السلام عليكم ورحمة الله وبركاته،

ماكنت ناوية احجز بس اعرف اذا ماحجزت باتعجز ارد
وفي نفس الوقت كنت برد في العصر وانا رايقة ومعاي كوب شاي

لكن فجأة صار اليوم الثاني وصار الفجر وتذكرت اني ماكتبت الرد

أول شي حابة أشكر جهودكم اللي بذلتوها، مجر انكم قضيتوا جزء من وقتكم الخاص بس للتحكيم واللي قعدتوا عليه ليالي وأيام، هو شي بحد ذاته لازم نشكركم عليه ونقدركم.
خصوصا انه كل واحد فيكم عنده حياته الخاصة وانشغالاته.
وشكرا بعد على هالمسابقة. كنت وايد مترددة أني اشارك والصراحة احاول أبعد عن المسابقات الكبيرة واللي فيها عمل جماعي . لانه بالنسبة لي مسابقة+عمل جماعي=كارثة في الطريق
لكن الحمددلله فريقي بالنسبة لي كان الفريق المثالي
بعيدا عن شغلنا في المسابقة، الضحك والهبل والأجواء الحماسية اللي عشناها كانت موطبيعية
أغلب سوالفنا وشغلنا كان بالهانقاوت وماخذين راحتنا فيه، لذلك ماجفتوا الهبل اللي صار

رذاذ الهادية لايغركم الهدوء وجدية شخصيتها. هذي نسخة انسة منشن بالضبط وحزات تفصل فصلات موبوقتها
يعني مثلا نكون نبحث ونتكلم بشي جاد، فجأة رذاذ تفصل وتقول كلام بالجزائري
ورغم انها صغيرة بس شخصيتها قيادية، وكانت توجهنا وين نروح وشنسوي. وهالشي حبيته فيها وايد.
رذاذ واصلي على هالمنوال وطوري من هالجانب فيج لانه بيساعدج في المستقبل.

لونا . أرمي أصغرنا . ويمكن البعض يظن انه ماكان لها أثر كبير بالفريق. بس بالعكسس.
ماشاءالله عليها كانت شعلة النشاط، وتخلص من شغلها وتطلب نعطيها شي ثاني تسويه.
غير انه عندها مخيلة واسعة، ومهاراتها بالكتابة تحتاج تطوير لكن مايستهان فيها.
كانت تترجم لي فصلات رذاذ

روزي، مبدعتنا روزي كان شغلها سريع وموجودة على طول، وحزات كنت أخليها تسهر معاي لانها ترقد من وقت

صارت وايد أشياء اضحك منها، أننا كنا دايما نتوهق بالخاتمة
نخلص كل الموضوع بس مانقدر ننزله، ليش؟ لانه ماكتبنا خاتمة
ونرمي جزئية الخاتمة على كل وحدة فينا

أخر موضوع نزلناه كان وراه فلم هندي
أرمي ورذاذ لهم وقت محدد يدخلون فيه، وكان موضوعنا جاهز بقى ننزله فقط.
تتواجد رذاذ، والثانيات ضايعين.أو نتواجد انا وارمي ورذاذ و روزي ماندري وينهي
كل شوي ينقص العدد وماندري شسالفة
كان أكثر يوم ضحكت فيه في الحملة
غير الملاحقات اللي كانت تصير لارمي ورذاذ من قبل أمهاتهم
يا انيي ضحكت ضحك عليهم

شكرا روزي لانها عرفتني على التورنت وسول ايتر وشكرا رذاذ وارمي لانهم علموني اللهجة الجزائيرية " class="inlineimg" />
وبس والله كانت تجربة فريدة من نوعها
وابدا مب متحسفة اني شاركت وياكم
الصراحة الجوايز ماتهمني كنت متحمسة أكثر للمرحلة الثانية

واشكركم مرة ثانية على جهودكم، ولكل شخص ساهم في نجاح الحملة من لجنة التحكيم للفرق المناسفة والمتواجدين وراء الكواليس

__________________