عيون العرب - ملتقى العالم العربي - عرض مشاركة واحدة - نوتاتٌ ذهبيّة Striving: Gokyo in tokyo•ll

**|تيتوس|** · #55 11-10-2019, 04:05 PM

اللهمّ صلّ وسلّم وبارك على سيدنا محمد، وعلى آله وأصحابه أجمعين
السّلام عليكم ورحمة اللّٰه وبركاته

كيفك صديقتي إكس-تشان؟
إن شاء الله بخير

أدري تأخرت وكتير كمان بس لحتّى فضّيت حالي، وعشان ما أقرأ وأنا مو فاهمة مثل المرة الماضية .. حتّى إنّي رجعت قرأت الفصلين من المرّة الماضية وعرفت إنّه صاحب حلم الأفعى ماهيرو وعشان الصراحة اسم ماهيرو بليق بالأفاعي كماان شغلة، في من الفصلين السابقين سأل كاروكو ماهيرو لمّا كانوا نايمين عن كيوشي وأساهي ماذا حلمت!! هل هذا يعني إنّه ماهيرو بحلم بكتير أشياء وبتكون رؤيا مثلًا أو بتساعدهم في أمورهم الحياتية وعلى سيرة الأحياء كان عندي اليوم امتحان أحياء

المهم، يّلا نبدأ ..
بسم اللّٰه الرّحمـٰن الرّحيم

وطبعًا في البداية .. العبارات اللي بتكوني حاطيتهم ببداية كل فصل ..
"لستَ سِوى إنسانٍ يَعيشُ ضيفًا وسيَموتُ يومًا؛ لا تُعامل نَفسكَ كمخلوقٍ خالِد."
كلنا بنكون بنعمل أمورنا في حياتنا اليومية وكأننا خالدين، عشاان هيك ماشي نعيش حياتنا بس بحدود
"ستُصبحُ في يومٍ ما شخصًا آخَر لا يمتُ لكَ بصلةٍ سوى أنهُ أنتَ."
هون خطر ع بالي التحديات والأمور السيئة والصعبة اللي بنواجهها بحياتنا بتغيّرنا بالمستقبل وبتخلينا ناس تانيين ما بشبهونا إلّا بالاسم

يعني فعلًا عنجد، كلّ العبارات اللي حاطيتها تعتبر من وجهة نظري حكم رائعة ولازم نتّخذها بحياتناا

وهلأ أحداث الفصل الرّهيبة اللي بكلّ مرّة بتزيد حماس وبتزرع في داخلي حب الرواية هاي أكثر وأكثر

ما أدري صراحة، أحلام ماهيرو يعني بتدل على إشي بالمستقبل، يعني لغز كبير هاد الإشي وشو سر عشبية الشعر تلك، يااااااااااااا .. ليش تخلّي كاروكو يصحّيه هلأ بدّي أعرف شو كانت بتكتب على الشّجرة .. وأحلى كيوشي باين عليه درّيس كونه كتير بروح ع غرفة المعلّمين، خلّيه ييجي يقدّم الامتحانات باسمي وكل إشي تماام لحد هلأ كونه الأستاذ أتسوشي بعرف وين القصر عشان نشوف شو بدهم يعملوا، بس عنجد كان الإشي اللي قرأه "فك اللعنات"؟ ولا كان إشي تاني !! هو متعلّق هيك بهاي الدرجة بالرّوح، وعطلة الأسبوع بعيدة عشان تنزلي الفصل القادم وتيجي عطلة أسبوعهم عشان يروحوا للقصر وهلأ سؤال؛ هو في استراحتين بيوم الدّوام الواحد، يعني كانوا باستراحة وأجت بعديها الحصة الخامسة اللي كانت لياقة واللي هي أسوء حصة لماهيرو وبعد ما تعبت أساهي وجلست ع الدرج وجلس جنبها فيما بعد كاروكو يشوف مالها وحكالها بده المفتاح عشان يشوف شو اللي شافه الأستاذ راحوا على استراحة الغذاء، يعني هو في استراحتين في يوم المدرسة الواحد!!!!!
ما علينا، وأخيرًا عرفنا ليش بتتعب أساهي، بس لسا مع هيك السبب مش كامل، في أمور مبهمة وناقصة، سلامتهاا أساهي كان تقريبًا أغمى عليها من التعب ودرجة الحرارة العالية كمان! بس قبل هيك في إشي حكاه كاروكو وهو يسألها إيش مالها بحصّة الرّياضة "أغمضي عينيكِ حينَ تكذبين!" يعني عنجد كتير حبيتهاا، مابعرف ليش المهم نكمل وأستفتح التكملة بجملة أخرى "كم أكره هؤلاء الذينَ يستهترونَ بأرواحهم بسبب أنَّ مجرى الحياة لا يعجبهم!" عنجد أنا كمان ما بحبهم، واللي بتّخذوا من الانتحار سبيل للرّاحة من هاد العذاب، بعدين صار نفسي أعرف وين أبو كاروكو؟ معقول إنّه انتحر ما أتوقع أبدًا، وين أبوووووووه .. كان أقل ما فيها حكيتيلنا وينه عشان نكون عرفنا إشي مخفي واحد في الرواية من بين كم الخفايا الهائل
بعدين مين ساناي، والدة ماهيرو!!! ولا شخص آخر أنا ما انتبهت عليه من قبل؟ المهم تلاقي حل لأساهي أو تكون بتعرف شو سبب مشكلتها، ومنيح سمح لهم الأستاذ يشوفوا الروح وملّوا من الانتظار فغادروا بأرواحهم من أجسادهم وصاروا كأنهم جثة هامدة، طيب بلكي حدا أجا يشوفهم بأجسادهم الخاوية هاي!!! مشكلة كبيرة بتصير، وشو هو اللي أتسوشي قلق منه؟ بالأحرى من أي معلومات خايف من إنه تنحكالها !!
جد جد روايتك روعة، ما رح أقدر أنتظر لنهاية الأسبوع، طريقة ربط رائعة وألغاز كثيرة ما إلها حدود للحماس مستنية حتّى أعرفها بفارغ الصبر .. وطبعًا يعطيكِ ألف عاافية صديقتي، انتِ عنجد شخص رائع ومرعب بالالتزام بالمواعيد
بانتظاركِ دائمًا

سبحانكَ اللهمّ وبحمدكَ، أشهد أن لا إله إلا أنتَ، أستغفركَ وأتوب إليكَ