أنا ما قادرة أفهم ليش تهاجموا المسلسل بحد ذاته وما تشوفوا الغلط ومكمن الخطأ الأساسي وين
مسلسل سخيف ما اختلفنا , وشاب شاذ جميل الشكل ما اختلفنا مع اني ولا اطيقه ولا اطيق اشوف ولا اسمع باسم المسلسل رغم أني تركية على فكرة ولازم اناصرهم أول وحدة
اتركونا من جنسية المسلسل ومن قصته وسرده وشخصياته , هو المسلسل قال لكم يا عرب تركضوا تتفرجوا عليه وتتركوا أهم أشغالكم عشانه ؟ هو المسلسل قال تحصل حالات طلاق كتيرة ومشاكل ومصايب وهبل البنات على البطل وملاحقتهن للموضة فيه وتقليدهم بكل شاردة وواردة ؟ هو المسلسل قال تنشروا صور الأبطال على الملابس والأماكن وتلهثوا وتلهثوا وتلهثوا بأي شئ يخصه ؟هو المسلسل قال تتسمروا امام الشاشات لما يطلع وتنسوا الله ؟ لو كان العيب بالمسلسل فالمسلسلات مافي أكتر منها وكل يوم تطلع فنة جديدة , والله أجن من الغيرة على بنات وشباب الجيل هاد والإسلام اللي بيضيع يوم ورا يوم أجن
لازم نخجل من أنفسنا مش نهاجم ناس يعتبرون هالأفكار وهاللي بيصير شئ عادي , أصلا ً تركيا كلها ما عبرت المسلسل ولا أبطاله ويعتبر عادي عندهم جدا ً , ولا بيعبروا البطل اللي بدأ العرب يرموا ثرواتهم تحت رجليه حتى يدعوه مرة للقاء يتذابح الناس على حضوره ولو وقفوا ساعات ومرة بس لأخذ كم صورة بمبالغ رهيبة حرام عليكم ومرة لجمعية خيرية ومرة تدفعله غبية آلاف الدولارات بس ليصور معها أغنية والحق يا مهند من اليوم ورايح عزومات وفخفخة وشهرة , والله سخافة والله , اخجلوا من حالكم ياللي راكضين ورا وهم
نسيتوا كاسندرا اللي بلدها ولا عبرها ولا شالها من أرضها ؟ وغيرو وغيرو
حسبي الله ونعم الوكيل , لكن لا تعودوا لمهاجمة المسلسل بحد ذاته بل أصحاب العقول المريضة اللاهثة وراء الرومانس الضائع بأيامنا هي ولا تنسوا أنه يبقى مسلسل يعني خيال بخيال وحلال عليهم قاعدين يكسبوا من أموالكم وانتو ضاحكيت باسمين مو مصدقين من الفرح وتعيشوا وحتاكلوا غيرها كتير لسى , وعاهاتك يا وطن

__________________
من ضمن قائمة مشترياتنا اليومية , يجب أن نوفر ما يلي :
1- قلب محض شفاف خالي من الأنانية.
2-دواء للقلوب التي شغفها النسيان فباتت أملا ً بنتظر على الأبواب.
3- كتاب صادق لا يدعي اجتراح المستحيل.
3- عجينة من المرمر لرأب صدوع التجربة.