عيون العرب - ملتقى العالم العربي - عرض مشاركة واحدة

**Rαin** · #6 07-29-2019, 03:05 AM

السلام عليكم ورحمة الله وبركاته،
شخبارك اخوي؟ عساك طيب؟
اخيرا عرفنا السر وراء لقبك .

وأنا أقرأ الموضوع حسيت اني أقرأ عن نفسي .
انا وصلت لمرحلة افتح المنتدى على جهازي واخليه مدة مفتوح لما يصك بروحه
وحزات افتح المنتدى وادورلي مليون شلغة اسويها بوقت واحد، في النهاية اتعجز أكملهم واصك جهازي .
ولا لما افتح الفوتو، تصاميم غيرمكتملة، وبالفون مواضيع حفظتها بالبوك مارك عشان ارد عليها،
ولاحياة لمن تنادي.
بعض الاحيان اتخيل اني رديت على موضوع ولما امر عليه استغرب وين ردي، المشكلة اكون جهزت الكلام في مخي لكن الكسل
وفي حالات ثانية، تكون عندي أفكار وطبعا اتعجز اني انفذها واحصل احد سوى فكرة مشابها لها فاكنسل اسويها
بالعادة سازيلا من اقولها فكرة تشجعني واروح انفذها، ياخي افتقدها تحمس بشكل ):
ومع ذلك احتاج اتخلص من الكسل الشديد تجاه المنتدى

بالنسبة للأسباب، بتكلم عن نفسي لان يمكن كل شي غير؟

احس بعجز وكسل اكثر شي اذا كنت مضغوطة.
خل نتفرض عندي تصحيح ورصد درجات وعند مهلة يومين.
اتعجز اسويه واقعد كل ساعة اقول بعدين بسويه.

او اذا كان الشي وايد يوترني ويربكني اتعجز اسويه، واقعد أأجله عشان اتفدى هالشعور، شي مزعج.
أحاول كثر ماقدر اني ماتعجز بشغلي، لاني محاسبة من ربي قبل لاتحاسب من البق بوس،
واذا حطيت هالشيء في بالي تزيد دافعيتي .
نفس ماتفضلوا الأخوة، لازم نتخلص من عادة التسويف لانه من وراها ايي العجز والكسل.
اذا قدرت توقف روحك من تقول عبارة "بسويه عقب" بتقدر تتخلص من الكسل.

حبيت موضوعك خفيف ومفيد، وفي نفس الوقت خلاني استوعب شكثر وقت كنت اضيع بهالكسل.
ابهرنا بمواضيعك واترك الكسل
يعطيك العافية.