[ALIGN=CENTER][TABLETEXT="width:850px;background-image:url('https://www.arabsharing.com/uploads/156743082793034.png');"][CELL="filter:;"][ALIGN=center]

لما بنكبر سنة عن سنة بنحتفل صح ؟ بس احنا مش واعيين
ع أنه كل ما نكبر عم نصير أقرب للموت !
بدكم تفائل ، إيجابية ؟ جملة : فلنعش بهدوء ... فأقدارنا مكتوبة
بتسائل ليه الكل بيخاف من الموت ؟ الموت ما بيخوف هالقد
خلونا نحكي بواقعية مو ؟ في فرق بين شخص يخاف من الموت أو يخاف من الأخرة
الموت هي لحظة ، لحظة رح تموت فيها ورح تفارق الحياة وخلااااااص
يعني مافي بعدها وجع والم وفراق واحزان واقواس مطر سوداء ! لأ مفيش ي جماعة
فيه بس فناء روحك العالقة في دائرة زجاجية ... الناس رح تبكي عليك
مرات احنا لما ينادوا ع حد ما بيعيرنا اهتمام كبير بس ... تخيلوا اهله وناسه كيف شعورهم
شعور الفقدان صعب انا ما بدي أقول " شب " بأول عمره مات بسبب حادث او اطلاق نار
هاي شي تاني رح احكيلكم عنه بعد شوي .. مثلا عجوز ، ذا له اهل وله ابناء وبنات وزوجة
طيب ووضع الشباب .. تخيلوا الإم والأب يلي ربوا ابنهم وتعبوا عليه
وجا الوقت يلي يعلموه بيه ويفرحوا بيه وهو عريس بس ... يالَ خيبة الأمل ! مات
ذا يلي صار قبل البارحة بالبلدة المجاوة لبلدتنا ! حادثة مروعة مات ضحيتها 3 شبان وع أيش ؟
احرزوا ع ايش يا عرب !! احزروا ع ايش ماتوا .. ع إيجار محل غير مدفوع
انتوا متخيلين معي ؟! والمحل مش مستاهل هالقد لإنه صغير جدًا يعني مادفع الإيجار تمام ؟
راح يلي مأجر منه المحل قاله تعال نلتقي ..جاب معاه سكين وذاك جاب معاه شباب ومعاهن اسلحة
غير الثلاثة يلي ماتوا في كمان 2 مصابين ! هذه الحادثة صارت والولاد راجعين من المدرسة
اليوم كان عنا إضراب بسبب هالإشي وأصلا السبب بكل حالات القتل هي تقاعس الشرطة
إن شاء الله تتحل كل مشاكلنا . بالنظر إلى العالم : مشاكل في العراق ، مصر ، ليبيا ، الجزائر ، اليمن ، حتى عنا في فلسطين المحتلة ! بكل مكااان ، أحنا لوين بدنا نوصل ؟ لحدود السماء ؟

[/ALIGN][/CELL][/TABLETEXT][/ALIGN]

__________________