فلانا تزوجت وفلانا تطلقت فلانه حملت وفلانه ولده و ....الخ
وصلنا للمستشفى وخلصنا الفحوصات
انا لاحمد : خلاص خلصنا
احمد : أي خلاص خلصنا من المستشفى وبقى كم شغله اخلصه بكره
سارا: يعني متى الملكه
احمد : متى ماتحدد العروس
انا : كيفكم
احمد : يعني اقدر اقول الخميس الجاي ؟
انا : طيب
سارا: مريم سلمان عرف شي
انا : لا بس خايفه يعرف
احمد : وخير ياطير يعرف يعني وش يقدر يسوي والله ان قرب منك مايلوم الا نفسه موته على ايدي
انا : احنا مانبي مشاكل خل نخلص بسرعه احسن
احمد : تامرين الخميس الملكه , والحين ماودكم اعزمكم على غداء ؟
سارا : والله ياخوي كنك تقرا فكاري انا جوعااااانه مرررره
احمد : طيب وين تبون نتغدا ؟؟
سارا : امممممم والله شرايكم نتغدا في الراشد مول من زمان مارحنا
احمد : وانتي ابي اعرف مين اللي كلمك انا اكلم مريم ها مريوم وين تبين نتغدا
انا بحيا : كيفكم أي مكان
سارا: ياخي البنت تستحي انا اتكلم عنها خلاص نبي الراشد
احمد : مريم الراشد ؟
انا :ههههه اوكي الراشد عشان ماتاكلنا سوير
الكل : هههههههه
بعد الغدا رحنا نتمشى في المول الين الساعه 7 بالليل بعدها رجعت البيت