السّلام عليكم ورحمةُ الله وبركاته كيفك موزدا؟  عساكِ بخير يعني مدري ايش أحكيلك انتِ كل فصل عم تثبتي نفسك بالتّحسُّن الواضح على أسلوبك ولغتك وأي حدن بقرأ أول فصل واخر فصل رح يحسّ كأنّه كل فصل كتبه شخص مختلف وهاد كله لصالحك وعم يثبت مثابرتك وحرصك على إيصال ألإكارك ومشاعرك عبر روايتك بأفضل مظهر وأفضل أسلوب وبحييكِ على إصرارك ومتابعتك كتار كانوا بمثل وضعك وللأسف ما كان عندهم الإصرار الكافي ليحسّنو من أنفسهم أبدعتِ ومن هاد المنطلق أنا بطلب إنّي شوف منّك وون شوت لحتّى أطّلع على أسلوبك أكتر وما رح أتأخّر لحظة بالقراءة  أمّا بخصوص الأحداث فانصدمت بس حكى إنّه كابوس أنا قلت هلأ بصحى من الحلم اللي كان عم يشوف فيه حلم!! لكنهم أصرّوا إنّه كابوس وإنّه والد أليكس لساته عايش!!! بس أنا متأكدة إنها أوهام هديك الغابة الغريبة اللي دخلوها عم تخليهم يتوهّموا إشيا وجايز بالفصول التانية نشوف باقي الأعضاء عم يتوهّمو بشغلات تخص قصصهم الحقيقيّة وكل هالمعاناة بسبب السيّد سيمون! ياخِ وين طفش هالزلمة؟!! صحابه عم يتبهدلو وهو ولا ع باله !! إحساسي عم يقلّي إنه قصّة الوهم رح تطوّل معهم وخروجهم منه رح يكون مرتبط بتفعيل قلادة سيمون.. سيمون اللي ضل مو متفعلة قلادته صح؟!! أو لأكون عم خربط فيهم بعد غياب 6 شهور ذنب مين هاد يا ترى ؟!!!! :eeh: المهم وصفك لتحركاتهم ومشاعرهم موفّق جدّاً وكل شيء ممتاز أحسنتِ بانتظارك غلا
التعديل الأخير تم بواسطة Mārionēttē ; 11-15-2019 الساعة 05:11 PM |