[ALIGN=CENTER][TABLETEXT="width:850px;background-image:url('http://www.arabsharing.com/uploads/156493035361512.jpg');"][CELL="filter:;"][ALIGN=center]



السلام عليكم ورحمة الله وبركاته،
اهلا وسهلا بالفريق صاحب البصمة المتميزة .
مواضيعكم أحسها سلسلة، وفي كل موضوع نلقى جزء يديد وتكملة،
شي يحمس ويشوق للقراءة
حبييت فكرة الشخصيات اللي مختارينها
وقبل لا أبدأ أعلق على المحتوى لازم أتغزل بالطقم لانه صج متعوب عليه
ياجمااله
أكثر شي مميز فيه سالفة تير الألوان على حسب الشخصية
حركة جدا جميلة


نروح للشخصيات
ميلفين بلا رحمة.
أوك ستوب شيو
بلا رحمة اسم مسلسل بحريني قديم كان ينعرض
يالله من قريت اللقب وأنا ميتة ضحك المسلسل فكرته بايخة مادري شلون كنت أتابعه
واذكر أخر حلقة نزلت لما رحت أتحنى لانه اليوم الي بعده عيد. وزعلت لانه طافتني نص الحلقة
اللي يعجبني في الملاكمة أنه قتال صجي. مونفس المصارعة يكون في سيناريو ويمشون عليه كأن مسلسل.
في الملاكمة صاحب المهارات والتقنيات العالية راح يفوز، بالمصارعة غالبا اللي له شهرة أكبر أو ما إلى ذلك.
عشان جي الملاكمة بالنسبة لي رياضة والمصارعة لعب عيال


[cc=-]قام مانهوف بتأسيس لعبة كيك بوكسينغ و MMA تحت اسم World Fighting League.[/cc]
ماشاءالله هو مؤسسها، اذا أسست لعبة راح اسميها باسمي عشان انذكر بكل مكان
وشكرا على التغطية، يدل على اهتمامكم فينا وخوفكم علينا يزاكم الله خير




رئيس سورينام
عرفت انه رئيس لما جفت بصورته لابس العلم، يلا أبي اسمع تصفيق لوسمحتوا
ملامحه عربية، بس طلع سورينامي، يمكن له أجداد عرب
ياساتر طلع يهرب مخدرات، ومو أي مخدرات الكوكايين
نسمع عن حادثة سبتمبر، بس مانسمع عن حادثة ديسمبر.
غريب أنه مثل هالحادثة مانشهرت رغم ان راح ضحيتها.


Edgar Steven Davids
ذا اللاعب أعرفه
رغم اني ماكنت من مشجعي ميلان ولا يوفنتس ولاحتى برشلونة
إلا أني لاحظت وجوده، ماكنت أعرف أنه سورينامي
حضوره بارز في المباريات وله لمسة خاصة
ولعب مع زيدان؟ ياحسافة مالحقت أجوفهم مع بعض.
زيدان لعبه يشهد عليه وكفائته خلته مدرب لريال مدريد حاليا
صار خاطري اتابع وحدة من مبارياتهم ويابعض
كنت دايما أسأل اخوي عن نظارته، لانه تقريبا الاعب الوحيد اللي يلعب بنظارة



أستريد هيليجوندا رومير
اسمها كشخ كأنه جاي من فلم كلاسيكي

تم الإعلان عن فوزها
بجائزة PC Hooft Award
استانس اذا كاتبي المفضل ، أو كاتب قريت من كتبه يحصل جائزة،
أحس بالفخر وانا مالي دخل
فشلون شعورها واهي اللي كسبت الجائزة
احس صار خاطري أقرأ لها


[cc=-]*.1975: العالم فقد البصر
*. 1982: حول جنون المرأة
* .1983: لا مكان في مكان ما
*. 1985: وماذا بعد
*. 1987: قصيدة مدى الحياة
*. 1988: اليوم الثامن والعشرون *. 1988: ترتيب اليوم
* 1989: كل ما يجعلك سعيدًا
* .1991: أقترب نحوي أنا أصرخ
* 1993: لا شيء يؤلم[/cc]
هذي أكثر العناوين اللي جذبتني


كارين اماتويكريم


حاصلة على جائزة بلاك ماجيك للمرأة الادبية لعام 2009
عنوان الجائزة غريب جدا


[cc=-]رجل الكثيرين | the man of many
Titus|تيتوس[/cc]
هذول أكثر شي جذبوني
من ملخص الكتب أحسها تتعمق في شخصياتها، يعني أساس كتابتها سردي أكثر مماهو وصفي.
ان شاءالله لحصلت وقت بحاول أقراهم



Pim de la Parra
أول ماجفته قلت ذا الممثل اللي مثل شخصية هاري بوتر
يشااابهه بس قلت مستحيل الممثل عجز بهالسعة
حصلت واحد من أشباهه الأربعين


ماشاءالله مضوعكم متنوع .
أكثر من شخصية بارزة في سورينام، وبجذي تثبتون لنا على الرغم من انها غير معرفة إلا أن فيها شخصيات بارزة لهم بصمة في مجالات مختلفة
اختيار موفق للشخصيات وحبيت التنوع يعني ماذكرتوا بس ريايل، ضفتوا بعد حريم، ماتبات بعد
يعطييكم العافية، مو يديد عليكم هالإبداع
[/ALIGN][/CELL][/TABLETEXT][/ALIGN][ALIGN=CENTER][TABLETEXT="width:850px;background-image:url('http://www.arabsharing.com/uploads/156493035361512.jpg');"][CELL="filter:;"][ALIGN=center]
[/ALIGN][/CELL][/TABLETEXT][/ALIGN]