رجعت البيت وانا تعبانه على حوالي الساعه 4 العصر لقت امي لابسه هي ومشاعل
انا : على ويين؟؟
امي : راح نروح بيت خالتك لولوه ( ام سلمان)
مشاعل : تجي معنا ؟؟
انا : لا والله تعبانه بروح انام
امي : طيب يله احنا طالعين بغيتي شي ؟
انا : سلامتك
طلعت لغرفتي وخذيت دوش سريع ونمت
الساعه 7 دق جوالي انا وصوتي كله نووم : الووو
امي: يله قومي الساعه 7 خلاص لاتنامين عشان يجيك نوم بالليل
انا : اوكي بس متى راح ترجعون ؟؟
امي :راح نطول يمكن 11 بالليل ليه بغيتي شي ؟
انا : ايه كنت ابي اروح جرير عشان اشتري كم كتاب طالبينه الجامعه
امي : طيب برسلك السواق
انا : طيب مع السلامه
امي :مع السلامه
اووووف سلمان راسلي مسج يالله هالعله وش يبي المسج كان (( دقي على ضروري )) اكيد السخيف بيسألني ( تحبيني ؟ انا احبك انتي تحبيني؟؟ ) وعععع ,طنشت سلمان ودقيت على صديقتي سارا
انا اقلد سارا: ارحبوووووو
سارا: هههههه ياحراميه هذي علامة الجوده
انا :هههههه وينك يالقاطعه ماتدقين تقولين أسأل عن مريوم واخبارها ولا ( من لقا احبابه ؟؟
سارا: لا والله امس رجعت من شهر العسل
انا : العسل ولا البصل ؟
سارا: لاعسل واحلا عسل
انا بلهجة مصريه : طب ازي الجواز باه ياحبيبتي ؟
سارا: ميه ميه
انا :ههههه بجد مستانسه ؟؟
سارا: وطايره فووق الريح
انا : الله يتمم عليك ولايغير
سارا: اميييين
سارا بخوف :مريوووم باب الشقه يندق
انا : طيب قومي افتحي
سارا : اخاف حرامي
انا : امما حرامي اكيييد محمد
سارا وصوت الباب قام يزيد قوه : محمد معاه المفتاح وبعدين توه طالع
انا بديت اخاف: طيب قولي مين
سارا: طيب خليك معاي على الخط
انا : طيب
سارا : ميين؟؟ مييين ؟؟
وفجأه قفل جوال ساره انا بصراخ : الوووووو الوووووو
بس ماكانت ترد انا هينا جنيت ما اعرف عنوان شقتها عشان اروح لها وامس وصلو ا يعني ما اعتقد ركبو تلفون للبيت , ماعندي غير احمد
انا بصراخ ودموعي على خدمي وبكلام مو مفهوم : احممد تكفى الحقني سارا سارا حرامي
احمد : وش فيييك اهدي اهدي
انا بصراخ : وشلون اهدا كانت تكلمني وفجأه دق الباب و...
احمد : لا تموتين علي ادري ندق الباب وبعدين قفل جوال ساره صح ؟ انا اللي كنت عند الباب وكنت استهبل عليها وجوال سارا ماكان فيه بطاريه و قفل واذا مو مصدقتني كلمي سارا بس دقيقه هي في المطبخ الحين
انا بعد ما استوعبت اللي صار فقعت ضحك
احمد : خير ان شاء اله ضحكيني معاك توك ميته خوف
انا : اضحك على شكلي بس والله السخييفه خوفتني عليها
احمد : تبين انادي سارا ؟
انا : لا مافي داعي بس قولها مردوووووووده
احمد : هههههه اوكي , الا مريم كنت ابي اسالك شريتي الكتب اللي طلبوها الجامعه ( هو معاي في نفس التخصص يعني ندرس نفس المناهج )
انا : لا بعد شوي بطلع اشتريهم
احمد : مافي داعي انا اليوم شريتلي وشريتلك كان زحمه وخفت تخلص عليك الكتب
انا : مشكور تعبت نفسك
احمد : لا تعب ولا شي بس بكره عند بوابة الجامعه اشوفك عشان اعطيك الكتب اوكي
انا : اوكي
احمد : يله اجل بغيتي شي
انا : سلامتك , مع السلامه
احمد : مع السلامه
.................................................. .............
انا يازييين هالصوت بس, والله ان احمد يطير العقل وسامه وثقافه وذووق قطع حبل افكاري صوت جوالي انا شفت الرقم كان سلمان انا اوووف وش يبي هذ: الووو
سلمان بعصبيه: وينك ماتدقين ليه مطنشه ؟ وبعدين ساعه على ماتردين ؟
انا بنفس عصبية سلمان : طيب مافي داعي للصراخ , وبعدين مين انت عشان ارد ولا اطنش كيفي !!!
سلمان انصدم: هييه انتي عارفه مين تكلمين ؟
انا :ومين يعني !!
سلمان بصوت واطي ( الولد كان رومنسي شوي ):افا يامريم انا الحين صرت مين ؟؟ انا حبيبك !!
انا : ومين قالك اني احبك سلمان تعرف اني مو من هالبنات اللي بسهوله تقدر تستغلها و تلعب عليها وحتى لو كنت احبك لاتتوقع اني راح اكلمك واقولك احبك واطلع معاك ومش عارف ايش !!
سلمان رجعتله عصبيته وصراخه : انا مافكرت مجرد تفكير اني استغلك انا حبيتك بكل مافيني والكل كان عارف ليه مو راضيه تصدقين ؟ وش تبين اسويلك عشان تصدقين ؟
انا : ؟؟؟؟؟
سلمان : ردي على وربي لو اني اكلم جدار كان نطق
انا : ؟؟؟؟؟
سلمان تمالك اعصابه : شكلك تعبانه ومو عارفه اللي تقولينه راح اخليك ترتاحي شوي وادق عليك بعدين
قفل في وجهي من غير حتى مايقول مع السلامه