السلام عليكم ورحمة الله وبركاته

بسم الله الرحمن الرحيم

واااو، الصرااحة كاان هذا سريعًا .. بسرعة نزل الفصل الجديد، والحقيقة انّه فصل راائع وحمااسي، هلأ بلّشت الرواية تصير أحلى
ظهور جارا المفاجئ حبّيته وحبيت قوة الرابطة اللي بينه وبين ناروتو، اكيد لانهم أصدقااء .. والحمد لله انه ساسكي كاان هاادئ وماا عمل مشكلة لما تعاافى تقريبًا، وحاليًا ناروتو رح يروح مع جارا خارجًا للعلاج، عندي شعور سيء 😭
حلو انه الكل يفرح بس بنفس الوقت يضلوا يفكروا بناروتو زي ما عملوا مع انه ساسكي مستيقظ وهم فرحانين باستيقاظه الا انهم لسااتهم بفكروا بنااروتو، في بعض الاشخااص ممكن يفكروا بانهم يخلوا مثلًا ساكورا واينو ينسوا ناروتو لانهم بحبوا ساسكي، هااي النقطة حبيتهاا.

ننتقل للتطور والانتقاداات كماا العاادة

أولًا: الأسلوب اللي بتكتب فيه أعجبني كماان وأعطى حلاوة جديدة للرواية، تاابع كماا تحب فماا تحب انت سنحبه نحن 🌸

ثانيًا: الألوان اللي اخترتهاا للشخصياات تقريبًا منااسبة، يعني بس اللونين الخاصين بإينو وتسونادي "الهوكاجي" غير مناسبين لانه فيهم بصعوبة قرأت الكلام المكتوب فيفضّل تغييرهم وتحط ألوان غامقة مناسبة، أما البااقي فتماام 👌

ثالثًا: تحتاج الوصف اكثر وتحديد مشااعر الشخص بدقة لزيادة الحلاوة أكثر والاستمتاع بالقراءة، مثال آخر:

"كما جرت العادة فهم يأتون باستمرار لزيارة ناروتو وساسكي، وصلوا إلى حيث تكمن وجهتهم أمام غرفة المريضين، فتحوا الباب ليدخلو إليها بهدوء، ألقو التحية على ساسكي ليبادلهم إياها فقد أصبح باستطاعته التحرك بحرية، أيام قليلة فقط وسيخرج، وفي كلّ مرة تّتجه أنظارهم نحو ذلك الأشقر الممدد على السرير، فهو لا يتحرّك كما السابق لم يطرأ أي تغيير .. وذاك منع اكتمال الفرحة التي لم تكتمل بعد، حاول شيكامارو تغيير شعورهم بالحزن بسؤال ساسكي علّه بذلك يخفف على الجميع:
- إذن، ما هدفكَ التالي؟ وهل ستصبح الهوكاجي !!
- لم أخطط لأي شيء بعد، وبالنسبة للهوكاجي فهناك شخص أمامي سيصبحه قبلي.
أدار وجهه لذاك النائم بعمق"

بتمنى انك تستفيد من تعديلااتي هااي، بس انتَ بتكتب اشياء لازم تكتبها كحوار في أثناء كتابتك، زي ما كتبت قبل انتَ حكيت سأل شيكامارو ساسكي عن هدفه، لازم هااد الاشي تحطّه كحوار ومش زي ما عملت انتَ، ولازم تزيد الوصف كماان انه كيف كاانت مشااعره تمامًا لمّا حكى هيك او شو هدفه مثلًا عشاان يلفت انتبااههم او لابعاد الشك، بإمكانك تستفيد من هااي الأشياء.

رابعًا: عندك الفراغاات كتيرة، ما تنزل اي فراغ الا لمّا تكتب الحوار او تنتقل من حدث لآخر او من مكان لآخر، يعني ما تحط اي فرااغ عبث.

خامسًا: الأخطاء الاملائية، ركّز بالكلام اللي بتحطّه فلازم يخلو من الأخطاء فالقارئ ما بحب يشوف أي خطأ املائي فيما يقرأ، دقق بالفصل اللي بتكتبه، في اثنااء كتابتك للرد في اشي اسمه "معاينة المشاركة" هااي عشاان تشوف مشاركتك كيف رح تكون قبل إدراجها.

بس، هااد كلّ اللي قدرت اكتبه، بتمنى انّك تستفيد وما تنزعج بأي إشي، بس كماان ما تنسى انه تطورك كاان واضح، ومرة ع مرة رح تصير كااتب ناجح وبارز.

يلااا هيك اناا خلّصت، بعرف كتبت جريدة
بانتظار القادم ♥